ابو قصيصه

2 shoots

musecallbum

مصطفى سيد أحمد - أسئلة ليست للاجابة

النص الكامل لقصيدة الراحل الشاعر الكبير محمد الحسن سالم حميد :
كلمات اغنية ست الدار محمد النصري

لقد عجبت جدا حينما قيل لي ان محمد النصري غنى هذه القصيده
ولم اصدق حتى سمعتها فاصابتي الدهشه 

محمد الحسن حسن سالم (حميد)
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده 
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
واللا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا .. 
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاص البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا 
ولا نبقالك مشغولية
زيك واحد مستورين وما ناسين المسئولية
هي يا الزين زغرد 
ما قتلك ...
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا هباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير
أم أولادك ست الدار بت أحمد جابر
ست الدار بت أحمد كيفك
جاني جوابك مفتوح شارع
جاني جوابك وانا بتصور في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور 
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف.. المصنع فيهو خساير
وقالوا يخفضوا مائتين عامل
مائتين عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي القاع تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية 
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية 
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عديتن جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراقة في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان
(بعد الحاصل والإتحصل ست الدار بت أحمد تكتب) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. وأرجع أميز
فرحانابك يا أحزان 
فرح النار بي لوح الزان
مبسوطابك يا المبسوط
ما هزاني مصيرك
قدر ما أذوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض ..بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيت؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ثم اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص 
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار بت احمد جابر
تلغرافات :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
\\\\
الخرطوم .. الخرطوم بحري .. كشك الشعلة \ الزين ود حامد
راشد راقد والواطة جعفر طالق فيها بهايمو
ست الدار بت احمد جابر
\\\\
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
\\\
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد


محمد النصري - ست الدار بت احمد

لمحتك  - مصطفى سيدأحمد

لسه - حسام حبيب

Nile cover's Marvin Gaye's 1971 hit single "Inner City Blues" @MZK Lounge Sessions in Khartoum.

Inner City Blues "Marvin Gaye cover

This song I wrote 2 years ago. With guidance of Allah and the support of friends and family, we were allowed to make it available for you. I would love to collab for the rest of the songs and for developing this one as it is under construction, there is much to say! Enjoy!

I watch the sunset, welcomes the night
as it gets darker, they turn on more lights
I become a bird, and I fly to the sky so high
into a better world
Its more than every fantasy 
borderless beautiful, happy and free, everywhere I can see
peace and hope, love compassion, responsibility 
I wake up on my life, on my life where I am

I am a refugee, a VIP
a very important person, no matter what you think of me yeah
I am a refugee, a VIP
I’ll keep on moving, maintaining my positivity yeah
...........
...........
I just want to be and live happily
la la la la la, my own destiny
Its just my background, I will never back down, walking proud and you see me wear my black crown

Am I so different am I that vicious the system fights me, so I fight the system
They crave division so I fight for my rights till you know, till you know who I am

I am a refugee, a VIP
a very important person, no matter what you think of me yeah
I am a refugee, a VIP
I’ll keep on moving, maintaining my positivity yeah

Lyrics: Sarra SoLo, Potent Whisper
Melody: Sarra SoLo
Instruments: Andy Garvey, Casey Ridley Birks
Production: Andy Garvey

Sarra SoLo - I Am A Refugee a VIP

سفري السبب لي أزايا

الممشى العريض

Hii! I hope whoever is reading this is having a great day! This is a song my love AKA Keyz and I made when he came and visited me for a week - please excuse the sound quality as we recorded it live, but Keyz still did an incredible job with the mixing! Shout out SPVCEMAN for the incredible beat!! 

We'd love to hear what you think! We also posted a video we made for it on our IGs (@nadineelroubi and @akakeyzz). Please give my love a follow as well on SoundCloud, if you get the chance! 

Much love and thank you for listening! <3

Bambino

Bambino - AKA Keyz X Nadine (prod. SPVCEMAN)

AjaWeed Flow ( DOGAR E.n.t )
#Sudanesehiphopday 24\9

ElKhaleefa : https://soundcloud.com/badawy-abdulgayom
https://www.instagram.com/khaleefarap/
..
Record & Mix By : 
https://soundcloud.com/mazen-krombo
https://www.instagram.com/dr.krombo/
..

Lyrics : 

intro : 

خلي بالك 
مين هنااك ؟ .. شايفك انا 
صلي عل النبي 

الليله 249 .. رابرز بيمغرزو في بعض بس الخليفه بعاين 
...
P.1

الليله الراب خلص : تلج كسار ترس 

كم اوووك لحس : شان كم فلس من سان ورث

لو بتسمع وانت قاعد ! 
 اقيف علي حيلك أكرب نفسك يا جنا وشد حيلك 

خلاص قام ليك ديل يعني جاي تلعب بي ديلك 

ياخي طظ في ناس ديل لحدي ما يجو ديلك

انا بجيك بالليل في الروزه 
وبشيل اسبيرك 
انا بكسر رقبك رررج 
وبشوف رابر غيرك

عباده حواته خوال 
بنعلق حبال بنودي رجال
كرام أعزه 
برغم ضيق الحال

البعزك ربك والبزلك المال

Iknow the eye of horus so.. 
ظز في المسيح الدجال 
انا مابدي مجال 
Lava blood.. 
نسل افريقي بطال


I spit.. حار
امام سجن رايمس حجار 
محروقه مولعه نار 
بدوي باربيريان بار
بالعربي ما تحتار
خيارات كتيره 
فاختر ماصح من خيار 
ايام ذا (حفار) (فار ماستر) سلاحف النينجا (دقار)
....

P.2

(Ajaa Weed Flow )

ها !! 
بحري شمبات صرص .. الجوع قرص
كجر داقي جرس .. جا هناك  و دقس

في سانيه بس
 anonymous  
سان سابي كبس
Vigilante
 إنتي بمبان مان جردل مان ترس
بوليس مان.. دفار قفص ...  رجم طوب الجاز نخس
... فلس قام زهجان ملص مركوبو الكوز و عفص


في  كارو وجاري كارلويس
راب ديابلو... عرب ابليس 
سان دسيس...
And this is
راب من النوع ابو كديس

اجا وييد ميوزك ... جنجويد راب قافيه
 Straight Outta of
  الضاحيه

انما ياكل الذئب... من الغنم القاصيه
 مشرك في الناصيه
   I'll kidnap
 اشفت واحد و مابشوف العافية
بنتقسم اعضاؤه في بحري شمبات والصافيا عافيا شقه ناصيه 

كتاب مختلف
كتاب الفكي اب بلف
 ابجديه  من الياء 
 وبننتهي في حرف الالف

 cannibalize and shee
  I'll show you where 
  تؤكل الكتف
  The grat regret I've relate
كانت غلطات في البيت.. 
كان عندي فرصه وابيت
I got 
اهل من (شندي) وبرضو  اهل من (رفاعه)
I come with rap battle
That rapers
بخشو اندلاعه

I have some 
 كرامات ايش 
بولع نار بي بارز
بدون كبريت و ولاعاه
زيس از دفاين قفت 
ده ما تمرين وصناعه
This is الخليفه flow
So show some

 ولاء اند طاعه
............................................

Beat : The Alchemist - Ajax ( Instrumental ) ( Beat For Westside Gunn & Conway )

Original Video on Youtube : 
https://youtu.be/toTzoD12W1k

...
#sudanesehiphopday
#249
@ 2019

رايمز حٌجار | ElKhaleefa الخليفه | Rhymes 7oj'ar  (RAW Freestyle 24\9)

سلافة الياس تودعني و انا مشتاق ليك

أمجد ابو قصيصة - أسئلة ليست للإجابة

Mustifa Sid Ahmed (lyrics) ياضلنا - مصطفي سيد احمد

يا ضلنا - أمجد ابو قصيصة

كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة ..
لا بدلت ملامح صوتى
لا غافلنى وهادن فنى ..
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا ..
ونازفة بغنى
أطمن روعة .. وأهدّى دموعة
لبسمة بكرة اللاّها تمنى ..
ولا مصنوعة
للاطفال النازفة ضلوعة
وناشفة بغنى
********
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب ..
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
***********
أغنى الناس الما بتسمعنى
المِنِّى بعيدة .. ومبعدة عنى
ا نادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية
****************
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ·

يا ضلنا - أمجد ابو قصيصة

@officialaldsees