روعة بجد..ربنا يكرمكم ومن تقدم الي تقدم

ممتازة القصيدة ممتاز الإلقاء

انا مبقاليش صحاب .. بس بقالي ما تيسر من البشر 

msh 3arf 2a2ol a leko anto alatnen asra7a سألوا الرحيل مرّة :- "ماذا عن الإحساس ؟" رد برحيل أكبر !

معادتش باقيه الناس ... :'(

حقيقي شابووووووه ليكرا أداء راۓع

مزيج كان كل شيء بيقول هنتفارق

الإنطفاء

غلطة شاطر

لما أموت كلمات مريم عزيز,سرد وإلقاء مريم الشربيني.♥️

‎⁨المهزلة - علي حسن⁩

Music : Soundtrack Series "Taraf Talet"
Lyrics : Ahmed Said Bukeir
‫‬Facebook Profile : ( https://www.facebook.com/ahmedsaid14 )
Performance : Samar Mohsen

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

ورق الشجر عَ الأرض ..
بيثور مع الأنفاس
معادتش باقية الناس .. معادتش باقية الناس ..

سألوا الرحيل مرّة :- "ماذا عن الإحساس ؟"
رد برحيل أكبر !

بسم البُكا ع الخَد ..
مهما اتهزَم يكتَر ..
بسم الفساد فِ الأرض ..
بسم المجال فِ العرض ..
بسم السفينة ..
والمدينة ..
والشوارع ..
والهوا ..
بسم الدوا ..
مليون عقار قبل الغياب ..
مليار عقار بعدُه ..
بسم إللى قالوا إحنا هنا ..
ومع الجميع بِعدوا ..
بسم اللا شئ ..
بسم الطريق ..
مليان حواجز مُهلِكة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

النَص ده ..
آخر مجاز للحالمين
بالعوم فِ بحر المشكلة ..
آخر نداء للنائمين
جوّه إنفصام المسألة
النص ده ..
للّى لِعبوا الدنيا دومنة،
ومَكسبوش ..
كان معاهم كارت يلعب،
بس جَلّوا ..
النص ده ..
للّى ماتوا ومَنتهوش ..
للّى عاشوا ..
بس مَلّوا !

بكتب لكُم ..
من جوّه حُضن الإنطواء ..
كَم كانَ صعب الإحتواء ..
كَم كانَ كل المشتاقين خيفة ..
كَم كانَ فرط العشق داء ..
بلضُم بروحى فِ البواقى كأنما كل الخيوط إتيَتمِت ومعادش حىّ غير الفراق ..
برقص على السلم مزيج مِ الغربة والأوجاع ..
بفرد جناحى مُقيداً بالمُهلِكات ..
وبعتمة الليل والسكات ..
والخوف من الآتى الغريب ..
بفرد جناحى مُقيداً بـ فُتات باقيلى من الحبيب !

قال الطبيب :-
- يُعزَل عن الناس ، يُعزَل عن الأضواء ، يُعزَل عن اللمّة ..
وإن كان حبيبُه قُصاد عينيه / يُمنَع من الضمّة ..
يُحفَظ فِ لوح درجة حرارتُه أقل مِ الضَلمة ..
يُرفَع فى حال حَطّوه فِ محل مِ الإعراب ..
النور ..
يُؤدى لضيق المسافة ..
والشوق يُؤدى للإكتئاب ..
والمشنقة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

أنا عندى عُقدة من القلوب المُرغمة بتحكُمات العقل ..
ومن الحنين لـ فُتات بشر مُسْتَنسخة ..
ومن السراب إللى فِ عيون العاشقين ..
أنا عندى عقدة من السنين ..
ومن البشر ..
ومن الآلات ..
ومن البنات ..
ومن الأمور الممكنات ..
أنا عندى عقدة من الكلام ..
ومن الحكاوى ..
أنا كرسى ثابت فِ القهاوى ..
وبسْتحرم قُعاد الناس على خشبى، فَـ يتجرحوا ..
بحُكم إنى مِلصّم روحى بالمسامير ..
ومستحمل يا دوب نفسى ..

أنا عندى عقدة وإنفصام نَفسى ..
وبكرَه توهة التفاصيل ..
وبكرَه Zoom على وشى ..
يبيّن كُفرى بالتأويل ..
وبكرَه كونى متحجّم ..
فِ جسم عويل ..
وبكرَه زحمة المترو ..
وبكرَه زَهر بيعاند ..
وبكرَه فجر بيساند فِ بِدء اليوم ..
وبيفاجئَك بـ غيب معلوم!

***
النَص ده ..
بالنسبة للّى شاف فِ ضيق الكون براح ..
مالوش لزوم ..
هيشوفُه فيض مِ الهرتلة ..
أو ما تبقى من فُتات شاعر ..
قرر رحيله إلى الخَلا..
***

باقيلى مِ الحياة صورة ..
بتلعَن مُهلِكات النور ..
وبتسلِّم على الغايبين فِ وِسع القدر ..
باقيلى من الفرَح عينها ..
وما تيسر مِ الصحاب ..
وما تيسر مِ البشر !

‫
‫#‏أحمد_سعيد‬

حضن الإنطواء - أحمد سعيد / أداء صوتي - سمر محسن

انا روحي فيها يارب 
مش منتحر لكن 
كان حزن تحت عيوني م الداكن

مش قادر امشي بجسم
بجسم من دون روح 
عايز اجيلك بس مش منتحر 
عايز اجيلك بس مش مدبوح

انا روحي فيها يا رب!
ب فراقها طلعة روح 

انا ليه اتخلق انسان؟
مش معترض قلقان 

قلبي لحف بردان 

محتاج لاي دليل
اقري الحروف الاول 
منديل و واسي الدول 
كان مين بيبكي لمين

منديل لكنه امين

 
لو كنت قط يارب 
كان عادي مش ههتم 
فقدت روح!!  لكن ..
فية عندي سته أهم

لو كنت فأزه يارب
كان عادي ممكن اعيش 
ومخفش غير عالورد

فازه وخافت للورود تتدبل 
اتشققت م الخوف
 "مش انتحار لكن"
الفوبيا جوايا.. 
كت فوبيا الساكن
 
قد كنتي بيت مش بنت 
واديني ف الشارع
واحده الرصيف حاسس
ان الرصاص باعر 
سيبتيني ف الشارع

ف انا لسه ف الشارع

انا مش برئ 
لكن ..
كان نفسي اطلع ديب 
انساني اكتر ف كونه مش انسان

لو كنت صوف يارب
ههتم ب الغلبان 
مش هحضن الاغنيه 
وهعلم الاغبيه 
ميحضنوش ف فراق

لو كنت خوف يارب
هتباع و مجاني

لو كنت شوف يارب
ممكن اكون جاني

لو كنت كاس خمره 
مش مدرك ان الكون
والله كون فاني

لو كنت مايه يارب
ف انا هتدلق ع الارض
ومشيلش ذنب الورد 
اللي ف عيون الواد  
لو جاي ينساها

عابر سبيل 
لقي نفسه من دونها
من دونها ومعاها

وفي اخر القصه 
قالتله: لا انسي
هي يدوب رقصه 
هتموتك في سنين
ف عرفت اني يتيم

حضن الإنطواء - أحمد سعيد / أداء صوتي - سمر محسن

Ahmed Said Bukeir ✪

Recent comments

islam

Abdo Ismail Nasr

•..SaMa SaiD..•

Yasser EL Banna

Related tracks