فلان الفلاني - أغنيه رائعة لشهداء الثورة - YouTube

Sm3na Com 32931

أصوات وصرخات تراكمت يوم المجزرة وظلت عالقة هناك
https://www.facebook.com/media/set/?set=a.10151774474978959.1073741836.318986983958&type=3

المذبحة

غناء : أحمد سامح |
https://www.facebook.com/ahmad.sameh.7355

كلمات : نانا شاكر |
https://www.facebook.com/nana.e.shaker

الحان : جون خليل |
https://soundcloud.com/eng-john-k

توزيع & تسجيل & ميكس : فادى ميشيل |
https://soundcloud.com/eng-fadimichel
 
عود : أمير منير |
https://soundcloud.com/amirmonir
 
بركشن : إسو |
https://www.facebook.com/essoo123

أحلم ب بكرة جديد... احلم تكون انسان 
واجه همومك عافر... غيّر زمان ومكان 
اجرى ورا الاحلام... مد الخطاوى جسور
عدى لـ بكرة واوعى... تبنى بـ خوفك سور
زلْزل جبال م العجز... دا الصعب وهم كبير
مهما يكون الصعب... لسّة العزيمة ب خير 
احنا اصل الحكاية.. انسان وحقه يعيــــش
هـ حلم واحلم معايا.. دا الحزن ما بيرويش
هو طبع الحياة..  تسقينا حلو ومر 
جوا روحك خلاصك... وباختيارك حُـــــرّ
افتح بيبان م الضىّ... عدلّها 100 حاجــــــــــــــز
كل اللى شايفه  حقيقة... كان فى يوم يادوب "جايز"

Metrotune - E7lam | متروتون - احلم

جديد ألتراس نهضاوي مع المنشد محمد الصهناوي

الثورة للجدعان

لسَّه عايشة

لسه عايشة فـ قلبي لسه
نبضة معجونة بحنين
أوعي تفتكريني هـ أنسى
لو غيابِك طال سنين

الزمن بينِك وبيني
علَّى أسوارُه الحزينة
بس ممكن تحضنيني
لما تتشبِّك إيدينا
جوَّه حلم
دموعنا فيه بتطرح ورود
فيه بأقابلِك
من ورا عيون الوجود

الغياب هـ يكونلُه معنى
لو ماكونتيش حتَّة مني
كل جرح فـ يوم جمعنا
بين شفايفِك قام يغني
جوَّه حلم
دموعنا فيه بتطرح ورود
فيه بأقابلِك
من ورا عيون الوجود

مش هـ أقول إنِّك بعدتي
مش هـ بان قدام عيون الناس حزين
دا اللي عايش م الحقيقة هوَّ إنتي
والبشر هُما اللي يمكن ميتين
-----------------------------------
كلمات والحان : أنطونيوس نبيل
توزيع : وليد ميمني
شكر خاص لـ مريم حلمي

Lessa 3aysha - Johnny |   لسَّه عايشة - جوني

الجوع كسرنا
جيبنا الطبيب
أول ما زارنا
قال دا النصيب

قولناله ليه
طب نعمل ايه
ماحناش جبال

قولناله ليه
غمّض عينيه
وبسرعة قال:

"الجوع علاج
والذل تاج
والاحتياج
أفضل كتير من الغِنى"

قولناله روح
ماتيلا روح
ياحبيبي روح
صدّعتنا

قاعد تهاتي
توعظ يوماتي
تمدح ف جوعنا
تسرق دموعنا
وتسقي بيها
بساتين خافيها
في جيبك انتا

لحد امتى
تفضل بالفنا
تلطش رغيفنا
وتقوم حادفنا ف بحر الهلاك
تكتب روشتة
واتنين وستة
وعاملنا كوبري لمُشتهاك
وفر نصيحتك
ماخلاص دبيحتك
عرفت مُرادك و مُبتغاك
ماخلاص فهمنا
مابقاش هاممنا
ولا عاد لازمنا نطلب دواك


---------------------------------                                          
كلمات والحان : انطونيوس نبيل
توزيع : وليد ميمني

الجوع كسرنا - جوني

تعويذة

قال للساحر ياللا عالجني
فُك قيودي وحطّم سجني
قول للحزن بلاش يزعجني
خلّي الدُنيا ف عيني لذيذة
رحّب بيه الساحر قال له
خطوة عزيزة

قال للساحر قلبي تاعبني
صوت نبضات جرحُه بترعبني
قول للعالم يستوعبني
خلّي الدنيا ف عيني لذيذة
رحّب بيه الساحر قال له
خطوة عزيزة

قال للساحر مهما بأجرّب
إني أشرّق ولّا أغرّب
بألقى الخوف أسوار بتقرّب
وألقى عيون الموت بصّالي
ردّ الساحر قال له كفاية
روحي ف روحك شايفة مراية
بتكرّر حواديت جوايا
بردها بيزلزل أوصالي

قام الساحر قال له تعالى
أنا بأشتكي من نفس الحالة
تعاويذي معاك مش شغّالة
وبقالها سنين مش نافعاني
ياللا نشوفلنا ساحر تاني
يمكن نلقى هناك تعويذة
قادرة ف ثانية
تخلّي الدُنيا
ف عينّا لذيذة
----------------------------------
كلمات والحان : أنطونيوس نبيل
توزيع : وليد ميمني

كليب تعويذة
https://www.youtube.com/watch?v=DlVRnbTAIYA

Sm3na Com 32931

Ahmed Gamal 309