
أنا تايه - على باب الله - متغرّب - الله الله - و لا ليّا سلطان و لا جاه - و لا ليّا ف التوهة دليل ..
أنا تايه - يا ولاد النيل - متغرّب - و بلادي سبيل - فاتحة لكل بنات الليل - قافلة فـ وشي يا حول الله !

أنا تايه - على باب الله ..
متغرّب - الله الله ..

كل ما أروح على بيت ألقاه - قفّل شيشه و لَمّ غُناه - بَدَل الناس عفاريت ساكناه - و إحنا بنشحت بيت لله !
أنا تايه - على باب الله ..
متغرّب - الله الله ..

قلبك زحمة و أرضك بور - فوقك ضلمة و تحتك نور - و إللي يموت بيموت مستور - و إللي يعيش مستني قضاه !
أنا تايه - على باب الله ..
متغرّب - الله الله ..

بيني و بينك خيط مقطوع - دم و هم و شوك و دموع - لا انا مرغوب و لا أنا ممنوع - بعشق فيكي بأمر الله !
أنا تايه - على باب الله ..
متغرّب - الله الله ..

فُرجَت لَكِن لسّه مفيش - و لا بنزين و لا جاز و لا عيش - و الحُريّة بإذن الجيش - و الدراويش أعداءُ الله !
أنا تايه - على باب الله ..
متغرّب - الله الله ..

خدنا الحرب بإيدنا قرار - و إستعمرنا عيون الدار - نعشق دايماً ضرب النار - نعشق دايماً قوله آه !
أنا تايه - على باب الله ..
متغرّب - الله الله ..

بكرة إزاي راح يجيي يا ناس - و الشيطان وسواس خنّاس - حلّى بناتكم للحراس - حلّى ولادكم للي معاه !
أنا تايه - على باب الله ..
متغرّب - الله الله ..

بيت : #على_باب_الله
#تراتيل_بين_الشوارع_والبيوت
#أحمد_النجّار
#معرض_الكتاب_2014

ملحوظة : اللحن مشتق من - أقر أنا المذكور أعلاه .. محمد منير

تصوير الراجل الطيب : Ibrahim Ali II
https://www.facebook.com/brightminds.CS

إيقاع : Mohamed Hesham Ragab
https://www.facebook.com/lllHlll?fref=ts

http://www.youtube.com/watch?v=WmAgaG1scKU


أنا تايه - على باب الله

أحمد الطحان

مرمغت وشي ف التراب
و سبته تحت
و رفعت إيدي
_دا مش ابتهال_
دا الوضع اللي عايزينا عليه
ف عصر الاحتلال 
برفع إيديا للسما
و عينيا تحت
ياللي رسمت الملحمة
انهي الجدال
اثبت وجودك
فوق وشوش كل العيال
شيل التراب
و اعلن .. مثقال ذرة من وجود
.. مثقال
..
_حبيبتي من ضفايرها
طل الرصاص
و بين شفايفها
دم البنات
ضحكتها عهر
ف عيون الغفر
و حنانها ف الزنازين
حبس احتياط
حبيبتي بتعلمني
إني أنحني
من حبي فيها
حياتي كفر و هروب
و الحب ف الدنيادي
زاد الطغاه
لولاه مكانش الخزي عشش قلوب
يا توهة يا بلدنا .. من غير دليل
ف حبك انتي سكنا ليل ف شقوق
لو الزمن ليل .. يزورنا القتيل
نظرة عينيه تقتلنا شوق
للضلمة قلب كبير بينشع سواد
و عجز و إهانة و كفر و غليل
الموت و الاستشهاد عشانها حياد
و صمت دايم ف ضحكة التماثيل

***

أنا مش هناك 
بس إنتي بردوا مش هنا 
معنى الهزيمة بيختلف من وسطنا 
مش بلزمك
كل التجارب و الظروف و عقلي المريض .. هزموني
فلقيتني من غير قصد 
_و الله من غير قصد_
بهزمك 

***

"و أنا بلف أدور على ضحكتك ف وشوش الخلق
جعت                                                     
وقفت عند أول محل فول
و كلت
شوف يا أخي القذارة
رغم كل الحزن دا
لسا الغريزة بتنتصر ل روحها
ف ناكل
و ننام
و نقابل بنت حلوة ف نبتسم
و ننساك
رغم كل الحزن دا
بنكمل"                           
"فدا مين يا فوزي حبستك ف أوضة ضلمة
و أمك بتبكي تحن للضمة
كسيرة القلب
فدا دولة حاكمينها ولاد الكلب
فدا شعب
بيعرص بطبعه لأي حاكم مهما كانت ملته
فدا عواجيز على القهوة 
رغم إنها مش لاقية سرير ف المستشفى
بتدعي للحكومة و ل وزير الصحة
أحا
ما تنطق
قدا مين يلا
فدا ستات بيوت محيلتهمش غير الولولة
و العياط
و الفرجة على عهر لميس الحديدي و أماني الخياط
فدا دولة الظباط
فدا مستقبل ف عين عيال ف وشها الإحباط
و على ضهرها شنط المدرسة
كتب تقيلة بجهلها و كراسات
فدا مين يا فوزي
الشعب لما مش هيلاقي ياكل
هيبقى يخرج
يرموله كام لقمة .. ف يرجع        
و عمر العساكر الثكنات

***

أحمد النجّار

مين من دولا ، و مين من دولا ..
مين من دولا ، ومين من دول ..
لبِّس كل الشعب طاقية ..
لبِّس كل الناس أفارول ..
مين من دولا ، و مين من دول ..

أحمد الطحان 

ركّع كل الشعب ف قصرك 
شرّع شرّح قسّم مصرك
عكسر عصرك - عصرك عسكر
تصلب فوق بنادقها رسول
مين من دولا ، و مين من دول 

مزيج الشارع - أحمد الطحان ، أحمد النجار

فن و شارع
فن و شارع
و جرايد و محاكم و كنايس و جوامع
و الشمع لا شايف و لا سامع 
فن و شارع
فن و شارع 

فن و شارع 
فن و نار 
و انا و انت و اصحاب الكار 
آه يا واخد حلمنا تذكار 
إدينا بداله الباسبور

فن و شارع .. 
فن و سور 
و جرايد لابسة الدمور
و محاكم مالهاش دستور
و جوامع بتطفي النور
و كنايس مفيهاش قداس
فن و شارع 
فن و ناس 

فن و شارع
فن و خوف
و الفاجرة ف ميدان بتطوف 

فن و شارع 
فن و ليل 
و الدنيا و زوايا الميل 
و انا و انتي و الصبر بخيل 
فن و شارع 
فن و كاس
و مذيعة مش لابسة لباس 
يا مبدل طيزك بالراس
و مصدق فجر البراميل
فن و شارع
فن و نيل

فن و شارع
فن و زار
و الجد بيقلب ل هزار
فن و شارع 
فن و دانة
عفاريت السلطان راكبانا
كل طيور الحق مدانة
و بنات الليل م الأبرار
تقولشي الظباط الأحرار

فن شارع
فن و مارش 
الاغبيا شايليين العرش
و الانبيا نايمين ع البرش 
و كأن المعجزة زنزانة

فن و شارع
فن و زيف
إتفرج على فيلم الكيف
يا مصدق كدب الأشكيف
و مكدب فرشنا و غطانا
عفاريت السلطان راكبانا

فن و شارع 
فن و سوس 
و انا و انتي و بيننا الهكسوس
ندر ل أقلعلك بلبوص 
و أمشي معاكي ف أي خيانة

فن و شارع 
فن و دين
الضالين بيقولوا آمين
ما ترد عليهم يا حسين
واخديننا متاجرة و لبانة

فن و شارع 
فن و قاع
كتفني رجلين و دراع 
صورني ف كل الأوضاع 
جينا نهرب .. لفينا صباع 
و ضحكنا ...
و الضحك خصانا

فن و شارع
فن و ذمة 
و عساكر بينيكوا أئمة 
بسم الشعب 
و بسم الأمة 
قرروا تأميم الأفواه
و إتنصب على جيلنا إله 

فن و شارع
فن و آه

أحمد الطحّان & أحمد النجّار

عود : أحمد مدحت
إيقاع : أحمد ماجد

فن و شارع - أحمد الطحّان & أحمد النجّار

الوصايا العَشْر - أحمد النجّار

يا جنايني

قصيدة "رثاء لعيل شعره كيرلي وأبيضاني وحلو" للشاعر خلف جابر

أحمد فؤاد نجم - كلمتين يا مصر

تخيل لما كل الناس دى تتجمع مع بعض فى عمل فنى و أدبى واحد
يبقى أكيد دي مفاجأة المفاجآت 
هانى عادل
ميدو زهير
ممدوح فوزى
مصطفى ابراهيم
مروة جمال الدين
محمد السيد
محمد ابراهيم
مايكل عادل
ضياء الرحمن
سالم الشهبانى
دعاء عبد الوهاب
أمير صلاح الدين
أحمد النجار
أحمد الطحان
أحمد البوهى

تسجيل حصري من حفل الإعلان عن الصحبجية و بمشاركة الفنان علي الهلباوي

https://www.facebook.com/elsohbgia

الصُحبَجيَّة

آداء صوتي :

الفنانة : أمنية حسن
الفنان : محمد عادل 
الفنان : علي حدوتة
الفنان : محمد علي الدين
الفنان : سعد بتاع العود
الشاعر : أحمد الراوي 
الشاعر : عبدالله طنطاوي
العبدلله

الهندسة الصوتية :
م . خالد واكد
تم التسجيل بإستوديو Digital Sound

إخراج :

خالد المهدي

كاموفلاج
قريباً .. بمعرض القاهرة الدولي للكتاب 2015
يصدر عن دار دوّن للنشر و التوزيع
الغلاف .. للفنان : كريم آدم

الصفحة الرسمية للعبد لله 
https://www.facebook.com/NaGGaAaAaR
الصفحة الشخصية
https://www.facebook.com/NaGGaAaR

كاموفلاج - أحمد النجّار

عِشت راضي، ومُتّ راضي...
إمتى سَجِّلتي إعتراضي؟! 
هوّ لو عصفوري زقزق.. يعدموه ف ميدان يا قاضي؟!

خدت إيه م الفرْح غيرِك، خدتي إيه م الحُزن غيري - جيت أجيب فُستان فَرَحنا.. جبت لِك زنزانة ميري!!

قُلت كوني البيت وكُنتي.. كُنتي لي غربة ف بلادي..
قُلت أكون لِك بيت مَا كُنتِش.. كُنت لِك حَبس انفرادي..

قُلت:
إنتي...
ثم إنتي - ثم إنتي - ثم نفسي..
يوم ما قولتي: 
نفسي - نفسي 

كان ممكن اكون لِك ناس - بس انتي اختارتي الناس، وقفلتي ف وشي الباب - بالضبّة وبالترباس... 
كان ممكن اكون لِك خِلّ - يعشق ولا عُمره يكِلّ - بس انتي اختارتي الشمس، وأنا من أبناء الضِلّ..

صَعبان عليا قلوب - بيصدقوا المكتوب.. لو يقروا أشعارنا..
والشعر كدب ف كدب، واحنا كدبنا الكدب / صدقنا / قشعرنا!!

" التسجيل من حلقة الصحبجية في برنامج ممكن مع خيري رمضان "

عِشت راضي - كاموفلاج - أحمد النجّار

سرحت عشان أعرف أعيش

لحن مرتجل ع الهوا .. من برنامج صباح تك على إذاعة الشباب و الرياضة .. رداً على قرار مجلس الوزاراء بإستئناف الدوري ...

تعيش و تنسى ، و تموت و تنسى ...
طول ما انت فرد من اللي راكبين السبنسة ...
الاسم : منسي - السن : منسي ...
المهنة : منسي شغلتُه ياخُد و ينسى .
الأرض أُنثى ...
الظلُم قطّع شعرها ، و إدّاها بنسة ..
لمّت خُصلها من الشوارع أغنيات و تُراث ...
لمّت عيالها من القبور .. أجساد ، و مالهاش راس !
لمّت كلامهم من حكاوي الناس ، و الناس بتنسى للأسف ..
الناس بتنسى ..
هتعيش و تنسى يا وطن ...
و نموت و تنسى .
أعرف بلاد ...
بتقدّس اللذات ..
بيصلّوا فيها الفرض للكرسي و البشوات ...
بيغنّوا فيها ، و الغنوة طبل و دم ..
بيعيشوا فيها .. العمر مدح و ذم ..
و ما بين عبادة الكراسي و بين عبادة الذات ...
النكتة صارت فيها ...
مرّة واحد ...
مات .

مرّة واحد .. مات

البحر بيضحك ليه

عيني علينا
يا عيني علينا
دُنيا، وماشية تلطش فينا
ننزل تحت النار تحرقنا
نطلع فوق النور يعمينا 

عيني علينا
يا عيني علينا
دُنيا، وماشية تلطش فينا
ننزل تحت النار تحرقنا
نطلع فوق النور يعمينا

نمشي يمين 
نلاقيه مش سالك
نمشي شمال
نلاقيه مسدود
كل طريق 
اهوال ومهالك
واحد فينا اكيد
محسود

خمسة ف عينك
خمسة ف عيني
قوم بخرني
قوم و ارقيني 

خمسة ف عينك
خمسة ف عيني
قوم بخرني
قوم و ارقيني 

خلي النحس يفك شوية
حلي علينا شوية يا بركة
خمسة يا دنيا نريح فيها
وبعد شوية تقوم العركة

عيني علينا
يا عيني علينا
دُنيا، وماشية تلطش فينا
ننزل تحت النار تحرقنا
نطلع فوق النور يعمينا

عيني علينا
يا عيني علينا
دُنيا، وماشية تلطش فينا
ننزل تحت النار تحرقنا
نطلع فوق النور يعمينا




خمسة يا دنيا

آه يالاللي

https://www.facebook.com/faiayounanofficialpage

فايا يونان - البحر بيضحك ليه

أمّا براوة .. سُميّة عبدالله

بكتب اسمك يا حبيبي

كلمات : الشاعر خلف جابر
غناء : فوكس

يا غلابة - فوكس - كلمات : خلف جابر

المطرب - بيرم التونسي

إن ضاق عليك العِش ...
طِير يا حمام ..
سافِر ..
حاوِل تِخَلّي اللَحم .. 
يِطلَع مِن الضافِر ..
و سيب تُراب الأرض ، و جَرَّب السماوات ..
إملى الجيوب .. جينيهات ..
جيب الجِعان ..
كافِر .

الغربة

الراكب فوق ال .. لامؤاخذة
 لامؤاخذة الكرسي السلطاني
 الملك الفاتح .. لامؤاخذة
 لامؤاخذة .. الباب الورّاني
 و بيمشي ناسي ال .. لامؤاخذة
 لامؤاخذة .. اللبس الجوّاني
 و بيعمل فيها .. لامؤاخذة
 لامؤاخذة هندي و عثماني
 ف بيقلب دايما لامؤاخذة
 لامؤاخذة المجني .. الجاني
 و بيفتي برضه لامؤاخذة
 قال يعني الشيخ الألباني
 اللي اسمه اصلا لامؤاخذة
 لامؤاخذة ايه .. قطع لساني
 اللي ملبّسنا ال لامؤاخذة
 لامؤاخذة .. الملبوس من تاني
 بيسوق الهبل ال لامؤاخذة
 لامؤاخذة .. الكندوز الضاني
 لمؤاخذة سياسة ال .. لامؤاخذة
 لا مواخذة بتفقعلي *****

اللامؤاخذة

Lyrics, Composition and Vocal-Ahmed El Naggar
https://www.facebook.com/NaGGaAaR

Music Arrangement, Vocal Direction, Mixdown and Digital Master - Mark Adel
https://www.facebook.com/Mark.Music.Arranger
https://soundcloud.com/mark-d-j

Guitars and Doff-Fady Wessa
https://www.facebook.com/fady.wessa

Bass Guitar-Bebawy Raafat
https://www.facebook.com/PeBoOo

All rights reserved to Diagonal Studios for Media Production (Mark Adel, John Khalil)
https://www.facebook.com/john.khalil.y
https://www.facebook.com/diagonalstudios/?fref=ts

Lyrics:

نظرة يا أمٌ عيون مساكن ... قلبي ساكن في التنايا ..
خَدِّك المسحور حِكاية ..
مِن حَكاوي الجِن لينا ...
خَدِّك المسحور مَدينة ..

يا أمٌ عود مَلفوف ، و فاير ...
بِت يا ...
يا أمٌ الضفاير ..
بُخِّي دُخَّان السَجاير .. فوق شفايفي ، و كَتِّفيني ...
لَمَّا أكون في إيديكي سُكَّر ...
فوق شفايفِك دَوِّبيني .

دَوَّقيني العِشق خَمرَة ..
عودِك الملفوف يا سَمرَة ..
أحلى ما شافَت عينينا .. عودِك الملفوف جِنينة .

رُمَّاناتِك زي ماهي ..
أحلى ما داقَت شِفاهي ..
بِت يا أمٌ عيون دواهي .. ليه مُصِرَّة تعذبينا ..
قومي نُرقُص .. قومي بينا .

لَمسَة يا أمٌ اللهجة نوبي ...
توبها توبي ..
يا إنعكاسي في المراية ...
إلبسيني كيف عباية ..
نازلة بالتفصيل عليكي ...
ضُمّي فيا ، و أضُم فيكي .

يا جمال الكون يا حَوَّا ...
بِت يا .. مَزروعة جوَّة ..
في القلوب .. زي التيناية ..
قومي صاحبيني ف غُنايا .

علّميني العِشق كُلٌه ...
كوني قلبي ، و كوني ضِلٌه ...
كوني أرضي ، و كوني كوني ..
لونِك المسحور ..
ده لوني .


3eyoun Masaken-Ahmed El Naggar || عيون مساكن-احمد النجار

الحاجة غِليِت يا دُعاء

مع الإعتذار للرئيس الراحل

" هندسة صوتية - محمود حفني "

ناصر 2056

لحن : حسام حريزي
توزيع : أحمد المعيني

مُصَعب أيمن - سَلِمولي ع إللي سافِر

كلمات وألحان وغناء : العبدلله
https://www.facebook.com/NaGGaAaR

عود : أحمد فهمي
https://www.facebook.com/ahmed.fahmy123

توزيع : أحمد أنور
https://www.facebook.com/Ahmed.Anwar.officially.1

هندسة صوتية ومكساج : محمود حفني
https://www.facebook.com/mahefni10

Ahmed El Naggar - Ana Tayeh 3la bab Allah | أنا تايه على باب الله - أحمد النجار

ياللي خلقت السماء و خلقتني حافي ..
طبطب علي كتافي ..
يمكن بكايا يقل ! .. واقدر اموت ف الشمس ..
احسن ما اعيش ف الضل ..

يا مصدقين الضحكة في الصورة

مُغرَم

يا هاجرني

غُنا، وألحان، ومونتاج: أحمد النجار
كلمات، وتصوير، وإخراج: طه عبيد
توزيع موسيقي: أحمد أنور
هندسة صوتية: محمود حفني
قانون: عبدالله عمرو
ناي: ميدو الشافعي
ساعد في التصوير: عمر حسن

تم التسجيل في : كيوما kYMA Sound Design

تم التصوير في : شقة جاردن سيتي

Ahmed El Naggar - Ya Hagerni | يا هاجرني - أحمد النجار

Sax - Micheal Hany
Lead Guitar - Andrew Maher
Music Arrangement, Mix and Digital Master - Mark Iskander

Bo2 Maya Bo2 Beira - Ahmed El Naggar | بُق مية .. بُق بيرة - أحمد النجار

أنا تايه .. على باب الله

Ahmed El Naggar

Popular tracks