totii <3

مينا

amr hassan

عبهاادي

Amr Hassan

amr hasaan

عمرو حسن

العبقري عمرو حسن

shooter

حمد القطان - قلوب الناس - HAMAD ALQATTAN - QlobAlnas
غناء وألحان | حمد القطان  @hamadalqattan
كلمات | رياض العوض
توزيع | محمد ابراهيم 
تصميم البوستر | ياسرمنير @YasserBekham


حمد القطان - قلوب الناس - HAMAD ALQATTAN - QlobAlnas

عاوزة أفرح بيك
لما أفرح بيكي انتي الأول
اتلم ياواد بتكلم جد
انا عاوزه اتطمن ليك وعليك
والنبي فكّك 
والله عبيط
انا يابني هاروح مش هاقعدلك 
محتاجة اشوفك ساكن بيت
هو انا يعني بنام ف الشارع ؟
ياحمار اديني عقاد نافع 
مش هتجوز انا كده مرتاح
أنا أمي كمنجة وحضن متاح 
ومشاعر معرفش احكيها
أنا متجوز أمي أساساً 
متطمن وانا عايش بيها
أنا كل ما بهرب منها واغيب 
بكتشف إن انا بهرب فيها 
الست دي حالة ماتتكررش
نتغير ..... هي ماتتغيرش
الدنيا تشيلها وتهبدها 
تطلع تنزل
تكسرها تقوم 
أنا أمي أنوثة بـ100 راجل
ورجولة بدرجة ناي مكتوم 
ساعة ماتوفى أبويا وراح 
شوفت ف نظرتها كلام وجراح
من يومها وهي عمود البيت
والآمر دايماً / والناهي 
الدوا جيبته ؟
فاكراني نسيت ؟؟
انا عارفه ان الدنيا تلاهي
احضنها تقوللي امشي يانصاب
بتغيب أيام زي الاغراب 
وتقولي مشاغل وأبصر ايه
انا أصلي بقيت شاعر معروف
قالك معروف .. بأمارة إيه 
كوافيلك تشهد يامهزأ
ف رضاكي يامزة أنا بتلزق 
واخرج على أوضتي شوية وانام 
واسمعها تصلي وتدعيلي
الواد تلفان
انما طيب .. وانت قريب
ارزقه رزق بحجم السماوات 
وارزقه بالخلفة ولاد وبنات
وتنام وتقوم تلاقيني مشيت
فتقوم تبدأ ترويق ف البيت 
أنا اسف جداً ياحبيبتي
علي سفري الدايم والاشغال 
علي كل كلام ضايقك واتقال 
انا مهما بدور وباعيش ف الدور 
باطلع وانزل واجي عليكي 
أنا راجل جداً 
ورجولتي تلخيصها ف بوسة علي ايديكي 
والدنيا ان ضاقت ف انتي براح 
وانا جنبك باتطمن وارتاح 
وخناقنا ساعات بيكون راحة 
وخصامنا كتير بيكون تلكيك 
الأم مكان لسكون الروح
وخضار من قلبك طارح فيك
أيوة ياماما ؟
عاوزة أفرح بيك

قصيدة عاوزه أفرح بيك

أنباء هامّة - موسيقى جواد نوفل(مونما)
كلمات و أداء : بو ناصر الطفّار و مازن السيّد "الراس"
من ألبوم الرأس و مونما : "آدم داروين و البطريق" 
الالبوم الكامل على : http://elrass-munma.bandcamp.com/releases

الثورة مو عالشاشة / الثورة عالطريق
الصورة من أعمال بانكسي

أنباء هامّة- ناصردين الطفّار و الرّاس

لونك المخطوف .- lonek elm5tof RamyEssam

لتحميل اجدد الاغانى 
www.facebook.com/sm3na.mazzika

اغنية شاهيناز ضياء - انا بعشقه |2014

البنت اللي سهرانة
غناء: حنان ماضي https://www.facebook.com/hanan.mady.7
علي الألفي https://www.facebook.com/aly.alalfy
كلمات: عمرو حسن https://www.facebook.com/amr.hassan.378
ألحان: مصطفى العسال https://www.facebook.com/mostafa.elassal.71
توزيع: محمد العشي https://www.facebook.com/elashey
هندسة صوتية: منتصر عامر https://www.facebook.com/montasser.aamer

البنت اللي سهرانة: حنان ماضي - علي الألفي - كلمات:عمرو حسن - ألحان: مصطفى العسال - توزيع: محمد العشي

كلمات : عمرو حسن
قصيدة و أغنية : كان بلياتشو
أداء غنائي فريق : عمدان النور
تصميم الصورة : عمر خالد

كان بلياتشو

باند ع السلم
من الاسماعيليه

ازازه فودكا .. ع_السلم باند

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

للمزيد والتحميل 
http://el-7mla.blogspot.com/2016/02/blog-post.html

لمينا الكفار -الحملة دوت كوم

دينا عادل - يبقى أنت أكيد المصري - البرايم 16 والاخير من ستار اكاديمي 11 - YouTube

دينا عادل - واحشني إيه - البرايم 13 من ستار اكاديمي 11 - YouTube2

دينا عادل - قلبي ليك ميال - البرايم 12 من ستار اكاديمي 11 - YouTube

مشاعر كتير متلخبطه .. حاولت ألخص جزء منها فـ الدقايق دى .. غمضوا عنيكوا و اسرحوا .. الكنز فـ الرحله 

مطلوب حبيب / فيه أمل


مابتحبكش 
بتتعب ليه وتزرع أرض مش أرضك 
وليه سهران 
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض ! 
مابتحبكش والله
وكل اللي اتعمل بينكم حكاية وقت مش اكتر 
كلامك كله كان عادي 
ووردك مرمي ف الشارع من الشباك 
بتضحكلك وتبقى معاك 
وتحلفلك تكون وياك
وبعد ماتمشي بتسيبك تاريخ مهجور 
حكيت وياها عن نفسك فتاجرِت بيك 
واديها ياسيدي بتعايرك باسرارك وبعياطك قصاد منها 
تجيب سيرتك واخبارك وتسبكها بدموع عينها 
ولا صانت كلام بيبنكم 
ولا قدرت تراعي حتى حلفانها 
ياراجل ده انت علشانها 
بقيت واحد ماتشبهلكش
مابتحبكش
بتبني ف ايه ؟
بتنكر ليه كلام واضح كضي الشمس 
بقالك قد ايه مشتاق 
لواحده كان لقاها فراق 
وكنت معاها طفل كبير 
حكيت للكل عنها بدون ماتتكلم 
وكنت تشوفها فتسلم 
وكنت تشم بارفانها فتعرف دارها ومكانها 
وتعرف كل الوانها بلمسة ايد 
ادي العيل ف وصف العيد 
لا نفع الشاي ولا الحكايات 
ولا الاحلام ولا البدايات 
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك 
وتشتم فيك 
وتدعي عليك 
ولا بتقول ده كان طيب وكان فيه بيننا ضحك دموع 
ولا بتقول ده صان وجعي ولا حافظ على المجموع 
مسافة ما الكلام بيموت بتنسى كل شيء له أصل
وتترك للمشاع سيرتك 
بتعمل ايه ؟؟ 
ياخي والله عيب فعلاً 
عشان امك ياخي حتى 
عشان حلمك 
عشان لو شفت ف مرايه انعكاس صورتك ماتتعرِّش وماتوطيش 
يادنيا رخيصه مابتديش 
لواحد حد يستاهله 
يشوف الشخص لما يعيش 
نتيجة موقفه وجهله 
نصيبك وانتي من أهله 
هموم الناس مابتضحكش
مابتحبكش
شكلك زفت 
اديك وعرفت
ف ايه ردك ؟
كفايه خيابه من حدك 
كفايه سنين بتتسرسب عشان ولا شيء 
مافيش ف الدنيا حد يبيع وهو بريء 
مقامك وسط كل الناس مقام عالي 
ووزنك في عيون اهلك دهب غالي 
وروحك نجمه بتلالي وقلبك ناي 
رميت نفسك لقلة قيمة بس ازاي 
طلع خوفك عليها ف عينها ضعف شديد 
وقربت بمشاعرك بس هي بعيد 
خيالها مريض بناس عدّوا 
بتتلذذ ببيع وجعك على الرصفان 
وتيجي انت وبتسامح بأي ضمان
لا والأعجب بتطلع منها غلطان 
وتطلع حد مش شاري 
كإن العرض كان ساري يومين بالظبط 
لا منك غِبت ولا قرّبت 
وادي الأيام بتثبتلك وبالاوراق 
غلط نظري ف نظرك فجأة ع الأشياء 
قعدت كتير عشان تفهم وربك شاء 
تضيع أحلى ما ف عمرك عشان انسانه ماتحسكش 
مابتحبكش صدقني 
مابتحبكش.

شكر : ستديو زين داوود 

مابتحبكش

ادم يا قلوب قلوب يا قلوب ن

معاد مناسب للقيامه

أسامة عطية - جرحونا   Osama Attia - Garahouna

lyrics :                         Amr hassan  
melody composing :  Sherif ghaly 
musical arrangment :   Shady monir
sound engineer :         Gerges sobhy 
studio :                          Surround studios
for contact :::
www.facebook.com/mousaproject
www.instagram.com/mousaproject
www.twitter.com/ahmed_mousa1982

law konty estanety | لو كنتي استنيتي شويه

عمرو حسن المسرحية لاول مرة

ادم-ارجعلي يا حبيبي

دنيا مسعود - بتناديني تاني ليه

كلمات : خالد عبد القادر
 لحن: يحى نديم


جيبت لي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته !!

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 



حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 

قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ردنى عالباب عطب روحى 
جابلى ناى وزتونه مطروحى 

جيبت لي صاحب وحبيته
زقنى فى المنرو زقيته 
واما مات فيا ومت انا فيه 
روحتله بيته وعزيته

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 

خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر 
واللى كان ضاحك بقى أراجوز

عمدان النور - سيرة الأراجوز

R A S M A L A T -محمد منير- -شجر الليمون

 أحداث كربلاء - ديوان المانيفستو

عمرو حسن المسرحية لاول مرة

Ahmed Gamal Hamzawy