كورال وفرق وثورة

اعجب مافيك يا وطن الصبر ع الاغراب 
تعبان يسم البدن ويصم سمعى غراب 
اشوف خريطة وطن يطلعلى وش غراب 
هجر الحمام الشجر و اتحكموا الاغراب

مدد يا سيدى مدد ..مدد يا ابو شمعة أيدة 
مدد يا سيدى مدد يمكن  نلاقى الفايدة
و العايدة ع الغلبان مدد يا سيدى مدد ..دانا و الله تعبــــان 

مدد يا سيدى مدد ماترجعنيش مكسور
  عشان اجيلك هنا عدتلك  الف سور 
دخلتلك عريان ..طلعنى بقا مستور 
أخد  رغيف العيش من غير ما اقف  فى طـــابور 


مدد يا سيدى مدد ..مدد يا ابو شمعة أيدة 
مدد يا سيدى مدد يمكن  نلاقى الفايدة
و العايدة ع الغلبان مدد يا سيدى مدد ..دانا و الله تعبــــان 


Gazaga - عمدان النور - Madad مدد

ياسر المناوهلي
جرافيتي

المناوهلي | جرافيتي | ديسمبر 2012

استعباط - محمد المهدى

حلمي طير - قص ولزق - us w laz2 band - منة حسين

اصحى يا سيدى - سامية جاهين وآية حميدة - كلمات أمين حدّاد - ألحان محمّد عزّت

مالك..
متغير حالك 
وتقيله الخطوه 
وسكه مقطوعه
مآلمني احساسي 
انك موجوعه
انا راسي مرفوعه
والشكوى ممنوعة
وحلمي ماله حدود
مالك
ايه اللي بيجرى لنا
مظلومه بينا 
مسموعه الأنه
اسمك علمنا
مهما اتألمنا
باب الامل موجود
ليه كل ما نلمح فجرك ..يحجبه الماضي
هيهات يحوش الشمس سحاب صيف فاضي
هيهات قبول السما لدم عالفاضي
عشت حياتي احلم 
باللي يليق بيكي
واللي يعليكي
وازاي افديكي
حتى اللي ماتوا 
لو رجعت حياته
هايموت تاني فيكي
يموت ليكي
بس مش بيكي
بس يرضيكي
كان امله انتي
كان نفسه يشوفك حلوه
ويكتب لك غنوه 
يتغزل فيكي 
ساكته ليه ؟!
قولي آه
قولي ﻷ
قولي حسك مااتخنق
قولي دربنا ماافترق
قولي حلمنا مااتسرق
ماتسيبينيش تايه وحدي
قولي مين قساكي 
ومين اللي معايا 
ومين ضدي 
قولي مين غيرك لي
وليكي مين بعدي

قولي | ياسر المناوهلي | سبتمبر 2013

Gazaga - عمدان النور - أخدت أيه من نعم

حسب لي سرعة الأيام
بطول العمر
على المدة
مع إهمال أثر خوفك
وتأثيره على الغده

فاتفرز ريحة مش هي
حافظها الكلب في الشارع
بنسبة مية في الميه
هايجري وراك
تقوم واقع

فاتيجي في وش عربيه
تقوم شيلاك في سكتها
وتاخد سرعة رأسيه
وتنزل رشق في ساعتها

وتيجي الخبطة في دماغك
وتنسى إنت اسمك إيه
وسنك كام
وعنوانك
بتتمشى لوحدك ليه


وترمي كل أسئلتك وارا ضهرك
وتقلع هدمة الأحزان قصاد الناس
ماهيش فارقه
تكون عريان ولا بلباس

ومش فارقة بقى تشوفك
ما دام الحسبة مش نافعه
مع إهمال أثر خوفك
مش فارقة
مش فارقة

سرعة الايام - مريم صالح | Maryam Saleh - Sor3et El Ayam

دخلة ابريل
الشتا بيعافر في الصيف
والصيف بيعافر في الخلق
والخلق بتغرق في الزيف
والكلمة بتخنق في الحلق
وشوية تمطر على غفلة
وشوية عواصف وتراب
وشوية الحر بيتمكن
كروان بيخانق في غراب
وشوية نمل اللي قريب
وشوية نحب الأغراب
وتملي بحن
وبفتكرِك
وبروح على صورتِك
بالعافية
( الجو عيا )
على رأي أمي
باين من صوتي اني بعافية
دور برد شديد
المرادي
مانفعش معاه
مشاريب دافية
على فكرة أنا لسه عبيط جدا
وبحب أتفلسف ع البرد
ومصدق انه بيغسلنا
وبيغري الساكت بالسرد
وبيسحب من خنقة روحنا
فبتظهر خنقة على الصوت
لولا بس مضاد بينيمني
كان ممكن أقول لِك مبسوط
انشاله تكوني أحسن مني
يا شبيهة الشاي المظبوط
وحشتني عيونِك بزيادة
يا اللي انتي عيونِك كات ليا
فتشت خيوط السجادة 
 مالقتش مُسكِن غير هيَ
كان نفسي أحكيلِك كالعادة
وأوان الحكي
خلاص عَدى
أه صحيح بخصوص نتيجتي
شلت مادة
وسبت مادة



دور برد شديد

عمدان النور -  هعيشك GAZAGA

اضحك ع البنت -  عمدان النور

الأوله… أرزاق ...
والتانيه…. أسماء...
والتالته…. بشتاق....
الأوله… أرزاق مفيش حيلة ولا سكّة....
والتانيه…. أسماء عيال بتحب ع الدكّة....
والتالته… بشتاق لطعم الفرح والضحكة.....
الأوله… أرزاق مفيش حيلة ولا سكّة غير المكتوب....
والتانيه…. أسماء عيال بتحب ع الدكّة و راسمة قلوب....
والتالته… بشتاق لطعم الفرح والضحكة يا شيخ أيوب ....
الأوله… أرزاق مفيش حيلة ولا سكّة غير المكتوب مقّسِم كلّه بالحتة…
والتانيه…. أسماء عيال بتحب ع الدكّة و راسمة قلوب لكل الخلق إلا انتا....
والتالته...بشتاق لطعم الفرح والضحكة يا شيخ أيوب أنا ملّيت..حدوق إمتا ؟....
الأوله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....
..
….
متزعلشي…..
والتانيه…. أسماء عيال بتحب ع الدكّة و راسمة قلوب لكل الخلق إلا انتا ملكش حبيب ...
..
….
متزعلشي….
والتالته… بشتاق لطعم الفرح والضحكة يا شيخ أيوب أنا ملّيت..حدوق إمتا ؟ ف قاللي قريب ....
….
…
..
متزعلشي…..

مصطفى ابراهيم - متزعلشى Mostafa ibrahim - matiz3alshi

@almenamusic
فرقة الميناء اغنية "إسكندرية" من حلقة 7\4\2015 من برنامج #قعدة_مزيكا 
مع يسرا الهواري
‫#‏الحاح_موسيقي_حاد‬

قعدة مزيكا   فرقة الميناء - إسكندرية

كلمات  :  مصطفي أبراهيم  

ألحان   :  نور ناجح  

توزيع    :  ليل وعين 

Gazaga - عمدان النور - Madad مدد

ahmed hooba

Related tracks