أبويا نصحني وقالي امشي علي قدك
وفصل التوب يكون مسبوك علي قدك
وأن شايلوك حمل شيل الحمل علي قدك
أوصيك يا ولدي وصية والوصية حساب
أمشي كمشي التجارة وللتجاره حساب
واللي ما يعمل حسابة ما يتعملو حساب
كنت في قلب الميدان …. تحت السماء الزرقا
جابت عنيا الغيطان …… والترعة والزرعه
أنتي الأصيلة يا مصر …. وكلنا عارفين
أنتي الأصيلة يا مصر …. وكلنا شاهدين
بحق محمد نبينا وعيسي نبي الله
النور ويانا والعمال العاملين المخلصين والأحباب ويانا
دي مصر أم العَلم
مصر جميلة وأصيلة فيها ولدي وفيها بلدي
انا أبن المنوفية وصعيدي يا سيدي
وسيدي كان فلاح وأصلي فلاح وحى على الفلاح
وأبو زرع طيب يقول حى لـ الأصلاح
وعمال عاملين عملوا الخزف والصيني
مواصيني أبويا بكل فَـلاح
وقالي : 
مصر جميلة , مصر جميلة , خليك فاكر , مصر جميلة
لما تكلم ولاغاني من بحر المواويل والأغاني
محدش من فكرة لغاني , مصر جميله

محمد طه - مصر جميلة Mohamed Taha - Masr Gamila

Abdalrahman Lashin