يا طوبة حمرا 

شعر عمنا فؤاد حداد .. ال مازال حتة من قلب الوطن 

يا طوبة حمرا 

وطوبة خضرا 

وطوبة 

البنا يضرب فيها بالموال 

خليكى لأولاد الشقى مخطوبة 

أغنى غنى ال مالو غيرك مال 

مهر العرايس كل يوم جايلك 

والليل يجيب الشمس ويخايلك 

وكل من شافك صبح شايلك 

أمنية من رب العباد مطلوبة 

يجعل حمولك زينة الحمال 

ما تنخدعش يا زمن إحنا 

الطيبة تنطق فى ملامحنا 

لكن كفاف الله يسامحنا 

ياما افتكرنا الطيبة معطوبة 

ياما لعبنا وياما كنا عيال 

عينى على الأرض ال حبيتها 

واللى توانى سقفها وبيتها 

وحكيت عن الأبطال فى غابتها 

ياقمح مصر ويا سمار النوبة 

ياما حا تحبى بعدنا أبطال 

زى ال خدته من الشهيد أدن 

الفرض دايم وأنت بتأدن 

اعشق بلادك يا ضنى أدن 

ياما ليالى على الجبين مكتوبة 

ما احناش يا ولدى آخر الأجيال

يا طوبة حمرا - أحمد اسماعيل و فؤاد حداد / Ya Toba 7amra - Ahmed Esmail & Foaad Haddad

Sum of quarks that ended up making a highly miserable intellectual egoistic nihilist that believes in science and boobs by order of The Peaky Fuckin Blinders.

يا طوبة حمرا - أحمد اسماعيل و فؤاد حداد / Ya Toba 7amra - Ahmed Esmail & Foaad Haddad

Ahmed Kazlak