عمرو حسن

amr hasen

amro hassan

amr hassan

My fav💙💙💙💙💙💙💙🌼

عاوزة أفرح بيك
لما أفرح بيكي انتي الأول
اتلم ياواد بتكلم جد
انا عاوزه اتطمن ليك وعليك
والنبي فكّك 
والله عبيط
انا يابني هاروح مش هاقعدلك 
محتاجة اشوفك ساكن بيت
هو انا يعني بنام ف الشارع ؟
ياحمار اديني عقاد نافع 
مش هتجوز انا كده مرتاح
أنا أمي كمنجة وحضن متاح 
ومشاعر معرفش احكيها
أنا متجوز أمي أساساً 
متطمن وانا عايش بيها
أنا كل ما بهرب منها واغيب 
بكتشف إن انا بهرب فيها 
الست دي حالة ماتتكررش
نتغير ..... هي ماتتغيرش
الدنيا تشيلها وتهبدها 
تطلع تنزل
تكسرها تقوم 
أنا أمي أنوثة بـ100 راجل
ورجولة بدرجة ناي مكتوم 
ساعة ماتوفى أبويا وراح 
شوفت ف نظرتها كلام وجراح
من يومها وهي عمود البيت
والآمر دايماً / والناهي 
الدوا جيبته ؟
فاكراني نسيت ؟؟
انا عارفه ان الدنيا تلاهي
احضنها تقوللي امشي يانصاب
بتغيب أيام زي الاغراب 
وتقولي مشاغل وأبصر ايه
انا أصلي بقيت شاعر معروف
قالك معروف .. بأمارة إيه 
كوافيلك تشهد يامهزأ
ف رضاكي يامزة أنا بتلزق 
واخرج على أوضتي شوية وانام 
واسمعها تصلي وتدعيلي
الواد تلفان
انما طيب .. وانت قريب
ارزقه رزق بحجم السماوات 
وارزقه بالخلفة ولاد وبنات
وتنام وتقوم تلاقيني مشيت
فتقوم تبدأ ترويق ف البيت 
أنا اسف جداً ياحبيبتي
علي سفري الدايم والاشغال 
علي كل كلام ضايقك واتقال 
انا مهما بدور وباعيش ف الدور 
باطلع وانزل واجي عليكي 
أنا راجل جداً 
ورجولتي تلخيصها ف بوسة علي ايديكي 
والدنيا ان ضاقت ف انتي براح 
وانا جنبك باتطمن وارتاح 
وخناقنا ساعات بيكون راحة 
وخصامنا كتير بيكون تلكيك 
الأم مكان لسكون الروح
وخضار من قلبك طارح فيك
أيوة ياماما ؟
عاوزة أفرح بيك

قصيدة عاوزه أفرح بيك

لو عاوز شيء بشده 
اياك تطلق سراحه 
فيه حاجات ياما بغبائنا
قولنا نسيبهم فـ راحوا
بستغرب ع اللي جرّب
واللي مارضيش يقرّب
طب فيه عصفور بيهرب 
يرجع ويخون براحه !!
انا عمري مابرمي حاجة 
والقاها ف خط سيري
وعمر ما جاتلي حاجة 
الا اللي رماها غيري
لو عاوز شيء بشده 
اعمل حواليه قوسين 
خلي عيونك تحاوطه 
لو حتى يروح لفين
خليك فاهم ياصاحبي الحلو بييجي مرة
ومافيش ف الدنيا فرصة 
تتكرر مرتين .

عمرو حسن - لو عاوز شيء بشده

بلاش تمثيل عشان صياعتى و فشلى من غيرهم مكنش يجوز تحبينى

عمرو حسن وحشتيني

عمرو حسن - خلينا صحاب (فريندزون) من حفلة ساقية الصاوى

youtube.com/watch?v=dMb77RJwswA

عمرو حسن - الشتا / Amr Hassan - El Sheta

www.facebook.com/ar.ahmed.roma

عمرو حسن - ويسألونك عن الروح

الغزالة - عمرو حسن

مثلا - عمرو حسن

مبعرفش اعوم - عمرو حسن

كما يليق بوردة - عمرو حسن

كلام ماتقالش في جوابى الاخير - عمرو حسن 2

عمرو حسن - وسط البلد

عمرو حسن - بحر

عمرو حسن - إلى البنت اللي - Amr Hassan - Ela El Bent Elly

عمرو حسن - المسرحية

عمرو حسن - الفراشة

عمرو حسن - الشتا

عمرو حسن [ تقابلينى !! ] .

عمرو حسن [ الغزالة ] .

عمرو حسن الموسيقي التصويريه .. Amr Hassan

باندا - عمرو حسن

كُنتي تتحبي الحقيقه / بس انا كُنت أعمي فعلاً | عمرو حسن

ابوس أيديكي قبل اي كلام
فرض احترام وحق حب في يوم م الأيام 
كان هو اجمل حاجة ف حياتي 
اتلو السلام ك الرجال أوقات م بيفارقه
اديكى حقك عليا فى الغياب تقدير
انا شفت منك برضو حلو كتير
والله فرق كبير بين اختلاف وخلاف
احنا اختلفنا ويجوز مبقاش مابينا نصيب
لكن مابينا سنين كملها رب حسيب
والراجل الى يعيب ناقص مالوش زمه
باسم الحاجات المهمه
باسمك فى بدا القول
وباسم كل عزيز كان له مكان بيننا
ماتزوديش اللى بيننا بجرح هايدينا
خلى الحاجات طيبه
ووشوشنا مترتبه
والصوره متركبه مطرح ما سبناها
وبلاش يكون حبنا موجه ركبناها
لا كلامنا كان عادى  ولا كنا زى الخلق
من يومنا مختلفين
من يومنا متخانقين
من يومنا جوز مجانين ومشينا على كيفنا
مانكونش ليه على كيفنا واحنا متفارقين
مانكرش فى اوقات بيكون شيطاننا صديق
وساعات بنرمى كلام مايكونش كله بريئ
وساعات بنتواعد بحاجات مانعملهاش
بس احنا جوانا ماشيين وماكرهناش
عن نفسى مش كاره
انا باحكى عن نفسى
و برضه عن نفسى من قلبى بادعيلك
كل الهنا يجيلك 
ويارب منديلك مايشوفش مره دموع
وتكون ليالى الرضى بالسبعه فالاسبوع
يشهد عليا الى خلانى اشوفك احن
انى حزين مع ان ده قرارنا واخترناه
بس الوجع منطقى وان كنا فضلناه
فياريت تقولى غلط لكن اكيد ماقصدش
وان يسالونى هاقول اهو ربنا ما ارادش
هيا جميله اوى حنينه وطيبه 
لكن مافيش رابط
طلقة فراق صابت والعله فى المتصاب
وعشان مابيننا صحاب ومابيننا ناس عارفين
ان حنا كنا اتنين بس ب خيال واحد
خلينا متفقين نقول كلام واحد
قسمه ونصيب وخلاص..
وهتفضلى ع الراس مهما السنين مرت
مهما الخيوط كرت والعمر فات بيا
هتفضلى الملهمه والبنت ف النيه
المخرج الى لاقيته ف دايره مقفوله
واول ظهور فعلي للسيده الاولى
شمس الغرام البكر
وهتفضلى الدبدبه من زهوة البدايات
ريحة حنين لحاجات يسالنى عنك قلبى قبل النوم
يسالنى عازف ايقاع عن صوت مرورك جمبى ف الشارع
او كرسى عطفتى مره عليه وسندتى ايدك
ويسالنى الغياب
يؤسفنى افتح باب لا تجلسى خلفه
وانتى الكلام كله من يائه الا الفه
هانعمل ايه ف اتنين اتفقوا فاختلفوا
كل الحاجات الممكنه اتعملت
معادله واكتملت وربنا الغالب
سالب  وجعنا في موجب التفاصيل
بيساوى صبر جميل على ذكري بالسالب
خلينى افضفض بقى...
دول كلمتين يعنى
كان جرح ووجعنى وقولت مابدالى
وانتى فى جرح قديم قلتى مابدالك
ابوس ايديكى احترام ان جيتى على بالى
وانتى اسمحيلى ابوسها ان جيت على بالك
دول برضو مش ساعتين
دول عمر والله
ده انا كنت علشانك بازعل مع العالم اتحدى كل الناس
كنت ان تحوم سيرتك اضحك ويلقونى باصبح خفيف الوزن
كنت ان يغيب اسمك يمر فيا الحزن ويمد فى جزوره
نتلاقى زى عليل لقى حد بيزوره وسط التعب والهم
لو جيتى كنت اهتم واضغط على المى علشان مايوجعكيش
وكنتى قبلة حياه تدينى فرصه اعيش
لولا شوية بعد اتسللوا بالغلط وكبروا بغيابنا
واتحولوا ل لبلاب مزروع على بابنا
لولا الى نقلوا كلام وانسحبوا بالايام
ولولا تركيبتك ولولا تركيبتى
لاكنت انا سيبتك ولا كنتى يوم سيبتى
البعد ياحبيتى كان حل ماله بديل
عاب النهار واستنيناه بيك ليل
والوضع ده احسن انا ناسى كل جراح
مرت بايد منك
انسيلى كل هموم عدت عليكى ف يوم
قولى ده واد طيب بس الزمن جه عليه
ادانى ياما ايديه وسندت وانا صافيه
وهاقول دى ست الناس الطيبه الدافيه
بلاش نكون فى السوق
سوق الكلام المر
الحره حبت حر
و اتفارقوا بالايام
و ابوس ايديكى بعد كل كلام 
يتقال عليكى او يكون عنك
ماتزعليش وخلاص ولا يتزعل منك
يالى انتى بيكى نسيت كل الى كان بيغم
ياطفله ساعة اللقا سميتها دوم دوم
وقلبى من وقتها اتعلم الطيران 
واتعلمت تنوره تبدتدى الدوران
انعم واكرم لقى لما الفراق بيطيب
خلنينى فى التجربه اب وصديق وحبيب
وقولى سيبنا وبس مش شرط مين بيسيب
ماتفرجيش الناس على جرحنا المستور
ولا كسرنا المجبور
وصدقى حكمتى او لوعة المكسور
الى اتزرع ف الضل 
بيموت فى اول نور

ابوس أيديكي قبل اي كلام فرض احترام وحق حب في يوم م الأيام  كان هو اجمل حاجة ف حياتي  اتلو السلام ك الرجال أوقات م بيفارقه اديكى حقك عليا فى الغياب تقدير انا شفت منك برضو حلو كتير والله فرق كبير بين اختلاف وخلاف احنا اختلفنا ويجوز مبقاش مابينا نصيب لكن ماب

عمرو حسن وحشتيني2

عمرو حسن - إلى البنت اللي - Amr Hassan - Ela El Bent Elly

Ahmed shamardan