💔

😭😭

Ra Nia

شعر

عمرو حسن

حسين الجسمي _ربي أنا خايف من العذاب

نهاية فيلم صرخة نمله بقصدية هشام الجخ

بتاع بنات ...مينا مجدي

ناوى ترجع عمرو حسن فوكال بكلمات جديده

قصيدة /حالة انسان ... ل ندي فياض

اغنيه غلطه راب حزين 2014.mp3

قصيدة "ليل الشتا" ..بقلم /ندي فياض

خارج حدود الاكتئاب،، كلمات #جهاد_سعيد،، إلقاء #ندي_فياض

Rec & Mix & Master : west (غرب)TEMO
Postar By : ELMOHARIG
Like & Share ;)
Much Love & Respect ♥ ♥

DO ARKADIA (غشيم)

قصيدة وحشتيني .. كلمات الشاعر عمرو حسن .. أداء صوتي أحمد سمري

لو كنتي استنيتي شوية | عمرو حسن|AmR-HasSan

#قصيدة #مبتحبكش
مبتحبكش
بتتعب ليه وتزرع أرض مش أرضك
وليه سهران ؟
وليه قلقان ومش نايم ؟
وليه قاعد ؟
وليه قايم ؟
تجيب ف سيرتها 
ومشاعرك تسيل ع الأرض
مبتحبكش والله 
وكل ال اتعمل بينكم 
حكاية وقت مش أكتر 
كلامك كله كان عادى 
ووردك مرمى ف الشارع من الشباك
بتضحكلك وتبقى معاك 
وتحلف لك تكون وياك
وبعد ما تمشى بتسيبك 
تاريخ مهجور
حكيت وياها عن نفسك فتاجرت بيك 
أديها يا سيدى بتعايرك بأسرارك 
وبعياطك قصاد منها 
تجيب سيرتك وأخبارك 
وتسبكها بدموع عينها 
ولا صانت كلام بينكم 
ولا قدرت تراعى حتى حلفانها 
ياراجل ده أنت علشانها بقيت واحد ما تشبهلكش
بتبنى ف ايه ؟
بتنكر ليه كلام واضح كضى الشمس ؟
بقالك أد أيه مشتاق ؟
لواحدة كان لقاها فراق !
وكنت معاها طفل كبير
حكيت للكل عنها بدون ما تتكلم
وكنت تشوفها فتسلم 
وكنت تشم برفانها 
فتعرف دارها ومكانها 
وتعرف كل ألوانها بلمسة ايد 
آدى العيل ف وصف العيد 
لا نفع الشاى 
ولا الحكايات 
ولا الأحلام 
ولا البدايات 
ولا الحواديت 
ولا السلامات 
ولا الحرمات 
ولا حتى الكلام بينكم 
ف أول لحظة تختلفوا 
تهين ضلك 
وتشتم فيك 
وتدعى عليك 
ولا تقول ده كان طيب 
وكان فيه بينا ضحك دموع 
ولا بتقول ده صان وجعى 
ولا حافظ على المجموع 
مسافة ما الكلام بيموت
بتنسى كل شئ له أصل
وتترك للمشاع سيرتك 
بتعمل أيه ؟؟؟؟؟؟؟
يا أخى والله عيب فعلا !!!
عشان أمك يا أخى حتى 
عشان حلمك 
عشان لو شفت ف مراية انعكاس صورتك 
ما تتعرش وما توطيش 
يا دنيا رخيصة ما بتديش 
لواحد حد يستاهله 
يشوف الشخص لما يعيش
نتيجة موقفه وجهله
نصيبك وانتى من أهله 
هموم الناس ما بتضحكش
مبتحبكش
مبتحبكش وشكلك زفت 
أديك وعرفت أيه ردك ؟
كفاية خيابة من حدك 
كفاية سنين بتتسرسب عشان ولا شئ
مفيش ف الدنيا حد يبيع وهو برئ
مقامك وسط كل الناس مقام عالى 
ووزنك ف عيون أهلك دهب غالى 
وروحك نجمة بتلالى وقلبك ناى 
رميت نفسك لقلة قيمة بس ازاى ؟
طلع خوفك عليها ف عينها ضعف شديد
وقربت بمشاعرك بس هى بعيد 
خيالها مريض بناس عدوا 
بتستمتع ببيع وجعك على الرصفان 
وتيجى انت وبتسامح بأى ضمان 
لا والأغرب .. الأغرب بتطلع بعدها غلطان 
وتطلع برضو مش شارى 
كأنك العرض كان سارى 
يومين بالظبط
لا منك غيبت 
ولا قربت 
وآدى الأيام بتثبتلك وبالأوراق 
غلط نظرى ف نظرك فجأة ع الأشياء 
قعدت كتير عشان تفهم 
وربك شاء 
تتضيع أحلى ما ف عمرك 
عشان إنسانة ما تحسكش 
مبتحبكش صدقنى 
مبتحبكش

مبتحبكش كلمات الشاعر / عمرو حسن .. أداء صوتي / أحمد سمري

Amr Hassan

‫عمرو حسن - صحاب السوء

مابتحبكش
عمرو حسن

مابتحبكش
بتتعب ليه وتزرع أرض مش أرضك
وليه سهران
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض ! 
مابتحبكش والله
وكل اللي اتعمل بينكم حكاية وقت مش اكتر
كلامك كله كان عادي
ووردك مرمي ف الشارع من الشباك
بتضحكلك وتبقى معاك
وتحلفلك تكون وياك
وبعد ماتمشي بتسيبك تاريخ مهجور
حكيت وياها عن نفسك فتاجرِت بيك
واديها ياسيدي بتعايرك باسرارك وبعياطك قصاد منها
تجيب سيرتك واخبارك وتسبكها بدموع عينها
ولا صانت كلام بيبنكم
ولا قدرت تراعي حتى حلفانها
ياراجل ده انت علشانها
بقيت واحد ماتشبهلكش
مابتحبكش
بتبني ف ايه ؟
بتنكر ليه كلام واضح كضي الشمس
بقالك قد ايه مشتاق
لواحده كان لقاها فراق
وكنت معاها طفل كبير
حكيت للكل عنها بدون ماتتكلم
وكنت تشوفها فتسلم
وكنت تشم بارفانها فتعرف دارها ومكانها
وتعرف كل الوانها بلمسة ايد
ادي العيل ف وصف العيد
لا نفع الشاي ولا الحكايات
ولا الاحلام ولا البدايات
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك
وتشتم فيك
وتدعي عليك
ولا بتقول ده كان طيب وكان فيه بيننا ضحك دموع
ولا بتقول ده صان وجعي ولا حافظ على المجموع
مسافة ما الكلام بيموت بتنسى كل شيء له أصل
وتترك للمشاع سيرتك
بتعمل ايه ؟؟
ياخي والله عيب فعلاً
عشان امك ياخي حتى
عشان حلمك
عشان لو شفت ف مرايه انعكاس صورتك ماتتعرِّش وماتوطيش
يادنيا رخيصه مابتديش
لواحد حد يستاهله
يشوف الشخص لما يعيش
نتيجة موقفه وجهله
نصيبك وانتي من أهله
هموم الناس مابتضحكش
مابتحبكش
شكلك زفت
اديك وعرفت
ف ايه ردك ؟
كفايه خيابه من حدك
كفايه سنين بتتسرسب عشان ولا شيء
مافيش ف الدنيا حد يبيع وهو بريء
مقامك وسط كل الناس مقام عالي
ووزنك في عيون اهلك دهب غالي
وروحك نجمه بتلالي وقلبك ناي
رميت نفسك لقلة قيمة بس ازاي
طلع خوفك عليها ف عينها ضعف شديد
وقربت بمشاعرك بس هي بعيد
خيالها مريض بناس عدّوا
بتتلذذ ببيع وجعك على الرصفان
وتيجي انت وبتسامح بأي ضمان
لا والأعجب بتطلع منها غلطان
وتطلع حد مش شاري
كإن العرض كان ساري يومين بالظبط
لا منك غِبت ولا قرّبت
وادي الأيام بتثبتلك وبالاوراق
غلط نظري ف نظرك فجأة ع الأشياء
قعدت كتير عشان تفهم وربك شاء
تضيع أحلى ما ف عمرك عشان انسانه ماتحسكش
مابتحبكش صدقني
مابتحبكش

مبتحبكش .. كلمات / الشاعر عمرو حسن .. أداء صوتي / أحمد سمري

قصيدة رائعة للشاعر المصري الهويس هشام الجخ

جحا - الشاعر هشام الجخ

الغزالة - عمرو حسن

عارف ي عم مش عارف انساها - عمرو حسن

انتى اجمل ست في العالم عموما او عموما انتى اجمل ما رأيت ♥️ عمرو حسن

باودّعكم 
وانا معكُم
وبطلب تسمعوا شوية
 انا طول عمري باسمعكم 
بقلب يجوز يزعّلكم 
لكن عمره ما يخدعكم 
بودّعكم 
واودّع كل ما بيننا 
وكافة ما رأت عيني 
فمن كان منّكم ضدي 
وعاش معاديني وآذيني 
فماتمناش يودعّني ولا ببكاه يصدّعكم
ومن كان له ف قلبي نصيب
فهذا حبيب 
وحاوطوا دعاه بأسماعكم 

وأما بعد 

فهذا ما رأيت اليوم
ف ساعة نوم 
صحيت منها بعين أوسع وبال مرتاح 
أنا هاخرج من المشهد بنفس دخولي وانا عريان 
وأكبر حلم حققته مروري ف الغابات انسان 
لا يدّي كسّرت شباك 
ولا قدمي ف يوم خطت على جثه 
دخلت المدرسة الدنيا وخدت نصيبي م الحصه 
وقد الفهم والتحصيل 
قد ماكنت وغد جميل 
وديب طيّب 
بحُط دماغي آخر اليوم 
وانا مظلوم ومش ظالم 
ولو فيه حد كدّبني فيعلم ربنا العالِم 
ف عن مالي ماخدتش شيء
وعن بالي ماسيبتش شيء
وعن وقتي 
فانا ولحد دلوقتي مخلص مُجمله ع الناس 
زهدت ف كل شيء فيها 
وعشت حياتي بلاغيها 
واصاحب كل بلاويها وأقول معلش 
مانابنيش من بياض القلب 
غير تجاعيد نَمِت ع الوش 
ودُقت ف دربها الضدين 
من الكافيار لحد المش 
وعدِت رجلي ف دروبها 
خفيفه وقابله مكتوبها 
ومرت روحي جواها متاهة تودي لمتاهة 
وأقول دنيا ومتكلمش 
نهاية الدنيا ابسط من وقوع الرمش 
وكل اللي اتحكى عني كلام باطل 
انا دلوقتي ف مساحة ملفش فيها ولا اماطل 
كلامي زي ماهو بدون تذويق
واي كلام ماقولتوش يعتبر تلفيق

ف أوصيكم 
تمر جنازتي من ناحية ما انا مرّيت 
وترمولي السلام ع البيت 
وماتخلوش صحابي يتعبوا ف المشي 
كفاية سيبتهم هما هناك ومشيت
وأما الدمع لو ليّن 
ف هيّن واتركوه ينساب 
واما لو بُكا عالي فحاسبوا وسطكم كدّاب 
وعلى قبري دقيقة صمت 
وتدعولي بأن يشفعلي ما أصلحت لما أجرمت 
تلاتة يمشوا ف وداعي بقلب سليم 
يزيدوا عن الاف يمشوا بكدب عظيم 
وراعوا وسطكم واحدة ف شالها ريحتي وغيابي 
وشاوروا لأمي على بابي وقولوا البار 
وحاوطوا القبر بالياسمين مش الصبّار 
ومروا في هدوء بيليق على المشهد 

وأوصيكم 
عيون كلبي ماتدمعشي
وعصافيري ماتسمعشي كلام عن موت 
وأوصيكم توطّوا الصوت ف وقت الحزن 
وتسقوا زرعة النعناع لحد الريحة ماتحاوط نواحي البيت
وحاجتي تتقسم بالعدل ع الأصحاب 
موبايلي يتكسر ف وجود تلاتة شهود 
ومش عاوز ف يوم حفلة بكا وتأبين 
هتلقوا فيه ناس ومش عارفين بينعوا ف مين
وهتلاقوا اللي قتلوني بيبكوني على الشاشة
ف شاوروا ع اللي كان منّي وقولوا ده حق
وشاوروا ع اللي جاي يكدب وقولوا ده لأ
أنا جيت الحياة لوحدي 
وماشي منها لوحدي 
وأصحابي اللي عاشروني يادوب كام فرد 
فمش هبلع كمان الكدب تحت الأرض
وف عزايا اذا حبيتوا تتقابلوا 
فياخد دمعتي صاحبي ف بدء الصف 
وهتحسّوه لوحديكم ف بسط الكف 
وهتبصوا ف عنيه تلاقوه بيسند نفسه م الوقعه 
وقلبه السخن هيخلي ايديه ساقعه
ف مروا عليه وبصوا ف عينه تلاقوني 

وأوصيكم 
ف ساعة ماتركتوني تقولوا سلام 
ما احبش ف الختام اترك دموع والآم
وتنقلوا اسفي للناس اللي طيبة قلبي جرحتهم 
وتعتذروا لادويتي اللي ايدي بعنف فتحتهم 
وتضحكوا وقت ما اجيلكم ف يوم ع البال 
انا فايت ورايا خيال يساع الأرض ويساعكم 
باودّعكم

سلام ياصحاب 
سلام يابيوت
ياخطاوي 
معدتش اضايق العالم بازعاجي 
ورايح يعني مش هاجي
ومش هاخلف معاد مع حد بمزاجي 
ومش هاقضي الحياه تبرير ف شيء ماحصلش 
ومش هدوش جيراني بصوت اغانيّا 
ومش هازعج مسايا بطول لياليّا
ومش هاهلك جزم تانيه ولا قمصان 
ومش هاخرج وانا مبسوط 
ومش هارجع وانا قرفان 
اديني رحمتكم مني 
ومن زّني
ياريت وانتوا بعيد عني تحسوا بفرق للأحسن 
وانا احسن 
ومرتاح ف الغياب وسعيد 
لكن يوجعني ان فيه ناس هتبقى بعيد 
واخر القول 
باوصيّكم 
بلاش تفترضوا سوء الظن مع غيري 
يجوز غيري بسيط زيي 
وحاصرينه ف دور شرير وهو بجد أجدعكم
بلاش نفس الغلط تاني 
أذاكم حلّى موتي عن الحياة معكم 

وخلاني وانا بينكم أودعكم 

بوّدعكم

#الوصية

قصيدة الوصيه عمرو حسن لاول مرة

العياط كلمات الشاعر / عمرو حسن ..  أداء صوتي  / احمد سمري

هشام الجخ - ايزيس ♥♥

القهوة من كُتر الكتابة عنها باخت …
فيه حاجات زيادة مدحها لعنة …
يارب هَبنا قهوة تشبه حزننا …
وادينا حد اصم يسمعنا …
وادينا قلب نبوحله مايخوناش …
وادينا حضن نروحله فَ يساعنا …
صدرك شوارع ذكريات تايهين …
والحزن شاعر له هدوءه وحكمته …
سألو الكمان يا هل ترى بتحب مين !!
ضاق المكان مافضلش غيرها ف رنته …
اتنين ف حرب وخرجوا الاتنين مقتولين …
وحضنها هربت منه …
رجعت حضنته …
مين اللي سلِّم للشتا المفتاح !!
طعم الحاجات الدافية ف الليل والمطر …
زُهدك ف كل الهربانين من جنّتك …
البنت كانت حبِّتك ياعبيط …
حبِّتها ليه ساعة ماكانت كرهتك …
وازاي بتعمل من سجايرك بلونات …
وتسيبها تطلع للسما دخان …
البنت مشيت …
وانت مُت عشان دخنت نفسك فِـ الصحاب سرطان …
وعطشت من شُرب السما فِـ البحر …
والبحر من كتر الغرق عطشان …
فبلاش تفكر كل ماء يرويك …
إياك تفكر كل حُضن شاريك …
فكرت يوميا فِـ كل الناس …
ونسيت تفكر فِـ اللي فكر فيك …
في الليل مساحة اسمها ” الأرشيف ” …
كل الاغاني والصور والذكريات …
كل الحاجات بتطُل من ذكرى الحاجات …
فـ الليل وكل المرتاحين نايمين …
هتمر جنبك لحظة تسوى ساعات …
أنا كتفي ممكن تلمسه يشوّك غياب …
أنا قلبي ممكن تعصره ينزل بنات …
لكن لسوء الحظ أو حُسنه …
مابقتش عارف أنسى دي بالذات …
وكإنها كوردات عمر خيرت …
ريحة الشوارع وقت فجرية …
كل البنات هي وهي البنات كلهم …
وانت اللي بتروحلهم مابيطلعوش هي …
طب ايه يا عم الشتا …
انا تحت عيني اتهرى من كُتر ما حنيت …
فكرت فيها ضحكت …
ضحكت فجأة بكيت …
ليه الشوارع كلهم قاصدين …
يفكروني باللي مش فاضلين …
والقهوة كرسي الاعتراف بالذنب …
تشرب تقول كل اللي سابك مين …
ليه الشتا والبحر اتنين صحاب أنتيم …
طب ليه ف كل البلكونات حكايات …
فتّحت عيني جدي غمّض مات …
وكبرت بيتنا لم عفشه وهجّ …
والدي ماحاجش بس شوفته ” ياحاج ” …
وايديه ف خدي ختم نسر كبير …
أمي اللي شيلت ف حضنها جناحات …
وبقيت ف طيبة كل حضن باطير …
وصحابي دفتر خدت صفحة ف مطلعه …
منهم تلاتة توأمين وضمير …
شكرا لإن الشتا عرّانا مفضحناش …
شكرا لإن الذكريات مماتتش …
أكبر دليل عندك انا …
أنا لسة أهو مانستش …
شكرا لِـ بلّة طين فِـ ديل التوب …
شكرا لمطرة تبلّنا ننشف …
تعرف يا عم الشتا ولا بلاش تعرف …
فِـ مثل هذا الوقت من كل عام بيفوت …
باحيا واموت مرات وفِـ كل ما احيا بموت …
وعملت منك ذكريات وحنين …
والقهوة سادة ووشها مظبوط …
وعملت عالم من خيال الوان …
وعملت صورة بألف حِس وصوت …
وفتحت صدري للغياب شبابيك …
دخل الحمام عشش وصارله بيوت …
لا البنت راجعة ولا الكلام يكفيك …
ولا ضحكي باكي ولا العياط مبسوط.

قصيدة شتا .. كلمات الشاعر .. عمرو حسن .. أداء صوتي .. أحمد سمري


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

مبتحبكش كلمات الشاعر / عمرو حسن .. أداء صوتي / أحمد سمري

Ahmed Semary