و آدى جحا المصرى شايفينه 
بحماره اللي انتوا عارفينه 
جاى و ضحكته فى شفايفينه 
سابقاه .. و حبايبه زافينه 
هلت أنوارك .. يا جحا 
أنت و حمارك .. يا جحا 
من نارنا و نارك .. يا جحا
هزلك و هزارك .. يا جحا 

ده بتاعنا و ما احناش سالفينه 
يحيا جحا و تحيا أسافينه 
......... 

الوش ما شا الله عيش فينو 
و الدم بشربات خفينه 
و لسان يهري اللى مخالفينه 
آه .. و يزل اللى مقارفينه 

و رفعنا شعارك .. يا جحا 
ده مرارنا مرارك .. يا جحا 
زيح عارنا و عارك.. يا جحا 
خد تارنا و تارك .. يا جحا

أعادينا الجبنا خايفينه
يحيا جحا و تحيا أسافينه 
....... 

جحا جاى قلوبنا مضايفينه 
و لا مال و لا منصب تالفينه 
و لا أعادينا فى يوم بالفينه 
و لا عن خير ناسه حارفينه 

صوتنا و لساننا .. يا جحا 
انصف انسانّا .. يا جحا 
انصر أحسنا .. يا جحا
و انشر إحسانا .. يا جحا

ده يمين عالختمة حالفينه 
يحيا جحا و تحيا أسافينه

تتر بداية مسلسل جحا المصرى - مدحت صالح

Ahmed Emad