ضحكه مساجين

وطني

كن مع الثورة

عبد الرحمن الأبنودى

مزج | حاجات مش شبه بعض ... اتسلطن!

deep inside

mido

نانسى عجرم..فى حاجات mp3

تغازل العصافير.. قُضبانها
زنزانة لاجلَك كارهة سجّانها
دُوق زيّنا حلاوة الزنازين

على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين

طوبَى لكل المسجونين باطل
فى زمن.. بيخدعنا وبيماطل
يا شموس بتبرُق فى غُرَف عِتْمين

أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين

الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين

الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين

وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين

واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين


ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين

واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

ضحكة المساجين _ الحجار

يارب انا مملكش غير حبّة زعل
نِفسى فـ يوم ما يطوّلو
القى فـ قلبى براح عشان
انسى الزعل وأتحمّله

يمكن بقالى كتير أوى 
مركعتهاش
فإكسرنى يمكن
أفتكر طعم الصلاه

عارف يارب بجد إيه المشكله؟
المُشكله ان الطريق
ادامى اهه
لكن بروح لطريق بعيد
واللهِ مش علشان عنيد
يمكن عشان داء الكسل

فإمشى كتير وارجع وحيد
وارفع اديا وأقول يارب
مفضلش منى غير ذنوب
نفسى أتوب 
متردنيش 
القاك فاتحلى باب جديد
علشان اعيش

تنسالى كل اللى اتعمل
وافضل معاك
وارجع
وأتوه عن سكّتك
وأعيد جميع ما قد حصل
وامشى لواحدى فـ الطريق
فـ يصبنى ضيق
وآجى وانا ندمان اوى 
علشان تنسينى الزعل
.........
كلمات : محمد ابراهيم
الحان و غناء : أمنية حسن
عود وغناء : اسلام الأبتي

حَبِّةْ زَعَلْ - أمنية حسن

خلود الملحمة الشعرية للابنودي والمعنونة " جوابات حراجي القط العامل في السد العالي الى زوجته فاطمة احمد عبد الغفار في جبلاية الفار". يكمن بما تتضمنه من عمق انساني وقيم رائعة تمجد العمل. مشبعة بحكمة الغلابة وبآمالهم البسيطة الصعبة المنال... الحميمية البالغة والمشاعر النقية.

الرسائل المتبادلة بين حراجي القط (الجُط) وزوجته فاطمة أحمد عبد الغفار (فاطنة), ديالوج ومونولوج متناغم بينهما وداخلهما... مناجاة عشاق رقيقة مفعمة بالشوق العارم... ترجمة بليغة لحكمة البسطاء وغفلتهم بنفس الوقت.

جوابات الاسطى حراجي القط - الجزء الأول - عبد الرحمن الأبنودي

ترانيم فريق المخلص Savior Team

كانت لحظة-فريق المخلص

تابعنا على : http://esma3na.tk/ و http://shabablove.tk/
و شاركنا على تويتر : https://twitter.com/RadioEsma3na
و شاركنا على فيسبوك : https://www.facebook.com/RadioEsma3na

AlAbnoudy - AbdElNasser | عبد الرحمن الأبنودي - يعيش جمال عبد الناصر

اللي يخبي القول ما يبقاش ولد - محمد حمام

يلا مع السلامة كريم محسن وشادى حداد

".........................................................."

الأصوات :
قرآن : الشيخ مصطفى اسماعيل : سورة الفرقان
تسجيلات :
اكثر من 200 فيديو من أهم فيديوهات التي توثق احداث الثورة المصرية منذ اندلاعها
 خواطرالشيخ الشعراوي الاسبوعية
برنامج العلم والأيمان : مصطفى محمود
وثائقي : اسمي ميدان التحرير
خطاب مبارك الأول و الثالث | خطاب عمر سليمان بتنحي مبارك
شهادات رامي عصام وسميره ابراهيم في احداث 9 مارس
برنامج اخر كلام : يسري فوده
بيان القيادة العامة للقوات المسحلة | عدة خطابات لمرسي
شهود المذبحه : شهادة الطبيبة فاطمة بياض
تحت المجهر : الطريق الى 25 يناير
برنامج عصير الكتب : بلال فضل
خطبة علي جمعة وعمرو خالد للقوات المسحلة قبل الفض
ضمير : برومو تسلم الايادي 
الاغاني : يا بلادي : رامي جمال و عزيز الشافعي | رامي عصام : ارحل | محمد منير : ازاي
حرية : التراس اهلاوي | يا مصر هانت وبانت : مصطفى سعيد
نجوان : يا عسكري | محمد محسن : يا شعب | حدوته مصرية : احمد منيب
زياد سحاب : شو كانت حلوة بلادي
شعر:  أحمد فؤاد نجم : بيانات على تذكرة مسجون | اغضب : فاروق جويده | لا تصالح : امل دنقل | 
من وحي الانبياء الجدد : وائل فتحي - أحمد عبد الحي - مصطفى ابراهيم
موسيقى الخلفية : 
Le Trio Joubran_Zawâj El Yamâm
The Temple Of Poseidon
3200 Years Ago
شكر للمبدعين الأصليين للأعمال
شكر خاص لجميع المصورين الصحفيين
اهداء لأرواح جميع الشهداء
اهداء و شكر خاص جداً لسندس شبايك

05.المزيج العميق_واحد

اصل الحكايه | Ultras White Knights

قصيدة ضحكة المساجين للشاعر عبد الرحمن الابنودى

حلقة خاصة بالشاعر/ عبد الرحمن الأبنودي وهنسمع
تحت السجر يا وهيبة / محمد رشدي
أنا كل ما أقول التوبة / ماجدة الرومي
تِـعـبِـت معايا الأغاني / دويتو إلقاء / عبد الرحمن الأبنودي، الغناء / سيد مكاوي
مشيت على الأشواك / محمد الموجي
تتر مسلسل / المعذبون في الأرض
حبيبي يا وطن / محمد فؤاد ، أحدث أعمال الأبنودي الغنائية

طربك عندنا إعداد / دعاء كامل
تقديم / أميمة مهران
ويذاع على موجات البرنامج العام ، الإذاعة المصرية، كل يوم ثلاثاء، بعد انتصاف الليل بنصف الساعة

عبد الرحمن الأبنودي / طربك عندنا

Ultras White Knights' tribute song to the 20 Zamalek martyrs who lost their lives on the hands of the police inside, telling the story of what happened in the Corridor Of Death in front of Air Defense Stadium in the 8th of February, 2015. May their souls RIP, and their revenge shall be taken ..

أغنية أولتراس وايت نايتس إهداء للـ 20 شهيد الزمالكاوي الذين سقطوا على يد الشرطة في #مجزرة_الدفاع_الجوي، تحكي قصتة ما خدث داخل ممر الموت أمام ستاد الدفاع الجوي في الـ 8 من فبراير 2015. ندعوا الله لهم بالرحمة، قصاصهم جاي أحلف بيمين ..

Efta7 Benmoot | إفتح بنموت

بلا ولا شى - زياد رحبانى - رشا رزق

إنشاد قصيدة قد كفاني علم ربي للإمام الحداد بصوت كلاً من الباحث و الداعية الإسلامي معز مسعود و الفنان حمزة نمرة , من حلقة برنامج على القهوة للإعلامي أحمد يونس و التي أذيعت ليلة عيد الأضحى المبارك لعام 2012 على محطة راديو نجوم FM

كلمات: الإمام الحداد الحضرمي
لحن: معز مسعود
أداء: معز مسعود - حمزة نمرة
جيتار: حمزة نمرة - معز مسعود

لتحميل الأنشودة برجاء زيارة الرابط التالي:
http://www.mediafire.com/?d8ozbsc11h2dg6m

لمشاهدة الكليب:
http://youtu.be/RLQD-oAiLpI
--------------- 

قد كفاني علم ربي من سؤالي واختياري
فدعائي وابتهالي شاهد لي بافتقاري
فلهذا السر ادعو في يساري وعساري
انا عبد صار فخري ضمن فقري واضطراري
قد كفاني علم ربي من سؤالي واختياري
***
يا إلهي ومليكي انت تعلم كيف حالي 
وبما قد حل قلبي من هموم واشتغال
فتداركني بلطف منك يا مولى الموالي
يا كريم الوجه غثني قبل ان يفنى اصطباري
قد كفاني علم ربي من سؤالي واختياري
***
يا سريع الغوث غوثا منك يدركني سريعا
يهزم العسر ويأتي بالذي نرجو جميعا
يا قريبا يا مجيبا يا عليما يا سميعا
قد تحققت بعجزي وخضوعي وانكساري
قد كفاني علم ربي من سؤالي واختياري
***
لم ازل بالباب واقف فارحمن ربي وقوفي
وبوادي الفضل عاكف فأدم ربي عكوفي
ولحسن الظن ألازم فهو خلي وحليفي
وأنيسي وجليسي طول ليلي ونهاري
قد كفاني علم ربي من سؤالي واختياري
***
حاجة في النفس يا رب فاقضها يا خير قاضِ
وارح سري وقلبي من لظاها والشواظ
في سرور وحبور واذا ما كنت راضِ
فالهنا والبسط حالي وشعاري ودثاري
قد كفاني علم ربي من سؤالي واختياري

قد كفاني علم ربي - معز مسعود و حمزة نمرة

——————-(م)——————— 

    ماسبيرو أخطر م الرصاص و القصر
    ملّى عنيك بالدم…قبل الطلوع قدام
    ما تسيبش جيشك تِقسمه الأعلام
    مش كل مين جنبك….جواه بيهتف مصر

———————(ا)———————-

    الوقفة جنب النار ..بتقلل الدخان
    - إهتف هتاف إبن المكان و الظرف
    - إضرب بعزمك … أو ما تضربشى
    إرجع بضهرك … أو ما تهربشى
    إمسك عصاية ثورتك م الطرف
    التاريخ ضمن الغنايم ..و بيكتبه الكسبان

———————(ن)———————

    نقى دايما طوب صغير حدفتك توصل بعيد
    نفترق ساعة المطاردات ..أربعات
    نشّن الباراشوت ناحية الصف العريض
    نجرى فجأة.. نردّ فجأة.. نص قوتنا المفاجأة
    ندّم اللى يعورك……..و إقطعله إيد

———————(ي)———————

    يؤتَى الحِذر من مكمنُه

    يأتِى الغبى باللص ثم يحلّفه

    يؤتَى الهتاف… رَّجاً بممن يَهتِفه

    - يؤتَى الجدع… قلبا بمما إتجَدعنُه

———————(ف)———————

    فّرق ما بين….الجرأة و القلب الحديد… و الرمى جوا التهلكة

    فتش بإيد ع المستفيد ..و بإيد عن الصاحب الجدع

    فتح اذا الناس غمضت….غمض إذا نظرك خدع

    فرّغ عياطك ع الصحاب… دم و خميرة… مش بكا

    ———————(س)———————

    سمى الحاجات دى بإسمها…الكدب… و الخوف… و الخيانة

    سجادة المسامير… تتحط ع الناصية …غطّيها بالدخان ..ولّع قصادها كاوتش

    سد الطريق لورا علشان ما تترددش

    سيب باب لجيشهم يهربوا منه

    سلّم رايات الحلم لحد من سِنُّه

    سلّم قراركوا لأكتر كفّ عرقانة

———————(ت)———————

    تبّت يدا من ساب رفاق المعركة بطولهم

    تمن القضية اللى اندفع مبقاش يجوز يرجع

    تتعب تبص ف عين.. إصحابك الطايرة….شوف مين من الآخر دفع….لو زيهم… إدفع

    تلت الرصاص نحو العدو… .تلتينه للخاين..الطعنة جاية من هنا مش من هناك

    تعب النهاردة غير تعب بكرة….الوقت مش دايما معاك.

    تحتك فيه ناس عاوزة الأمل…مش عاوزه؟… سيبهولهم

———————( و )———————

    وسّع الجبهة لو إنتوا كتير… و .ضّيقها لو إنتوا أقل

    ولع شماريخ وسطكوا اول ما تلقى الرتم قل

    وقّع لمض كل العواميد اللى كاشفة ناحيتك

    وّدى الإعاشة قبل ما تدوق لقمتك

    وجّب مع السكان و أهل المنطقة…حتى لو فاهمين غلط…فيه ناس كتير متلخبطة …إكسب عدد ….و إكسب غطا

    وزع عيونك فوق و تحت….و خاف من اللى يصورك

    وطّى و عينك باصّة فوق ع الطوب و إلا يعوّرك

    وقّف إذا سحبوك على شارع طويل

    وفّر بديل

    وافق على الهدنة إذا سحبوا الكلاب

    لو سابوا خليك انتا آخر حد ساب

    واحد بيفرق ف العدد جدا

و عشان كده….

 أول ما تلقى إن الصفوف ناقصاك …

     وسع مكانك… للى جاى وراك


Manifesto - Mustafa Ibrahim | مانيفستو - مصطفى إبراهيم

جميع الحقوق محفوظة لصفحة عابرون على مجهودهم في المكسچة وعمل التراك
www.facebook.com/3abroon

في القـُـدْس | محمود درويش - تميم البرغوثي | فريق بين الكلمات العابرة

يامنة - عبد الرحمن الأبنودي

قصيدة الدايرة المقطوعة - عبد الرحمن الأبنودي من سهرة برنامج آخر النهار مع الإعلامي محمود سعد و الفنان علي الحجار و الراحل عمار الشريعي

قصيدة الدايرة المقطوعة - عبد الرحمن الأبنودي

Ultras White Knights' second album in 2013, the tracks mainly focus on the group's core ideas, beliefs, and the causes it supports .. السي دي الثاني لمجموعة أولتراس وايت نايتس اللذي تم إصداره في 2013؛ الأغاني تركز بصفه أساسيه على أفكار المجموعه وقناعاتها والقضايا اللتي تدعمها

07. 7arb Nhayet El Zman | حرب نهاية الزمان

13. Hekayet Sawra | حكاية ثوره

17. Arabi Sawri | عربي ثوري

قد كنت عطرا - على الحجار


لما نعيش فى تبات ونبات نجيب صبيان ونجيب بنات
اسمى هوه اللى هياخدوا منى وبس
هياخدوا طيبتك وجمالك
هياخدوا قلبك وخيالك
هياخدوا حبك للحياه

لما نعيش فى تبات ونبات نجيب صبيان ونجيب بنات
اسمى هوه اللى هياخدوا منى وبس
هياخدوا طيبتك وجمالك
هياخدوا قلبك وخيالك
هياخدوا حبك للحياه

هياخدوا ضحكتك الملاك
وعيون اجمل من السما
هياخدوا رقة الندى
هياخدوا حورية من الجنه
هياخدوا اصالة بلدنا
هياخدوا اللى عمرى ما كنت الاقيه
انتى اجمل انسانه شفتها

يا سلام لو ياخدوا الحنيه منك ويخافوا عليه
ياخدوا كل ما فى جرأتك والبراءه فى عينيك
يا سلام لو ياخدوا الحنيه منك ويخافوا عليه
ياخدوا كل ما فى جرأتك والبراءه فى عينيك
هياخدوا سحرك وتأثيره
ويكونوا عليه بيغيروا
ياخدوا منك شقاوتك
وياخدوا فى الجد قساوتك
ياخدوا كل ما فى جرأتك والبراءه فى عينيك
هياخدوا سحرك وتأثيره
ويكونوا عليه بيغيروا
ياخدوا منك شقاوتك
وياخدوا فى الجد قساوتك

وطبعا هياخدوا غلاوتك فى قلبى واعشقهم ادك
وطبعا هياخدوا غلاوتك فى قلبى واعشقهم ادك
وطبعا هياخدوا غلاوتك فى قلبى واعشقهم ادك

برده مقدرتش اقولك كل الكلام
اللى يكفى فى قلبى معنى الغرام
وهفضل اصونك واشيلك يا ضى العين
من الهوى طاير وكل غاير ونار العين

برده مقدرتش اقولك كل الكلام
اللى يكفى فى قلبى معنى الغرام
وهفضل اصونك واشيلك يا ضى العين
من الهوى طاير وكل غاير ونار العين

ده هياخدوا ضحكتك الملاك
وعيون اجمل من السما
هياخدوا رقة الندى
هياخدوا حورية من الجنه
هياخدوا اصالة بلدنا
هياخدوا اللى عمرى ما كنت الاقيه
انتى اجمل انسانه شفتها

آآه

تبات ونبات - محمود العسيلي وبشري =)))


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

كلمات الاغنية

من كل جهات المدن الخرسا
الوف شبان
زاحفين بينادوا بموت الفجر
استنوا الفجر ورا فجر
ان القتل يكف
طب ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم

قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى بات مش مسرور
عندى فكرة عن العار
وميلاد النار
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح
لسه فى قلبى هديل الينابيع
لسه فى صوتى صهيل المصباح
لسه العالم حي رايح جي
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع

احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب
احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
واللى قتلنى ما ظهر له دليل
وفى ليله التشييع
كان القمر غافل مجاش
والنجم كان حافل
لا بطل الرقصه ولا الارتعاش
واما بلغنى الخبر
اتزحم الباب
اتخاطفونى الاحباب
ده يغسل.. ده يكفن.. ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما ينفدش من الباب
ما اجمل نومه على كتوف اصحابك
تعرف صادقك من كدابك
تبحث عن صاحب انبل وش
فى زمن الغش

احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب
احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب

بصيت وحاسب نفسى بين خلانى
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
فارشه بالوطن على الرصيف
بالفكر والجياع وبالعناكب ومذله الرغيف

انتوا التوقيف واحنا السير
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
ايوه الصوت ساعه ما تحبوا الدنيا سكوت
احنا شعبين شعبين شعبين
شوف الاول فين؟؟
والتانى فين؟؟
وآدى الخط بين الاتنين بيفوت
انتم بعتم الارض بفاسها بناسها
فى ميدان الدنيا
باتت وش وضهر
بطن وصدر
والريحه سبقت طلعت انفاسها

احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب
احنا الشعب
بتوع الاجمل والطريق الصعب
احنا الشعب
بتوع الضرب ببوز الجزمه وسن الكعب

واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه حتى لو خانى ظنى
خد مفاتيح سجنك وياك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

الأبنودى - احزان عادية - احنا الشعب

من كلمات مصطفى صادق الرافعي وألحان صفر علي 1923-1936

قصيدة ضحكة المساجين للشاعر عبد الرحمن الابنودى

Ahmed Elkhashab 1