أولاد الشيخ البرعي

مدائح

الشيخ عبدالرحيم البرعي

اغأني

اولاد البرعي

مديح

مني ليك سلام

محمود عبد العزيز مقايس الرسم

القصيدة لحاج الماحي رحمه الله http://madeehsudani.blogspot.com/p/blog-page_1230.html

صلاة وسلام لي محمدا
*~*~*
صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لا لُو والدا
واجب الوجود باقي مفردا *** أنفى للشريك عَنْهو وأبعدا
مالك الملوك سامع الندا *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا
*~*~*
أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلواء وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا
هب ريحو فاح طيبو عامدا *** زالت النحوس لينا بعدا
خيط الفتول جمله سددا *** اصلح البلاد سيدي وارشدا
الملايكة جات طايفة احمدا *** غنت الحسان عامري المدى
وارضعت حليمة الله اسعدا
*~*~*
يا لساني جيب قول وانشدا *** لي المولا للرسل قايدا
خابت النجوس نارا خمدا *** كسرى طاح صناماتو هددا
نهر ساوى غاض كيه للعدا *** انتهى اب جهل خشمو لكدا
الشقى التعيس فعلو فاسدا *** مابي للرسول قلبو حاسدا
كم من القصص شاف وشاهدا *** يوم رمي البعير قام مزاودا
يبكي بالمغوس المرمدا *** سوا في القليب راح مكددا
اسفل الدرك ليهو مقعدا
*~*~*
طه من صغير عقلو جامدا *** جودو بلا مو محددا
ان لقا اليتيم ما بينكدا *** يرفي للعدامة ويساندا
جاهو لو قصيف لو محددا
*~*~*
كونو في الرسل حظو زايدا *** يوم نهار نقيف تاجو باردا
يرغم الرسول لينا بالفدى *** ربو قالو يا خد يا محمدا
الشفاعة ليك وانت سيدا *** زينة الجنان بيك موعدا
طاهر الأكفاف يا محمدا *** كامل الأوصاف يا محمدا
أنت أبي الاشراف يا محمدا *** سيد الأمة كاف يا محمدا
قلبك الرءآف يا محمدا *** تَرجِب اليخاف يا محمدا
نورك الرفراف يا محمدا
*~*~*
ليلة الوٌقاف يا محمدا *** للكرب كشَّاف يا محمدا
السلام أرداف لى محمدا *** مِنّي ليك آلاف يا محمدا
حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
طرفك الكحيل يا محمدا *** شَرعك العديل يا محمدا
حاشا ماب يميل يا محمدا *** جيتنا بالدليل يا محمدا
ليلة الزِلْزِيِل يا محمدا *** يا التخمْد الويل يا محمدا
الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
مافي بعدكا يا محمدا *** وافي وعدكا يا محمدا
ضاوي وجهكا يا محمدا *** فاق جمالكا يا محمدا
المباركا يا محمدا *** لينا ادركا يا محمدا
الجِذع رزم لى محمدا *** جَاز بالبرم لى محمدا
الجماد نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ دم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
ذلك الاصم لي محمدا *** ان وطاهو جم قول محمدا
كم كم وكم لي محمدا *** لا عدد لا كم لي محمدا
طاهر القدم يا محمدا *** اللَّى الرسل ختم يا محمدا
صمت الكرام رايا عاقدا *** ساموا للعمير في المجاهدة
سيدي الصديق بالنبي اقتدى ***قام عمر في الدين بي مواكده
سيدي عثمان للتقيل لدا *** برز الكرار سيفو جردا
ابن طالب الما بيراودا *** غز قارحو في الريشة جودا
ولع الفرسان ضربو شردا *** جنزر الملوك هانا قيدا
طيع الديار لينا بردا
*~*~*
مرحب العجول المعاهدة *** سيدي الزبير وطلحة الهدا
ناس سعد وسعيد باعبيدة *** سيدي ابن عوف روحو زاهدة
سيدي الفضل باقي جيدا *** سيدي العقيل المجيدا
سيدي المقداد بن الاسودا *** الامير درار الموحدا
حمزة والعباس و نعم خالدا *** ان لقا الخيول ما بيجاودا
بشتن الدروع رمحوا قددا
*~*~*
جالب الرجال من صعايدا *** هملوا العقاب جات مشددا
تبكي بالدموع شوقو هردا *** نعمه للنوى وللجمال حدا
حجرة القصير نوقو وردا *** بلج الحمول كارا من بدا
يرسى في الشروق ربي هاودا *** يسرى بالقفار ليهو قاصدا
يوصل المدينة ام فوايدا *** ينظر المقام الممجدا
واجه الرسول والكريم حدا
*~*~*
الماحي ليك يقول يا محمدا *** عندي نية فيك يا محمدا
بالجهر والسر ليك رايدا *** ناوي لي زيارتك ومقيدا
هوي قبل اموت ليك اعاودا *** اصبا ذاك مقامك واشاهدا
ابلغ المراد والمقاصدا
بشكي للاخوان داير الفدا *** جنة النعيم لينا مخلدا
نكسب الحسان عين ونهدا *** سابله الشعور سمحة اليدا
نايرة الجسوم المزبدا
*~*~*
الصلاة وسلام لي محمدا *** الصلاة و سلام ليك سرمدا
الصلاة وسلام مو معدده *** الصلاة وسلام لي محمدا
طه ثم يس واحمدا *** الوسيلة محمود واحمدا
بي عدد نباتا يفرهدا *** حنطة والنخيل عشب والد دا
ما رزم سحاب كر و ارعدا *** بي عدد فضائل الموالدا
علمو ربي كم نور وما بدا *** ترضي لي الرسول وتكوي لي العدا
يقبلا الكريم وبيها يسعدا 
*~*~*

صلاة وسلام لي محمدا

تركتهم جيتك تريو 2014 مع الفنانيين المبدعين
إسماعيل مبارك وراكان خالد 
كلمات الشاعر / يم
ألحان/ بندر سعد
توزيع / هشام السكران 
 

تركتهم جيتك 2014 - Tarakthom geetek

الجزار - بعد صليت



فرقة السحر للإنشاد والموسيقي

الإصدارة التاسعة

الجزء الثاني


السحر 9 الوجه الثاني

 السماني أحمد عالم - رحمه الله - مديح سوداني 

حننتو الي قبر النبي محمد - المادح  السماني احمد عالم

  السماني أحمد عالم - رحمه الله - مديح سوداني

اصلي صلاة تملأ الأرض والسماء - المادح  السماني احمد عالم

 السماني أحمد عالم - رحمه الله - مديح سوداني

قدمت بين يدي حب المصطفي - المادح  السماني احمد عالم

بنور رسول الله - المادح  السماني احمد عالم

يا راحلين إلى منى بقيادي - السماني أحمد عالم

مدور كاسو ندر محمود - اسماعيل محمد علي

المصطفي مني ليك سلام - أولاد الشيخ البرعي

مجري الهواء - أولاد الشيخ البرعي

متين الزورة يا قومنا - أولاد الشيخ البرعي

مدائح سودانية - الشيخ البرعي

ليك سلام يومي - أولاد الشيخ البرعي

السافرن بي فوق - أولاد الشيخ البرعي

مديح سوداني -  اولاد الشيخ البرعي

أنا مشتاق بالحيل لسمح السجا - أولاد الشيخ البرعي

حمادة هلال" محمد نبينا"

MesrAlmoamna / مصر المؤمنه

أخــــونـــــك - زيدان إبراهيم 

زيدان ابراهيم : اجمل حبيب الروح !!! gzageAli !!!

gzafeAli  - زيدان ابراهيم ــ ما أصلو ريده أصبح حياتي


إذا الخاطر سرح عنك
تأكد إنو راح ليك
وهوم في ربى الأحلام
قريب منك

المصطفي مني ليك سلام - أولاد الشيخ البرعي

ahmed eltayeb