اقول يا عين يا ليل ولا اتمني تكون بخير!
ولا افضل احكي عنها طول ما اليل طويل 
حكايات كتير في قلبي بس مفيش مناديل تكفي
كمية وجع جوايا لو حكيتهولك هتحني!

عموما وحشتيني .. بقالك فترة غايبة 
طال البعاد اوي المرة دي انا حسك واحدة تانية 
احنا مكتوب علينا البعد ؟ ولا انتي شايفة ايه ؟
طب لو ده مش حقيقي قوليلي بعيدة ليه 

ردي ع السؤال ارجوكي انا في عرض الاجابة 
مش عارف ارسي علي بر ولا حتي الاقي العلامة 
تاااايه ! مريض نفسي بشياكة 
احنا بعيد نفسي نتلاقي لو ختي ثانية,كدابة 

لو قولتي انك نسيتي ده اللي بينا مكنش عادي
مغلطيش عشان حبيتي بلاش اسمعها منك تاني
بتقولي في الغياب مبسوطة مش عايزاني جنبك
عينيك في الصور فضحاكي ,ركزي كده في شكلك !!

سيبي نفسك للحقيقة متحاوليش تداريها 
مستحيل حياتك يبقي حد غيري فيها
فكرة صعب تصدقيها ,بس لازم تفهميها 
لازم تبقي قد كل كلمة انتي قولتيها

مفيش راجل هيملي عيني غيرك هعيش في خيرك
هتبقي حب عمري ده احنا حتي بينا ليلة
ده كان كلام ؟ ولا ده كان زمان ؟ 
ولا عشان ابان قدام الناس حاسس بأمان 

سيبي كبريائك ياخد راحته في وقت تاني
انا بتكلم من قلبي بجد ده مش كلام اغاني
مفيش وقت للفراق ,خايف الاقي الوضع ساء 
رصيد الحب في العلاقة اوشك ع الانتهاء

يا نلحق نفسنا و فرحتنا تلمنا و نرجع
ياما نسيب في حياتنا اكتر من الف ذكري بتوجع
تبكي العيون دموع كتير و جرح القلب واجع
ده لما قالوا الحب عبادة انا اعتبرتك جامع !!

Lyrics&vocel : Mc Effat
Music: Free Beat
Master and mix by: Nour Ahmed @aftermathstudio
© 2018 Mc Effat

اخر رسالة

Ahmed Effat Aka " Mc Effat " 
Egyption Rapper 
21 Sana ..
بكتب عني و عنك من غير ما نعرف بعض .. 
كل اغنية ليا بتمثل واقع عايش فيه , و تجربة مريت بيها ..

اخر رسالة

effat