أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

جيفارا  مات

الو الو يا همبكا _عبد المطلب وتوفيق الدقن

يا من يحن إليك فؤادي .. هل تذكرين عهود الوداد
من روائع فيروز


يا من يحن إليك فؤادي - فيروز

عبد الرحمن الابنودي يامنه في #وجع

المربعات

PseudoCzardas (Lyrics)

حفلة ميوزيكانتي في ساقية الصاوي 19-11-2015

موال انا في سبيل الله+على بالي يا ناسيني - أحمد الهاشمي

Na7 alnwa7 || ناح النواح والنواحة  My Cover

أحد الألحان النادرة العظيمة , للعبقرى الشيخ سيد درويش , مبدع و مؤسس الموسيقى المصرية 
و بجانب اللحن المدهش , فقد كتبت الكلمات ( لبديع خيرى , رواية " رن " ) بخمسة لهجات مختلفة.. 1- اللهجة الشامية 2- اللهجة التركية 3- اللهجة المصرية 4- اللهجة السودانية 5- اللهجة الجريجية(اليونانية) .. فى تناغم و امتزاج خرافى 
فنحن امام لحن أسطورة بكل المقاييس..
===
من غناء/سيد مصطفى (من حفظة السيد درويش) و محمد البحر (إبن السيد درويش).

جيفارا مات

Ahmed Nader