AHmed Elshobokshy احمد الشبكشي - لو كان بيدي

احمد الشبكشي - احمد سرحان | من غيرك | Ahmed Elshobokshy

الجوكر سلمي

اغنية انا داخل النار

راب عن البنات .. مكالمة هايفة

الــــكــــلــــمــــات

سيداتى
فلتكن أشجار أقلعها
لأصنع من سيقانها سفينة
تنقلنى فى بحر الأحبار
إلى كعبة قريش
لأضيف معلقتى الوحيدة

فاكرينها جملة ينطقوها يقوموا يخشوا الجنة
على كده بقالى بتقييمهم سبع سنين بتسلى
مقولتش مش موجود ، قلت إنهم كذبوا لما
من غير ما يشوفوه فى حاجة شهدوا على وجوده للعامة

علشان تعتنق دين زى الإسلام ، معجزته كتاب
محتاج تدقق فيه ، تتأكد إنه مليئ بمعجزات
بعد كده إنت قادر ، تشهد للعامة إن الخالق
أوحى بالكتاب ده للرسول كمرجع دين كامل

قلتلك تبدأ التفكير من أقوى عرض عرضه
مش تطلع أرنب أبيض من بورنيطة سوده برضه
فى عصايا ، فى موناليزا ، فى طوفان ، وفى سفينة
مش كل الجمل اللى إنت مش فاهمها نفس القيمة

الطريق اللى بيكوا بجريه ، لازم بعدى تكملوه
كونكوا مغيرتوش إيقاعى مينفيش إنكوا بطئتوه
متقلقوش هسيب كفاية ، محتاج عقول ضدى ومعايا
لولا إن التفسير إتطور كان زمانها خلاص مش آيه

رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فـ معندوش من الدجال مناعة
هتلاقى فى سورة الكهف بس فصول من علم الساعة

الكل لازم يغرق الطوفان أنا اللى شربته
أنا آسف أنا أقل واحد فيهم إنت ساعدته
ده وحى شيطان الجحود ، أنا أساعد أبرهة على إنه يتوب
آسف كنت ناسى إنه لو عجل فـ هما مش يهود

مؤمن بفكرة واحدة ، الحساب ، ودى حاجة بتسمحلك تنام
فى أمان مدى ثقتك فى كمال -أو رحمة- اللى أعتبرته إله
ده الكافر لقى نفسه فى نقد كل كلمة إتقالت
إنت فى عالم وأنا فى عالم وبيجمعنا عالم تالت

مجاش أمر شفوى ، شعورى أبوى ، إخترت اليدوي
أول مشبة به بييجى فى بالى عادة بدوى
الفكرة تبان لوهلة ، صعبة رغم كونها سهلة
فكر ، دول أغبياء وجهلة ، دايما السما بتندهلك

إختيارات بمدى سوء ، طلب وعرض السوق
قادرة تغرق كوكب واللى زيى ينجى فى بطن حوت
يمكن ملحقش أقتلها دى تكهناتك إنت
شخص زيى عـ الأقل أكيد عارف هيموت إمتى

رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فـ معندوش من الدجال مناعة
هتلاقى فى سورة الكهف بس فصول من علم الساعة
________________________________________­_

3alam talet

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker - 3alam Talet L الجوكر - عالم تالت

كأنك جماد \ ماجيك راب - أميره صبري
حلمك بـ حد من اهلك يحس .. وجعك زايد ده منهج ودرس 
فوقي محدش غير نفسك وبس .. هيحس اللي فيكي ويخفف الجرح 
هتحكي وتحكي يقولك معلش .. هيحسسك بـ كسره القلب والنفس
لأن اللي بيحكي ده غير اللي بيسمع .. هتخلص القصه وهيسمع وبس
ياشط وقوارب بتغرق وفيكي .. ماضيكي اللي عايش يكسر واديكي 
بـ أديكي بتحاولي تهدي اللي باقي .. ماتفوقي لـ نفسك وتعيشي اللي باقي 
صخره وموجه بتخبط وترجع .. دموعك جواكي بتهدك وتوجع
دفنتي عنيكي اللي كانت بتلمع .. فـ وجع القلب اللي عايش بيزرع
كتر التحكم مبوظ حياتك .. وهيزيدوا فيها نتيجة سكاتك
 يا تنطق وتبدء تخطط حياتك .. ياتسكت وتفضل ثابت مكانك
جيلهم غير جيلك ماتفهم بقي .. كل اللي عيشتو دلوقتي اتلفي
هتحول حياتهم لـ سجن وجحيم .. وفـ عينك تشوف الحياه دي نعيم
عشان انتي بنت ماتتكلميش .. كأنك جماد مش مطلوب انه  يعيش
 	 توافقي .. كل اللي بيتقالك عليه .. تعترضي .. في حد عصاكي علينا
تفكيري وتفكيرك مابينهم في فجوة .. سيب اللي عايش يخططهم اولي
وسيبنى افكر واقرر لنفسي .. بﻻش يعنى تحجر سيبني دي عيشتي..
ياخايفه في وسط اللي منك وعايشه .. تداري فـ كلامك وعينك مش شايفه 
حد يهتم بـ مشاكلك فـ شاربه .. دموعك فـ عينك وزادت مراره
مشاكلك هربت بيها فـ لفه سجاره .. كلامهم معاك يا دوبك بـ القطاره 
بتدور ع الحل  بتهرب افكارك .. افكارك طارت في نفخه سجاره
خايف عليها من نظره الناس .. ولا خايف عليها تتلوث مـ الناس
صاحبهم بدل ماتعاقبهم وشوف .. نتايج تربيتك من دافع الخوف
تفكيرهم مش غلط الامر اللي اختلط .. تفكيرك انت اللي تقريبآ انقرض 
جبتهم في زمن وتعاقب في زمن .. وتشيل عيالك الغلطه والتمن 
عادم الثقه مابينك وبينهم .. وشايف تفكيرك الصح وتدينهم 
بفكر تربيتك عشان انت عيبك .. مش شايف تغير الفكر اللي بينك 
وبين اللي بينك وبينهم في زمن .. اتغير وداين عيالك بـ التمن 
رافض تصحح الوضع اللي اتفرض .. وعايش تزود الغلط بـ غلط
بتخنق ف روحهم بدافع مخاوفك .. مخاوفك سيادتك بتقتل وﻻدك
عيالكم هتقدر تحاول وتوصل .. و مهما طريقهم هيصعب هيكمل
بيحاول يواجهك ودايمآ بترفض .. ولو مره تسمع فـ دايمآ بتنقض
ف مضمونها حاجه تكسر قيودها .. ف واقعها حاجه بـ تخنق فـ روحها

--------------
مزيكا \\ ابراهيم معلوف 

 	 

كأنك جماد \ ماجيك راب - اميره صبري

للتواصل علي الفيس بوك ..
https://www.facebook.com/%D8%B1%D8%A7%D8%A8-%D9%85%D8%B5%D8%B1%D9%8A-Rab-4-EveR-Hip-hop-190253664348909/?fref=ts

mEdoOo راب مصري .. خيانة فكر

Verse 1 virus 
Verse 2 Shawri 
Mix & master by shetos 
2hwa sada & قهوة ساده

2hwa sada - قهوة ساده Ft. Shawrri

الــكــلــمــات
__________

سلامنا على نفوس في حلقة البحث عن الضوء
مذئوب في ليلة البدر مال مع الدراويش بشوق
نجمه بتوعد ، ونسمه بتطبطب في ليلة شقا
سقانا بل ريقه لما آخر شخص اتسقى

كل وعود السما مرسومة في عيون المريد
مختار حارتنا قال للظلم "لأ" بصوت عنيد
وردة خافت ع الحبيب .. شاعرنا قال الليلة عيد
حامينا بأمر من سلطاننا حشد جيش من العبيد

رجال حارتنا اجتمعوا حوالين الربابه الليلة
مختار بيتكتبله غنوة زي أبو زيد وغيره
دخل رسول حامينا برسالة .. عكر صفا ليلتنا
يا نسلم مختار ونعيش .. يا نموت وتدفن حارتنا

غضب سريع .. وقف ، وقال: هندبح المرسال
مختارنا قال قتل الرسول مش من شيم الرجال
مشي الرسول ، وسكتت الربابه ، وهتف صوت
رجال بتبايع المختار ع الحرب حتى الموت

طول الليل ذكي وجريء بيرسموا في خطتنا
وجيوش من العبيد بتزحف بإتجاه حارتنا
في الصباح كان طبل جيشهم جنب تكبيراتنا همس
والحامي الكلب لزم خيمته عشان مش حمل شمس

أما أسدنا كان على رأس جيشنا .. مخافش سهم غدر
قال هما كتره ، واحنا قله ، والنهارده بدر
من بينهم خرج فارس بيطوح عبيده بدرعه
وقال: أعتاكوا يجيلي .. وللأسف في مننا رجعوا

مختارنا قال أبارزك ، واللي يفوز يفرض شروطه
نحسمها بموت نفر ، بدل ما رجال كتير يموتوا
فارسهم ضحك زهوا ، وهجم بسرعة شديدة
مختارنا إتفادى الضربة ، وقتله بضربة سيف وحيدة

وفي عز تكبيراتنا ، وعز ما جيشهم كان مصدوم
الكلب قائدهم خان العهد ، وأمر بالهجوم
مختارنا قال هنحارب .. احنا رجال وبيننا ميثاق
والويل لجيش عبيد اتساق للحرب بالكرباج

كل شهيد من بيننا مات قصاده منهم سته
خبر صمودنا بدأ يلف كل بيوت الحته
ولقينا رجال من كل حواري الحي بينضمولنا
حسينا بكترتنا لما الأرض إتهزت تحت رجولنا

هابوا العبيد .. رموا السلاح .. وهربوا م الميدان
مختارنا قال: سيبوهم. الحياة عقاب الجبان
لفينا نعلن الإنتصار وسط إحتفال حوارينا
كل بيوت الحي حيت كل راجل فينا

وردة جت .. بخجل قالت للمختار: قلقت عليك
العيون بتقول كتير ، والبق بينطق: أنا بخير
شاعرنا قال يا فاكر إن البرق قبل الرعد
آدي اتنين بينهم مسافه ، لكن روحين في حضن بعض

قضينا الليل بنمجد كل راجل راح مننا
وبنتحاكى بإن مهدي الحي بحاله من عندنا
مختارنا قال: كفى إحتفال. اجمعوا شيوخ حارات الحي
اللي فات يادوبك خطوة ، والمشوار بحاله جاي
___________________________________________

El Joker - El Mo5tar l الجوكر - المختار

El Mo5tar l الجوكر - المختار

Artists: Lil JoOo rec&mix&mater By:Lil JoOo beat By:Mnado 
 الكلمـــــات 
 بنبيع كلام متقال كيف الاحوال ديما بتبكي سجارتك ويا القهوة ضلمه اوضه وورقه بتشكي حبها كان كفر فـ انت ازي مرحب بيها ما ربك خدها لاجلك وانت مصمم تبكي عليها وف اخر اليل ياليل بتبوح ومحدش سامع وجعك ويا اصحابك بتهزر ولاجلهم بتحبس دمعك محدش جمبك مين سندك متكسر اسند نفسك ضهر ومتقطم قلب اتحطم علي الي باعت قلبك ..... يا هموم مهموم دمع العيون كسا الجفون واديني لحالي استنا الفرح لكن الحزن طلع ديني حولت امنع كتابات تتقال حزينه ومش بتسر لكني ف كل مرة اندم والواحدة علئم مر نشكلكو بمشاكلكو ومش شايفنها لكن حسنها لو غاوي تكون مكاني خد دموع الشهرة بحلها الحوجه لـ المخلوق بعيد عن الخالق مزله وافتكرو فـ كل مرة ديما اقول العزله احلا 

(كورس 1)

بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي 

اكتفيت مـ الاجواع جفيت صاحب اصيل ما لقيت بقيت علي الي باعو من كترالجروح
 قسيت زود الجرعه ديا بسرعه جوة ابرتك .. اكيد المهدء مش بيتعب بس هيقتلك بنطيب الجروح بصوت منبوح ومحدش سامع لملمو كلمات تتقال ف تراك الحزن منو نابع دخان سجارة عايم دمع دايم عمرو ما يخلص كدبت لما قولت قل دمعك زاد ما بينقص .... كفنو قلوب متكفنه بداء حب البايعين معيرفوش ازي يبعو ويتئصلو بئصول خاينين مدوبنا ياما اتبعنا اتسبنا والي سابنا منا حتي حياتنا بقينا ندرمها ما احنا مش رايدنها غاوين للمغني لاجل كئابه بتتلخص ف غنوه يابايا مش بـ اديا بس هي ديه الدنيا بتمنا اعيش بوش بشوش مشوفش شقيق يبعني بس المكتوب جوة القلوب يعلم عنو الي خلقني 

(كورس3) 

 بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي

 شكيت والحزن اتقسم علي الحان كئيبه الدمعه لما تبقا عايمه فوق خدودك عيبه يبن الناس كفا التماس اعذار للي يبيعو كل الي بيسمع يدمع لاجلك ويقولك دا نصيبو من امتي بتضحك انت ما انت قولت دنيا وسخه حتي الي فارقت حياتك لما اتوفت قولت ارحه دا كله يبان علي اصلو بمجرد ما ياخد مصلحتو وانت ترجع واحدك تاني وتسئل نفسك ليه طب بعدو لاء ما كل الي فاتنا كل الي باعنا سابلنا ذكرة جويا حياتنا وقت المحنه نفهم احنا محدش فيهم سندنا غيرنا فـ نقسا ننسا نقول مسيرها تحلي بس بتبقا دابت ملمحنا حتي اشكلنا بقيت تنكرنا المعني الدنيا حلوة بس احنا الي بنكئبها لو كان ف خير ف قلبك كان ربك لاجلك غيرها هقولك من امتي البكي بيرجع الي راحو بكفايه اوجاع اقفل تراكك سيب الناس يرتاحو

مهدئ الحياة ليل جو mohd2 el hyah Lil JoOo

Bio :
Full name: Ahmed Nasser Shobokshy.
Qualifications: Business Administration
Religion: Muslim.
Place of birth: Cairo, Egypt.
Date of Birth: 16/03/1993 (23).

Personal Information :

مغني راب وممثل، بغني راب من 2007، كنت بغني خليجي لحد 2010 وبعدين من ساعه لما رحت مصر، بقيت بغني مصري، كان أول ظهور ليا في التلفزيون 2010 على قناه الرأي الكويتيه، سياسي صاحب رأي مختلف، غنيت ألبوم خليجي، إسمه الأسطوره وألبوم مصري أسمه صرخه أنسان و من أشهر اعمالي اغنيه ( لسه بحلم ) و ( احا ) و ( عندي كرش )