Lyrics & Composition:Ahmed Eweda
Music Production: Mostafa Hafez
Mixing & Mastering: Mostafa Hafez
Guitar: Ahmed Taballah
Vocal Recording: Nour Mayo
Graphic Design: Muhammad L Sakandry
Photo Shoot: Muhammed Ali 
Photo Editing: Suzy Elkholy
Logo: Jasmine Magdy
Video & Editing: Khalid Elsayed Ibrahim 
Digital Distribution: Nogomi Media

كلمات الاغنية:

لوحدي
في الطريق انا ماشي..
لوحدي
في الطريق بخاف اتوه..
والطريق طويل
وعمري محدود.

النور
في عيني خافت
وحبيبتي
مني خافت
عشان
في عيني شافت
غياب
ورجلي
ياما شالت
حِملي
لما كنت باهت
ولفت
لما دابت
وقلبي داب..

لوحدي
في الطريق انا ماشي..
لوحدي
في الطريق بخاف اتوه..
والطريق طويل
وعمري محدود.

Fel Tareeq - في الطريق

كلمات : محمد عبد الرازق
الحان : احمد عويضه
جيتار : مصطفى عبيد
تسجيل و هندسه صوت : محمد مصطفى الجريتلى

Cover Of Pattrens in the ivy (Opeth)

Ghareq - غريق

ترتيبك الكام فى الحياه
ولا الأول ولا الاخر
ولا المركون على الهامش
انت اللى ميت من سنيبن
و بين كل العيون عايش
فا مش فارقه
وسارقه سنينك الفرقه
وبتلم الفتات من روح بتشبهلك
تعلقها فى جدار روحك
غريب الدم فى جروحك
عديم اللون
بيشبه كل شئ جواك
هواك مسموم بدخانك و احزانك
وافكار خارجه عن طوعك
عشان تسبق خطاوى الليل
وبرضه الليل مابيخطيش
و تمشى و انت مابتمشيش
عديم الخطوه و الترحال
يدوب موال

كلمات : محمود صابر
الحان : احمد عويضه
التسجيل و هندسة صوت : Revolution Records (محمد تمراز)
تصوير : احمد عبد الهادى
جرافيكس : محمد على

3al Hamesh - ع الهامش

طعم انكسار الصبر دم
والليل بيخلع وحدته الاولى 
كل المشاعر عرتك 
كل اللي ساكنك مش مهم 
ف ايديك حياة تشبه خروج من ضل حلم
ف عنيك بريق الانكسار 
كره الامل 
شريان بينزف كل اشكال الملل 
ويحٌبل الارض بـشجر يطرح دموع 
الملح عمره ما سد جوع 
ولكنه بيسد الجراح 
الدم اللي بيجري فـ جسمك
زهقان منك 
تعبان
تقدر تحكيلى ازاى بتعيش من غير عنوان
الدم اللي بيجري فـ جسمك
زهقان منك 
تعبان
تقدر توصفلي ازاي تقدر تشبه انسان
بين الليالي الخُرس غنوة بتتولد 
الجسم كلمة والنفٌس معنى 
بتقول لكل مكان بيجمعنى
حتعشني حالة وتنتهي بالوقت
فسبتني بعد الكاس مـ سممني 
برسم حروف وخلاص 
وبرسمني 
ليلي اللي ضمك كان مقسمني 
وفرط فـ دمي غربة الجيات 
------------------------------------------
مقطتفات من ديوان : (اوراق من مذكرات مختل)
كلمات : محمود صابر
ألحان : احمد عويضه
صولو جيتار : يوسف صلاح
تسجيل و هندسة صوت : محمد تمراز (Revolution Records)
تصوير : محمد على
جرافكس : عبدالرحمن شبل
شكر خاص للشاعر : حسام شعيب

Enksar - إنكسار

حنتقابل
على ناصية زمن اجمل
حترمى عنيكي دمعة شوق على صدري
وترمي عنيا اخر ضي لعيونك
ونتفارق..

شعر : محمود صابر
(improvised) الحان : احمد عويضه 
Music : Faiseurs de Mondes (Alcest)
تسجيل و هندسة صوت : تمراز (Revolution Records)
تصوير : احمد عبد الهادى
الالوان و التعديل : عبدالرحمن محمد

شكر خاص الى عبدالرحمن صبرى

Nasit Zaman Agml - ناصية زمن اجمل

برمي عيوني الى المدى
ترجع بلا مشهد مهم
مليانة كل عروقي سم
سُكري القديم
ضحك البنات
على كام بداية لم تتم
السكه هم
والدم مل من العروق
انا نفسي افوق
بدوق كلام
انا نفسي اموت
فبجوع زحام
النوم بيفر من الاحلام
وعيوني رخام
ودموعي مفيش
فمتسئلنيش ليه مبكتشي
او ليه منفتش كلام الناس
مسكونة عيونك بالحراس
مسكونة ضلوعي عيون مساجين
قضبان ، زنازين ، وكلام عـ الحيط
قلبي اللي مطلش بواقي الزيت
بينور كل الدنيا سواد
ويغطي حروفي بلون الصمت
ازاي صدقنا ان الذكرى
اوقات ،، يقدر يقتلها الوقت
وجريت ووقعت ، ضحكت ، بكيت
مش فاكر انهى طريق البيت
طب لو حنيت
حرجع على فين

كلمات : محمود صابر
الحان و توزيع : احمد عويضه
تسجيل و هندسة صوتيه : محمد تمراز
تصوير : محمد على
جرافكس : نور سعيد

إلى المدى- Ela ElMada

لسه الموسيقى بتحرق الشيب اللي فيك
وبتولدك من تانى من قلب الرماد
لسه الحياه بتشدنا نحو البعاد
ماشي بلم الذكريات
من فوق جبين كل البيوت

وقت الوجع مفيهوش وعود
ومفيش مابين دم الغريب كلمة هعود
هيعود ل ايه !، أو مين هيقبل يحتمل ضله التقيل
الغنوة دايما تبتدي مع كل ليل

اخر سيجارة فى علبتك بتعبى صدرك بالرماد
سطرين جداد بيشدوا روحك للخروج
فأخرج معاهم للفضا، الليل فضى
من كل انصاف البشر 
و اتبقى ضلك و الحكاية و السجاير و الخلود

اشعار : محمود صابر
الحان : احمد عويضه
توزيع و هندسة صوت : محمد مصطفى الجريتلى
جيتار : محمد اشرف
صولو جيتار : يوسف صلاح
بيز جيتار : ماجد نبيل
درامز : ميدو المصرى
تم التسجيل و هندسة الصوت ب استوديو كامب

Ma'a Kol Leil - مع كل ليل (Ramad)

كلمات : محمود صابر
الحان : عويضة
تسجيل و هندسة صوت : محمد مصطفى الجريتلي

_________________________________________

مدي كفك واحصدي الفاضل ف روحي 
عبي جلد الريح بريحتك لو تروحي
لن تزيد بالموت جروحي 
لن يموت ف الشوق غنايا 
بكره جايلك 
كلها مسافة الحكاية 
سبتي روجك فوق قميصي 
سبت وشي علي المرايا 
جايز انك تحتاجيه 
طفي كل الكون علي شاشة عينيه
واحفري ضلك عليه 
ثم عودي 
هل يجوزلي فرد عودي 
بعد ما حناني الغياب 
نص صمت الشوق عتاب 
هل يجوزلي ان ازورك ف السراب 
احبسك وسط الحروف 
شف قلبي الليل فشوفتك 
ثم مقدرتش  اشوف 

هل يجوز ف السكه ابكي 
هل حيفرق لو بكيت 
سبت بين كتفيكي بيت  
سبت بين دمك كلام 
سبتلك سكة اغاني بدون زحام 
فاذكريني 

للاغاني لسه بسئل 
كل ده كان تم ليه.

YouTube : https://youtu.be/R7yRT_zzJcw

Elfadel Fe Rohy - الفاضل في روحي

كلمات و ألحان و توزيع : أحمد عويضة
هندسة صوت و ميكس و ماستر : طاب الله
تسجيل الغناء : جمال فتحي
تم التسجيل بستوديو فيجليف

Eweda | عويضة

Popular tracks