حطي صورته جمب صورتي وطلعي الفرق اللي بينهم
هتلاقي الفروق كتيره وانتى كنتى فرق منهم
حاولى تلحمي المواقف طلعيلي قصه واضحه
هتلاقي اللى بينكوا كذب مفيش ما بينكوا اي مصارحه
وانتي عادي راضيه جدا باللى بيقولوا بأفعاله
طب وماله عادي براحته ما انتى عاوزة بس ماله
و انا مكنتش عايز حاجه غير اني اكمل معاكي
كنت ابيع الكون بحاله عشان ادوق لحظه رضاكي
كنت ضهرك كنت حبيبك عمري ما كنت في يوم هسيبك
كنت شايل هم الدنيا وافضل ليل نهار ادعيلك
كنتي تقعي امد ايدي اخدك جوه حضني احميكي
امسح دمعك من على خدك اجيب كاسات حنيه اسقيكي
قولت ياريتنى ما كنت صونتك كنت بعتك كنت خنتك
كنت عرفت الف وحده واحسسك معنى الخيانه
وبأمانه                   مع ان قلبي خد عزانا
ومش هيفضل بيننا حاجه غير حبه وجع جوانا
كل شئ قسمة ونصيب وكل حاجه كانت مكتوبة
والعيون لو لسه شايفة شيفاكي في صورة مقلوبة
عادي مش هتفرق يعني انشالله عني ما اتحبيت
هو قلبي يعني فاكر انه هيقدر يبني بيت
ما انا هديت كل حاجه زمان كانت لما اتزليت
ده انا حبيت كانت قصة تتحكي على الف بيت
ممكن احب الف مره وفي الاخر انا اللى اتخان
بس لسه في حاجه نسياها ان انا اللى بكون كسبان
لو عافرتي او قدرتي مش هتكونى غير خسرانه
لو فكرانى هعيش ندمان عليكي لا تبقي غلطانه
انتى فاكرة انك قوية وفاكرة انى انا اتهديت
فاكرة انك كسبتى اللعبة جيم اوفر انا انتهيت
لا ياشاطرة انا ما انتهتش ما انتى زيك زي غيرك
كنت شايفك الف حاجه والف حاجه بقت لغيرك
هتعدي شهور سنين هتيجي و تطلبي السماح
 مش هشوفك اي حاجه غير حبة وجع وراح
شوفتي قد ايه رخيصه وعايز اقولك حاجه بس
انتى لسه مفهمتيش ازاى يكون لك عزة نفس

عزة نفس - Ahmed Elgen

I am a rap singer. And I like to create my own music and not abide by the laws of music. This is my mind and this is my world. Welcome to my little world.

عزة نفس - Ahmed Elgen

Ahmed AbdEl Tawab