A7med kamel

مزيج غريب 🌵

ahmed hassan

Ahmed Hassan

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...
أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.
~
برواز الدُنيا

قصيدة برواز الدنيا - مصطفى إبراهيم

كلمات : سيد_محمد
_________
قلبك مبقاش زى الاول 
متعلق جدا بالمخاليق
بقى عادى و اكتر مالعادى 
و ف عز الضيق بيكون هادى !!
مبقاش جواه حته بتوجع 
على ناس عماله تروح و تغيب
شكله اتعود او بقى مؤمن 
ان الايام دى بحالها نصيب 
هتقابل حد ؟! 
هتحبه اكيد
هيحبك لو يسمح موده
و هيفرق جدا فى وجوده 
او ممكن اصلا مش يفرق 
من كتر الخلق اللى بتبعد 
اصبحت بقيت تشبه آله
فى الجوهر و كمان ف الحاله
و حياتها روتين جواها روتين
هتفارق ناس و يفارقك ناس 
و تقابل غيرهم ناس تانين 
فبقيت تقريبا متعود ..
ان الانسان مهما يطول 
عمره ما هيطول للاخر
هيسيبك متكتف واحدك !
و ف وسط طريق ملهوش اخر !
و ندور فى دواير مقفوله 
و تدور ايمنا ترجعنا 
من اول خطوتنا الاولى !!
انا عاوزك تفهم ان الناس 
احلام هتسيبك بعد النوم 
الدنيا يا طيب مش دايمه 
ازاى الناس اصلا هتدوم

قلبك مبقاش زى الاول | سيد محمد

شعر *
مصطفي ابراهيم - تفرانيل 
https://soundcloud.com/radio-shaware3/mbxkan5vwalh
الي الساده اللى لسه تمام - عمرو حسن 
https://soundcloud.com/ahmed-fawzi-30/mubly9suemqw
شتا - عمرو حسين
https://soundcloud.com/amr-hassan-30/i-amr-hassa-winter
عن العالم الذي لا ينتهي - عمرو صبحي 
https://soundcloud.com/amrsobhy/f4q2nmhkutmf

مزيكا *
المواطن المصري - ياسر عبد الرحمن 
https://soundcloud.com/ahmed-gado-1/rrjxixsyvngv
Sometimes when it rains - jose carlos
 https://soundcloud.com/jos-carlos-botelho/01-sometimes-when-it-rains-1

عَني و عَنك - التعبير عن الذات

قد زاد فيك من الغرام تلهفي - معتصم بالله العسلي ( أهل المحبة)

أحمد كامل - زدنى حباَ

الشتا عامل فيها الطيب 
عمال بيطبطب قال يعنى 
هيكمل ويانا الباقى 
رغم انه هيمشى و مش باقى !
و يعود من تانى يلخبطنا
و يعلق روحنا فى دباديبه
الناس بيحبوا و بيسيبوا 
علشان الشتا مبقاش بيدوم
انا واحد عايش نظريا 
متخبى فى شكل لطيف و هدوم
تكشفه تلقاه \ فاقد معناه 
ومُخالف جدا للظاهر 
واحد ظاهر على شكل سحاب
بيلف و بيطوف الكوكب 
و بيرمى الحب مطر دافى
على كل قلوب عطشانه حنين
ويشوف ملايين البنى ادمين
وطنه مهاجره روحه غريبه
انسان متعود عالطيبه
و لذالك كان دايما منبوذ
من بره شباب عايش لكن
من جوه عجوز !!

و الشتا سامع و اكيد حاسس باللى بيتكسر جوانا
اننا اوقات فاقدين الذات و حاجات مبتفرقش معانا
الشتا نسانا و اغوانا 
شبكنا ادينا فايده زمان و حدفنا الحب فى برد الليل
سجلنا اللى ما بينا و بينه و هربنا بعيد
مبقتش وحيد زى الاول \ فى حاجات بتزيد
غمضت عنيه لقيت الناس مش زى الناس 
فتحت عنيه لقيتنى بكاس فاقد روحى
مبقتش بتفرق مين فاكر او مين مالاول كان ناسى
بالوقت الشتا اصبح قاسى !
اثباته لكل مدا آخر و الاخر كان اصلا اول
بتحول كائن متجول .. عابر و خفيف
كائن عايش على طيف سيره
ساكن فالبار ماسك فأديه كاس البيره
و بيحكى كلام ملهوش معنى 
انا مالى بجد \ مبثقش فى حد \ هفضل وحدى \ احسن مالناس \ هل فكرانى \ هفضل مشتاق
امريكا إنسحبت ماللعراق \ كيلو السكر ب8 جنيه لا دا بعشرين \ الناس نايمين \ بكره هيصحوا
مين لسه معاك \ الكل سراب \ هفضل وياك \ بس يا كداب \ مين وارب الباب \ ارحل ارحل
خاين و عميل \ الثوره كلام و الصبر جميل \ الشك حقيقه بتنفى الشك \ فى دم بيظهر على وشك
الشيخ ميزو هو المختار \ و لميس اضربت مالثوار \ هى سابتنى \ طب هعمل ايه 
كاس تانى يا بيه 
كاس تانى يا بيه

و كأن الدنيا بتتحول مسرح مهجور
الناس ابطال فى sketch خيالى ملوش جمهور
و انا شاعر مبخفشِ من الموت 
انا خوفى الازلى من الايام و من الاحلام 
من فرط الحب \ من اخر بؤ فالكبايه
من نفسى و انا لوحدى معايا
من سيرة ناس حبيتها زمان
ولكنى الان \ فكرت انسى 
و الشتا مش راضى ينسينى 
هل فعلا قاصد يكوينى 
و يسبنى وحيد الفكر ضعيف
ولا التكثيف فى الذكرى يجوز
هيقوى الروح و يقوينى
فالشتا مبهم 
مجهول الصف و النيه
مجهول الانتماء \ ف مالغباء تبوحله اسرارك 
قتبقى ديكوراو شئ مكسور فى رف الوقت
جايز اكون صدقت ان الحزن بيغير
كإنى بشفها من احساسى بهمومى 
"نِسيت ريحتها فهدومى" 
و سابت كل اللى كان بينا يتبخر
كان الوقت متأخر و انا تايه فى ليل بردان
خيالى ساعتها بيعاتب بواقى الطفل جوايا
بقيت لما تشفنى مرايه و المح نفسى
بتصاب بدوار و بحس بخوف \ كرشه فى نفسى 
و بشوف الشك بينهش لحم حقيقه بدون اثبات
و بشوف الدنيا بتتحول عالم حكايات
بعشق فى حاجات \ و قصادها اكيد بخسر ف حاجات 
و بوافق بالسكه السهله و بسلم نفسى لبرد الليل
و اكتب اقرار واضح و طويل

الناس حواديت 
الليل حواديت
ولا مره نِسيت و الروح شابت
كنت بحبها طب ليه سابت
و اختارت تيجى و تمشى سراب 
كان ليا صحاب وِحده و احلام 
كنت بصللهم قبل ما انام 
و ابوس الدنيا تسيبهم لى
كالعاده خدتهم و سابت لى 
شارع زحمه \ وهدوم واسعه \ حضن و جوبات \ انا ليه شحات ؟!
مصنوع من حب البنى ادمين 
شكل الفساتين \ شجر الرمان \ و ستاير شباك شايف النيل
انا ليه على طول ماسك و اتقيل ؟
و متبت فهدوم الماره برفان غالى من "Velvet Wood"
تغسله تكويه ..
ترميه ..
وما تحنله و تقرب ليه تلقاه موجود !
اصبحت غريب انسان نائى 
على طول باقى 
و اكيد الشتا هو المسؤل / هو السبب 
هو السبب فى الخوف 
هو السبب فى الحنين الزايد و ادمان الوجع 
الليل بيسأل يا جدع و ديسمبر رافض يستجيب
الوحده عيب و البعد عيب
و البرد حق \ قلبى دق لما حسيت بالهوا 
و انا عقلى رافض للدوا و للشتا 
و برغم دا 
الدنيا من غير الشتا تصبح ممله بدون مشاعر/ قلب بور
و الارض هتبطل تدور بين البحور و الامنيات
و الشمس هتبطل تعاكس البنات المكسوفات
فيا عم الشتا ..
ارحم قلوب السهرانين المحتاجين حد يساعهم
حافظ على وعدك و اسمعهم
ثم احضنهم حضنك بيساعد عالكتمان
و بيزرع فينا حنان و محبه بديله عن العالم
لو كنت هتمشى و هتسافر \ طبع الايام
حضنك مش فاضل غير ريحته
و ياريت لما تفكر ترجع 
اسمع ..
اوعاك اوعاك تنسى 
متفكرناش باللى سمعته 
متفكرناش باللى سمعته

من 21 ديسمبر 2016 (كانون الأول) إلى 20 مارس (آذار)

كلمات : سيد محمد
تصميم غلاف : إيمان ماهر
 مزيكا : cafer nazlıbaş
Facebook : syka8
Insta : Sayedmohamud

مراية شتا

لو يسألوكي … "احمد كامل"

كان في طفل - احمد كامل --kan feh tfl -Ahmed kamel  - Hq version

جاوبنا يا ليل -احمد كامل 2018

أحمد حسن - أما مالت ahmed hassan - ama malet

Ahmed Hassan - Ana Asef أحمد حسن أنا أسف

Ahmed hassan - Ela El Sahba Elly Habetha أحمد حسن - إلى الصاحبة اللى حبيتها

ahmed hassan - 30 December أحمد حسن 30 ديسمبر

ahmed hassan - dokhan  أحمد حسن - دخان مع إرتجالة كمنجة إسلام التونى

للتحميل
http://www.mediafire.com/file/nvtp1lv3v7vx2p4/Ahmed_Kamel_-_2ooly_%2528Official_music%2529__%25D8%25A3%25D8%25AD%25D9%2585%25D8%25AF_%25D9%2583%25D8%25A7%25D9%2585%25D9%2584_-_%25D9%2582%25D9%2588%25D9%2584%25D9%258A_%25D8%25BA%25D8%25A7%25D8%25A8_%25D9%2585%25D8%25B4_%25D9%2581%25D8%25A7%25D9%2583%25D8%25B1%25D9%2587_%25D8%25B4%25D9%2583%25D9%2584%25D9%2587_%25D8%25AA%25D9%2588%25D8%25B2%25D9%258A%25D8%25B9_%25D9%2584%25D9%2585%25D8%25A8%25D9%258A_%25D9%2585%25D8%25B5%25D8%25B1.mp3/file
Whatsapp.01020159009
Facebook.www.facebook.com/elmazekate7
الكلمات
سلميلي علي اللي بينا
قولي كارهاك ب١٠٠ طريقة
لو يسالوكي عني يوم 
قولي مش فاكره الحقيقه
قولي غاب مش فاكره شكله
 قولي مات و معاه مشاكله
قولي قلبي حب بعده واعملي فيها البريئه
كوني مظلومه في حكايتك 
بينليهم اني سايبك ، عرفيهم اني بايع
بس وانتي قدام مرايتك
تقدري تبوحي بمشاعـرك
 قولي والله ما حب بعدك
وانك ارجل من بدايلك
واني خسرانه بـرحيلك

كنت ليكي حضن دافي
حمل شيتلك فوق كتافي
كنت عارف اني ماشي بس رافض يوم تخافي
كنت شايلك بين ضلوعي
كنت خايفـ من رجـوعي
 كنت قايدلك شموعي
 كنت طفل معلقاه
ما كان ممكن نكون مع بعض
و هتغير اكيد مليت :  من استهتار سهر للصبح
لأب وزوج وضهر وبيت

قولي غاب مش فاكره شكله
 قولي مات و معاه مشاكله
قولي قلبي حب بعده واعملي فيها البريئه
كوني مظلومه في حكايتك
بينليهم اني سايبك ، عرفيهم اني بايع
بس وانتي قدام مرايتك
تقدري تبوحي بمشاعـرك
 قولي والله ما حب بعدك
وانك ارجل من بدايلك
واني خسرانه بـرحيلك

Ahmed Kamel - 2ooly (Official music) | أحمد كامل -  قولي غاب مش فاكره شكله توزيع لمبي مصر

Musician 
Egyptian singer
composer, Poet & Song writer,

ahmed hassan - dokhan أحمد حسن - دخان مع إرتجالة كمنجة إسلام التونى

AHMED BEKHEIT