العقد

عقد الجلاد - يا شبيه البدر

عقد الجلاد - طريتك ليل
من أشعار / محمد طه القدال
الحان /---------


EQD ALJALAD - 6RETK LEL - BY VaNTa  / عقد الجلاد - طريتك ليل

يا مشاوير المحبة
الكلمة تقلت 
والخطيوات الندية
الغيمة شالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهُ
خلى إظلامِك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية 
وأبقى عايش كل لحظة نور هنية

مشاوير المحبة - عقد الجلاد

عزة في هواك - عقد الجلاد

كلمات : محمد طه القدّال
الحان : شريف شرحبيل

يامحبوبي .. 
هـاك منّى مكتوبي .
صـدّاح الغُنـا المكتوم 
ومدّاح الجمال والنور 
كلمة حُـب فى قلب حبيبي 
وقليب حبيبي من توبي 
تشـوِّش جـوّه قلب النيل 
مع اللهفة العلى ولدى 
يا معشوقي .. 
ليك من شوقي كل الشوق 
فيا الخرطوم إذا نامت عليك عيون 
تشوف الضلمة في الضحى 
والنَهار مطلوق
ولو غنيتِ والغُـنا للسلام مخنوق 
أعرفي إنك الزمن اللى جاي شـروق 
وأعرفي إنك .. الزمن الحبيب و حنون 
يا الخرطوم .. 
عيون الحق ما بتنوم 
عيون الحق ما بتنوم 
أعرفي إنك .. 
الزمن اللى جاي شـروق 
وأعرفي إنك .. 
الزمن الحبيب و حنون


عقد الجلاد - صداح الغنا

عقد الجلاد - تبتبا

الموسيقار : عثمان النو , كلمات : محمد مدني

لا تحلموا بعالم سعيد .. فخلف كل قيصر يفوت  .. قيصر جديد ..
وبعد كل ثائر يموت .. أحزان بلا جدوى .. ودمعة سدى ..
أحتاج دوزنة جديدة .. وتراً جديداً .. لايضيف إلى النشيد سوى النشاز
لغة تفتش عن أراضٍ خصبةٍ .. شمساً .. تغير طعم َ فاكهةِ الشتاء
أحتاج مفرزةً من الشعراء والجوعى .. لنعلن سخطنا ..
أو ننتهى منا بأغنية تذاع ..﻿
بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتتفنا ما سمعتم
ثم هاجرنا انصرفتم
يا بحراً تجاوز في سكونِهِ كل حد
يا بحر قم .. حرِك تحرك
أو فعُد نحو ابتدائك فالنهايات البعيدة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهموا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال
يا بحر قم .. حرِك تحرك
أو فعُد نحو ابتدائك فالنهايات البعيدة لاتحد

عقد الجلاد -  احتاج دوزنة

عقد الجلاد
 في رائعة الشاعر / محجوب شريف 
ست البيت
صباح الخير مساء النور يا ست البيت
وست المكتب الفاتح على الجمهور
ختم الدولة جنبك هيبة قط لم تقبلى المصرور

حلال وبلال عليك يا أم مرتب بالتعب ممهور
وساعة رضاعة أجمل من سياحة شهور


عقد الجلاد - ست البيت

نِحنَ ، نِحنَ اهل الفرحة جينا 
لا المدامِع وقفتنا ولا الحكايات الحزينة
لما درب الرايحه جابنا ، جابنا في هادي المدينة
ياولدي الدروب شقّاقه بحر التِيه
ليك درِب ولا دربين ، مسّاك الدروب ضَهّاب
ليك قَلِب ولا بالين ، سوّاي القلوب كَضّاب
ليك ضهر ولا سرجين ،  ركّاب السروج وَقّاع
شِق ياولدي بحر التيه ، بتدردر وتتودّر
ولامن يوم علي تايتنا ديك ترسى 
نعِزّك بالقبيل داخرِنّو ليك

الطمبارة والغناي -عقد الجلاد- حفلة

عقد الجلاد - نقطة ضوء

عقد الجلاد & كفاكى & kafaki

ليه بنهرب من مصيرنا عقد الجﻻد

عذراً حبيبي - عقد الجلاد

عقد الجلاد _ ام ادم

عقدالجلاد وطنا الزين _ كلمات محمد الحسن سالم حميد

عقد الجلاد وطنا الزين

عقد الجلاد - باب السنط

عقد الجلاد _غادة

عقد الجلاد -- كلم الزهرة -- حفل رأس السنة

عقد الجلاد ومحجوب شريف

- عقد الجلاد - محجوب شريف - يابا مع السلامه.mpg

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

العقد

Elsadig