Lyrics : Montasser Hegazy
Produced by: Aiemzy 

بتعرف يعني إيه خنقة ؟
بتعرف يعني ايه ديماً 
ماتعرفشي تقول لأه !
بتعرف لما مش مرتاح
تداوي كل يوم ف جراح 
وياما جراح بتتبقي
بتعرف لما تمشي العكس
وتطلب قد ما تطلب
يجيك بالعكس؟
بتفهم في انكسار النٓفس؟
تحاول تمنع الضربة
لكن إيد الزمن سابقة 
بتعرف يعني إيه تبقي
ف وسط الجمع فرداني
تلاقي الفرح ف السكة
ف يمشي في إتجاه تاني!
وبتعيش بس بالجودة
وتأبيدة ف تأبيدة
صحيفة حزني مليانه
وفيها خمسميت سابقة
...  أشغال شاقة !

أكيد الوضع ده ح يزول
مادام كل شيئ زايل
باقولها لنفسي ميت مرة 
وبافضل أقول
وباتحايل
لحد مايأسي يغلبني
واستسلم 
ف يجي فيه أمل مجدول
كخيط بين النهار والليل
وصعب الخيط ده يتنقي
ودوامة ف دوامة
وياما من دا يا غلبان
وتتحمل 
وتتأمل ف بكرة الخير
تبات عشمان 
وتصحي تزقها لقدام
تزقك بعد خط الصفر
بميت زقة
بتعرف يعني إيه عطشان
وانت ف  السبيل سقا ؟
بتعرف يعني إيه خنقة؟!!
....
أكيد .. لأه

Aiemzy-Khan2a|أيمزي - خنقة

Language isn't the only way to communicate, there are other ways like eyes, feelings and music ❤️❤️

في الحزن و الفرح هي دوماً صديقتي. الموسيقي حيث لا مكان بيننا لفراق أو عتاب

Ahmad Mostafa Zaky is an Egyptian Musician, Singer and Producer.

بس حتى العيوب بتحليها🖤