الصوت اللى ف الدقيقة 1.50 بتاع القطر والاذان دا جايبه منين بالجودة دى فيلم ولا ايه؟

أعمل إيه عشان اخليك تحبني؟

صوت القطر بيسب الدين للقاهرة

صلاة خوف
قصيدة لمحمود عزت

نجّينا م الشرّير
ارحمنا م التجربة.
المعركة _المرّادي_
مش هيّنة..
المعركة غايمة..
غربال ورا غربال
وف صفنّا الجنرال.. 
المعركة مرعبة.

ووقفنا زيّ الجثث..
باصين على المدبحة.
الدم على صدرنا..
بننتصر؟ ولّا..
فـ طابور الدبح؟
هل دا سؤال العار
ولا السكوت أقبح؟
ننزل نلمّ الغنايم..
ولا نعدّ الجثث؟
خلاص..
فتحنا الطريق؟
ولا الطريق اتهدم؟
الشهدا أخدوا القصاص؟
ولا بكوا م الألم؟
المجد للقنّاص؟
ولا اللي مخّه اتقسم؟
نبني جدار للفخر؟
ولا نافورة الدمّ؟
فيه ظلم..
آخره الجناين؟
فيه عدل..
بابه الظلم؟

خرّجنا م المحنة
لما الغيلان صرخت
غارزين في بعض الناب.
فجأة اكتشفنا ف صوتنا
ريحة الدم..
وف وشنا أنياب.
وان الغيلان احنا 

نجّينا م المحنة..
وم الهذيان..
وم النشيد العظيم
ع المارش..بالتعظيم..
بتردده الجماهير
بصريخ جماعي عنيف
يكبت صريخ الخوف..
واللي بيرفض يهتف
يبقى شق الصفّ..
خاين..فـ صف الوحدة
مش مصفوف..
نجينا م الوحدة
والصف ماتوحّدش..
لكن بيتوحّش
نجينا من رؤية
واضحة وضوح الجبل..
بين العمى والشوف
لكنها الأوهام..
خرّجنا منها سُلام..
أكتاف على أقدام..
خرّجنا منها نضاف
الدم مش ع الكفّ..
خرّجنا منها ألف..
أو ميّة..
أو واحد
ف المقتلة القايمة
ينسي سؤال الحرب
يسأل سؤال الضعيف
ويقول:
أنا خايف..
مش م الهزيمة
إنما م النصر
مفروش طريقه بالجثث
للقصر.
لا ندخله..
لا نحمي أصحابه..
نفضل نحاصره
وإسمنا مطموس
نكتب أسامي الشهدا
على بابه..
خرّجنا منها عرايا
زي ما دخلنا..
لا وزرا ولا حاشية
لا نلبس النياشين..
خرجنا منها جُداد
زي ما نزلنا
عيال كتير ماشية
من حدّ مش خايفين..

خرّجنا منها الآن..
نجّينا م التجربة..
المعركة مرعبة
نجينا م التجربة..
المعركة مرعبة. 

صلاة خوف | Prayer of Fear

كلمات : احمد فؤاد نجم

اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. ومصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
اتجمعوا والعشق نار في الدم ….. نار تحرق الجوع والدموع و الهم
نار تشتعل لما القدم ينضم …. لما الايادي تفور في لم اللحم
قدم العدو غارسة في لحم ترابي … و الكدب عشش مخبرين على بابي
و المخبرين خارجين كلاب سعرانة … بيجمعوا العشاق في الزنزانة
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

الشيخ امام - اتجمعوا العشاق ف سجن القلعه (جوده عاليه | Sheikh Emam - Etgama'ao El Oshak

".........................................................."

الأصوات :
قرآن : الشيخ مصطفى اسماعيل : سورة الفرقان
تسجيلات :
اكثر من 200 فيديو من أهم فيديوهات التي توثق احداث الثورة المصرية منذ اندلاعها
 خواطرالشيخ الشعراوي الاسبوعية
برنامج العلم والأيمان : مصطفى محمود
وثائقي : اسمي ميدان التحرير
خطاب مبارك الأول و الثالث | خطاب عمر سليمان بتنحي مبارك
شهادات رامي عصام وسميره ابراهيم في احداث 9 مارس
برنامج اخر كلام : يسري فوده
بيان القيادة العامة للقوات المسحلة | عدة خطابات لمرسي
شهود المذبحه : شهادة الطبيبة فاطمة بياض
تحت المجهر : الطريق الى 25 يناير
برنامج عصير الكتب : بلال فضل
خطبة علي جمعة وعمرو خالد للقوات المسحلة قبل الفض
ضمير : برومو تسلم الايادي 
الاغاني : يا بلادي : رامي جمال و عزيز الشافعي | رامي عصام : ارحل | محمد منير : ازاي
حرية : التراس اهلاوي | يا مصر هانت وبانت : مصطفى سعيد
نجوان : يا عسكري | محمد محسن : يا شعب | حدوته مصرية : احمد منيب
زياد سحاب : شو كانت حلوة بلادي
شعر:  أحمد فؤاد نجم : بيانات على تذكرة مسجون | اغضب : فاروق جويده | لا تصالح : امل دنقل | 
من وحي الانبياء الجدد : وائل فتحي - أحمد عبد الحي - مصطفى ابراهيم
موسيقى الخلفية : 
Le Trio Joubran_Zawâj El Yamâm
The Temple Of Poseidon
3200 Years Ago
شكر للمبدعين الأصليين للأعمال
شكر خاص لجميع المصورين الصحفيين
اهداء لأرواح جميع الشهداء
اهداء و شكر خاص جداً لسندس شبايك

05.المزيج العميق_واحد

مزيج من أشعار ابن عربي وابن الفارض ورابعة العدوية والحلاج بصوت المبدعة ريم بنا

شمس الهوى في النفوسِ لاحت           فأشرقت عندها القلب
الحبُّ أشهى إليّ مما               يقوله العارفُ اللبيبُ
يا حبَّ مولاي لا تولِّ           عني فالعيشُ لا يطيب
لا إنس يصغو للقلبِ إلا              إذا تجلَّى له الحبيب 

يا نعمتي في حياتــي	 و راحتي بعد دفنـــي
ما لي بغيرك أُنــسٌ	 من حيث خوفي وأمنـي
يا من رياض معانيـهْ	 قد حّويْـت كل فنـّـي
وإن تمنيْت شيْــــاً	 فأنت كل التمنـّـــي

أحِبُكَ حُبَيْنِ حُبَ الهَـوىٰ

وحُبْــاً لأنَكَ أهْـل ٌ لـِذَاك

فأما الذي هُوَ حُبُ الهَوىٰ

فَشُغْلِي بذِكْرِكَ عَمَنْ سـِواكْ

وامّـا الذي أنْتَ أهلٌ لَهُ

فكشفك للحجب حَتىٰ أراكْ

فلا الحَمْدُ في ذا ولا ذاكَ لي

ولكنْ لكَ الحَمْدُ فِي ذا وذاك

ولما علمت بأن قلبي فارغ ممن سواك ملأته بهواك 

وملأت كلي منك حتى لم أدع مني مكانا خاليا لسواك

أخفيت حبّكم فأخفاني أسى
حتّى لعمري كدت عنّي أختفي
وكتمته عنّي فلو أبديته
لوجدته أخفى من اللطف الخفيّ
ولقد أقول لمَن تحرّش بالهوى
عرّضت نفسك للبلا فاستهدف
أنت القتيل بأيّ مَن أحببته
فاختر لنفسك في الهوى مَن تصطفي
قل للعذول أطلت لومي طامعاً
أنّ الملام عن الهوى مستوقفي
دع عنك تعنيفي وذق طعم الهوى
فإذا عشقت فبعد ذلك عنّف

وإن اكتفى غيري بطيف خياله
فأنا الذي بوصاله لا أكتفي

ولقدْ خلوتُ معَ الحبيبِ وبيننا	 سِرٌّ أرَقّ مِنَ النّسيمِ، إذا سرَى

فأدِرْ لِحاظَكَ في مَحاسِن وَجْهِهِ،	 تَلْقَى جَميعَ الحُسْنِ، فيهِ، مُصَوَّرا

يا مانِعي طيبَ المَنامِ، ومانحي	 ثوبَ السِّقامِ بهِ ووجدي المتلفِ
عَطفاً على رمَقي، وما أبْقَيْتَ لي	 منْ جِسميَ المُضْنى ، وقلبي المُدنَفِ

ما لي سِوى روحي، وباذِلُ نفسِهِ،	 في حبِّ منْ يهواهُ ليسَ بمسرفِ
فَلَئنْ رَضيتَ بها، فقد أسْعَفْتَني؛	 يا خيبة َ المسعى إذا لمْ تسعفِ


مزيج صوفي - ريم بنا - Euphoria

مصطفى ابراهيم المولويه

Add Me on Facebook : فيسوك بتاعي
https://www.facebook.com/diab.live



. بيدج مزيكاتي  .. شرفونا هتنبسطوا

www.facebook.com/Mazzikaty2


Mixed By : Me

Enjoy ..

apparition _  تجَلِّي _ مزج صوفي


"ينقذ في سلاحف بحرية...
يقتل حيوانات بشرية"
- تلك قضية وتلك قضية 

كيف تكون ملاكا أبيض ؟
يبقى ضميرك نص ضمير
تنصف حركات الحرية
وتنسف حركات التحرير
وتوزع عطفك وحنانك
ع المقتول حسب الجنسية
وتلك قضية وتلك قضية

كيف تكون إنساناً راقي
ومطابق للإشتراطات
كل كلامك لابس واقي
وبتحضن كل الشجرات
بتقول ع البواب الحارس
وجنبك جيش بيهد مدارس 
واما بتقفش نفسك لابس
دم.. تقول الكل ضحية
 وتلك قضية وتلك قضية 

كيف أصدق هذا العالم
لما بيحكي عن الإنسان؟
شايف أم بتبكي ضناها
علشان مات في الغارة جعان 
ويساوي المقتول بالقاتل
بشرف ونزاهة وحيادية 
 وتلك قضية وتلك قضية

كيف أنامَ قريرَ العينِ
وأضع سدادة أذنين
والعيلة المدفونة ف بيتها
ممنوع حد يخش يغيتها
وكأن الارض اللي فوقيهم
مش تبع الكورة الأرضية 
وتلك قضية وتلك قضية 

كيف تعيش في سجنٍ واسع
زنازينه من نار ورماد
وتقوم من تحت الأنقاض
تتشعلق ف رقاب القاتل
تجمع اشلائك وتقاتل
وتوري الدنيا الكدابة
كيف يسير قانون الغابة
من اين طريق الحرية 
ومن أين تؤتى الدبابة
مش فارقة العالم يتكلم
موت حر وما تعيشٌ مسلّم
تلهم جيل ورا جيل يتعلم
كيف يعيش ويموت لقضية

بننادي على عالم مين
علشان يستنكر ويدين
دن كما شئت فأي إدانة
لما يجري جوا السلخانة
مش هتخف بارود الدانة
ولا قادرة ترجع له صباح
تلك قضية 
وهذا كفاح


#تلك_قضية

تلك قضية - مصطفى إبراهيم

موسيقى و هندسه صوتيه : رفيق عدلى

Recorded and mixes at One Take Studio

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا

Mostafa Ibrahim
https://www.facebook.com/mostafa.ibrahim?fref=ts
Rafik Adly
https://www.facebook.com/pages/Rafik-Adly-Works/105834799486969?ref=notif&notif_t=page_user_activity
OneTake Studio
https://www.facebook.com/pages/Onetake-Studio/627330647334095

البنكنوت(بموسيقى) - مصطفى إبراهيم

* مصطفى إبراهيم من فيلم أخضر يابس
* سكان بلا عنوان 
* مشاهد من فيلم هيستريا
* شعر مصطفى إبراهيم 
* أم كلثوم وأنت معايا
* أم دنقل ليلية
* Changeling Soundtrack
*  The Train Leaves - The Secret in Their Eyes
*  The Bridges Of Madison County - film soundtrack

Cairo station

ف الأيام الصعبة ونا شحط
بفتكر الأيام الصعبة ونا عيّل
و بقول عديتهم و انت قليّل
مش هتعديهم دلوقت؟
و لو الأيام غير الأيام..
و الدنيا غير الدنيا..
انتا كمان دلوقتي زمانك واحد تاني..
او واحد تالت
انا بكبر..
و العالم بيقول لي أكبر ونا ساكت
بيقول لي كل ده عادي
و ان انا بكبر ف معادي
و مفيش شيء يستدعي الأزمة
و الحزن الفاضي ملوش لازمة
و بص لغيرك..
حطّيت نفسي ف جزمة غيري
بس لقيتني ف نفس الجزمة
و لقيتني بنفس القلب
و لقيت العالم كله بيجري حواليا من نفس الكلب
و لقيتني ف بحر الخايفين
تايه و وحيد
مش لاحق اراجع مع نفسي انا مين
خايف من بكره و خايف أتغيّر
.....
انا الزبون الدائم للمطاعم اللي بيسهروا لمتأخر
صديق كلاب المنطقة من غير أسامي
شهواني و ملول 
و عدو الناس اللي بتتكلم علطول
تلميذ خيبات الأمل المتتالية
و من أنصار الباب المقفول
بعرف اقول معرفش
و بعرف اقول شكراً
و بعرف اقول للشعب العامل دُمتُم ذخراً
و بقول للشعب العطلان معلش..
انا حاسس بيك
بتمنى الدنيا تدّيني و تدّيك
بتمنى الدنيا تفهمنا واحد واحد
أو تستنانا لحد ما أحزاننا تفارقنا
بحلم زيّٙك أعيش مرتاح..
و أعيش إنسان
و بحلم يوم ما نلاقي طريقنا
تفضل حاجة ما بيننا
إحنا كمان
مش للبيع..
ولا للنسيان

انا بكبر - مصطفى إبراهيم

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

Cairo station

Ahmed Gado

Recent comments

abdeen

abdeen

محروس صالح

صادقة كصلاة الخائفين.

Related tracks