ahmed

أحمد فؤاد نجم

الشيخ إمام - صوت مصر

she3r

sh3r

نجم

الشيخ امام و عمنا نجم :) ❤

الشيخ أمـام و أحمد فؤاد نجم - مصر يـا أمه يا بهية / النسخة الأصلية

. مصر ياما يا بهية... الشيخ امام و أحمد فؤاد نجم .كاملة بالموال

مصطفى إبراهيم-مع الثوره ذالك افضل

خبِّئْ قصــــــائدَكَ القديمـــــــــةَ كلَّها

واكتبْ لمصـــــــرَ اليومَ شِعــرا مِثلَــــــها

 

لا صمتَ بعدَ اليـــــومِ يفرِضُ خوفَهُ

فاكتبْ ســــلاما نيلَ مصــرَ وأهــــلَهــــــا

 

عينـــاكِ أجمــــلُ طفلتينِ تقـــــــررانِ

بأنّ هذا الخـــــــــوفَ ماضٍ وانتــــهى

 

ويداك فدانان عشقٍ طارحٍ

ما زال وجهُكِ في سَماهُ مُؤَلَّها

 

كانتْ تداعبُنـــا الشـــــــوارعُ بالبرودةِ

والسقيــــــعِ ولـــــم نفسَّـــرْ وقتَهـــــــا

 

كنــا ندفِّــئ بعضَنـــــا في بعضِنــــا

ونراكِ تـبـتـسـمـيـــن ننســـى بَـــــرْدَهـــا

 

وإذا غضِبنـــا كشَّفــتْ عن وجهِهــا

وحيــــاؤُنا يــــأبى يدنِّــــسُ وجهَــهــــــــا

 

لا تتــركيهـــم يخبـــروكِ بأنـنـــــي

متمـــــردٌ خــــــــــــانَ الأمــــانـةَ أو سَها

 

إني أعيذكِ أن تكوني كالتي

نقضتْ على عَجَلٍ وجهلٍ غَزْلَها

 

لا تتبعي زمنَ الرُوَيْبضةِ الذي

فقدتْ على يده الحقائقُ شكلَها

 

لا تتــركيهـــم يخبـــــروك بأننــــي

أصبحـــتُ شيئاً تافهــــاً ومُـــــــوَجَّــــــها

 

فأنا ابنُ بطنِكِ وابنُ بطنِــكِ مَنْ أَرادَ

ومَــــنْ أقـــــالَ ومن أقــــرَّ ومن نَـــهَى

 

صمتَتْ فلــــولُ الخــائفيــنَ بِجُبْنِهِم

وجُمُــــــوعُ مَنْ عَشِقُــــــوكِ قــــالتْ قَوْلَها

هشام الجخ - مشهد رأسي من ميدان التحرير

واه يا عبد الودود - احمد فؤاد نجم

أحمد فؤاد نجم - قصيدة الاضراب

التراك من برنامج حواديت أبو النجوم على قناة دريم من 2005

أحمد فؤاد نجم بيكلم عن مصر  " بهية " بيراهن عليها و بيستنى الثورة والشهدا 
وكل اللي استناه عاشه وشافه
....

النهاردة رحل أحمد فؤاد نجم
3- 12 -2013 
***********

اااااه يامصر يابنت المجنونة
كل عشاقك مجانين
وكل عشاقك عاشو فى الغربة وماتو فى الغربة
عبد الله النديم مات فى الغربة
محمد فريد مات فى الغربة
جمال حمدان مات فى الغربة ... هو اللى يموت حوه اوضة محدش يعرف عنه حاجة دى برضة مش غربة؟

مصر يا مّة يا بهية
يام طرحة وجلابية
الزمن شاب و انتي شابة
هو رايح وانتي جاية
جايه فوق الصعب ماشية
فات عليكي ليل ومية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
تطلع الشمس تلاقيكي
معجبانية وصبية
يا بهية
أه يامصر ياوجعى ياجرحى يا حلمى ياتعبى
بس انا مراهن عليكى وستنيكى ليلة الفرح
وانا واخد قرار ماموتش الا لما احضر الفرح دة
أحضر فرحك وأنقط وأقول شوبش أهل العروسة
وحبايب العروسة وشهدا العروسة
بس انا مت؟أكد انك جاية رغم كل البلاوى اللى احنا فيه دى
مش عارف بحب فيكى ايه وحبوا فيكى ايه 



آه يا مصــر يا بنــت المجنــونة  "بهيّـة"  أحمد فؤاد نجــم

كلمات : احمد فؤاد نجم
فى هجاء السادات

أوأه المجنون ابو برقوقه
وزبيبة غش وملزوقه
نصاب ومنافق وحرامى
ودماغه مناطق موبوءه

والنكته كمان انه حلنجى
وعاملى فكاكه و حندوقه
على ان الجحش أفهم منه
والعالم فاهمه و مفلوقه

بسلامته بيسرح قال بينا
يعنى احنا مواشى يا زقزوقه !
دا احنا الحريفه العريفه
غيرشى الايام المدعوقه

أوقه المجنون ابو برقوقه - الشيخ امام

شيد قصورك | الشيخ إمام - أحمد فؤاد نجم

شرفت يا نيكسون - الشيخ إمام / أحمد فؤاد نجم

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

أحمد فؤاد نجم - عنبر..كله يسمع

أحمد فؤاد نجم - البتاع

أحمد فؤاد نجم - نوّارة

نجم في تقديمه للقصيده
 "دي قصيدة ليها نوعية خاصة، القصايد اللي بكتبها ليلة مبخش السجن"

أحمد فؤاد نجم - عزة

الشاعر هشام الجخ 
قصيده متزعليش

هشام الجخ - متزعليش.

" فيا أيها الشعب كمل جميلك "
بيان هام أو هنا شقلبان
 قصيدة نادرة للشاعر أحمد فؤاد نجم . تهدف للسخرية من الرئيس الراحل أنور السادات ونقد سياساته  .

"بيان هام- أحمد فؤاد نجم

فلان الفلاني - مصطفي إبراهيم

ايها المواطنون مجلس الانس الكريم
 
 
في بداية الاحتفال اشكر الاخ ابراهيم
 
 
 
النهارده جبتكم للمناقشة في الحوار
 
 
 
تسمعوني و اقلكم هكذا يبقى الحوار
 
 
 
بس قبل الاحتدام خلو بالكو صحصحوا
 
 
 
حد اثناء الكلام يتنقل من مطرحه
 
 
 
كل عام و انتم بخير
 
 
 
النهارده في بلدنا أي واحدعنده حق يبدي رأيه في أي حاجه الا في السياسة .. لأ
 
 
 
احنا آه ديمقراطيه بس في حدود الحدود
 
 
 
تيجي شلة ماركسيه او مُزايد او حقود
 
 
 
كل عام و انتم بخير
 
 
 
فيه كلام عن مشكلات هم مالهم بالبلد حد جاع او حد مات كل مولود انولد
 
 
 
فيه تفاوت في المعاش ايوه بس الحقد عيب
 
 
 
والمثل بيقول يا غايش كل هدمه وليها جيب
 
 
 
كل عام وانتم بخير
 
 
 
اما شغل التنظيمات و اللي دايرين يلطموا يبعتولي وفد منهم ما اقتنعش ح افرمه
 
 
 
واحنا برضك عيلة وحدة والرغيف ح نقسمه يجي واحد مش فاهمني يعني ايه ح نقسمه
 
 
 
كل عام و انتم بخير
 
 
 
فامشوا احسن من سكات ع الحوار المستقيم
 
 
 
احنا برضك فلاحين نعرف العيب من قديم
 
 
 
و احنا مجتمع سلام والسلام يعني السرور
 
 
 
والتسامح و الزهور
 
 
 
و المحبة و العطور
 
 
 
و المباني و الاغاني
 
 
 
و الاماني بالبخور
 
 
 
و المباهج في القصور و القناعه في الكفور
 
 
 
و احترام الاغنياء زي شارات المرور
 
 
 
و الكبير يفضل كبير مهما يغلط او يغور
 
 
 
و الصغير مش ضروري انه يكبر او يثور
 
 
 
و الجعان يبوس ايديه لو يبات من غير فطور ليه؟
 
 
 
لأن الشكوى عيب
 
 
 
و النجوم غير الجذور
 
 
 
هكذا نبني السلام و السرور ع الناس يدور
 
 
 
ايها المواطنون مجلس الانس الكريم
 
 
 
في نهاية الاحتفال اشكر الاخ ابراهيم
 

ايها المواطنون - أحمد فؤاد نجم

قصيدة البتاع

يا للي فتحت البتاع 
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع 
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول ! 
وبعد فتح البتاع
جابوا الهواالمنقول
نكس عشوش البتاع 
وهد كل أصول
وفات في غيط البتاع
قام سمم المحصول
وخلا لون البتاع 
أصفرحزين مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول 
والخوف سرح في البتاع 
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول 
وناس تعيش بالبتاع
وناس تموت بالفول
وناس تنام ع البتاع
وناس تنام كشكول 
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول


البتاع - أحمد فؤاد نجم

كان من البديهي أن تُمنع أغاني الشيخ إمام وأحمد فؤاد نجم من الإذاعة، وأن تتم محاربتهما من قبل نظام جمال عبد الناصر وأنور السّادات، إضافة إلى مشاكستهما التي طالت أيقونةً مثل أم كلثوم. في هذه الأغنية، يهاجم الثنائيّ العضويّ نظام "الضبّاط الأحرار"، الذي أتى بعبد الناصر إلى الحُكم، على هزيمة حرب سنة 1967، وأم كلثوم التي حاربتهما بعد أن سجّل أحمد فؤاد نجم قصيدة "كلب الستّ" المشهورة، بعد أن عقر كلب "سومة" طفلاً فقيراً مرّ بالصدفة من قصرها.

http://ma3azef.com/%D9%A1%D9%A0-%D8%A3%D8%BA%D8%A7%D9%86%D9%8A-%D9%85%D8%AD%D8%B1%D9%91%D9%85%D8%A9/

أنا الأديب ولا تعرفنيش
تقرالي لكن ما تشوفنيش
كلامي لا هو مدهون ورنيش
ولا المعاني عليها غبار
شقع بقع يا ديل الفار

يا شعب مصر يا خم النوم
ما تفوق بقى وتشوف لك يوم
دى الثورة قامت في الخرطوم
وانت اللي نايم بالمندار
شقع بقع يا ديل الفار

يا شعب ثور داهية تسمك
وشيل أصول أسباب غمك
عصابة بتمص في دمك
والاسم قال ظباط أحرار
شقع بقع يا ديل الفار

شيلوا القطيع النكساوى
اللى لا عايز ولا ناوى
يرحل ويتفادى بلاوى
من تحت راسه ذل وعار
شقع بقع يا ديل الفار

أخدوا اليهود غزة وسينا
وبكره يبقوا وسطينا
والراديوهات بتغدينا
خطب ونتعشى اشعار
شقع بقع يا ديل الفار

الشيخ إمام قال كلمة حق
جت الحكومة (المباحث) (سومة) قالته لأ
الشيخ إمام قال كلمة حق
جت المباحث قالت لأ
وأبو النجوم على ودنه اندق
في المعتقل والدنيا نهار
شقع بقع يا ديل الفار

معالجة صوتيّة: مصطفى مفتاح

١٠ أغاني محرمة

شُقَع بُقَع | الشيخ إمام وأحمد فؤاد نجم

انا اخوان 
حنشتغلها من غير مزيكا .. لييييه ..
عشان البعيد لاحسن يكون ما بيسمعش مزيكا ..
يقلك المعازف حرام ..
فحنشتغلهالو من غير مزيكا ..
يارب يسمع ..
انا اخوان ..
و كل المسلمين اخوان ..
فما اتصنفش اسلامي على كيفك ..
حقيقتي اقوى من زيفك ..
وصابعي لوحدو بكفوكفك ..
و لا اتهزش قصاد خوفك ..
يا خوف ..
يا جبان ..
انا اخوان ..

بطيع الله في ملكوتو ..
و بدعي يزيدني من فضلو و من قوتو و اصلي و صوم ..
و اجاهد نفسي و اصبر عالبلى و احمد و حمدي يدوم ..
لانو الرازق الوهاب ..
و هو مسبب الاسباب فليه الفضل و المنة و ليه الطاعة ..
فما اتبصش لديني نظرة طماعة ..
انا ديني لا هو سلعة و لا بضاعة و لا ليه سوق ..
لا انا بايع و لا شاري ..
ايماني هو رسمالي فاصحى وفوق ..
مانيش اخوان على نهجك ..
فلم من الدروب همجك ..
كفاية شكوك ..
مش انت لوحدك الاخوان ..
انا اخوان ..
بحق الله و بالسنة و بالقرآن ..
وقت الجد انا عثمان ..
وقت الحرب انا حمزة ..
وقت الفصل ببقى فاروق ..
انا اخوان على الرحمة و ع التقوى و حب الناس ..
لكن عمري ما حتأخون بأخونتك على الصندوق ..

عينيكم فيها كل النور و مش شايفة ..
غباوة انك تهدد ناس ماهيش خايفة ..
بتهدد في مين يا حزين ..
ده انا الاها اللي طلقوني..
وديعة و سايحة في الشارع مش ممكن حتخفوني ..
حتسمعني .. و غصب عن عينيك الجوز على دماغك حترفعني ..
انا الناس اللي عاشت تحت خط الفقر ..
و انا الناس اللي ماتت ما التقيتش القبر ..
فسيبك من اللي بجاملك و بيهيص ..
و ركزلي و اسمع كلمتي كويس ..
انا الثورة اللي عملت منك الريس ..

انا اللي يادوب من سنتين ..
كنا بنتحبس صحبة ..
و كنا منتجلد صحبة ..
وكنا في الميدان صحبة ..
بتبعد ليه و تكتب ع الطريق غربة ..
بتمشي في الطريق الصعب وحدك ليه مهملني ..
مالو صعبة عليك الشيلة .. حملني ..
تلاقيني بعارضك آه ..
لكني وراك ..
بجدف في السفينة معاك ..
اكون ودنك اكون عينك ..
اكون جوا في دراعينك ..
نبني بلدنا لهوانا مش لهواك ..
و خيرنا يبقى جوانا مش جواك ..
مش انت تاخدلي في القراراات ..
و انا الـ أمسح بايدي .. خراك ..

ما تتلققش من الناس اللي بيعارضوك ..
ما تتشتتش ؟؟
ماتتسوحش..
بلدنا عايزة ريس وحش
يسمع نقدو بودانو ما يتكبرش ..
يكون جبار على الظالمين رحيم بينا ..
ينام بينا و يقوم بينا ..
يمشي يعس في الشارع على الجعانين ..
و يفهم اني في الشارع شباب سايرين ..
مالحقوش يبقو كارهينك ..
فماتزودش نار الكره في قلوبهم ..
شباب شايف فلوس بلدو مش بتخش في جيوبهم ..
ما تخدعناش ببقين من بتوع حسني يا مولانا ..
ورمنا كلام و صدى من الغنى قفانا ..

ما تدبحليش حمامة يتيمة على عينها و تقنعني انو ديك رومي ..
ما تلعبش انت في المية و تمسح ايدك المبلولة في هدومي ..
و مش كل ما توعد وعد تطلع بوق ..
ما تشدش فرامل اليد و تطلب مني انزل ازق ..
و لما الناس تكون سايرة ومختلفه ما تخطبليش في اتباعك ..
و لما تكون مع وزيرة ما تلعبليش في  :)))   دراعك

و لا تسمعني و لا اهلي و لا عشيرتي ..
و خيرنا يبقى لبلدنا قبل ما بص على جيرتي ..
بلدنا احواض من البركة بعمر النيل ..
بلد دفيانة بالقرآن و بالانجيل ..

انا اخوان ..
انا اخوان ..
مش انت لوحدك الاخوان ..
انا اخوان و كل المسلمين اخوان ..
فما اتصنفش اسلامي على كيفك ..
حقيقتي اقوى من زيفك 

أنا إخوان |  Hesham el gakh

احمد فؤاد نجم - قصيدة كلب الست

أحمد فؤاد نجم-العنبرة

أحمد فؤاد نجم-الليل


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh


 
انطردي الآنَ من الجدولْ
 
 
موتي فالكلُّ هنا ماتوا
وأنا اعتدتُ حياتي أَرْمَلْ
 
واعتدتَ الهَجرَ بلا سببٍ
وبرغمِ الحيرةِ لم أسألْ
 
وظلَلْتُ أسجِّلُ أسماءً
وأسطِّرُ خاناتِ الجدولْ
 
ضُنِّي إحساسَكِ ما شئتِ
فأنا مَلِكٌ لا أتوسَّلْ
 
لا أبكي لفراقِ حبيبٍ
أو أترجَّى أو أتذلَّلْ
 
رقةُ شِعري قَوْلٌ إفكٌ
فَفُؤادي مِن صَخْرٍ جَنْدَلْ
 
علَّقتُ نساءً في سَقْفِي
وجلسْتُ فخورا أتأمَّلْ
 
وغزوتُ عُيوناً لا تُغْزَى
غافلتُ رموشاً لا تَغْفَلْ
 
و زَرَعْتُ النُّسوةَ في أرضٍ
لا آخرَ فيها أَوْ أَوَّلْ
 
ديكتاتوريا إن أُعْطِي
ديكتاتوريا إن أَبْـخَلْ
 
 
فانطردي الآن من الجدول
 
 
غِيبِي فَلَكَمْ قَبْلَكِ غابوا
لا شيءَ يَـجِيءُ وَ لا يَرْحَلْ
 
ما الوردُ إذنْ لَوْ لَمْ يَذْبُلْ ؟؟
ما الشمسُ إذنْ لو لم تَأْفُلْ ؟؟
 
لا تَنْتَظِرِينِي نَسْنَاساً
أَقْبَلُ يَوْمَاً أن أتَسَلْسَلْ
 
وَ يَـجِيءَ الناسُ إلى قَفَصِي
لِيَـرَوْا عُشَّاقاً تَتَـحَوَّلْ
 
تتقافزُ كالقِرَدةِ عِشْقَاً
وَ تَـمُوتُ هَيَاماً وَ تُوَلْوِلْ
 
لُمِّي أشياءَكِ و ارتَـحِلِي
بَحثاً عن آخرَ قَدْ يَقْبَلْ
 
أمَّـــايَا .. فلا ثَمَنٌ عِنْدَكِ
تَقْبَلُهُ يدايَ لِتَتَكَبَّلْ
 
إن كان غرامُكِ لِي نَبْعَاً
فَنِسَاءُ الدنيا لي مَنْهَلْ
 
وَ الجدولُ مُكْتَظٌّ جِدَّاً
بِكَثِيرٍ مِثْلِكِ بَلْ أجمَلْ
 
 
فانطردي الآن من الجدول
 
 
غِيبِي وَ تَمَادَيْ في جَهْلٍ
فأنا لا أعشقُ مَنْ يَجْهَلْ
 
إني بَحَّارٌ تَرْفُضُنِي
كُلُّ الشُطْآنِ فَأَتَنَقَّلْ
 
اِعتدتُ السفرَ على مَضَضٍ
وَ قَضَيْتُ حياتي أَتَجَوَّلْ
 
أرتشفُ بلاداً ونساءً
فَهُنـا عَسَلٌ وهُنا حَنْظَلْ
 
وهنا عشت كلص نذل
وَ هُنَا كُنْتُ نَبِيَّاً يُرْسَلْ
 
و هنا ذَبَحُوا شِعري عَمْدا
وهنا شعري صارَ يُرَتَّلْ
 
وأنا والغُربةُ ما زِلْنَا
نبحثُ عن وطنٍ لِنُظَلَّلْ
 
صادقتُ الغُربةَ في الغربةِ
وقضيتُ سنيناً أَتَعَلَّلْ
 
بَرَّرْتُ جميعَ حماقاتي
وَ ظَنَنْتُ بأني أتَجَمَّلْ
 
اليومَ أُزِيلُ عباءاتي
وَ أُكَشِّفُ عن وجهي الأَوْحَلْ
 
مَلِّي عينيكِ بِلاَ خَجَلٍ
فأنا الـمَوحولُ ولا أخجلْ
 
أَغْرَتْنِي أحلامُ الصِّبْيَةِ
فَعَدَوْتُ إلى حُلْمِي الأمْثَلْ
 
وَ بدأتُ السفرَ بلا زادٍ
وظننتُ بأني أتعجَّلْ
 
وَ نسيتُ اللهَ.. فأَهْمَلَنِي
مَنْ ينسَى اللهَ وَ لا يُهْمَلْ ؟
 
حُمِّلْتُ بأثقالِ الدُّنيا
أهربُ مِنْ ثِقْلٍ للأثقَلْ
 
و التفَّتْ طُرُقِي مِنْ حَوْلِي
واختلطَ الأَقْصَرُ بالأَطْوَلْ
 
واخْتَلَطَتْ أحْرُفُ لافِتَتِي
فَوَقَفْتُ مَكَاني كالأخْطَلْ
 
لَمْ أُسْطِعْ أن أُكْمِلَ سَيْرِي
فجلستُ وحيداً أَتَسَوَّلْ
 
وَ بَنَيْتُ مَزَاراً وَ مَبِيتاً
لا يَصْلُحُ إلاَّ لَلثُّمَّلْ
 
وَ قضيتُ حياةً واهِنَةً
لا تَسْوَى في نَظَرِي خَرْدَلْ
 
فَعَلامَ تُرِيدِينَ بُكَائِي ؟
وَ أنا ذو قلبٍ مُسْتَعْمَلْ
 
أَبْلاَهُ الماضي لم يَتْرُكْ
شيئاً لِبَلاءِ الـمُستقبَلْ
 
لا تَتَّهِمِينِي في عِشقِي
فأنا أعشقُ حتَّى أُنْحَلْ
 
والجملُ وإن يعطشْ يصبِرْ
وَ كَفِعْلِ الجَّمَلِ أنا أفعَلْ
 
أَهْلِكْتُ شَبابي وسنيني
فَرَمَتْ بِي في صفِّ الكُهَّلْ
 
وَ وقفتُ بعيداً لأشاهدَ
قصةَ عُمرِي وهِيَ تُمَثَّلْ
 
رفعوا خنجرَهم ودموعي
لم تجعلْ أحداً يَتَمَهَّلْ
 
والتهبَ المسرحُ تصفيقاً
وأنا أُطْعَنُ وأنا أُقْتَلْ
 
فَعَلامَ تظنينَ بِأنِّي
آتٍ مِحْرابَكِ أتَبَتَّلْ ؟؟
 
دَوْرُكِ في الـمَشْهَدِ فَرْعِيٌّ
بِوُجُودِكِ أو دُونَكِ يَكْمَلْ
 
وَكِلانا مكتوفُ الأيدي
وَ سِتارُ المسرحِ لا يُسْدَلْ
 
والـحُكْمُ الصادِرُ في أمرِي
حُكْمٌ فَصْلٌ لا يَتَأَجَّلْ
 
فدعيني في موتي وَحْدِي
فأنا والغُربةُ لا نُفْصَلْ
 
ما دامَ الوطنُ بلا شيءٍ
فالموتُ على شيءٍ أفضلْ
 
 
فانطردي الآن من الجدول


هشام الجخ - إنطردي الآن من الجدول

واحد يا موحد الواحد
اتنين يا جد الحسين
تلاته يا سوء الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
اعرفكم جميعاً ان السجن سور ..
اعرفكم جميعا ان الفكر نور
اعرفكم جميعا ان السجن شايخ
واعرفكم جميعا ان بابه خايخ
واعرفكم جميعا ان الثورة فكرة
واعرفكم جميعا انه هايبقى ذكرى
وابشركم جميعاً .. ان الوعدة بكرة
والنور عندنا وعندكوا .. يا حبايب :)

أحمد فؤاد نجم - العنبرة

كلمات الاغنية لـ نجيب شهاب الدين و ليس أحمد فؤاد نجم ..
لذا لزم التنويه

أحمد فؤاد نجم - نوّارة

Ahmed H. Megahed