
اتاك الفل والثوار والاحرار والاشراف  والاوقاف والهياس والمياس والبطل الذي فينا 
وجيتو الثورة بعدينا وقالو عني علماني وليبرالي قاعد في الخيمة مع سالي
 
معايا نستو وسويتر
 ودستوري علي تويتر 
وانتيمي العزيز بيتر
 واشعاري حزام ناسف
 ودة رأي ومش اسف 

علي وعلي وعلي الصوت وادي لخوفك بالشلوت 
علشانك واقفين لقدرنا هتعيشي لما احنا نموت 

خلاص أمنت بالوحلة 
وبكرة الجي مش احلي 
وكل تويتة في تويتر 
عن الثورة كانت زحمة 
ولما نمنا ف الشارع
صحينا وكنا محلمناش 
وراح الحلم مش راجع 
ومن مات اتقتل ببلاش

علي وعلي وعلي الصوت وادي لخوفك بالشلوت 
علشانك واقفين لقدرنا هتعيشي لما احنا نموت 


بكبر ضدي علي موتي
 وحلل دمي في الشارع 
وكان سامع اكيد صوتي
 بصلي جنبة في الجامع 

بنشكيلك ونشكيكي
 وندعي ربك الغافر 
فقام فجأة ولعن ديكي 
 عشان حبي طلع كافر 
 
علي وعلي وعلي الصوت وادي لخوفك بالشلوط 
علشانك واقفين لقدرنا هتعيشي لما احنا نموت

وبعد الغنوة لو جوني 
خدوني امي تفرحلي 
ومش قلقان يعديولي 
عشان قلبي في ايد صحبي
وصاحبي دا الي طمنتة
 بأشعاري وطول صبري


ولمرجعش أمنتة يقوم ثورة علي قبري 

علي وعلي وعلي الصوت وادي لخوفك بالشلوط 
علشانك واقفين لقدرنا هتعيشي لما احنا نموت 
 
 
   

Ana Mosh Asef - Amr Katamesh

Ahmed Dief