talibab

على طالباب - ايه بعد البؤس ده؟

يحكي ابن الفيوم : 
كنا في مجلس الشيخ وسألنا عن اهل الصوفة قال : هؤلاء زنادقة ومن اتبعهم زنديق. 
اهداني كتاباً وقال عد لله يا بني. 
لكنني لم أرى الله الا في شجرة، وعواء وعيون تحت العباب. 
دوّنا : والله لو حلف شيخ بتكفيري وزندقني 
مالي غير صوفة مطروحة تلهمني 
فيا ابن البحر صديقك الشبك ُ 
مالي أنا ابن الحياة ان صادقت خالقني 
فامضي بعيداً عننا وما ترى مني شيئاً يضايقني
خذيني بين راحتيك نحو مكة لبيت المقدس وطوفي بي. 
في نزهة المشتاق طيراً على الاحباق طوفي بي. 
وطوفي بي. 
عروض ارتجالية من مساحة مائة نسخة. 
اتبعونا. 
https://www.facebook.com/AbdullahMiniawy
سحابة موسيقية : 
https://soundcloud.com/abdullahmadm

Special Thanks to Mahmoud Refat for recording,Mastering
 and Safa Abou El-Abas for drawing.

طوفي بي عبد الله المنياوي \ Abdullah Miniawy Tofy Bey.

علي طالبابـ _ حوائط صد

سقف حلمي حلم وسقف حلمك البيادة !!

قل للجلاد - عبد الله المنياوي

       البوم
عشان ناكل 
موسيقي و تنسيق : ديچيت

كلمات و أداء : علي طالباب 


انتاج زَنّة برودكشنز ٢٠١٤ 

٤ - فئران تجارب

-Aly Talibab -على طالباب -الخامس

ملفات - (علي طالباب و ديجيت.. مع عبداالله منياوي) - الخامس Live

لا تستطيع الهروب .  . . 
وهل تستطيع أن تري نفسك ؟
وقد شاب عليك الزمن .  . وحيد . . محاطا بجدران منزلك المشققة . . ممسكا بريموت كونترول تكاد أن تفرغ أحجاره
هل تري نفسك ؟ الوقت يجذبنا كلنا ببطء الي النهايات الواحدة 
هل تفكر في أن تقضي علي خطوط الموت القدرية 
وتلقي بجسمك الهالك لا محالة من شرفة منزلك 
وقعت . . وتهشمت اسنانك علي اسفلت الطريق
هل قفزت ؟ أم دفعك الوقت؟

الوقت - ملفات - علي طالباب

هيبستر كلاسيكي - feat. القط الأسود

Ali talibab-علي طالباب-القط الأسود-سرير الهوى

 نصوص إصدارات : ميه , يمكن , إستعيذ مالشيطان , جلد البقر من التسجيل ده 
هنكتب اكتر هنا قريب .
العالم بيقول.
مسرح الفلكي .
3/5/2014.

Spoken World

غابه الإسود و بركه المجرد - علي طالباب في مسرح الفلكي

SighFire - Purple Feathers. SighFire with Abdullah Miniawy

Purple Feathers. SighFire with Abdullah Miniawy

انتاج ديجيت.

وهكذا كان صوت الخلق كما رأيناه او كما سمعناه.
وهنا كانت البداية.
خلقتني فرد.
الصورة لجنين.

إصدارات ملفات

أطياف الضوء (خمبايا) - ملفات

الكلمات :
متوسخين يا هو
بس نعرف نتكلم من فوق أبراج
 عين تشوف وإيد بتلعب جوا جماجم الأغراب
 أطفال تشخبط عالكراريس ردود أفغال باضطراب
 فعالم الكل شئ ممكن كل شئ سراب
شفطه من الشاي ونفس من المعسل يثبتوني علي الكرسي عشان اكمل وامثل
وإزاي هآمن بيك وانا شايف السلوك الي بتغذيك
ما أسهل أني اكسل واعاملك بالقوالب الي انت قررت انها تغنيك
مافيش مفر مالتمييز زي ما عشرين وكوبري جديد مستحيل يحلو مشكله التكديس
 متلوثين بالمكون الي بيكون كوننا كاإنسانيين
بحب العري والدم أكتر من تلقين فيزيا الكم
بحب الكولا مع الرمّ اكتر من اصنام فساعه ضهر حواليها بنتلم
بحب الذل والسلطه والذم فأكلي لحوم أغتنام الفرصه
بحب إننا بننسي ونعمل مالألم نكته نقدر ننسي بيها الهم 
ومش هعتذر عن تقل الدم
ما فالأخر محتاج صوت زيي عشان تترفع عن الغم
الدنيا سوده هنا
ولبسك النضيف وريحتك الحلوه مش متطمنه
بتكلم معاك عشان حيطان الأوضه مابتردش
يمكن هزه دماغك انك فاهمني تحميني حتي لو بتهز عشان تروّش
الوعاء فاضي وانا فوق الكون بمارس كما ستره مع طبقه الأوزون
واركب حصان بيطير من فوق رقاب النجوم
وامسك سيف واحارب تنانين من غيوم
ومش بموت
"قولت جمله غلط بس عادي يعني المفروض اقول عشرين طريق وكوبري جديد بس عادي"
وحوش بدون اسامي
الإنتاج الموسيقي للقط الأسود .

القط الأسود

متوسخين

ابن الفيوم عبد الله المنياوي يعود من جديد.. بأغنية تطور التصور حيث يعاتب الإنسان ويتعاطف مع الطبيعة تجاه الآلة .. في مزيج من الإنشاد الصوفي و الشعر المسرود بفن السبوكن وورد 
كلمات وألحان : عبد الله المنياوي 
توزيع موسيقي وعزف بيانو : عبد الله المنياوي 
إنشاد : عبد الله المنياوي 
عدسة : عبد الرحمن مجدي    
تعديل : عبد الله المنياوي 
اتبعني : soundcloud.com/abdullahmadm
twitter.com/abdullahmadm
facebook.com/abdullahminiawy

Tatawor Al Tasawor ( Prod. By Abdullah Miniawy )

المذنبون _على طالباب

مدة الصوت 13 دقيقة لتوحي بفراغ المعنى .. انه بعد مرور 13 دقيقة يتضح لك انه لا قيمة لشيء قيل أو سوف يقال .. في حين انها توحي لك بأنها أغنية ففي الواقع انها ليست كذلك .. كمبنى ضخم يوحي لك بانه قضى على مشكلة الاسكان تجد في النهاية انه لاشيء .. أو مصلحة حكومية توحي لك بانها خلية نحل تنبض من العمل في كل غرفها .. تجد في نهاية الأمر ان الناتج لاشيء..  

"طالباب"


كل هذه السنين يا صاحبى وكأننا هنا عن طريق الخطأ ننتظر حتى تفرغ الشوارع لنقود مركبات غير مرخصة ونواجه جنود المعابد بالضحكة الصفراء والنقود نحلم بأماكن ولو وجدت نحن لا ننفع لها يا صاحبى مضطريين أن نخالط التماثيل أن نبادلهم حديثهم أن نندس وسطهم بأطراف مجمدة ننظر ولا نرى وبرؤس منكسة فى بيوتنا نعتذر عن ارتياد المحاجر لنجرب التكاثر سرا ولنبكى سلالتنا المهددة كل هذه السنين حتى نجرؤ على إعلان أننا لسنا تماثيل لنسقط مقطوعين على قواعدهم ميتين برؤؤس مفلطحة وعيون معصورة كالمحار بثقوب فى عظامنا كيف يا صاحبى كل هذه السموم وما زلنا نخرج سوى حشرجة

سيبها تنزف سبع صفايح دم لكل يوم اتكونت مجرة وكل ذرة اكسجين اتشمسيبها تقطع الوريد سيبها تقطر لأخر نقطة سم سبها شهور سيبها سنين ولسه الصراصير فى عقاب البيبان والدة كم .. ابعد عنها المرفين خلى كلابها تعوى تشم اطرفها وريحة عفنها تنشي الخياشيم .. كبرها ان منعها تصرخ عمروا ميمنع نار البراكين خليها تتحرق من دود بيحلل عرضها من شرقها لغربها من دهن ساح عجسمها من منى سال عفخدها رماد يطهر فجرها خلييها تتحرق .. 

خلى الفران تشوف وليمة تنهش عضم المنيكان سبع تمن جيوش من الفران تنزع تمضع الخلايا تتف تفعص اى قيمة تغرر دمها غابة اسمنت والقرود عكتفها سيرك بابو رجلها وفكل ركن منها ورق يدارى عهرها خليها تتحرق .. اكتم انفسها تتخنق اربط لسنها مفيش ولا صرخة تتنطق اكتم انفسها تتخنق .. الحس عرق جروحها مهما صدى شهوتك متتكبت ما لسه الاباحة فى جلد والابيح مستفرغ عندد كاره اكره غاضب اغضب عرى فرد والافراد حالفة متقلع ..

يا حبيبى . لو بتتكلم عن الواقع ففى الواقع الجيوب هانت كل الدوافع الديابة هاجت على كل الوقائع والمخارج والمداخل ففى الواقع ردمنا كل المواقع ابتذلنا كل المراجع خمس حروف من الحاء للنون كفاية تثبتلك قصدى لما اقول على نفسى مسجون البضائع اصل المؤدى تاجر ولطوب الارض خاضع كل القروش لفجع الكروش امنا بنظام البدل سخرنا لخدمة القروش موافقون على كل بند من قانون الامن العام حتى لو شيلنا عكتافنا الخرا داء الخنزير عمروا ميتحاش متنفضهوش .. 

لو الامل فى جنس البشر عشب مزروع فأرضنا بور وحتى المبانى يابنى أيله للسقوط بضاعة متعلبة فى قوالب وجوه كل قالب شنطة بتلمع وعود شايلها سيادة السياسى المخضرم عضهروا سعروا مكتوب فقوالب خرسانة مصبوب يا عم بالك خليك فى حالك ابشر الضلام حالك وقوالم موجات الراديو اخترقت الخطوط وقف الاغنية وقف الاغنية اربط حبل فى سقف البيت واشنق دماغ بفراغ السواد مملية .. لو بنتكلم عن الواقع فاية فايدة الكلام لو العقل لسه حجر اية فايدة كل الورق لو الحبر لسه حجر سقط الحجر عاش الحجر نهتف لحجر ونمجد نفس الحجر ....لو هنتكلم عن الواقع فأولى تعرف ابنك اول حروف الابجدية .. أ استعمار لكل ثروات البلاد من تجار الاحتكار . ب بيقراطية لعينة تقيد الطوفان بكوم اختام لو مش جاى على البال . ج لجنون جنود جماعة مين مسموحلها تدهن كل الجنود بصبغة دين مشوش . د يسيح دمك فى مستشفى عام وشياطين الارض تضحك وبالنسبة للدولة ارادة اله يعنى ملكيش دية .. خليها تتحرق بعشوئيتها وعششها فى الضواحى بشحتينها مشوهنها بالى حاكمنها فى برج عاجى خليها تنطبق بلجنها ولويحها ومجالسها ونظامها الضريبى عاليها يتردم علاقتها تتعدم خلى سمواتها السبعة فوقيها تنفجر .. 

" يظن الكثير من الاغنياء ان السعادة فى جمع المال يال السخف المركب ويال الجهل المبين اتريدون ان ادلكم اين هى السعادة . دا كلام فارغ مالى ازى ما هو انتوا مش حاسين بحاجة واكلين وشبعانين انا راجل مليان وفاء مليان اخلاص مليان وتضحية وغلب ازلى قاعد عاطل جعان مش لاقى لقمة ورونى جزار يدينى حتة عضم وياخد تمنها وفاء " 

يومها تجرى لكل حجر تقولوا تحتوا يخبيك مش هيرضى بيك يومها تجرى لكل نهر تقولوا بين ضفافوا يخبيك مش هيرضى بيك يومها تجرى لكل بحر تقولوا بين امواجوا يخبيك مش هيرضى بيك يومها تجرى لكل جبل تقلوا بين كهوفوا يخبيك مش هيرضى بيك خليها تضيق وتضيف الدواير ولما تدى اكتر ارمى رحم كل عدرا خليها تتحرق تبكي دم ع كل طاغي دنس أرض طاهرة وانت مش بعيد انت برضو مشترك جمع الحطب واصلب كل اخ من نفس الصلب نفترق خيالى مريض اضربنى فى مية مليون واطلقنى فى حوارى العالم يمكن تنظبط مش ابشع من اطفال محفورلها قبور من قبل ما تتولد .. 

هيحلفك بالدواير والى ضارك والى نافع ان الليل عليهم عمروا ميليل الى لما طول الليل عليهم عمروا ميليل الا لما تولع كل لمبة فى عمود الشوارع واية الموانع لو السكوت اسمو جبن والفقر اسموا ضعف اية الموانع لو كل شارد اسموا ساذج والتمرد اسموا جنون اية الموانع ماسموا الوهم واقع وقالوا اسكن فيه كيف ميكون فالى احتج و رجع فى كتابهم اسموا موهوم واللي رسم صوره أوقع قالوا ابن مجنون خليها تتحرق ورقهم بيهم يتدفن ورقهم دارى ولسة يدارى كل لون فى عجزهم .. 

حابب تتكلم عن الواقع اتنفس ملى جرام من الواقع اعمل دماغ وهم تخطف عضوكك من الواقع تقدر فوق تحوشتك هوا خطيبتك هوا صحابك هوا وعقدك المؤقت هوا والوهوم ساحبك عحجرة بيك ارتوا اتنفس ما تعسم بيغذينا غنى اغنيتين صور صورتين اكتب كلمتين والواقع بيضااجع مجارى المدينة اسمك اية مش مهم عمرك كام مش مهم جنسك اية مش مهم بس المهم ان مهما كلمة اتحاكت فى النسيج العضم انتشى بالسم مش مهم لو الكلام مش مريح يا سيدى الواقع اقبح .. 

" ليست السعادة كائنا مادياً ليست السعادة لزه حيوانية ليست شهوه بهيمية جسمانية ليست السعادة فى الملابس البراقة . مظبوط . ليست السعادة فى المأكل الشهية . اى والله دا كلام حلو . اممممم حلو اوى دا كلام فارغ ارسسملهم طريق السعادة " 

عن مضاجعة الواقع - علي طالباب , يوسف رخا

علي طالباب - استعيذ من الشيطان

أفهم
انا السكر اللى مهما تزود فيه ميحليش
انا الحجر اللى مهما تبنى بيه ميكفيش
...انا البحر اللى مهما تشرب منه ميرويش
...انا هدوء الدوشه انا سكون الزحمه
انا ازدواج غير عقلانى انا كائن تافهه الشهوه اللي سيقانى
انا اول نقطه مطر واخر بوء شاى
انا جاهل نائب البرلمان قولى ازاي
انانعل الجزمه اللى اتهرى من غباوه النظام
انا الديك اللى باض وانا الطور اللى اتحلب
القانون اللى اتركن والدستور اللى اتكتب
انا القاضى والمحامى المتهم والقتيل
انا الراجل اللى بشنب بالل نفسه على السرير يا رئيس الجمهوريه سلطتك منتهيه
انا كارتك اللى اتحرق وانا ريحتك اللى فاحت
انا اللى كنت زيك فاسد لما كنت ساكت
انا الشحات العدمان الفقران الشمتان انا الزاهد الكادح العالم السارح
انا اللامبالاه ماده الدنيا والحياه انا الاستبداد حب التملك والهوى
هانا ماضيك المريض مستقبلك اللى اتهان انا المصطلح الجديد اللى اتعلمته عشان تبان
انا اللى قتلت عشان اعيش يوم ميتقالك مفيش
انا العامل اللى جاع انا الوقت اقوى سلاح
انا العبد اللي استحل واستغل بالتالي فل
انا الضمير انا العيون انا المقيد المغلول
انا الشعب
انا حوارى النظام انا الرأسماليه انا الشيوعى اللى جيوبه مدفيه
انا الاستقرار... يسقط الاستقرار انا الحوار والسلام
انا وهم الرأى الامثل انا منظومه الكبت والاعدام
انا الواو فى امن الدوله حرف الجيم فى التعتيم وانا الدال على النور بالرغم من جهلى بيه
انا العدم انا الفضاء
انا اهم واصغر فصل فى الروايه انا بدايه النهايه
انا الشباك اللى اتقفل انا نكته بايخه بيضحك عليها بملل
انا قانون الطوارىء وثوانى حظر التجوال انا واقع عالم انفتاح الانحلال
انا السياسه الشرعيه انا تقى الدين احمد بن تيميه انا الفراغ وتعدد الهويه
انا .. كلب من كلاب الحزب الحاكم المغلوب
افهم
انا مش فرن العيش انا الدقيق المضروب انا ساعه التسليه انا الالهاء
انا القبر اللى بيتحرق لما يعلن اكتفاء انا العالم الجديد انا الدهب الارخص من الحديد
انا اللى بيقولك الفقير فقير بضعفه وانا اللى مفهمك إن القوي يستحيل تستغنه عنه
انا ابتسامتك ابتسامه خوف بدون صوت انا احساسك بالامان لحظه قبل الموت
انا السر انا العاده انا مش فنجان القهوه الساده
انا السكر اللى مهما تزود فيه ميحليش انا الحجر اللى مهما تبنى بيه ميكفيش
انا الثوب اللى مهما تشدي وتنزلى فيه ميغطيش
انا صفحات العاصى فى كتابه اللى مخبيه انا ابن الشيطان اللى مقويه
انا الحبر اللى خلص وانا الريق اللى نشف
انا الصبر اللى زال وانا البدن اللى ضعف
انا اضواء شوارع القاهره جذابه ساهره ساحره كاذبه
افهم
أصل انا الليل اللى مفنجل مش عيون الناس اللى بتنام زى ضميرك
انا مش موجود بس وجودى ليه مكان انا العدم ..
انا الفضاء
انا العزل والاحتواء
انا مش فكره حلوه انا الكابوس
انا الابتلاء انا الابتلاء انا الابتلاء انا الابتلاء انا الابتلاء
بكره بكدب بظلم بعبد باخد بعدم بندم واسجد
انا الموت

talibab

pabloo