برضو أبنه
تفاصيل ملامح٢
ساره فارس .. استير ابو اليمين .. مينا صبحي .. مادونا نبيل .. اوليفيا أيمن.. ابانوب خليل .. سيلفيا ماهر .. سيمون الأمير.. روماني مجدي .. نيفين ناروز .. مايكل صدقي .. يوسف فريد
كلمات | وليد جمال و ايمان فايق
الحان | مينا صبحي
توزيع | فادي ابراهيم
كورال فريق | ترانيم علطول 
تسجيل استديوا هوزانا 
هندسه صوتيه وديجيتال ماستر | ميشيل عبدالملك
إشراف فني ترانيم علطول
إنتاج | فور يو للإنتاج الفني للميديا المسيحية
https://youtu.be/vPc6dCLTP7c
-----

من يوم ماجيت ع الدنيا وانا شيفاه بحب
وبدون مبالغه ابويا اكتر حد حب
اول ماباركوله وقالوله هاتبقي أب
من كتر فرحه ماكنش سايعه الكون بحاله
فتره طفولتي دي ذكريات وبتتحفر
اجمل سنين متجمعه فى ألبوم صور
العب معاه اضحك يقول زي القمر
دايما فاضيلي رغم همه وانشغاله
--
نفس الملامح والشبه نفس الصفات
وارث كتير منه فـ كلامى وفـ العادات
القلب واحد والفرق بس فى تسميات
أسمه ابويا واسمي انا بنته حبيبته
الحب عنده كلمه مش محتاجه رد
يديك غطي لو حس ان الدنيا برد
مجمل دعاه بيكون عشانك كل وقت
كل اللى يتمناه تكون انت اعلى منه
---
انا بيه عرفت ازاى اكون عيل جدع
وازاى اكون قد الهموم قد الوجع
انا بيه فهمت ازاى فـ عز مابتوجع
اقدر اشيل مابقاش تقيل على اى حد
من بعد ربنا كل شيء من فضله هو
فى الضعف كلمه واحده منه بتدي قوه
دايما حنانه وطيبته عايشه فى قلبه جوه
وتبان فى وسط المشكلات وف وقت جد
---
ليه غيري مين وانا ليا مين غير هو يعني
لحظه ماضاقت بيا دنيتي حضنه ساعني
وقت اما اخبي يعرف ايه وجعني
يحضني ويطبطب عليا ويحتويني
من كتر ماهو عمال يضحي دا الود ودي
اقول لكل الناس دا ماعرفش إلا يدي
وانا خايفه بيجبلي الامان لحد عندي
وهو اول ايد بتمسح دمع عيني
---
قلبك بيساع ولو ادور زيك مالاقيش
بدعي لربنا انك تفضل جمبي ماتمشيش
ياخد من عمرى ويديلك وتعيش ونعيش
شايفينك طيب وقريب مننا علطول
طول ماانت معانا ازاى نقلق وهانقلق ليه
لينا عزوه وضهر دا اللى انت ربيتنا عليه
مالناش غيرك يملا حياتنا ونتسند بيه
ربنا يديك صحه وتفضل عننا مسئول
---
لو جبت كل التشبيهات ووصفت فيه
هايكون كلامى بجد دا قليل عليه
عكاز ساندني واللى انا بتقوي بيه
بلقي ابتسامته سعاده بتكون صباحي
ابويا قضي عمره كله عشان خاطرنا
من يوم ماجينا الدنيا بيطيب خاطرنا
ولحد لما بقينا فى الجامعه وكبرنا
كان هو شايل همنا فـ كل النواحي
----
يزعل ويتعصب لو اتاخرت بره
ويقول ماتتكررش تانى وانتى حره
اقوله اسفه وزي عادته فى كل مره
بطيبته ييجي يقول خلاص ماتزعليش
من كتر خوفه عليا مابيرضاش يسيبني
وبكون انا اللى مزعلاه وهو يعاتبني
بيحسني وفاهمني جدا ومصاحبني
واحكيله حتي ان قولت فى الاول مافيش
---
الدنيا كبيره انما قلبك اكبر بكتير
انت اكتر واحد فى الدنيا حبني بضمير
تسمحلى اقولك على حاجه يابو قلب كبير
لو مهما كبرت انا هافضل عيل قدامك
مش بس عشان ربنا وصاني اطيع امرك
ولا حتي عشان ماقدرش اعمل حاجه تضرك
انما عشان فعلا قضيت ايام عمرك 
تسقينا كاسات من طيبتك حبك وحنانك
---
اوقات كنت بتقسي عليا بمرور الوقت
شوفت ان القسوه دي حنيه ودوقتها دلوقتى
انا كنت زمان بزعل لكن فعلا صدقت
ان اللى عملته فى مصلحتي مصلحتي وبس
مش عايز منك غير انك ترتاح وخلاص
انا هاعمل كل اللى يهمك يااعز الناس
هاشيلك فـ عنيا وفضلك يتشال ع الراس
يابويا رضاك عني دا اجمل حاجه بتتحس
--
كان مرتبك من فرحته وباين عليه
نزلت دموعه لما جت عيني فـ عنيه
طول عمره مستني اليوم اللى يشوفني فيه
وانا ماسكه ورد ابيض معاه فستان وطرحه
ماشيين وايدي فى ايده بيوصيه عليا
ياأبني انت واخد حتي مني ودي اللى ليا
ساب بوسه فوق راسي وانا بدمع عنيا
وفضل بيدعي لربنا يبعتلى فرحه
---
رغم انه شاب لكن قلبه قلب شاب
ويشوف حفيده وفـ ثانيه يرجع للشباب
ضحك وهزار وكأنهم 2 صحاب
رغم اختلاف السن تجمعهم اغاني
في حاجات كتير بتبقي سر كبير مابينهم
ومافيش فى قلبه حد عنده اعز منهم
بدعيله يفضل 100 سنه لقدام حاضنهم
ورضاك يارب عليا منهم مش عشاني
---
وفـ يوم فراقه تلقائي جدا 
حسيت ساعتها ازاى وجوده كان ساندني
لو بس ينفع احضنه دا واحشني جدا
وابوس ايديه واقوله ليه ماشى وسايبني
كتير بقول دا كان زمانى وكان زمانه
وكتير بدمع واتوجع واسكت عشانه
دا اللى استحاله حد ياخد يوم مكانه
وانا مرضهاش اصلا وهافضل برضوا ابنه

برضه ابنه ( اهداء لكل أب ) | الحان مينا صبحي

مرنم وملحن ترانيم - مصري

برضه ابنه ( اهداء لكل أب ) | الحان مينا صبحي

Mina Sobhy | مينا صبحي