Akt2ab💔

The Upload

💔💔

sad song2

agwkr

Track

islam shenawy  I mogrd Fadfda I مجرد فضفضة
written By : shenawy
Beat prod By :tatar 
mix&master by : imbaba _Studio @ahmed mohamed 
poster By : shenawy


https://www.facebook.com/profile.php?id=100006080940670
اسلام الشناوي 
Lyrics :


الدمع ع الخد مبيكدبش يا مين عليا يطبطب 
يا دموع العين راحو فين 20 سنة والشعر بقي ابيض 
مشكلتي في نفسي مش فيهم  غلط قعدت وسطيهم 
غبي لما قولت اتقوي بيهم 

تعليم فشلت في كل سكة غلط واتسحلت 
حتي ابويا ضهره اتقطم مني نفسه اتهد 
شغل واشتغلت الحمل زاد ع حتت شب 
اصرف ع نفسك من نفسك محدش بيشيل حد

حتي الي حبيتها النصيب وداها لبيتها 
بقت ام لبنت  قمر   كنا بنحتار في تسميتها
تنهيد عيون بتدمع من التفكير 
العيب كان فيا ولا فيها و لا كان في مين  

بقيت بخاف احلم علشان مش هعرف احقق حاجة
حتي المزيكا الي بحبها فشلت فيها بزيادة
كالعادة الفشل صاحب ليا واخ  
يا مين يقول ده كان طيب الي تشوفه يارب

cours :
عارف ..عرفت لحد ما استكفيت 
فشلت ..في الحلم رسمت ودان ع الحيط 
يآس ..وايه تاني المفروض اعمله 
بتموت ..رسمت طريق وغيري كمله
الفيرس 2 
 
   فشل في كل علاقة حب بيخشها 
حتي البنت الي عشقها شاف صاحبه ماشي جنبها 
حلمت اكون مشهور وفي مجالي اعلم فيه 
حلمت انا امي تقولي ابني وتحكا وتتحاكي بيه

فا بهرب في المزيكا بلاقي نفسي بيها 
طب لما اموت  مين  يقعد جنب امي ويوسيها  
  مين في الشدة فكر يبقي ضهروا لا يخسروا 
 صحابي وقفوا جنبي بس وهما بيتصور

معرفتش اكون انا اقوي منهم كان فاد بآي العتاب 
مش هعاتب كوني كعبة لحد كافر شافها تاب 
استنو لسه فيها كلام من تاني اجمدوا 
كنت طيب اوي بزيادة فا لما اكتفوا  اختفوا 

بعيد عن ربنا مع ذالك بدعي ويستجيب
بخاف اعصاه مع ذالك في المعاصي اقول هتوب فا ازيد 
مانا ياما كنت اشتري ورخصت ياما وكنت اتباع 
وديما بظهر احسن ضحكي وقت الحزن 
اوجاع

لو عجبك شيير ...

islam shenawy - مجرد فضفضة

رامي جمال - إتفضل إمشي

جيت على كرامتى : تامر عاشــور 2014.

mix & master : elmrazy 
follow me : https://www.facebook.com/el.mrazy.5
                 كلمات
نفسي في مكان يجمع مابينا ويلمنا 
كل البيبان  حكمت علينا ماتفتحلنا 
ليلي يواسيني ماتزعلش في بعد أحبابك  
أحنا القلوب عشقتنا يوم وتاني يوم حبت بعدنا 
الفرقه الفرقه تعلم الجدعان 
وأنت راجل وعمر الراجل مابيتهان 
التفكير والسرحان بيجلب بكي 
وماتبكيش ياعيني مش هيرجع بينا اللؤي 
 
أنتي أزاي 
أمنت عليكي تكوني مني بعدتي عني أزاي 
كل الي شافوا صورتي معاكي قالوا عليكي بعدك جاي
ماسك الناي وبغنيلك لا وكمان أحساسي بقيلك 
بستغرب نفسي 
أزي بميل  
 عمر البرود ماسكن قلبي أنا مش قليل  
كل الحكايه هكون كويس 
قصر كلامك ليلنا ليل     
عرفت معني أنك تدوق بمشاعرك قلب ميت 
 
ياليل طول ياليل أملا الجفو محبه 
عجز قلبي العناد عجزت لأجل شابه
لو بعدك فيه الجنه فاقربك فيه جهنم  
أنا مش عويل في كرهك أنا عايز قربك جنه 
 
وأفتكر حكايات معاكي تجبني بالأشواااق 
وأقول لبنتي لما تكبر أنا مشتاق 
أسمك علي أسم حبيبه عمري  ومش هنساه 
يا أيه هحكيلك حدوته في يوم من الأيام 
حبيت أخترت أكون معاها وسبت قلبي وجيت 
بكيت   لقيتني سايب نفسي في حضنها أترميت 
خرج ضعفي في وجع لما قالتلي أنت الي بديت   
أطلب عفو القدره قبل ما اقولك راح البيت 
أزاي يبابا  مش بتحب ماما أنت بتخوها 
جسمك هنا وروحك بره قلبك مش هيصونها 
 ليه مقولتش علي الي جوا من زمان 
ليه سكت وليه علمت نفسك الكتمان 
يابنتي الحب رزق وأبوكي مكنش مرزق
سبت حملي علي الله وقولت انساها بكره تفرج 
سني كبر جوه زحمه الحياه أتلهيت   
بس أمك في عيني حلال وربي أخترها تكونلي البيت

prod py( karim moka )ياليل طول ياليل

' تقدر تتابع كل جديد للـ عقرب من هنا '
https://www.facebook.com/karimmoka666 ♥

YOUTUBE LINK ' https://www.youtube.com/watch?v=hncmKS5b_T4 '

Karim Moka - Hatly Agdaahom 2 | كريمـ موكا - هاتلى أجدعهمـ 2 Ft. Temoo

' تقدر تتابع كل جديد للـ عقرب من هنا '
https://www.facebook.com/karimmoka666 ♥

YOUTUBE LINK ' https://www.youtube.com/watch?v=GEXmlLg83JE '

Karim Moka - Mesh Mertah Ana | كريمـ موكا - مش مرتاح أنا

Diary of dead - مذكرات ميت (حسام المارد - seven sam)Ft. Capo

Title: the night 2| يا ليل 2
Artist: Ahmed Berbo
Written By : Ahmed Berbo
Music prod: free beat
Master & Mix : Z ! Y A Z A N 
Record Label :DI-DA_Music
اسمع بقلبك ❤
حكايات مع الليل ❤
الكلماات
___
امسح دموعك نام محدش عيزك في حكاياتوا
متقولش بقيت لوحدي م الي قبلك ياما قالوا
ناس بتشوف عيوبها مييزة و انت شايف نفسك عيبة
عارفك كويس  طيب و هما مش عيزين الطيبة
___
لو ضاقت بيك الدنيا و اوعي تحكي حاجة لليل
الليل غدار مش عيازك ف متحكيش حكاوي كتير
مش سامعلك صوت .... شكلك حبيت سكوت
بقيت تكتم في قلبك و قلبك شايل ياما في هموم
___
كنت بتحلم بيها و تصحي تتمناها تكون قدامكك:')
بقيت تكتب رسايل و تخبيها جوا عيونك...
رغم كل همومك راسم ضحكة تكون معاك؟ 
مستغرب جدا د الي زيك بيتحكي حكايات.!" -"
__
اديتها قلبك ليه و انت عارف انها بايعة ؟ 
ملقتش  رد غير( كل حاجة مني ضايعة:'))
انا شايف انك اكتر واحد شاف و فهم الدنيا 
بتديك الي عايزوا و تاخد كل حاجة في سانيا
-__-
يا ليل طول يا ليل... و سيبني شوية احكيلك
انا شفت مر الدنيا بس بكتب اهو و بجيلك 
بقيت بكتبلك وجع ف متبكيش دي حاجة بسيطة
بكتب نفس الكلام مش لاقي حاجة جديدة
-__-
عارف....... انا برتاح لما بكتب 
حجات كتير خنقاني بس بحاول اكدب 
بقيت عايش في ضلمة و الناس فيها بالف وش 
عايز تبقي زيهم سهلة اغلط  في دور الفيلم :')
__
شايفك بتبعد اكتر عن البعد الي انت فيه !
متبينش ان فيك وجع و حاول يوم تداريه
بطل تخاف.... خليك ثابت مكانك 
لو شافوا انك جبان كلهم هيدوسوا مقامك
__
سهر الليل بينسي حكاية كان م الصعب اني انساها
يالليل انا بحكيلك حكايات كانت في لوءاها 
يا ليلي .... انت بتزودلي هموم 
اسأل القمر عني انا بعيط كل يوم
__
و اسكت و اكتب كلام  و اقول انا مش مرتاح
العمر بيا بيجري و انا مستني القطر و راح....
تعبان يارب سيبني احكيلك
انا مش لاقي غيرك كل متخنق بشكيلك

the night2 | يا ليل 2

تاني تراك في الميني ألبوم بتاع العشري ديدا ( عشري صاحب صاحبه )و الكلام عالحساس ^^ 

Mixing & Master By @POLO
Record At UnderControll Studio Production.

02 - قهوه و سجاره | DIDA AL HARAM

لسه فينا حيل نهد كل حاجز كل سد الف حاجه واقفه بيننا بس مربوطين ب عهد

SANDOQ EL DONIA

3AHD_MOHAMMED EL ZAMLY

الــكــلــمــات
_________

اتلونوا التعابين ، ودخلوا بيننا .. قضا وقدر
حتى اللي بان مليان بالتقوى .. فجأة فضى وفجر
العوز كافر خلى أفلاطوننا مضى لغجر
والغابة اللي احنا بقينا فيها هي صدى الخبر

حلوين سيجارتين الدخان ، لكنه شخص دني
غريق محدش بيحبني .. عام بـ مفيش حاجه تهمني
وصل بر الـ انا ، فرمل الزمن قاله هتعدني
وتقتل حته منك كل اما الغربان تقول شدني

غلطنا اه .. اتعلمنا لأ .. مصممين نعاند
نازلين من الجنة عـ الأول .. طالعين النار عـ التالت
لا موتنا موت شريف ، ولا حياتنا حياة بهوات
شقانا كله في البضاعه في قاع الملاحات

بنجود مش بنزود .. لا بنكمل ولا نحود
لا بنمل ولا نتعود .. ولا نحب إلا اللي يموت
كائنات تميل لضرب دماغها في الحيطه الخرسانه
عدم أذى الغير وأذى النفس ده أقصانا

كل يوم بندخل حرب جديدة .. حياة مش سهله
بس مهما حصل كله إلا النداهة اللي بتندهلك
كل يوم بنوصل للسرير .. حياة مش صعبه
بيمشي الحال ، فمشي الحال .. بسط بلاش تستعمق

سما الحب متسيعناش .. أرض المصلحة تشيلنا
في كوابيس مفيش أحلام من كتر ما اتعشمنا
الهدف اللي انت بتستغرب هو انا إزاي وصلته
كان بيني وبينه حيط ضوافري بين حجارته

نفخ فيها ، وطفى سيجارته .. ابتسم ليها .. طول صمته
من ثانية كان متعلق بيها فـ بتتهان كرامته
قالتله روح .. هتيجي ، وبإرادة حرة
هتروحي فين يا شمس! .. ساعة الطلق مرة

وبيهرب الناجي الواحيد من الغابة الموبوءة
وتتحقق النبوءة ، تدب روح في عروق محروقة
واللي بيتعافى متجيبوش الأرض كام سكينه
مسكينه .. سنتين مش عارفه تجيب بوزك في الطينه

سنتين بتصحى معاك تمنها ، وعارف فين مكانها
سنتين مشتاق بشكل يومي ، وعارف تتجنبها
سنتين بتفكر نفسك إن الشجرة دي ملعونة
سنتين بتتوقع تعبان لما تحس بـ نعومه

كل يوم بندخل حرب جديدة .. حياة مش سهله
بس مهما حصل كله إلا النداهة اللي بتندهلك
كل يوم بنوصل للسرير .. حياة مش صعبه
بيمشي الحال ، فمشي الحال .. بسط بلاش تستعمق
_______________________________________

El Nadaha

Lyrics: El Joker
Vocals: El Joker
Music: Homage
Master & mix: El Joker
Design: Mostafa Karim
© 2018 El Joker

الجوكر - النداهة

اعملو repost  للاغنيه❤️

الــكــلــمــات

البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش "هخسر ايه؟" عشان اعداء الكلمة كتير

لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله

اللي ادى استنى ياخد ، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر

لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك

لو لو رجع الزمن سنة مش هتمشي في طُرق تانية
اعرف ان مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه .. أوعى تدفن راسك في التراب وتندب حظك

في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم

بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة

في أصول الأعتقاد كل الفرق أصابت
الكُفر كبر .. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل

هتحس الاختبار تقيل عليك .. ومين محسش
إبراهيم قال : أرني كيف ؟ .. وإبراهيم متهزش
فيه قبيح بديله أقبح ، وقريب بعيده أوضح
وصاحب جنتين اتمنى لو إنه كان الأصلح

هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين ؛ ف متقوليش بعدنا

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم
_____________________________________

El Wasaya

Lyrics: El Joker
Vocals: El Joker
Music: Mostafa Ebrahim
Master & mix: Youssef Anwer
Video by: Mostafa Karim & Adham Karim
© 2018 El Joker

الجوكر - الوصايا

New Track ..
Title : Let's Commit Suicide - يلا ننتحر 
Written By : Booda & ElRaye2
Music : S-Lam Shetooz 
Rec : Veto 
Mix & Master : Gangiza
Art work : Booda
----
Verse (1)
Booda
----
F.b : https://www.facebook.com/mahmoud.mota.96
----
S.C : https://soundcloud.com/user-297070282 
----
Lyrics :
----
طول ضيك يا ليل فى ناس هناك وحشانا 
مرسى القلوب رمايا حظى سفنتى كانت غرقانة 
رحال فى بلاد الله بنام بعين مفتوحة 
اتخضت لما مسكت كفى قالتلى ماهتنساها
-
شيال وجع فى محطة صبر و برده بضحك
سرحت حبه لمست طيفها فرحت قالتى جنبك
 احداث و بتترتب اخرها انك مش ليا
كله ساب بس العيب كان فيهم ولا فيا
-
غرك طبعا انى بضحك ﻷ ده بس ﻷنى عرفك
فى اخر ليلى اكيد فى نور و هقول مش فاكرك
لوح اتقلبت طلعت احلى مالأول بكتير 
و نوح ماطلعش عبيط زي الناس ما كانو فاكرين 
.
كل اللى قال معاك سابوك فى وسط السكة
من امته .. بتفارق ناس و عادى بتضحك
الشاعر مات و متبقاش غير حبة كلام
انا نفسى اسأل سؤال هي الناس كانت حباه
----
Hook ( x2 )
----
يلاا ننساا كل ذكري و كل وعد
يلاا نولع فـ اللي فاات اصلوا كاان وهم
-
يلاا نبدأ صفحةة جديدة مع نفسيناا
ايدكك عـ كتفي يـ صااحبي نصلح اللي ادغدغ فيناا
----
Verse (2)
ElRaye2
----
F.b : https://www.facebook.com/Hossam.Ahmed122
----
مستني الموت ؟ بتدعي يجيلكك كل لحظةة!
قرفت .. من كل حاجةة مش بااقيلكك الا صااحبكك
و دموع فـ عنيكك مين فـ الليل يوااسيكك
و صوت ضحكتهاا بيكسركك لما تشوفهاا من بعيدد
-
بقيت غريب بقيت فـ الدنياا وحيد
بقيت بطولكك فيهاا قولي لمين هتعيش؟
مين هيضمكك جوا حضنه لماا تتعب
تصدق! دورت لكن طلع مفيششش
-
مين اللي كان يصدق اني ابقاا فـ يوم بيااع
اناا كنت كويس بس النااس دي بتحب الخدااع
انا توهت كتيير مع الايااام 
ملقتش حد يسكن جوااياا الالاام 
-
اتقدمت خطوةة .. رجعت قصاادهاا الف
وقعت مرةة .. نفضت هدومي و عـ الله اتكلت
قررت .. هعيشهاا لـوحدي و مش هعمل حسااب لحد
----
Link Page : https://www.facebook.com/GanGizaa/

Single

ElRaye2 Ft. Booda | Let's Commit Suicide - يلا ننتحر

متدمعش || Don't cry

*
Thanks For Kareem El Aswany for his prof, Work 
Rapper & lyrics : Amr Saiko
SE : El Aswany
Vm : Ahmed bedier
Beats - ammo Beats

lyrics : 
انفاس مقطوعة بعد عياط ساعات بخطفها 
مع كل فراق بفقد اجزاء منى فا بالتدريج بتصفى 
ياريتك وانت خارج تسحب شوقك بالبطىء
مقولتليش انك غريق مافيش حبيب ينفع صديق
قلبك كان هش ، كان ك بيت من قش وشبعوك شياط
مصايب فى مصايب قلبك خرايط صحرا بدون فُراط
طيبتك صراط عُمرك طريق بتبيع خُطاه ببلاش 
ولو الحياة بتتقاس بالناس نكتب راح كأنه مجاش
مبقاش فى جسمى ، ضلع سليم اخاطر يوم واكسره 
محيلتيش الا اسمى وبعد اسمى محيلتيش شىء اخسره
شربت لحد ما سكرت .. وسيبت حساب الشيك جواه
كتبت " مكانش بيننا حب ، كان ما بيننا حياة "
هى سابتنى ، عشان كانت رايحة المركب الى تودى 
وانا ببعت سلامات ع الشط وبوسع علشان تعدى 
دهنت همومى وردى ، شوفت من الدنيا ياما غلاسة 
لما ركبت المركب كسرت وراها ٢٠٠ ازازة
مش باقى منى غير حبة كلام يتغنى 
وطول ما ضحكى بيخبينى الناس هتشوفنى تقول فى جنة
سابتنى ومشيت قالت البُعد مش بيموّت
سابتنى لوحدى فى وسط همومى قالتلى اتعوّد
يادى الغُلب بعد البُعد بتبقى القسوة سلاح 
وانا لما عرفت الدنيا بجد فهمت ان الى مات ارتاح
فهمت ان الى اتلكك بعد .. والى حب باقى 
وانى بجرى مهما بجرى ليلاتى سماكى بتغيم حياتى
استحملتك .. فوق رموش عنيا شيلتك
وقت ما الاجابة لاى سؤال كانت كلمة علشان بحبك
سيبتك وروحى مش معايا 
والبعد ده مكانش على هوايا
سيبتك علشان قُربك فتّح جروحى 
البُعد عزرائيل العشق وانتِ بعدتى خدتى روحى
عينيه كانت بتقول حاجات غير الى بتقوله الشفايف
قال هيمشى بس النظرة دى نظرة حد خايف
مكانش شايف غير البُعد حل 
قال مدام خسرت كل حاجة فا اكسب نفسى ع الاقل

all rights reserved for Amr Nasser Saiko Official Team work @ 2018

aswany studio elz8aba

قالتلى اتعود | Amr Saiko - عمرو سايكو

مكحله-Ahmed sakr)-vocal(omar sha3rawy))

الــكــلــمــات

راجع نفسه وهو بيقفل الببيون
كان مندمج لحد قبل فرحكوا بيوم
سأل سؤال لو سألتيه عمرك ما تضيعي
انا هنا لأني عايز ، ولا لإن ده الطبيعي

خلص تعليم ، وكوّن نفسه ، وشعره أبيّض سنه
أهله قالوا: يابني نفرح بيك خلاص كبرنا
وأختاروكي عشان جميلة ، وبنت ناس ، ومتعلمة
قعدة .. التانيه .. إتشد ليكي ، وقام ملبس دبل

عمره ما حس لحظة واحدة إنك بتكمليه
الحكاية إنك ناسبتي شكل حياة لازم يبنيه
كان بيطمن نفسه بإن الحب بيتولد بالعشرة
وإن جوهر العلاقة توازن ، وإن العشق قشرة

فاق ، وفكر في اللي جاي بمنطقية
ملايين بمواصفاتها يبقى اشمعنى هي ؟
لو خسرت ميزة .. هفضل راضي بيها ؟
لو شفت واحده أحسن .. ليه متشدش ليها ؟


انتي كمان من صُغرك ماختارتيش حاجه بمزاجك
سيبتيهم يخترعوكي ، بدل ما تسعي لإكتشافك
قالولك كُليات القمة ، يا إما تبوظ حياتك
وانتي ما شاء الله دخلتي طب بإجتهادك

وبقيتي في ركن خلى عدد إختياراتك قليل
الدكتورة تتجوز دكتور ، يا مهندس بالميت
وبقربك مـ التلاتين إتزنئتي في ركن جديد
قطر الجواز هيفوتك ، وانتي لازم تلحقيه

جه وكان باين فيه معظم شروطك في البداية
مع الوقت ظهرت العيوب ، وغطت عـ المزايا
وفشلتي تغيريه ، فبدأتي تحاولي تقبليه
مفيش رجوع خلاص .. بقالكوا سنة أهو مخطوبين

مـ النقطه دي مكانش ، ولا هيكون بينكوا إلا كبت
كان لازم طرف منكوا يرجع مهما كان الوقت
وأهو دلوقتي أفضل من بعدين ، وانتوا لسه اتنين
أحسن ما تاخدوا طفل في الرجلين ، وبكره تقولي صدقت
_______________________________________

Fora2 Salonat

Lyrics: El Joker
Vocals: El Joker
Music: Karim A. Nabih 
Master & mix: Pola Maher
Video by: Mostafa Karim
© 2018 El Joker

الجوكر-فراق الصالونات

Rec & mex & master : HazemMaher
prod by : Ammar Hosny
poster by:  Jouba
Lyrics :
دخان سجاير مالي الاوضه قربت احس بخنقه
ايديه بقت تترعش من كتر السهر والقهوه
عايش لوحدي في وسط العتمه 
مابين اربع حيطان وحزن ومغني
وليل بيصبر حالنا
احنا اتسحلنا مسك سكينه حاميه
عور رقبته علشان ايديه مكنش بتجيب فايده ودي النهيه
مبسوطين ما كان في حاله وبتاع مغني
بعد 19 سنه مطالش ولا دنيا ولا اخره
كان ممكن ابقي ناجح بس الكل قالي صايع
حياتي زي السينما بخش اشوف مستقبل ضايع
 19 سنه المفروض افرح مشيلش الهم
كان ابسط امنياتي اني لما احب اتحب 
 افضل اشرب واسكر لحد ما الدنيا تروق
انتا بتشرب لجل تنسي انا بشرب علشان افوق
وادي النهايه خلصت الحدوته
حتي صحابي بعدوا ومش متبقي منهم غير يدوبك صوره
-------------------------------------------------------------------
مش مفروض اعيط مش مفروض اكتئب واحزن
مهما شوفت وحش  اكيد ربي كتبلي الاحسن
شكلي مخنوق بس بلاش تقولي مالك
هتلاقي مني سكوت  مش هتلاقي مني اجابه
--------------------------------------------------------------------
القدر بيعاندني مشاكلي بتكعبلني
بيسمعوني في الدري لاكن قصاد الناس كارهني
 بضحك وسطيكوا علشان اداري كئبتي
دموعي نزلت مني خلاص مش قادر اخبي 
كنا احباب وبينا كلام اترمي في نص البحر وداب
ليه كل حب واخره فراق وانا تعبت يا بنت الناس
 تعبان من كل حاجه حتي تعبان من نفسي
تعبان من السهر تعبان حتي من اني بغني
بقول بكره هيبقي احسن ومش بيجي بكره 
حتي يوم مشربت القهوه لقتها زي الدنيا مره
الشده للجدعان وربك لو حب حد ابتلاه
رغم عارف اني غلط بس محدش فينا ملاك
 اتسابت في النص السكه والمفروض اكمل 
مش عارف اكون وسطيكوا علشان مش بعرف امثل
انا تمام بس صب اخر كاس 
انا تمام وكنت بخرف بالكلام

Hazem Black - Malk ?|  ? مالك Prod by : Ammar Hosny

الــكــلــمــات

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش ... وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر
__________________________________________

Mosem El Ze2ab

Lyrics: El Joker
Vocals: El Joker
Music: Hanto
Master & mix: Youssef Anwer
Des. by: Mostafa Karim
© 2018 El Joker

الجوكر - موسم الذئاب

متنساش تعمل فولو علشان يوصلك كل جديد و شاركنى رأيك فى كومنت ♥
-----
Follow Wannous
-----
Facebook Fan Page | https://www.facebook.com/wannousofficial
Instagram | https://www.instagram.com/wannousofficial
SoundCloud | https://soundcloud.com/wannousofficial
-----
Follow Ebn Ezz
-----
Facebook : https://www.facebook.com/profile.php?id=100033084245239
-----
الكلمات :
V1 : Wannous
-
قالولي هتنسى بـ كاس و ادي تالت ازازه افتحها
انا كل يوم بكتبلك ييجي عشرين رسالة و بعد كده بمسحها
و مكنش في لمة عشان اقول اللمة ناقصه
و انا منكرش ان انتي كنتي علاج بس انا مكنتش عيان اصلًا
-
حاولت افضفض بس محدش رضي يسمعني
و لما حكيت همومي فـ غنوة لقيت جمهوري زهق من حُزني
قولتلها خايف انام زهقت من الكوابيس و عياطي
قالتلي بلاش تنام زعلان و اديني فضلت من ساعتها صاحي
-
استبينا .. لو عايزه تمشي غوري
غلط عشان زرعتك حب .. مع اني عارف انك هتبوري
غلطتي ان انا صدقت ان انتي مش هتمشي
و لما شوفت نفسي مريض متعالجتش لا كسرت مرايتي
-
تقدر تقول من كتر ما قلبي اتساب نحست
انا ياما قولت ان انتي غيرهم بس طلعتي زيهم بالظبط
كان نفس الجرح نسخه تيبيكال من اللي فات
تقدر تقول كان قلبي ليها أرض وهي كانت عواد
-----
C1 : Wannous
-
وقتها كان لازم ادوس على قلبي عشان احفظ كرامتي
مش هيفيدني أسفك صعب اني ارجع تاني انتي اتأخرتي
كان صعب جدًا قلبي يسامحك بعد اللي عملتيه
و كإن قلبي جامع و انتي يهودي فـ صعب تسكنيه
-----
V2 : Ebn Ezz
-
قوليلي ازاي ... تبت فيكي و برده مشيتي
قولتيلي مش هنساك و تاني يوم فراقنا نسيتي
مكنش في حل بعد ما مُت فيها غير اني اقتلها
ده أنا حبيتها و حبِت غيري و غيري حب غيرها
-
انا كنت زمان غير كده بس فجأه الـ حال اتغير
و اديني بقيت بضحك عـ اللي استتقلته و انا صغير
انا مش كويس .. و كل الناس اختفت فجأه
صحيح انا مندهشتش عمري بس غيابك كان مفجأه
-
حبيتها .. ماحبِتنيش كان النصيب بيعادي
ماتقوليش حبة حجج قوليلي هونت عليكي عادي
لما بكيتي حضنتك و مسحت دموعك بـ إيدي 
لكني لما احتاجتك جيت و لقيت فـ حضنك غيري
-
يا صاحبي ماتشبهنيش .. انت تشبه حريمك
انت سيبت اخوك عشانها و هي عشان اخوك هتسيبك
الدنيا هتوديك و تجيبك بكره تعرف قيمتي
و اديني عرفت ان انت لا صحبي ولا انتي كنتي حبيبتي
-----
C2 : Wannous
-
وقتها كان لازم ادوس على قلبي عشان احفظ كرامتي
مش هيفيدني أسفك صعب اني ارجع تاني انتي اتأخرتي
كان صعب جدًا قلبي يسامحك بعد اللي عملتيه
و كإن قلبي جامع و انتي يهودي فـ صعب تسكنيه
-----
Artist : Wannous Ft. Ebn Ezz
Rec & Mix & Master By : Wannous  (ونوس) ®
Prod By : Wannous  (ونوس) ®
Poster By : Wannous  (ونوس) ®
Artwork By : Ammar Hosny " عازف "

Wannous Ft Ebn Ezz - Waqtaha | ونوس و ابن عز - وقتها

الـكـلـمـات

شوفيني زي ما تشوفيني .. عمري ما اتأثرت
مش واصل عشان مش عارف الطريق! هل ده شرط؟
مش راضية بس راضي لإني وسطهم ك فرد
أضعف مما انتي فاكرة ، وأقوى مما انا افتكرت

كفاكي كبر .. فجرتي شبر شبر
بكتب الجمل في مخي عشان خسارة الحبر
يابنت الناس انا استكفيت ، وريحتك طلعت
قالولي قالت يؤمر أعمل .. قلت تبعد

تلت حياتي معاكي طاعة ، والتلتين في عمى
بسرق لحظة استطاعة بإرادة من السما
الخالد بعد شمسه راعى قرب الليل اتقى
دي الفلوس ، ودي البضاعة .. ياريت مشوفش وشك بقى

سيبيني لنقصي .. نزلت ك سهم رأسي
كرهت كون مزيكت شخصي متناسبش رقصي
هما مش سبب نجاستك .. هما زوقك
موصومة أرضك .. ملعونة السما اللي فوقك

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي

قليل الحيلة ، بس صعب أبان ضعيف
هرتاح لو قولتي قولت لأ عليك عشان نضيف
بان حاولتي ، ودي سخافة .. قولك مع فعلك تنافى
بنت مقصر ، وانا بكسر في حيطان بيننا مش متشافة

شكيت في نفسي ، وقولت يمكن خانني فكري
وسكتت فترة .. فترة طويلة لو تفتكري
واللي فيكي فيكي .. مفيش عدل يرضيكي
عمرك ما تستحقي اسامحك على ماضيكي

كل كلامك كدب ، ولابسة وش ، وديلك نجس
فاتحة دراعاتك ، واللي تحضنيه يتحبس
انتي مش ضحية زي ما قريت في ورقك
جسمك مطلي بعرقهم ، وأجسامهم بعرقك

متبصليش بعجز ، وتطلبي المساعدة مني
انا لما عينتك كنتي أول من مفروض يعينني
ضيعت ظهوري فداكي .. موصلتش فداكي
وانتي عارفة انا كنت قادر أبقى ايه في كام سنة لولاكي

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي
_______________________________________

El Korh Fe 3onoq Zogaga

Lyrics: El Joker
Vocals: El Joker
Music: D-Low
Recorded at: Wave Studio
Master & Mix: Amonuos
Video by: Mostafa Karim
© 2019 El Joker

الجوكر - الكره في عنق زجاجة

#Awney_Adel

كتفت ايديا بحبال شايكه وقومت ساكت 
كانت اول نايبه واول خيبه امل كنت واقف
كنت مستنيكي تهلي وكنتي ماشيه انا استنيتك
مش عدل انك تنامي وكل يوم اسهر واحكيكي 
------
#Nour_Ellden

غلوبت محاوله ياما اكونلك يكفي اقولك 
ان روحي انطفت برا حضنك لانتي باقيه ولاانا هدوملك
بكره قلبي لما بيشجعني اسرح في صورك
وبكره نفسي لما اروح مكانا واحن لاقربك
--------
"Awney Adel"

كبايه القهوه بردت مني لما سرحت
بصيت هنا دمعت بصيت كتير دققت
 عارفه كنتي استنيتي عليا حبه يمكن اهدي
الوقت غير كل حاجه كنت ممكن ابقي احسن
---------
"Nour Ellden"

يلي انت غالي عندي ليه بترخص فيا
ده رصيف الشارع يشهد كلمتك في كام اغنيه
كانت الساعات بتقلب في القديم وتسيب علامات
رغم ان الدنيا برد قلبي كان بيولع نار غياب
----------
#Ammar_Hosny

مش بنعس , ازاي كل ما بضحك بتعس
تحت رجلي ريش نعام اخترت ادوس علي الشوك ده لأجلك
انا مش مسامحك , يا بختك لو بتنسي
يلي ضاع العمر ليك كتابه ليه استخسرت كلمه

ما بدي اشتاقلك , ما بتلبقلي وبلبقلك
كل تعب الدنيا هانلك , ضاع العمر بين مشاكلك
ومفيش في قلبي حال امسك فيك , فين اراضيك شاورلي
يلي قالوا عليك بعيد وانت اقربلي مني 
-------------
"Awney Adel"

يلي انت هناك بعيد انا تعبان مراسيل
كل يوم بيعدي وملمحكيش من زحمه الشبابيك
حتي مطلتيش حضني لنفسي مقونيش بالعكس
عملت كل حاجه ممكن تتعمل وغلبت
-------------
"Nour Ellden"

ازاي رضيكي حالي وانتي ادري الناس بيا
تفصيلك خوته قلبي وساحره عقلي زي جنيه
هعيش واموت مش ليكي وعيشتك في قلبي ليا
وكانت غريبه ان الغريب اقربلي وانتي بعيده عليا
------
"Awney Adel"

طب علميني زيك ابعد لما البعد حل
ازاي مبقاش بيشغل بالك اني هموت في بعد
ان كان ده صعب , فهميني ازاي نفسك سوتلك
انا يعني قوتك لدرجه انك عادي تمشي
--------
"Nour Ellden"

كان حبك حبل لف شنق ما حل روحي
بنيتي بينا حد ما سبتي بنا حل ف روحي
ما عدش عندي طاقه حتي اعاتبك بيها
كان بنا قصه جميله امانه عليكي ابقي افتكريها
------------
"Ammar Hosny"

مش بنعس , ازاي كل ما بضحك بتعس
تحت رجلي ريش نعام اخترت ادوس علي الشوك ده لأجلك
انا مش مسامحك , يا بختك لو بتنسي
يلي ضاع العمر ليك كتابه ليه استخسرت كلمه

ما بدي اشتاقلك , ما بتلبقلي وبلبقلك
كل تعب الدنيا هانلك , ضاع العمر بين مشاكلك
ومفيش في قلبي حال امسك فيك , فين اراضيك شاورلي
يلي قالوا عليك بعيد وانت اقربلي مني
--------------

Nour Ellden "نورالدين" FT Awney Adel "بياع الورد" , Ammar Hosny "عازف" - Thorns I شوك

Ammar Hosny _ عازف _ - Dust _ عفار(MP3_160K).mp3

الكلمات :
عدينا كتير يا صاحبي .. مافيش اغاني بقت بتهدي 
شوف مين معانا و مين علينا مطر المصلحه بيصدي
تتمني اموت و تخوني اعيش بدعوة امي
صاين نفسي بنفسي مش محتاج ل بنت حوا تصوني

و بنحكي حكاوي الناس حبيتها ف ليه كرهونا
حلم منامهم كان يأذونا كل ما نالهم غل انسونا
ابقو افتكرونا بخير مشوفتوش منا غيره
و احكو عن ايامنا معاكو نضفناكو لو نسيتو

كتر الحوارات بتصدع مخي وساخة البشر
مش هيفرق اسفك دلوقتي في شئ جوايا اتكسر
انا مش ضعيف بس الدنيا اتكاترت عليا
محدش مد ايده يشيلني كل كان بيعجز فيا

البرد بيفكرني بحضنك لما سيبتك
رجع ديسمبر تاني بيقولك يا عبيط ما تنسي
سكك السلامه تساع حبايبنا لو نسيتنا
هما ليهم دنيتهم و انا و انت لينا مزيكتنا

شلتك كسرت عضم كتفي .. قدفت و انتي غرقتي
ضيعتلك عمري و منفعتينيش شبه موهبتي
أنا مش قليل الاصل بس الناس دي ناقصه
يشبهو المداس فوساخته بس بيلمعو من بره

انا مش بخرف حتي لو بقيت مجذوب
علي قد بساطتي مش مفهوم كامل مع اني كلي عيوب
مسير الدنيا تلف مركبك لشطي
بكره يبان بعد المطر مين الدهب و مين هيصدي

منغير كلام شاورلتلي و مشت
ضحكت عشان كملت
حبت كل اللي سابها و جت عليا و اتأذمت
داري . ان كان قلبك لا يبالي 
كان حبل الوصال مسنون عور ايديا مهمكيش ترحالي

و اتوه ملاقيك و اتأمل
نار قلبي مهدتش البرد ديسمبر
و انا علي حالي مش ببكي جفا لنفسي
و حكي ياما عن حالتي تملي

مغنواتيه . نكتب و نحكي و يعزفو الالتيه
و في اصعب حالاتي اتوه مابين الاتي تحسي بيا
اتوحشتيني . ياللي الغني من دونك مالو معني
ليش كل اللي اشتقنا ليهم لما هلكنا حبو وداعنا


"الله غالب .. ليه بتأذي فيا "بحبك مش بنحارب
ما بتشغلني الدنيا طول مانا عايش امي تكون دعيالي
والله اشتقنا .. نتعب نتجمع و الدنيا تفرقنا
نستحمل و نأذي بعض ولا نتقابل في الجنه


ياللي الكلام وياك معادش بفايده حزني اتكوم
علمتك كل حاجه و علمتيني اخون

شلتك كسرت عضم كتفي .. قدفت و انتي غرقتي
ضيعتلك عمري و منفعتينيش شبه موهبتي
أنا مش قليل الاصل بس الناس دي ناقصه
يشبهو المداس في وساخته بس بيلمعو من بره


انا مش بخرف حتي لو بقيت مجذوب
علي قد بساطتي مش مفهوم كامل مع اني كلي عيوب
مسير الدنيا تلف مركبك لشطي
بكره يبان بعد المطر مين الدهب و مين هيصدي

مكحله-Ahmed sakr)-vocal(omar sha3rawy))

Ahmed SakR ✪