ويوم ما اتقـابلـنا قابلتـك مسافـر ويوم ما افترقنا فارقتك مسافـر

طال السفر يا صديقي الحبيب

ويوم ما اتقابلنا لقيتك مسافر..ويوم ما افترقنا لقيتك مسافر🍂🖤

كلمات أحد فؤاد نجم
في رثاء الكاتب و المناضل اليساري زكي مراد
*****
 مسافر ... مسافر
ودايما مسافر
في قلب الخطر ع الطريق الصعيب 
كأنك بطبع العناد ... سـندبـاد
وعاشق... وعشقك بعيد البلاد
مسـافر.. تودي الوداد للرفاقة
مسافر.. تجيب الحليب للولاد 

وطير يا حمام بالوداد والسلام
وترمي التحية على السندبـاد
وقوله إن صاحبك في عز انتظاره
بيكتب ويحسب ليوم الميعاد

حلّو المراكب - نادر - الشيخ إمام يبكى بعد وفاة نجيب سرور

بسهر وبنام - احمد فؤاد نجم

باسهر وبانام
ياحبيبى
وانا كلى غرام
ياحبيبى
ولايسعدنيش
ياحبيبى
غير الأحلام ياحبيبى

فى ظلام الليل والناس نايمين
والفجر بلاده بغيده بعيد
والفكر شموع
ودموع قايدين
والصبر عذاب
ولافيش بالايد
غير انى أستنى
ياحبيبى
واصبر واتمنى
ياحبيبى
واهرب من نارى
ياحبيبى
واحلم بالجنه
ياحبيبى

باحلم بالنور
وبنات الحور
والطرحه التل وتاج الفل
وانا وانت بكاس الفرحه ندور
ع الناس حوالينا
ونسقى الكل
وعلى الأحلام
ياحبيبى
نصح وننام
ياحبيبى

ياسلام لو ان لقاك أحلام
ع الفرحه ازاى بتخلينى
أهرب
بالشوق على فوق ياسلام
والشوق ع الجنه يودينى
والجنه هناك
ياحبيبى
على شط هواك
ياحبيبى
مليانه زهور
ياحبيبى
من غير أشواك
ياحبيبى

‫الشيخ امام عيسى - بسهر وبنام

كل ما تهل البشاير من يناير كل عام .. يدخل النور الزنازين يطرد الخوف والضلام 
يا نسيم السجن ميل ع العتب وأرمى السلام ..زهر النوار وعشش فى الزنازين الحمام
***
من سكون السجن صوتي
نبض قلبي من تابوتي
بيقولولك يا حبيبتي
كلمتي من بطن حوتى
سلمي لي ع الحابيب يا حبيبتي
سلمي لي 
كل حب وله نصيبه من سلامي بلغي لي
احضني العالم عشاني بين عيونك وابعتي لي
نظره منها أشوف حبايبي
واشفي قلبي واسأليلي
كل عالم في بلدنا كل برج وكل مادنه
كل صاحب من صحابنا كل عيَّل من ولادنا
حد فيهم شاف علامة من علامات القيامة
قبل ما تهل البشاير يوم تمنتاشر يناير
لما قامت مصر قومه بعد ما ظنوها نومه
تلعن الجوع والمذلة والمظالم والحكومة؟
***
سلمي لي ع الولاد السمر خُضْر العمر في عموم الحواري
سلمي لي ع البنات المخطوبين في المهد لسرير الجواري
واسأليلي بالعتاب كل قاري في الكتاب
حد فيهم كان يصدق بعد جهل وبعد موت
إن حس الشعب يسبق أي فكر و أي صوت
هي دي مصر العظيمة يا حبيبتي هي مصر
اللي فضلتي ف هواها
عشنا على ألف قصر 
هي دي يا عزة مصر

كل ما تهل البشاير .. الشيخ أمام

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود 
لحنت عام 1968
http://www.misrfone.net/

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

كلمات: أحمد فؤاد نجم
 ألحان : الشيخ إمام

الأولة آه
والتانية آه
والتالته آه
***
الأوله آه
والغدر لمن حكم
صبح الأمان بقشيش
والتانيه آه
والندل لما احتكم
يقدر ولا يعفيش
والتالته
آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
***
أرغول يا أرغول
يا أبو النغم موصول
شطره تجيب شطره
والشطره غنيوه
منظومه وحليوه
والسامعين أدرى
والسامعين أشتات
زي النغم مقامات
قسَّم وغني وهات
واملى المكان خضره بالفن والقدرة
والأوله آه
والتانيه آه
والتالته آه
***
يا عم يا قوال
يا أبو الحرير موال
كيفك
وكيف الحال
اغزل وسمعنا
واشطح مع النغمات
ودوس على المقامات
هات اللي عندك هات
لمن تشبعنا
دا حنا الحيارى دليل
مستنظرين مواويل
توصل مع المراسيل
والصهبة تجمعنا
صهبتنا صباحي
طول ما الألم صاحي
يا شوقي يا جراحي
يا حبي يا بكرة
يا صحبتي في الهم
يا شركتي في الدم
عزوتنا
لو نتلم
ونغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال في الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا في الحر
والعشق له أهوال
رجع صاحبنا حزين
يقعد مع المساكين
ويغني للعاشقين
ويقسم الموال
يا ليلي آه يا عين
يا عم يا جمال
ترعى جمالك وين
وأنت فقير الحال
يا ليلي آه يا عين
والمرعى للأندال
والخطوة للخيال
يا عم يا جمال
يا ليلي آه يا عين
يا عم يا جمال
 والصبر مهما طال
ما حينفتلشي حبال
ألزم قلوب وإيدين
يتمدوا ع الشطين
ويعمروا العيارين
ويطخوا راس المال
والأوله آه
والتانيه آه
والتالته آه

الشيخ إمام - على الأرغول

الشيخ إمام عيسى - أحمد فؤاد نجم

******

شال الهوى بينا
حط الهوى تاني
واحنا والسفينة
في بحر الأماني

عمّ ياللي ماشي
ع الشط القريّب
قولّي وانت ماشي
لأه ولا طيب

حِبي راح ماجاشي
مش هييجي تاني

شال الهوى بينا
حط الهوى تاني


شال الهوى شاله
بان المستخبي
شاف قلبي ناداله
يا عيني يا قلبي

حط الهوى شاله
خبى السحر عني
هو الهوى ماله
داير باله مني

كل ما يلاقيني
أشوف عينه تراعيني
كأنه بيناديني
أفوت أهلي وجيراني

شال الهوى بينا
حط الهوى تاني


شال الهوى شيلة
حط الهوى حطّة
هما يوم وليلة
كان فَرَش وغطّى

شال الهوى بيّا
من بين الحبايب
حط الهوى بيا
وأنا قلبي دايب

والتقتني ماشي
أدور مالتقاشي
واللي راح ماجاشي
فكرني ونساني

شال الهوى بينا
حط الهوى تاني


شال الهوى بينا
رُحنا عشمانين
حط الهوى بينا
جينا عطشانين

يا عُشاق بلدنا
يا ولاد الغرام
لا رُحنا استفدنا
ولا جينا بسلام

خدنا الهوى رُحنا
واحنا زي ماحنا
ورجعنا بجراحنا
وبحبّة أماني

شال الهوى بينا
حط الهوى تاني


شال الهوى بينا
حط الهوى تاني
واحنا والسفينة
في بحر الأماني

عم ياللي ماشي
ع الشط القريب
قولّي وانت ماشي
لأه ولا طيب

حِبي راح ماجاشي
مش هييجي تاني

شال الهوى بينا
حط الهوى تاني

شال الهوى - الشيخ إمام

قصيدة "مسافر.. مسافر" للشاعر أحمد فؤاد نجم التي كتبها سنة 1979 في رثاء الشهيد زكي مراد

مسافر ... مسافر
ودايما مسافر
ومهما الطريق كان بعيد أو صعيب
مسافر بعمرك وأمرك عجيب
كأنك بطبع العناد ... سـندبـاد
وعاشق... وعشقك بعيد البلاد
مسـافر.. تودي الوداد للرفاقة
مسافر.. تجيب الحليب للولاد

يدور الزمان بالمكان والوجود
يـقابـلك مسافـر ..
وتجري الحوادث وترجع تعود
وتفضل مسـافـر ...
ويوم ما اتقـابلـنا قابلتـك مسافـر
ويوم ما افترقنا فارقتك مسافـر

مسافر ..مسافر أيا سنـدبـاد
وداير تلف الزمان والبلاد
مسافـر لأنك لقيت الحقيقـة
مسافـر لأنك عرفت المعاد

وطال السفر .. يا صديقي الحبيب
وكان الأمل في اللقاء ..عن قريب
أشوفك وأبوس ابتسامتك وأضمك
أقولك همومي.. وأدوب جوه همك
ونضحك .. ونحلم في عز النهار
وتضوي ابتسامتك.. ويحلا الهزار
وأسافر طريقي.. وأنا في انتظار
أقابلك مسافر .. في نفس المسار

وطير يا حمام بالوداد والسلام
وإرمي التحية على السندبـاد
وقوله إن صاحبك في عز انتظاره
بيكتب ويحسب ليوم الميعاد

وبات الأمل سنـدباد في الخواطر
وعاش الأمل في الجوانح مسافر
وترمح خيول الزمان بالحوافر
ويتعب طريق الصديق المسافر

مسافـر ... مسافـر
ينام ع الطريق
ونوم الرفيـق
نهاية حكاية عن السـندبـاد
بداية حكاية لناس ع الطريق

الشيخ إمام - مسافر

قد ايه برتاح أنا لحظة ما أقابل بسمتك 


الشيخ امام - قد إيه برتاح أنا لحظة ما أقابل بسمتك

كلمات : احمد فؤاد نجم
الحان : الشيخ إمام
---------------
قيدوا شمعة يا أحبة و نورولي
رمشتين من رمش عين
و بيندهولي
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي

قيدوا شمعه - الشيخ إمام



اِصْحَ اِصْحَ طال النُومْ أمَّكْ قَمْرَةْ وابُوك نْجُومْ
أمَّكْ تِضْوِي ع البَوادِي وابُوك جْناح الطِير الشادِي
والدُرُوب علِيك تْنادِي والصَباحْ فايدَكْ مَشْمُومْ...

اِصْحَ يا أسْعَدْ مَوْلُودْ وامْشِ لِلوَعْد المَوْعُودْ
إنْتَ حَبّةْ في عُنْقُودْ والعُنْقودْ يْطِيبْ فْي يُومْ
اِصْحَ اِصْحَ طال النومْ...

اِصْحَ والْعَبْ بِينْ رِفْقاتَكْ واخْطُ واعْثَرْ في خُطْواتَكْ
غَدْوَةْ تِبْنِي قْصُور حْياتَكْ ما يْرُدَّكْشِي عْلِيها لُومْ
اِصْحَ اِصْحَ طال النوم...

اِصْحَ واكْبَرْ بِين أيّامَكْ واجْمَعْ صابَةْ مِنْ أحْلامَكْ
ما تِبْكِيش عْلى آلامَكْ الدمْع سلاح المهْزُومْ
اِصْحَ اِصْحَ طال النوم...

اِصْحَ يا كِبْدِي ويا ضَنايَ وارْسُمْ فوق الشوك ثنايَا
حُلْمِي نْراك تحفظْ لِي غُنايَ وتْغَنّؤيه لولدَكْ يُوم
اِصْحَ اِصْحَ طال النوم...


الشيخ إمام - مسافر

Ahmed El Said

Recent comments

Sarah 🕊

فرحة صلاح

عزّت

عزّت

Related tracks