Assala & Black Theama - Haiaty   اصاله & بلاك تيما - حياتي

music producer : ahmed kikar  2012

song by : Ahmed KiKar - Aly el Alfy

خايف عليكي  .... علي الالفي - أحمد كيكار

كلمات وإلقاء: سالي توما
موسيقي: راجح داوود
---------------------------------------------------------------
الكلمات:
انهاردة ذكرى محمد محمود الاولى...سنة ونا بدورعليك في وشوش الاسود والاحرار../ سنة وبكمل الي ابتدا بيك لما شارعنا كان قايد نار!
 
يوم متقابلنا كنت لابسة البالطو الاسود ابو كاب..و قناع الامن الصناعي الي بيه بقدر اقف و اسعف الاسود لما تنهشهم اوسخ الانياب

…في جيبي بخاخة فنتولين وفي ايديا محلول و خميرة/...اكيد انت مشوفتنيش بس انا شفتك..بطل جي يحررني ويتوجني اميرة....
ايوة انت البطل وانا السجينة...انت فرحة عمري و انا بهية ام عيون حزينة ..

فاكرة لحظة اللقا اكنها امبارح...شايفاني...فاكراني..وادي نفس احساسي يومها بيرجعلي النهاردة تاني...

فاكرة الفوضى و الدوشة و الدم و البطولة.. ده كان المشهد يوم ما جيت انت و كملتلي اجمل صورة...
ضربات قلبي كانت سريعة زي حركتي..اسود كتير بتقع ولازم اساعدها تقف تاني...مش عارفة ايه خلاني سرحت.. في علم مينا ثواني!!!

 وفجأة اتقنص حد ووقع على رجليا..وطيت اسعفه وصرخت انا طبيب بعزم ما فيا ..ولكن ولا حد سمعني من تحت قناعي وخدوه بسرعة على موتوسيكل الحرية.. 

وفضلت دقيقة على الارض باصة على الدم الي في ايديا..قررت ساعتها اقوم..وفي لحظة واحدة اتخبطت... اتاخدت..اتندهت.. شفتك عملاق على السحاب..ماسك السحاب.. بترمي السحاب على الديابة واشرس الانياب...
اسد وسط اسود...اسد شارع محمد محمود!!

عينيك ساعتها شالوني وعلسحاب الي محاوطك ليك جابوني..
و همست في ودني: "قاومي و ثوري يا بهية و ساعتها  اكيد هتكوني!!" ومن يومها ونا بقاوم..
 
عارف انت  الوحيد الي كان نفسي يشوفني بدون قناع..اخترقت قناعي وقلبي ولقيتني ارتبكت..لازم اشيل عيني من عليك يا اما هموت من رصاصة خاين..

"اجري اجري" >>> قالهالي اسد من الاسود..
مش عايزة اتحرك قلتله وسلكت منه ايدي اصلي اتسمرت في الارض وكان فيك حاجة من الخوف والموت وخداني..معقوقلة هسيبك بعد مالقيتك..معرفش حتى تفاصيلك عشان ارجع ادور عليك تاني..
اسد وسط اسود>> ماشي على السحاب >>وماسك السحاب  في محمد محمود>> هو ده كل الي اعرفه عنك وهو ده شكلك في ذاكرتي..

مش فاكرة وشك لكن حافظة روحك..سنة ونا بفكر عايش ولا ميت..سنة ونا بفكر يمكن يلاقيني وشارعنا من تاني بجمعنا ....شهر ورا شهر و موت ورا موت والدنيا بتضيق تاني عليا  والناس بتقل من حواليا..بس انا عارفة انك لساك موجود..مقطع بطاقتك ومكمل ثورتك وزيي قاطعت الزيف..اصلنا شوفنا الموت واتغطينا بيه في برد نوفمبر وشوفنا البطولات والتضحيات عشان بلدنا تعيش..عشان حبنا الي اتولد مع موت الورد والشجر يكبر ويملا الكون حرية..

سرحت فيك ياما ولقيت فيك المعاني..ايوة انت الحرية.. انت النور في عز الضلمة دية..
انت المخلص انت المسيح..انت جيفارا..انت المنتصر و انت الجريح..
انت دقة قلبي الحرة وامنياتي..انت اسرار وخبايا عمري الي راح وعمري الي لسة اتي ..
زقوني بعيد عنك..فقدت الاتصال بعينيك.. و في عز الضرب عني اختفيت.... مع اني ولا دقيقة سرحت عنك ولا من مكاني مشيت...
مش لقياك..رحت فين؟ على موتوسيكل متصاب ولا لسة واقف؟ 


يومها قلت لنفسي مش هلبس اسود على ابطال محمد محمود لأنك اكيد حي....مش هلبس اسود تاني لحد مجيب حق الي راح ولو كنت انا الشهيد الجي!

.اكيد بتقول حالمة ورومانسية ..طيب هو  الثائر ايه غير حالم والثورة ايه غير فن المستحيل يا فنان!!!
ايوة انت فنان..مش فاكرة وشك لكن ايدك الي حدفت الدخان ايدين فنان...روحك الي رسمت اجمل صورة في خيالي هي ريشة فنان والسحاب ميطوفش كدة غير حوالين فنان>> ونا مستجيبش كدة الا لنداء فنان! باعونا وباعو حلمنا عشان يدخلو برلمان!!!
..بس يا ترى داسو عليك؟ يا ترى سرقو عينيك؟ مين يطفي النار الي في قلبي ويقولي فين اراضيك؟ 
دول قالو عليك بلطجي ومندس حقير..يا ترى حد مننا بيك حس ولا اتنسيت؟>> يا ترى ده وشك الي بقى محفور جرافيتي بيطاردني على الحيط؟ 

سنة بحالها في خيالي بطوف حواليك..ودعت شتا واديني بستقبل شتا ونا لساني في رحلة البحث عن عينيك..
يا ترى بتطوف حواليا انت كمان؟ مين فينا النجم الثابت ومين فينا الكوكب الطواف في مجرة النسيان؟ 
مش مهم مين فينا ايه..المهم احنا الاتنين نطوف وندور و ميقدرش البصر يفرقنا..تمتزج الواننا على التنورة.... وبرقصة واحدة تمتزج احزاننا ونصبح لحن في مقطوعة مسحورة..
هنطوف لحد ما ندوخ ونقع... هنيئا للشتا و هنيئا لنوفمبر بإتنين زينا عاشقين بعض في الوطن..
يوماتي اصبح عليك واقولك اني مغرمة بيك وني بحبك في بلدي يا ابن بلدي يا مجدع..وكلعادة بتغلبني و تثبتني بردك: "بحبك في الله يا بهية" ودي اجمل كلمة حب حد قالهالي ...

و اديني على السحاب النهاردة من تاني و لساني مش شايفاك بس حاسة عينيك محاوطاني وانا ساندة على الجرافيتي في شارعنا...رصاص وخرطوش ودخان بيدنس شارعنا و بيدنس مكاني..
سنويتنا النهاردة...والشارع الي مفارقتوش ابدا ذكراه النهاردة و العيون الي حررتني كلها من تاني بتشوف النهاردة..الاسود بتتنظم فكتيبة..و الجرافيتي بيحكي حكايتنا الي مهما مسحوفيه هيرجع تاني وهتفضل لثورتنا الكلمة والرسمة الاخيرة..
الشهدا لسة حقهم مجاش لحد النهاردة وكتير من اهاليهم ويانا النهاردة...ولساني مش هلبس اسود حتى لما جيكا هيموت بعد رصاص النهاردة...

مش هقبل عزا في الاسود... ولو مت يبقى وصيتي اني انا كمان اتزف جنبك في محمد محمود..

 انهاردة محاكاه لقصتنا...قريت الي جيكا كتبه قبل ما يتشاهد وهو نازل الجبهة؟
 ده طلب مني اقوللك كمل ثورته..عارفة مش محتاجة اطلب منك ده لأنك مكمل وكتفك كان في كتفه النهاردة..و صورتك هتكون جرافيتي جنب صورته الي هتتنقش على حيطاني من النهاردة...
بكيت جيكا بحرقة مع اني معرفوش..لقيتك اخيرا حبيبي في كل الوشوش...
بكيتك لكن هزفك شهيد..وجوايا يقين ثورة تاني..ثورة بيك من جديد...

ولسّاهم أسود - بصوت وكلمات سالي توما

موسيقى.mp3

لديك ما يكفي من ذكريات
كي يكون معك رفاق على هذا الحجر

اقعدْ
وسَلِّهمْ بالقصص
فهم مثلك شاخوا
وضجرون

قُصَّ عليهم حكاية المسافات
التي مهما مشت
تبقى في مكانها

أخبرْهم عن الجنّ الذي يلتهم أطفال القلب
عن القلب الذي مهما حَبِلَ
يبقى عاقراً

حدّثْهم عن العشب الذي له عيون
وعن التراب الأعمى
عن الرياح التي كانت تريد أن تقول شيئاً
ولم تقلْ

وعن الفراشة البيضاء الصغيرة التي دقَّت على بابك في ذاك الشتاء
كي تدخل وتتدفأ.

لديك رفاق على هذا الحجر
لا تدعْهم يضجرون
أخبرْهم عن الخراف التي بلا راعٍ
وعن الراعي الذي بلا خراف
عن الراعي الذي ضلَّ والخرافِ التي تعرف الطريق

أخبرْهم حكاية الذئب
وحكاية القبَّرة
وحكاية الغول
وإنْ لم يكن لهؤلاء حكايات فاخترعْها

اخترعْ حكايات
اخترعْ ذئاباً وجنّاً وخرافاً ورعياناً وفراشات
رفاقك مثلك شاخوا

ويقعدون على حجر صغير
اخترعْ لهم مسافات.

لديك ما يكفي من ذكريات لـ وديع سعادة

3araft Al Hawa - Abn 3arby

Single Mohamed Mohsen

محمد محسن...اهو دا اللي صار

توصل عينيا..فوق عند القمر
تدور عينيا..عليك ويا السهر

تبات شرقانة في دموعها
كانت زعلانة وانت اللي ناسيها
لما تجيني..انسي اللي راح
لما تناديني..إسمي جناح

حتي روحي في الليل مالها وجود
تهرب روحي لعالم ماله حدود
تلقي إبتسامتك في ضي القمر
تحضن ملامحك وتعاند القدر

نفسي أسهر لك يا حبيبي علي طول
وأكون اكون جنبك ولا أكون مجهول
هاسيبك للأيام يمكن تزورني
لما قلبي ينام..صحيه..إوعدني

جناح - عايدة الايوبي

‏"أرخينا مراثينا
لئلا يعرف القتلى طريق الموت
لئلا تشفق الرؤيا على أخطاءنا"

#قاسم_حداد 

ولى بين الضلوع جنازة أمشى بها وحدى

لحن سيد درويش                              
كلمات بديع خيرى
  
 
ما قلتلكش ان الكترة                            لابد يوم تغلب الشجاعة
واديك رأيت كلام الأمرا                    طلع تمام ولا فيهشى لواعة
غيرشى اللى كان هالك ابداننا                 ومطلع النجيل على عيننا
ان فهمى يكره حنا                  وايش دخل دول يا نا بس ف ديننا
دخل بناتنا اللى موقعنا                       فى بعضنا وراح لك متصدر
فقسنا لعبته واتجمعنا                          لا يضيع شرفنا الله لا يقدر
عاديك على اللى ادت له الدنيا              وش وبقى له تركة ومتاعة
تشوفنا احنا تقول حنفية                       وتشوفه هوه تقول بلاعة
 
عايشين فى وادى النيل نشرب           من عدادات على مللى وسنتى
من جاز لملح ومن سكر                    وترموايات لخواجة تريانتى
ربنا ما يوريكشى دوختنا               الجيب نضيف أما البيت أنضف
والهدمة دى اللى على جتتنا           محجوز عليها دى عيشة تقرف
الحق كله على الأغنيا                           إحم يا فرحتنا بشطارتهم
ملهيين فى روزا وماريا                         والسف نازل على أمتهم
إمتى بقى نشوف قرش المصرى            يفضل فى بلده ولا يطلعشى
انتوا بمالكم واحنا بإيدنا                    دى الإيد لوحدها ما تسقفشى

الكتره

لمتابعة جيتار على مواقع التواصل الإجتماعي : 
يوتيوب: https://www.youtube.com/channel/UCWdWKizKPIyHbIIr9j76BzA 
تويتر: https://twitter.com/guitar_oficial
انستجرام: https://www.instagram.com/guitaar.official
فيسبوك: https://facebook.com/guitaar.official


خليك هنا خليك بلاش تفارق | بليغ حمدي

Ahmed Kikar is a music producer / creator / singer born in Egypt  23-10-1985 
and collaborate with artists all over the world specially  in middle east .
More Info Just Contact >

خايف عليكي .... علي الالفي - أحمد كيكار

Ahmed KikaR