gmal.b5et??

إبداعات .. الشاعر جمال بخيت

أشعار

Dina

موسيقى الشيطان

علي الحجار: أغاني بحبهاله مش مشهورة

دى مجموعة أغانى لشعراء مصريين هايلين جدا بس لأسباب مختلفة كتبوا أغانى مبتذلة جدا مع ذلك الأغانى فيها قدر كبير من الابداع ودمها خفيف كمان 
وعشان مش أنا اللى حاطة اغنية باللو اللى عاملها جمال بخيت 
وأغنية عالمحطة بتاعة أحمد فؤاد نجم .. والأغنية دى بقى بالذات ليها م من إن الحكاية معايا ..
 بالرغم من إن الأغنية بتشجع تقريبا
على التحرش إلا إنى بحبها ودى حاجة غريبة .. يعنى يا عم نجم مش عشان تنتصر للاشتراكية تضرب بقضية المرأة عرض الحائط بالشكل ده 

العظماء عظماء حتى لما بيهجصوا

السائرون نياما

مش كل كل ولا اى اى -منير

يا عم بيع mix جمال بخيت.mp3

البنية - إيمان الطوخى - سيد حجاب - عمار الشريعى

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

السجن عشش ف قلبي 
وماشى ف شوارعك.. 
نفس اللى باعنى وخدعني 
بالرخيص بايعك.. 
هاشيل حمولى انا 
ولا هاشيل حملك؟! 
ماعدت املك شيء.. 
فيكى.. ولا فيا 
ولا قيراط ولا بيت.. 
ولا نسمة صافية تلاغى النيل بحرية.. 
اهديكى عمرى وحسى وجوارحى
اهديكى جرحى هو اللى باقى دنيتى 
لما خلص فرحى
مش باقى مني غير شوية ضى وعنيا
مش قادرة تلمحنى فى وحدتى محنى
مش باقى منى غير شوية حب جارحنى

السجن - احمد سعد - كلمات جمال بخيت

مش باقى منى غير شوية ضي في عينيا أنا حأديهوم لك وأمشي بصبري في الملكوت .. يمكن بنورهم تلمحي خطوة تفرق معاكي بين الحياة والموت.
مش باقي منهم غير شوية قوة في إرادتي حاسبي عليهم وانتي بتخطي. 
مش باقى منى غير شوية ضي في عينيا أنا مش عايزهم لو كنت يوم حألمحك وإنتي بتوطي في معركة ما فيهاش ولا طيارات ولا جيش وانتي في طابور العيش بتبوسي ايد الزمن ينولّك لقمة من حقك المشروع.
مش باقي مني غير شرقة في نفس مقطوع وأنا صوتي مش مسموع يا حلمنا الموجوع من المرور ممنوع وأنا صوتي مش مسموع. مستني لما يمر موكب سلاطينك
ومش باقي مني غير شوية كفر بشروقك على شوية رحمة من طينك,, على شوية صبر من دينك,, مش باقى منى غير شوية لحم فى كتافى,, بلاش يتبعتروا فى البحر,,
مش باقى منى غير شوية لحم فى كتافى ، بلاش يتحرقوا فى قطر الصعيد فى العيد,, بلاش لكلب الصيد تناوليهم,, خدى اللى باقى من الأمل فيهم و ابنى لى من عضمهم فى كل حارة مقام و زورينى مرة وحيدة لو كل ألفين عام,, ألم الجراح يتلم
و مش باقى منى غير شوية دم متلوثين بالهم مرين و فيهم سم
و مش باقى منى غير شوية دم ، مقدرش أسقيكى مواجعهم و برضه ما قدرش أرميكى وابيعهم,,يمكن فى مرة تطلبينى شهيد حأحتاج يوميها الدم يمضى على شهادتى

مش باقي مني - غناء أحمد سعد - أشعار جمال بخيت - الكلمات في التعليقات

اغنية نادرة غناها علي الحجار
كلمات شاعر اسمه عصام عبد الله

كانت الوان الناس والعربيات والدكاكين
بتغطى اللوحه المجروحه
المرسومه فى قلبك
كنت بشوفك تمشى فى قلب الشارع وحدك
بين الزحام والالوان
كنت بحس انك ناسيه ناسيه الحب المسكين
من زحمة الوان الناس والعربيات والدكاكين
تنفض الناس والعربيات
وتنام الدكاكين
تسقط من صدر اللوحه الوان كانت بتغطى الحته المجروحه
والاقيكى تحت فانوس
دبلان الضى
قاعده لوحدك تبكى
على الماضى والحاضروالجاى
وبحبك ايوه بحبك
واحلفلك انى بحبك
رغم اننا عارف انك
من الم الجرح فى قلبك
بقى كل العالم عندك
عالم كداب ووعوده سراب
لكنى الف بحبك واحلفلك انى حاحبك
وحيجى اليوم واثبتلك
انى راسملك لوحه فى قلبى بلون وحنين
غير الوان الناس والعربيات والدكاكين

ألوان الناس - نادرة - غناء: علي الحجار - كلمات: عصام عبد الله - تقديم: صلاح جاهين

نهال نبيل بعيش اوقات

قصيدة المكالمة للشاعر هشام الجخ

جديد : هشام الجخ - المكالمة

مسحراتى يا مصرواية - جمال بخيت من السى دى المرفق بالديوان اصدار الهيئة العامة للكتاب


مسحراتى يا مصرواية - جمال بخيت

قصيدة صياد وجنية بصوت سيد حجاب

صياد وجنية سيد حجاب

باللو - مسرحية باللو - غناء حسن الأسمر - موسيقي حسين الإمام

الأغنية دى كان على الحجار بيغنيها فى مسلسل أبو العلا البشرى وكان بيغنيها فى كباريه وأغنية مبتذلة وبتاع .. عبد الرحمن الأبنودى هو اللى كاتب كلمات أغانى المسلسل وعشان كدة حتى الأغنية دى كان فيها  
ابداع ما .. ده كفاية "دانت قلبك سكينة حامية وقلوبنا"
اطرى من الجبنة"

على الحجار - الهؤة النؤة الزلمؤة - مسلسل أبو العلا البشرى

المسرحية دى كلمات أغانيها اللى كاتبها سيد حجاب .. وعشان كدة برضه الكلام كان فيه ابداع مع انه مبتذل .. يعنى برضه بيستخدم محسنات البديعية .. يعنى مثلا الدنيا دى انفاس معدودة علينا يا ناس .. كان مدحت صالح فى المسرحية بيشاور بايديه فيما يوحى بانفاس الجوزة :D ..
 وكفاية أصلا : والتعريفة خرمناه بس لحمناه فى التو 

مدحت صالح - الصح النح النا - مسرحية حزمنى يا

تتر المقدمة لمسلسل العائلة إنتاج 1994
كلمات سيد حجاب، ألحان عمار الشريعي، غناء أنغام
---------
حلى ضفايرك ضليلة
ولملمينا يا أصيلة
عشاق ترابك أحبابِك
وكلنا أهل وعيلة
احنا اللي يوم الفدا رحنا
نفديكى ونضحى بروحنا
وضحكنا حتى على جروحنا
ضحكتنا هونت الشيلة
وانتي اللي نسهر في هواكي
وتدوب قلوبنا في نجواكي
ولا عمرنا نحب سواكي
ونصون جِميلك ياجميلة
آه ياجميلة
نديكي حب وتدينا
ونمد للشمس ايدينا
ولو تعبنا تاخدينا
ناخد في حضنك تعسيلة

الشريعي، حجاب، أنغام | مسلسل العائلة - تتر المقدمة | كامل، جودة عالية

Nicola Benedetti - Tartini - Sonata in G Minor - Devil's Trill - I - Larghetto Affettuoso [Clip]

من ألبوم يمامه 2006
كلمات : نبيل خلف - لحن : محمد عزت 
توزيع : احمد شعتوت

Ali Elhaggar - 3arosty | علي الحجار - عروستي

من ألبوم يمامه 2006
كلمات : نبيل خلف - لحن : احمد الحجار 
توزيع : عدنان الشامي

Ali Elhaggar - masrya | علي الحجار - مصرية

من ألبوم  رمي رمشه 1995
كلمات : محمد العسيري - لحن : فاروق الشرنوبي
توزيع : احمد مصطفي

Ali Elhaggar - rama remsho | علي الحجار - رمي رمشه

الشاعر الكبير
فتحي قوره

اه من الهوي يااما

كلمات : سيد حجاب .... ألحان : بليغ حمدي

بوابة الحلوانى - على الحجار

الشاعر هشام الجخ 
قصيده متزعليش

هشام الجخ - متزعليش.

كلمات / سيد حجاب ... الالحان والتوزيع للموسيقار / ياسر عبد الرحمن ... غناء / علي الحجار

تعالى ياهوى // ياسر عبد الرحمن // علي الحجار

خالد سليم عالم تانى

رسالة قوية من الشاعر هشام الجخ للإخوان ومرسي من مكتبة الاسكندرية 8 مايو 2013

هشام الجخ - أنا إخوان

الطاعون من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

سلطان ليله من مسلسل السائرون نياما كلمات جمال بخيت الحان حمدى رؤوف

الحمار من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

الدلعدى من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

الفتوه من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

الرشوه من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

قاضى القضاه من مسلسل السائرون نياما كلمات جمال بخيت الحان حمدى رؤوف

ياصابره من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

البهاليل من مسلسل السائرون نياما كلمات جمال بخيت الحان حمدى رؤوف (رحمة الله عليه ... اذكروه بالدعاء)

قد بدا لى من مسلسل السائرون نياما كلمات جمال بخيت الحان حمدى رؤوف

اول ما نبديها نصلى من مسلسل السائرون نياما كلمات جمال بخيت الحان حمدى رؤوف

صابر الرباعى - شارع الغرام

حكاية عاشق_وائل كافورى

كلمات : سيد حجاب 
ألحان : إبراهيم رجب 
غناء : محمود عبدالعزيز وشريف منير 

يلا بينا تعالوا - من فيلم الكيت كات - كلمات سيد حجاب - ألحان إبراهيم رجب


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

Ahmed Hamdy Raouf is an Egyptian music composer and voice coach who was born on August 15, 1984 in Alexandria. He studied at the Academy of Arts at the Conservatoire Institute and then at the Higher Institute of Arab Music in Cairo. He has worked in a variety of fields, including theater, television, and the music industry. He has composed music for a number of artists, including Medhat Saleh, Muhammad Munir, Ali Al-Hajjar, and others.