حين قالت - بنت المدينة - أُحبك  نص محمد قنديل .

تقى طارق - مسارح وسيما ...!

موسيقى برنامج خطوات الشيطان الجزء الثانى 
للاستماع لموسيقى الجزء الاول 
https://soundcloud.com/ahmad-el-sayed/cujnezbyhteu

موسيقى خطوات الشيطان 2

زهرة _ حيطة امل

ترتيبك الكام فى الحياه
ولا الأول ولا الاخر
ولا المركون على الهامش
انت اللى ميت من سنيبن
و بين كل العيون عايش
فا مش فارقه
وسارقه سنينك الفرقه
وبتلم الفتات من روح بتشبهلك
تعلقها فى جدار روحك
غريب الدم فى جروحك
عديم اللون
بيشبه كل شئ جواك
هواك مسموم بدخانك و احزانك
وافكار خارجه عن طوعك
عشان تسبق خطاوى الليل
وبرضه الليل مابيخطيش
و تمشى و انت مابتمشيش
عديم الخطوه و الترحال
يدوب موال

كلمات : محمود صابر
الحان : احمد عويضه
التسجيل و هندسة صوت : Revolution Records (محمد تمراز)
تصوير : احمد عبد الهادى
جرافيكس : محمد على

3al Hamesh - ع الهامش

مي عبد العزيز - أنا وأنت   May Abd El Aziz - Ana W Enta.mp3

اغنية سلامات من ألبوم #إكس
كلمات: ايمان بكرى | غناء: رامي عصام | جيتار- باص: رامي صدقي | درامز : جمال فهيم | بركشن: هانى بدير | توزيع وإنتاج إكس.

تم تسجيل الالبوم بإستوديو فايب، القاهرة عدا أغنية ١ سجلت بإستوديو زولدر نورد، أمستردام.
تم تسجيل الغناء في أغاني ٤،١ بإستوديو ألان سكروبي، مالمو.
إيديت: أليهاندرو لوندونيو.
مكساج: أوسكار خلاسبيرخن بإستوديو زولدر نورد، أمستردام.
ماستر: كيفين ماكنولدي بإستوديو سي فونيك، رالي، نورث كارولينا.
هندسة صوت: أوسكار خلاسبيرخن، طاهر صالح، يوسف أحمد.

تصميم الغلاف: مهند شبانة.
التواصل الإجتماعي: مي دياب، أحمد شوقي.

شكر خاص لإستوديو فايب، حمد سكران، أوسكار خلاسبيرخن، هاني بدير، شادي حبش، مي دياب، ألان سكروبي، مهند شبانة، أحمد شوقي، منة الشيشيني، إم سي أمين، إسراء ويفي، أليهاندرو لوندونيو، شادي عصام، أولريكا ليند.

Salamat From #EKS Album ▶
Lyrics: Eman Bakry | Vocal: Ramy Essam | Guitar & Bass: Rami Sidky | Drums: Gamal Fahim | Percussion: Hany Bedair | Produced by EKS.

Album Recorded at Vibe Studio, Cairo except track 1 recorded at Zolder Studio Noord, Amsterdam.
Vocals on tracks 1&4 recorded at Allan Skrobe Studio, Malmö.
Edited by Alejandro Londoño.
Mixed by Oskar Glasbergen at Zolder Studio Noord, Amsterdam.
Mastered by Kevin McNoldy at Cphonic Mastering Studio, Raleigh, NC.
Engineered by Oskar Glasbergen, Taher Saleh, and Yousef Ahmad.

Artwork by Mohannad Shabana.
Social Media Management by Mai Diab and Ahmad Shawky.

Special thanks to Vibe Studio, Ahmad Sakran, Oskar Glasbergen, Hany Bedair, Shady Habash, Mai Diab, Allan Skrobe, Mohannad Shabana, Ahmad Shawky, Menna El Shishini, MC Amin, Esraa Wify, Alejandro Londoño, Shady Essam, and Ulrika Lind.

Follow EKS on▶
Facebook    https://facebook.com/EksBand
YouTube     https://youtube.com/EksBand
SoundCloud  https://soundcloud.com/Eksband
Twitter     https://twitter.com/EksBand

Download and Stream From▶
Itunes      https://itunes.apple.com/eg/album/eks/id1213508658
Anghami     https://anghami.com/artist/1458432

Download Full Album+CD Covers From Here▶
http://www.mediafire.com/file/l2bu9lrek88rng4/EKS+ALBUM+2017.rar

EKS -03- Salamat | اكس - سلامات

لتبكِ الكلمات بدلًا عني..

Rama Al_Zayat - رسالة انتحار فرجيينا وولف ..

رِسالة إنتحار | فرچيينا وولف .

المرايات  https://www.facebook.com/mahmoud.h.alkilany

نبتدي ما نبدتيش
مايهمكيش
كان إيه يَجوز يتولد ويعيش
مافيش ضمان للمحتمل
غير الأمل 
كلمة بَحبَك في العيون... 
نُص لمعة في لون بِيِفْرَح 
لساله مَطرَح حِلمِك المجنون في أرضى
ده كل غرضي تبُصي في المرايات..

شوفي يالا قد ما تشوفي.. 

إيدي الشمال
إيدي اليمين 
إيدي الكتاف والضهر 
ودراعي العينين والقلب والعمر الشقي.. 
كلهم سيفك 
وجيشك
ورهان إشارتك.. 
حِلِّي شعورك من إشاربِك
هتلاقي إيدي عبيد لأمرِك .. 
قيدي بس إنتي الشموع
وشاوريلي...

لو ع الشبح اللي بيحاصرك هناك 
اللي قاتل كل ممكن مع أكيد 
اللي يشبه جيش يزيد 
اللي كان م البدئ فكرة لؤلؤة من ياما في نور السنين .. 
على أي حال.. 
عاش عُمر ولسّا بيعيش الحسين
بس إنتي قومي بُصِ في المرايات.


لو ع الشبح اللي بيحاصرِك 
لسّا الجيوش مُمكِن تناصرِك 
م القاهرة لِدمياط لِبعد البحر لِفوق غايتِك.. 

لو ع الشبح بُصِ في مرايتِك 
عينِك الحِلوة طب تقولك إيه..؟ 

تِسمع خديجة لأهلها! 
ويفوتنا بدئ القصة للحاصل 
في وحيّه يمكن رِزقها المكتوب
جايزة نصيبه في حبها الإسلام
وحي الهُدى
مهدية لي مَهدي  الخُطى.. 

بَصِّت خديجة في المراية وقتها 
راهنت ونالت 
وإهتدينا 
لِبصة المرايات.. 


بُصِ في مرايتك 
عينِك الحلوة طب تقولِك إيه؟ 
ده كحل مَكّي من مَكحَلِة عيشة
ولا جفنك م الميلاد عايق! 

سايق عليكي كُل أهل النور  
أم الرموش يِحرَم عليها البُكا
يِحرَم عليها الخوف
يحرم عليها تقول ومايجيلهاش.. 

بسم اللي جاي من بكرة يِحيينا 
خَلي اللي فيكِ يحِن للحلوة.. 

حِلّي اللي فاضل م الخُصل للنور
إفردي شعورك 
خَلي الجميلة تِبان..

يقتل جمالك وحدتك والخوف 
الخوف هيهرب من جمالك
الخوف جبان..  
إلبسي الألوان في قلبك
إقلعي اللون الرمادي
إضحكي... 
وبعد إذنك صَدَقي الحلم في عيونِك
صَدَقي النور البعيد
صدقيني.. 
نبتدي ما نبدتيش 
مايهمكيش 
أنا بس عايزك تسألي المرايات... 

ونِن عِينك بكرة هيحُط النُقط 
فَتلِمي حِلمك من خيالِك في الشُنط 
وتاخدي روحك من حيطان البيت 
وتِعدي بحرك بيّا... مش بيّا.. 
إنتي الصوفية هتجري ع المَيّة 
أنا بس قادر ع الغرق والعوم... 

إنتي بصراحة نُص جِنيّة
إوعِ بس تبطلي تجيني 
بُصِ في المرايات هتحييني
بُصِ في المرايات كدة كويس 
آدي الحلق نسياه على سريري
إيديكي لسة مكرمشة الملايات 
ومخربشة جلدي
ونسيتي ضلك عندي في الاوضة  
لسّا الخيال قادر يِسَرَّقني.. 

بس العرق مانِشفش.. غَرَّقني 
الروج أهو باصِم على دَقني
لسّا الخيال قادر يِسَرّقني! 
بُصِ في المرايات.. 

أحلِف بإسمُه وديني وسنيني 
أنا بس نايم عشان تلاعبيني.. 

حلو المَنام لما يِندَهلِك 
طَعم الحياة إنك تِشَاغْلِيني
بُصِ في المرايات كمان مرة   ... 

نبتدي ما نبدتيش 
مايهمكيش 
ويهمني ماتنتهيش تاني
م العبط
إني امّاشوف الكنز ماوصلوش 
وإني امّاشوف الحلوة أتغافل 
إني اما اشوف الحيرة في عنيكي
اسكت وماسألكيش..! 
م العبط 
إني اما اعيش ماحلمش بالحلوة 
ماحلمش بعيونِك... 
ماحلمش بيكي وانتي بتجيني....

أنا نُص لونِك ونُص ماعرفهوش... 
إسألي المرايات 
وجاوبيني...

المرايات   محمود الكيلاني

 اني رايت اليوم "فيلم شعري" من ديوان مانيفستو للشاعر مصطفي ابراهيم

الزمان..
أيام ما كان لسه فى ناس ممكن تموت..
مش لاجل لقمة و لأجل قوت 
يعنى الزمان كان من زمان 
المكان..
جوه العراق..
صحرا على مد البصر ..
رمله بدون نقطة مطر 
و الكوفة على رمية حجر من كربلاء
السيين يبدأ..
صوت نفس ..
مزيكا توحى بالقلق 
دقات قلب بينتفض 
منظر لحبات العرق ..على جبهة من الشمس استوت
الكاميرا تعمل زووم أوت 
السيين بدأ..
أصوات حوافر ع الطريق..
الصوت بيعلى ويقترب 
فى نقطة ع الشوف من بعيد 
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا 
تلمح عينيهم م العفارة جريته 
تلمع عينيهم..كله يجرى ناحيته 
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه
الشاشة تبهت لون ضباب
علشان تجيبه بيفتكر 
والذكريات دايماً بتصحى..
لما نيجى نحتضر
كنا قصاد قصر الخليفة ..باالآلاف 
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته 
و الكاميرا جايه ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر 
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين 
معرفش لسة الغلطة فين ..
بس الحسين لازم خبرنا يوصله قبل ما يفوت الأوان 
خوفنا خلّانا عبيد مالناش أمان 
إحنا مش قد اللى عاوز يعمله
و صوتنا النهاردة جمب صوته 
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان 
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة 
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا 
من غير ما ينطق كلمة واحدة ..
فى ظرف لحظة إفترقنا 
كل واحد ودّع الباقيين بنظره 
و هو بيلف بحصانه .. وانطلق
كل واحد فى إتجاه 
كل واحد منا يجرى .. وألف كلب صيد وراه 
معرفش مين فينا اتصلب 
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .
الكاميرا قدام الحصان 
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش 
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق
الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى 
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام 
بعدين يقول ..
الليلادى نبات هنا ..دقّوا الخيام 
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام 
يا رب مغلوب ف أنتَصِر 
الظلم عمره فى يوم ما دام ..
و تفوت ساعات الليل قوام 
الفجر يبدأ..يوم جديد 
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف 
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب 
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم 
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..
الشاشة تتفتَّح بالراحة ع المشهد ..
الصورة سودا و تاريخ بينكتب بأبيض ..
الزمان ..20 ديسيمبر 
شهر و نكمل سنة ع الثورة تقريباً
الوقت..قبل الفجر 
المكان.. أسفل إشارة عمر مكرم 
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر
أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه 
و صوابعى حاسة بقلبه بيدقدق ..
مع كل نبضة تخف نبضاته ..
كان قلبه مش بينقّط ..
قلبه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال 
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال
الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر 
يتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَدَر الشهيد المحتمل ع الأرض..
أفتح وصيته وأقرا إيه مكتوب 
الكاميرا طايرة ع الميدان من فوق ..
و الصوت يرن لوحده فى سما المنظر ..
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر 
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة 
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا.... 
و مهما اتقتل عايش.

3al Hamesh - ع الهامش

Eweda | عويضة

Recent comments

نورهان محمد

Ahmed Samir

Ahmed Adel

ᗩᖺᗰᕮᗞ ᐝᐝ

Related tracks