 طلعت قفّه ، بصنعة لطافه
مشيت ف زفه ، جنب القرافه
وخدت لفه مع اصطفافه
وفسحونا ، كلنا بلم
ناس ماشيه جنبي ، وطلعوا زومبي
والانحطاط ده ، ماكانش ذنبي
قالولي بكره حياتنا بنبي 
وقرطسونا ، تحت العلم
حيوا العلم 
يا عم دم ! حيوا العلم
يا عم غم ! حيوا العلم
يا عم تحيا ازاي وانا باموت
ماتنكّس العلم ولف به التابوت
ده النسر طار 
رفسه حمار
عشش مكانه عنكبوت
لساني دلدل وانا باقول ده فخ
تفتحلي صدرك وتملا ودني جخ
وتقوللي لاء ، ده الانتماء
واديها خربت ولا سمعنالكوا صوت
عامل لي نخبه ، ضارب لي صُحبه
مع اللي خاربينها ومع الرمم
أقول له لأه ، يقول لي زقه
وبكره نديهم بالجزم
راحت فين جزمكم
راحت فين دماغي
وراحوا فين ، اللي رجعونا للعفن
دول ظبطونا ، باسم الوطن
طلعت قفّه ، بصنعة لطافه
خدوني لفه ، مدّعي الثقافه
وطلعوا زيّي اكياس جوافه
ولبَّسونا ، كله اتظلم 

طلعت قُفّه ياسر المناوهلي 2016

Ahmed Sherif Abdelmalek