عالم متلغبط بالألوان



اسف ياعم فلانتاين
عدى السنادى كمان وسجلنى غياب
السنجله
مش مشكله
بصرحه بقى مش طالبه عك
ولا ناقصه شك و غيره او حتى عتاب
منكرش ان انا نفسى حقيقى اخرج مع بنت واغير جو
وبقولك لو
انا كنت لقيت حد بيفهم
مانا كنت ساعنها بقيت جنبو
لكن انا كل ماكون مع حد يبعد ويقول انا مش ذنبو
انا قلبى ده مش فندق يعنى
انا ابسط حاجه بتوجعنى
واهو عادى مجتش على اليوم ده
انا اصلا عايش من مده
ومسستم نفسى على الوحده
وحياتى عايشها يا عم تمام
لا انا بشحن زى الناس عطول
ولا برغى كتير فى التليفون
ولا بقعد اسب لفودافون
ولا اضيع وقتى فى اى كلام
ولا قاعد مجروح من الصدمه
بسمع مش زى الافلام
انا زى الفل وقشطه وبيس
مش بفتح شات بلليل عالفيس
ولا بسهر اكتب اغنيه
لا باس ببعض الحنيه
ولا اعشم نفسى اعيش مع حد
والاقيه بيسبنى بدون اسباب

وحياه ابوك يا عم فلانتاين
السنادى سجلنى غياب


اسف ياعم فلانتاين - الشاعر محمد ابراهيم

شيزوفرنيا العلاقات - حسين الجوهري
https://www.facebook.com/HussienElgohary1

شيزوفرنيا العلاقات - حسين الجوهري

عن الوحده - محمد عبدالفتاح

Adham Seliman
أدهم سليمان

تصدر المطرب أدهم سليمان، الأعلى تداولا في عمليات البحث على موقع "جوجل" بعد إشعاله حفل مقام بجامعة حلوان حضره آلاف الطلاب.

وفيما يلي بعض المعلومات عن المطرب أدهم سليمان وفقا لصفحته الرسمية على موقع التواصل الاجتماعي "فيس بوك".

- ولد يوم 21 سبتمبر 1986 في أسيوط.

- تخرج في كلية الحاسبات والمعلومات بجامعة دلتا.

- بدأ مشواره الفني في عامه الخامس عشرة في المدرسة الإعدادية بالمنصورة خلال حفلة تخرج من المدرسة للجامعة.

- بينما بدأت اهتماماته المهنية كمغني وملحن في الجامعة، فكان يعمل في هذا الوقت مع شركات متخصصة في الإنتاج في الأسواق المصرية والخليج العربي.

- لديه أغانيه الخاصة منذ مرحلة الجامعة حتى الآن.

- أسس فرقة 5tm التي قدمت مختلف الأغنيات ومن أهمها "عتمة" التي ناقشت الوضع السياسي بعد ثورة 25 يناير، ثم انفصلت الفرقة.

- قدم سليمان أغاني خاصة له مثل "الحياة، قيس، أغنية، وعلى باب النبي" حتى جاءت أغنية "اسمي" التي نالت شهرة كبيرة وكانت البداية الحقيقة لبداية التعارف بينه وبين الجمهور، وتليها أغنية "المقام، المراية، الانبيا، مش ندمان وغيره".

- قدم فيديو كليب لأغنية "المراية" الذي عرض على قناة مزيكا.

www.abdwap2.com

Adham Seliman - Qesa Mkmlnahash (1)

اغنيه بناديك
غناء وتوزيع والحان أمير مجدي
كلمات محمد الرحماني

Single

اغنيه بناديك | غناء أمير مجدي | كلمات محمد الرحماني 2020

قمة الوجع ف سكوته بعد رحلة طويلة
عن حجات حصلتله كان فاكرها مستحيلة 
شاف كل معنى و عكسه و ان كله عادي جايز 
خسر معارك ياما لكن قال لنفسه فايز 
هي سكة واحدة بس لكن الضلمة في كل حتة
جربت ما تدور عنهم تسأل عنك انت 
متغير للاحسن ولا جمود مشاعرك غالب؟ 
رفعت الراية يعني ولا لسة قادر تحارب؟! 
يمكن سر نجاحك هو انك مبقتش باقي
راح الاغلى ف شايف انك زيه مش  هتلاقي 
خلاص فهمت انه كله بيعدي و دوارة
ادّي وقتك للي يستحقه هي ماشية  تجارة 
عز المحنة كانت رسالة انك لسة قادر
عديت الاصعب منها لكن نعمة انك مش فاكر
الواقع فرض استسلم لكن اتعلم منه
اكتر حد اتظلم هو الي معاش سنه
...    ... ...  ....... . . . . . . . . . ....... ...... ...... ...

حكايتك واحدة من وسط كتير حكايات
نفس البداية لكن مش نفس النهايات 
كتر الكلام ممل عارف ان  التفكير بيتعب 
كل واحد ادرى بحلّه لكن الدوشة تغلب 

..... .... .... ..... ..... ..... ..... ...... ..... ...... ...... 

الغالي تمنه فيه و انت دفعت تمن الحصة 
و الي انت خايف منه مجرد سطر جوا القصة
اهدى و ارسى كله بيعدي  عادي 
متعيش الدور مجاتش يعني عالمرادي 
كداب فكرته صادق و الي كان فارقلك فارق 
صعبان عليك يفقرك  اما الجاحد عايشها رايق
اعرف ان   العتاب في حد ذاته محبة 
 خدنا العزا خلاص  عم عشم مرتاح ف التربة
يوم ليك  يوم عليك هو ده القانون ف علّم 
شوف مين كان معاك  مين في الشدة سلّم 
الي وجوده كان يهّون  ، غير  الي كان يتلون
ساعتها احكم و دوّن مين في قربه انت بتطمن
لقانا كان قدّر اما النسيان ف ده اختيارك 
راجع نفسك من تاني ساعتها خد قرارك
مش بقولك قسّي قلبك بالعكس افهم كلامي 
دنا بقولك حاوطه عشان ميتكسرش تاني 

فيرس...
توزيع : R devil 
كلمات : Som3a

حكايات

"كلمة والتانية"
كلمات- محمود خليل
غناء- خالد العطار
هندسة صوتية وتوزيع- ميدو حلاوة 


01202159500

كلمة والتانية  "خالد العطار"

( Obit ) موسيقى : محمد عادل 

نخاف الشئ فا بنريدوا
نمِل الشئ فا بيرِدنا
نسِب الَدهر و نعيدوا
يلف الَدهر ويعدنا ..
نخاف الشيشه فا نجرب
نخاف القرب فا نقرب !
في الحقيقه كلانا متغرب
والغربه وجعها بان في العضم ..
رفعنا كفوف .. و نحينا جبين
واتعشمنا في أمال اللَضم
وقولنا نستنىَ ..
عدىَ وقت وعرفنا
إن أبليس كان اقرب للجنه
فا بطلنا ..
وزدنا البَعاد في القُرب
وزدنا الوجع والشُرب
ومشينا في الطريق أياه
وانتهينا بأننا
بقينا اتنين غُرب
-
الوضع شِبه مُعاد
ومفيش أمل بعدين
الشعر الأبيض زااد
الصبغه راحت فين!؟
حبينا ناس اوغاد..
فا كرهنا ناس تانيين
لسا الفراق بمعاد ..
لسا الضُعاف شاريين!
امتا اللي فات يتعاد
ونبقي مش خايفين
امتا اللي فات يتعاد
ونبقي مش رايدين :') !
#كريم_أبوعيد

اسف ياعم فلانتاين - الشاعر محمد ابراهيم

Ahmed Samir SaM