نفسى خلاص قرب يضيق باغرق ومع انى الغريق بامد ايدى أطلعك

سبق الفراق روح الفريق .. شئ مبكي 

سبق الفراق روح الفريق..

من قهوة و شيكولاته مع التعديل

سَبَق الفراق روح الفريق

لمشاهدة الفيديو
http://www.youtube.com/watch?v=ZIsm4WAQZQo

عملت نفسى لوح خشب
عملت نفسى مركبة
أنا فرصتك يالا الحقى
طب ليه مصرة تغرقى
و تكونى قاسية و متعبة
نفسى خلاص قرب يضيق
باغرق ومع انى الغريق
بامد ايدى أطلعك
بس الغرور بيمنعك
يا خوفى ما أقدرش أنفعك
سَبَق الفراق روح الفريق

عمر طاهر

Soundtrack : Mozart In Egypt:Double Quartet in E Flat

Roh Al Farea | روح الفريق | عمر طاهر

فيلم الارهاب والكباب - عادل امام

  تلت سنين والرابعه
اكيد الرايعه كبيسه
جنب الشغل عماره
ورا العماره منيسه
وانا قاعد مش مرتاح
انا باب ديته مفتاح
كان نفسي اكون سفاح
بس مجبتش مجموع
وانا كل ما بمشي بلاقي
يافطه الوقوف ممنوع


تحت البيت كوافير 
قصاده محل هدوم
صاحبه دايما ملخوم
قلبه صاله بلياردو
وغرس نخله قدامه 
النخل بيحضن ارضه
كل ما تطول ايامه


ازاي الخوف وصلني
لدرجه اني مخفش
ياللي فرقتوا الحب
انا قلبي بجد مخدش
ولا يمكن اكون شحات
اصل كرامتي بتوجعني
وانا كل ما اقول التوبه
ملقاش راجل يمنعني


الجامع فاضي ولكن
دايما حاسه مليان
فوقي ساكن دكتور
شكله علي طول عيان
وجراج الاوبرا اتهد
انا ليه خايف ع السد
وازاي بضحك من قلبي 
وانا واخدها بجد


انا كوبــري قصر النيل
وعشــــره عمــري اسود
انا كوكــب ماشــي لوحــده
ومـافـيـــش للوحــده حـدود
وهـــاسيب تليفوني يرن
انا اصــلا مش موجــود

عمر طاهر | الخريطة | Omer Taher | Al kharita

Album : Robabekya ألبوم: روبابيكيا

Studio Album By : Wust El Balad
Released : 2011
Song : "Ala Hesb Wedadak" على حسب ودادك
Lyrics: Montaser Hegazi
Composer: Hany Adel

Follow Wust El Balad On :
Official Website : www.wustelbaladband.com
Twitter Official Account : twitter.com/WustElBaladBand
Facebook Official Page : www.facebook.com/wustelbalad
Instagram Official Account : instagram.com/wustelbalad
Soundcloud Official Account : soundcloud.com/wustelbalad

Wust El Balad - Ala Hesb Wedadak   وسط البلد - على حسب ودادك.MP3

يا حلو يا أسمر جمالك في الفؤاد شبابيك

رتيبة - حقا المعصرة عندكم تشرح القلب زي الزريبة تمام و لا ...
طلبة - بتنتج خمس أضعاف انتاج الخواجة كركور احنا ايه هننهب؟
رتيبة - و قالولي على عشة الفراخ الي انتا مقعد فيها أخوك بعد الغيبة الطويلة دي. يا أخي دا شريكك
علي - يعني ما يهمش طلبة بعدين هيبقى ...
طلبة - شفت يا سيدي أهو كله من ده دي مجرد عينة من مفهوم حضراتهم عن الشركة معندهومش مانع أجيب منشار و أقطع المكن حتة حتة حتة باسم الست رتيبة رتيبة هانم صامولتين تلاتة للست فاطمة مفتاح انجليزي لسعادة البيه البيه الكبير و انت و أنا نخلع البلاط و نقسمه بينا و البيه الصغير رمز المستقبل هه يبقى صاحب و مدير عام عموم المقشة هاهاهاهاهاههههاه و الي شقي و داخ ورا الأوراق عشر سنين لحد ما اتقطع قلبه فكل دا ببلاش هه عشان خاطر سواد عيونهم كادو آدي يا سيدي مفهومهم للشركة الشركة الي أنقذتها أنا الي استلمتها خردة و طلعت منها البدع 
فاطمة - أيوة لكن بفلوس مين؟
طلبة - أولا مصلحة مين ؟ مين المستفيد ؟ و لا كنتوا طول عمركو عايشين في العز ده؟ و بتلهفوا الأصناف دي كل يوم؟ أنا الي بأعرق هنا الوحيد ما تقولهم يا علي الناس فاكرة النجاح بيجي بالساهل قولهم انك يا ما جريت و خطبت و جعحعت و قولت كتير و في النهاية رجعت مهزوم ديلك بين رجليك 
علي - هوا برضه طلبة من حقه انو ...
فاطمة - طلبة مش من حقه يحطنا في موقف ما نعرفش راسنا من رجلينا فيه بتلبس طاقية ده لده و ده لده و تغرقنا في بحر مستندات و أوراق و كل حاجة بكره و بعده 
طلبة - و الله الي مش عاجبه
فاطمة - يمشي مش كدا؟ هو حد قادر يمشي و ما مشيش؟ دا ايه الشجاعة دي كلها؟!
رتيبة - مهو انت كمان مالميتناش من ع الارصفة  يا سي طلبة الأموال الي بتشتغل بيها دي أموال عيلتنا احنا أموال عيشة و أموال فاطمة أما أموال عيلتكم فروح دور عليها في الصحرا مطرح ما بعزقها البيه والدك
محمد المدبولي - أنا رايح أغير هدومي
المهرج - اجري يا علي جري الوحوشي غير رزقك لم تحوشي

مقطع من فيلم عودة الابن الضال

عمر طاهر - الأكل الصيني

الموت- العمى

نايمة في حضن الحجر وغريبة كيف ساعني

#حبيبة_الزين


قصيدة : الحجر - حبيبة الزين

ستفتش عنها يا ولدى فى كل مكان"

صدقنى هتموت م التعب 
واللمعه فى عيونك هتدبل
الناس بتفرح بالوصول لو بعد جهد 
والرحله ممكن تبقى احيانا لطيفة 
طب وانت فى مكانك كده من اربع سنين 
لا بلغت نشوة لانتصار زى اللى وصلوا
ولا رحلتك ضافت لعمرك تجربه
واقف على الاعراف فى حيرة ومندهش
نفسك تجرب ..تنطلق ..تلعب ..... تحب !
لكن قلبك زى اطلال القمر لو شمسه غابت
مطفى ..وموحش ..وابتسامتك ميته
مين اللى يكسب لو حاربت ؟
الدنيا ولا انت ؟ 
نَفَسك يجارى السكه والحمل التقيل ؟
تقدر تنام ؟
ياخى دا انت حتى فشلت فى اجابة السؤال
الجملة واضحة
(ستفتش عنها يا ولدى ..فى كل مكان)
طب هى ايه ؟؟ 
وازاى هفتش عن حاجات معرفش كونها ؟
وازاى هقابل الدنيا عريان الامل عاوز احارب
وانا وانت الناس كلها عارفين بأنى وللأسف دايما زبونها
عارف !
دايماً بشوفك واخد القرعة الغلط 
كل ماتشاتك على ارض المنافس 
وكأن علشان تمشى خطوه فى تصفيات الدنيا محتاج كام جريمة
دلوقتى هقدر اسألك
 تقدر تقول تعريف مناسب للهزيمة ؟
 سواء حاربت بخبث او حتى بشرف.
 اعتقد ان الطريقه الوقتى ملهاش اى قيمة 
 زى اللى صارع الموج عشان ينقذ حبيبته 
 وطلع من الميه التقاها بتحضن الشخص الغريب وتقوله اسفه . 
 زى لما الشعر يغرز وبغباء سيف الشعور الحي فى 
قلوب الفلاسفة 
زى ما تكون انطلقت باقصى سرعه فى سكه صعبه 
تقوم ..تقع .. تضرب ..تزق ..تدوس على دماغك كعوب المشكلات ...تكسب أخيراً
تكتشف انك بتجرى دا كله فى سباق مش سباقك 
وانك خسرت 
وانك بقالك ييجى ستاشر سنه بتدعم قضيه اقل من حجم انتمائك
وان المعانى اللى انت بتدرسها للاطفال غلط 
وحبيبتك اتعشت بقلبك 
وان اللى عامله عشانها ميكفيش تدوق طعم اشتياقك
صدقنى هتموت م التعب 
ولسانك المربوط بأستك صمت مش هيقول قصيدتك
وخطاوى عمرك مهما كانت واثقه متداريش غبائك
 
"وسترجع يوماً يا ولدي ..مهزوماً مكسور الوجدان
وستعرف بعد رحيل العمر .. بأنك كنت تطارد خيط دخان"

اهى دى الهزيمة الحق يا ابنى 
ونزار مبيهزرش خد بالك 
وان كنت عاوز الحسبه كامله مكمله
فانت الصراحه فى عمر عداد الهزايم متساويش اصلا ثوانى 
فبلاش تمثل ان خساراتك فريده 
فكر بعمق ازاى هتتقبل حياتك كل يوم خسارات جديدة
ومتفتكرش انك كده عايش فى بؤس وحزن خام
لسه الليالى الكحل جايه بالانتقام
فاصبر بقا وبطل قلق
او اقولك الافضل كتير عن كل دا !
اقفل نزار واجمد كده وحاول تنام 

محمود عبد الناصر
١٣_١٢_٢٠٢٠

دستور الهزايم | محمود عبد الناصر | ٢٠٢٠

كلمات و تلحين و توزيع :
فادي عادل
غناء : 
وائل الفشني 


                                   صحيح انسان 

مين قلك تطرح طيبه 
تخاف العيبه 
تبات ندمان 

مين قالك شيل الهم 
و تنزف دم
علي الغلبان
 
مين قالك راعي مشاعر 
و اجبر خاطر 
و اسقي حنان

مين قالك 

مين قالك تزرع فرحه 
في نفوس طارحه
جبال احزان 

مين قالك تكسر حزنك
ترجع تضحك
زي زمان 

مين قالك تدعي لغيرك
لما بتسكنهم 
احزان 

مين قالك حب و سامح
و ارضي ملامح 
حد جعان 

مين قالك راعي ضميرك
و ابدر خيرك 
عيش شقيان 

مين قالك داوي جريح 
سقاك تجريح 
اما انت صحيح 
  انسان

Roh Al Farea | روح الفريق | عمر طاهر

Haitham Abu Akrab

Recent comments

samar magdy h

Iman Elbaz

lolitaia

Mona Ono

Related tracks