كلمات

هتمشي في طريقك
وغيرك يقابلك
وغيرك يسيبك

فتعود في نفس الليلة
وتقول ع الخيبة تقيلة
فتغيب والغيبة طويلة

الزُهد مُصادفَه بيتخفّي..
يستنّي أمّا تلِف اللفة..
و يزُقك من فوق الحافة..
يرميك علي صوت ذكرَي قديمة..

و يفتّح أكتر في جروحك..
ويهد ملامحك وطموحك
وبياخد أجزاء من روحك
ويعيد من تاني فيلم السيما..

هتمشي في طريقك
وغيرك يقابلك
وغيرك يسيبك

فتعود في نفس الليلة
وتقول ع الخيبة تقيلة
فتغيب والغيبة طويلة

هتقوم؟ مش عارف .. تتردد..
فا تُقع من أوّل ما بتسند..
تتوجع ثم بتتعود..
علي صِفر شمال مالهوش قيمة..

مسافات بتجُر فــ إيد مسافات..
تتأثر ؟ مش حاسس بــ حاجات..
اللارغبة بتجلِد في الذات..
تترصدلك .. بنت لئيمة..

ملعون الزُهد اللي مُصادفَه..
بيبوّظ فيك حاجه سليمة..

هتمشي في طريقك
وغيرك يقابلك
وغيرك يسيبك

فتعود في نفس الليلة
وتقول ع الخيبة تقيلة
فتغيب والغيبة طويلة


الزُهد مُصادفَه بيتخفّي.. سمر طارق

Big Dreams
Good Music
Expensive Taste

## 

https://fb.com/AHMED.CFX

مرحبًا بكَ علىٰ الحافة .. 

الزُهد مُصادفَه بيتخفّي.. سمر طارق

Ahmed Mohamed