حلاويلا يا حلاويلا .. اغنية قديمة للشيخ امام , من تأليف عم فؤاد نجم , تغنيها "البرنسيسة" ♥مريم صالح♥ فى اطلالة جديدة لها بأغانى الشيخ امام 

==============================================================

 حلاويلا يا حلاويلا .. يا خسارة يا حول الله

الثوري النوري الكلمنجي .. هلاب الدين الشفطنجي
قاعد في الصف الاكلنجي ... شكلاطة و كاراميلا ..

يتمركس بعض الايام ... يتمسلم بعض الايام
و يصاحب كل الحكام .. و بسطعشر ملة ..

حلاويلا يا حلاويلا .. يا خسارة يا حول الله

يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..

حلاويلا يا حلاويلا .. يا خسارة يا حول الله

اش حالك يا قريبي اليوم .. واش جاب التفاح للدوم
و اش جاب الأوضه ببدروم ... للعربية و فيلا

حلاويلا يا حلاويلا .. يا خسارة يا حول الله

جرانين و مسارح و ادارة .. و معلق طلبة و زمارة
يسلك اهو بيزمر .. يعطل يجيبوا المنافيلا  

حلاويلا يا حلاويلا .. يا خسارة يا حول الله

وا ترستق هلاب الدين .. بقى عاقل جداً و رزين
و ياعيني علينا يامجانين .. عشنا و متـنا بعلة


حلاويلا يا حلاويلا .. يا خسارة يا حول الله


مريم صالح ♥ || حلاويلا يا حلاويلا ♥

واه يا عبد الودود 
يا رابص ع الحدود
و محافظ ع النظام
كيفك يا واد صحيح
عسى الله تكون مليح
و راقب للامام
امك ع تدعى ليك
و ع تسلم عليك
وتقول بعد السلام
خليك جدع لابوك
ليقولوا منين جابوك
و يمسخوا الكلام
واه يا عبد الودود
ع اقولك وانت خابر
كل القضيه عاد
ولسه دم خيك ما شرباش التراب
حسك عينك تزحزح يدك عن الزناد
خليك يا عبده راصد لساعة الحساب
آن الآوان يا ولدى ما عاد الا المعاد
تنفض الشركه واصل
وينزاحو الكلاب
ان كنت واد لابوك
تجيبلى تار اخوك
و الاهل يبلغوك جميعا السلام
واه يا عبد الودود
كيفك وكيف زمايلك عسى الله طيبين
خالك زناتى جاى لك ضمن المطوعين
واختك تطلع يوماتى ع المستشفى القديمه
حاكم ع يمرنوها فى العركه تكون حكيمه
و محمدين موافى يتعلم المطافى
و يقولك شد عزمك ويقول لك العوافى
من هنا القرايب والعيله والعيال
بيبلغوك سلامهم ولتمة الرجال
وآخر الكلام نقولك فى الختام
الله يصون بلدنا ويحرص السلام
والدك حسن محارب
غفير برج الحمام

واه يا عبد الودود _مريم صالح

سقانى الغرام  - Egyptian Project


عديت اصحابك كانوا كتير .. واحتجت اصحابك كانوا اقل
وحبيبتك كان قلبها بيطير .. اول ما يشوفك لكن مل
قربت اتسابت .. بعدت اتسابت 
ملقيتش لكل مشاكلك حل 
فكرهت الناس وبقيت عايش .. واحداني وقلت انك مرتاح 
وقفلت عليك الباب بايديك
وفضلت تدور عالمفتاح

Ahmed Fawzy - 3adet Es7abk احمد فوزي - عديت اصحابك

الناس نامت , من حفلة القلعه 28 فبراير 2017 .

Dina El Wedidi - El Nas Namet دينا الوديدي - الناس نامت

ألقى كل حاجه غير .. ألقى كل حاجه خير
ألقى نفسي زي طير .. عاش و مات من غير مناهده

مصطفى ابراهيم .. من غير مناهده . Mustafa Ibrahim

 واطى يا واطى.. وحلو العالى .. بس العالى بعيد 
انسى وطاطى .. قول أنا مالى .. مش هتعانى اكيد

يعنى الخير فى سلامة وسلامة فى خير
استقرار على عيبه ولا التغيير !

يعنى العسكر تانى ... يعنى الحرامية 
يعنى الكلمة تاني قصاد البندقية 
يعنى الثورجية يبقو بلطجية 
والديموقراطية فى﻿ السكة زمانها جاية 
وجايبة معاها عيش ..وحرية ..وكرامة انسانية ..وحاجات
يعنى ابوك السقا مات

يعنى الورد يفتح ياخدو منه عينيه
يعنى صوت العود الاخضر لما يدوسو عليه

انت تريد وانا اريد والشعب يريد 
أمّال مين هش لنا الفرخة وقعد على البيض؟
كان ياما كان .. ناس في ميدان .. ومعتصمين
مطلب واحد وأمل واحد ..عايزين نبقى بني آدمين


كلمات ولحن: أيمن حلمي
توزيع: شيرين عبده - روبرت
أكورديون: وائل السيد
كي بورد: روبرت
بيس جيتار: حسام غالب
إيقاعات: أمير


الشعب يريد - واطي يا واطي - شرين عبده

كلمات احمد فؤاد نجم 

توزيع : بركة 

بركة باند - شيد قصورك

مزيج عمر خيرت

رممت شرخي..
وبمنتهى الفخر اللي نابع من إيمان شاعر بقضية الإنسان
بكيت.
أنا ما انتهاش حزني..
رممت شرخي بابتسامة وحزني مدفون تحت منه
وبقيت باقول وشفايفي مرسومة: حزني انتهي
مع إني مدرك إن أنا لوحدي يا حزني إللي انتهيت

تعرفني؟
مريت بشيء عدّى في خيالي وجعلي قلبي؟
جربت تهرب من مكان فوصلتله؟
وكرهت شيء أهلك مشاعرك كلها واستنزفك..
ومرّ بيك العمر وبقيت تعمله؟

(أهملت قلبي..
وأنا قلبي أجمل من قلوبهم كلهم..
ما كانش -أبدًا- يستحق إني اهمله)

الدنيا غير الدنيا دلوقتي
حواليا ناس غير اللي انا اختارتهم
كل اللي أنا اختارتهم ناسيين ملامحهم في قلبي
بيعيشوا دلوقتي بملامح غير
وحقيقي كتّر خير الدنيا على شرّها
علّمني شر الدنيا فعل الخير

بين إللي كنته وإللي لسه هاكونه
بيبص عقلي لقلبي في عيونه
ويقول له: شوفت!

(نظرة واحدة في عيني تفضح حجم خوفي)

وأنا قلبي شاف..
أكتر كتير م إللي أنت هتشوفه في عينيا

صعبان عليك؟
أقولّك الأقسى..
أنا كل يوم باصعب عليّا



#أحمد_الراوي





رممت شرخي

- اقعد يا عبد العزيز 
= ميصحش 
- اقعد يا عبد العزيز .. اقعد ، تفتكر ايه هو النجاح ؟ 
= الطاعة يا افندم 
- الطاعة .. الطاعة يا دوب تنجحك تكون عبد العزيز ، الحياة بتنصبلنا كل يوم فخ ، مرة أخ صايع ، ومرة حبيبة مش من مستواك ، وانت واختياراتك ، تطاوع قلبك وتلقط الطعم ، وللا تطاوع عقلك وتكمل طريقك ؟ 
= برضو غلط ، الحياة عايزة ميزان عشان تختار الصح  ، لو طاوعت عقلك بس ، تنشف ، تجف وتموت ، ولو طاوعت قلبك تبقى عبيط ، دايما توزنها ، ولو اخترت غلط ، تعرف انك مختار غلط ، ومتكابرش .. عشان تعرف تصلح الغلط ، فهمت ؟ 
= مفهمتش طبعا يا افندم .. بس تمااام ، انا بعد طول خبرتي مع سعادتك عرفت أن ربنا خلق ناس ينفع تبقى بشر بيه ، وخلق ناس ينفع تبقى عبد العزيز وخلق ناس تالتة لا كدا ولا كدا ، والحمد لله يا افندم أن احنا مش منهم ، بعد اذن سيادتك يا افندم ..
- عبد العزيز .. تمام يا عبد العزيز ؟
= تمام يا افندم 
الكنز

تفتكر ايه هو النجاح ؟ - فيلم الكنز

والي أفق وراء الغيب يدعونا رحلنا ..

https://www.facebook.com/ahmed.rashed.3150807

تفتكر ايه هو النجاح ؟ - فيلم الكنز

ahmed rasheed