أولاد الشيخ البرعي - مدحة -  يا طيبة دوب ليكي(MP3_160K).mp3

سميرة دنيا _ صدقيني 💪❤️

مصطفى سيد احمد .. مريم الاخرى اوركسترا


شليل 
لحن اداء مصطفي سيد احمد
كلمات: القدال
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
* * *
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
* * *
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
* * *
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
* * *
سألتك بى كبيداتن ودعواتنا
شليل وين راح؟؟
يكون ضل الخريف فاتنا
شليل وين راح؟؟
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية 
ـــــــــــــــــــــــــــــــــــــــــــــ


مصطفي سيد احمد -- شليل

فرقة الصحوة - للمدينة وساكن المدينة - كلمات الشيخ عبدالرحيم البرعي - ألحان خليل فرح

اللَّيلة البَشاير جات
بالعزَّة والفرحة
اللَّيلة البَشاير جات
بالعزَّة والفرحة
يُوم خيلنا جَن واردات
شايلة النَّصر رايات
يُوم خيلنا جَن واردات
شايلة النَّصر رايات

رَفَّت برُوق الفَال
جابت الخَبر من ضيّ
قالوا العِيال رَاكزين
سَوّوا النَّجيض مُو نَيّ! 
رَفَّت برُوق الفَال
جابت الخَبر من ضيّ
قالوا العِيال رَاكزين
سَوّوا النَّجيض مُو نَيّ

شَالُوها حُمرَة عين
ختُّوا الوَسم بالكيّ
شَالُوها حُمرَة عين
ختُّوا الوَسم بالكيّ
شَدّوا البَدين ركبُوا
جابُوا النّعام مرحات

ناسًا كُرام طَيبين
يَلقوا الضُّيوف بَرا
ساعة الغَضب حَارِّين
زَي وَطية الجَمرة
ناسًا كُرام طَيبين
يَلقوا الضُّيوف بَرا
ساعة الغَضب حَارِّين
زَي وَطية الجَمرة
مِن رَهبتهم بتلِين
تتفتَّت الصَّخرة!
مِن رَهبتهم بتلِين
تتفتَّت الصَّخرة
فُرَّاس تعُوم في الطّين
هُم نَجدة للصِيحات

ديل المُحِيط يا نَاس
الأصلو ما بِنقاس
التوَّه العَوَّام
وغرَّق الغَطَّاس
ديل المُحِيط يا نَاس
الأصلو ما بِنقاس
التوَّه العَوَّام
وغرَّق الغَطَّاس
فُرَّاس عِيال فُرَّاس ❤️
ورثوا الكَرم مِيراث
فُرَّاس عِيال فُرَّاس
ورثوا الكَرم مِيراث
ما بخُش قلُوبهم خوف
حاشاهم العَوجات
الليلة البَشاير جات

يوم يضرب الرَّوراي
والحَر تَحرّ بالحيل
اتحكَّروا الجِنيَات
بِفوق ظهور الخَيل
يوم يضرب الرَّوراي
والحَر تَحرّ بالحيل
اتحكَّروا الجِنيَات
بِفوق ظهور الخَيل
منو البقيف قدام
عاتِي الريَّاح والسَّيل؟ 
منو البقيف قدَّام
عاتِي الريَّاح والسَّيل؟ 
ما سمعَنا بصقرًا مقتُول فرَاخ الوِز! 
اللَّيلة البَشاير جات

اللَّيلة البَشاير جات
بالعزَّة والفرحة
اللَّيلة البَشاير جات
بالعزَّة والفرحة
يُوم خيلنا جَن واردات
شايلة النَّصر رايات
يُوم خيلنا جَن واردات
شايلة النَّصر رايات
يُوم خيلنا جَن واردات
شايلة النَّصر رايات


اللَّيلة البَشاير جات

 السماني أحمد عالم - رحمه الله - مديح سوداني 

حننتو الي قبر النبي محمد - المادح  السماني احمد عالم

أهل السلسلة

 ساعة النسمة ترتاح
على هدب الدغش وتنوم
أنا مساهر 
هد الحيل .. غرامك
واجترار الذكرى 
طيفك في خيالي يحوم
يا هاجر
انا والليل .. ومر جفاك
مساهرين نحكي للافلاك
لاخلصت حكاوينا 
لالقينا البداوينا
يامشهيني طعم النوم
وطيفك في خيالي يحوم
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى
وجرحك ياغرام الروح
لاطاب لابيدور يبرا
ده جرحك مهما طول وغار مطبوع فيني بالفطرة
وبين الذكرى والنسيان
مسافة قريبة يا انسان
ولو حاولت تتذكر
تعيد الماضي من أول
تلقى الزمن غير ملامحنا
ونحن بقينا مانحن
وانا الصابر على المحنة
ولو كان الزمان قساك
.. انا ماقسيت

حننتو الي قبر النبي محمد - المادح السماني احمد عالم

ahmed eltayeb