قصائد هويس الشعر العربي #هشام_الجخ مع الكلمات 
كل القصائد بتسجيلات رائعة وحصرية 

هشام الجخ

الجخ

هشآم آلجخ ( آلهوّيس )

hesham el gokh

Algakh

Hisham l gakh

قصائد

poems

بِالهَدْيِ نُرْحَمُ .. نِعمــةِ الرحمنِ

وَعْدٌ من الوهَّـــــابِ في القــرآنِ

 

وتفيضُ أعينُنا لذِكـــرِ جـــــلالِه

ونرى وجــــودَ اللهِ بالبرهـــــانِ

 

إني رأيتُ اللهِ رؤيــةَ عــــاقـــلٍ

متـــــأمّلٍ في الخَلقِ والأكْـــوانِ

 

حَتّى تبيّنَ للفـــــؤادِ جــــــــلالُه

فَدَمَــتْ تفيـــضُ لِعِشْقِهِ العينــانِ

 

إنّ الحيـــــاةَ كعُمــــلةٍ فِضِّيــــةٍ

ولكـــــلِّ شيءٍ في الدُّنَا وجهـانِ

 

فالعقلُ مركزُ كلِّ شيءٍ صـائبٍ

والحبُّ وجـــهُ المشهدِ الفتَّـــــانِ

 

هذي الحيــــاةُ بقلبِها وبعقلِــــها

لا يستـــوي زوجٌ بــدونِ الثـاني

 

فاللهُ يوصَـــــفُ بالحكيـمِ مهابةً

ومحبَّــــةً ندعــــــوهُ بالحنَّـــــانِ

هشام الجخ - الوجهان

لا كنا نعرف ألف ولا كنا نعرف ب

ولا شفنا عمرنا نور غير لما قمرك جه

وفضلتي رمز الأمان والناس ملقياش وطن

وزرعتي وقمح وغيطان وغلبتي كل المحن

إقف إنتباه يا زمان مصر الأبيه أهيه

ولا كنا نعرف ألف ولا كنا نعرف ب

و الدفة لو مالت نعدلها بكتافنا

إسمك في حناجرنا وأغانينا وهتافنا

مصر اللي نقشت حجر وعلمتنا العد

مصر اللي جيشها عبر .. مصر اللي بنت السد

لا تعبنا يوم م السفر ولا كلّ مجدافنا

والدفة لو مالت نعدلها بكتافنا

هشام الجخ - في حب مصر

عبروا الرجال القنال

والنصر مش ساهل

والدم ع الرمل سال

والغالية تستاهل

 

عبروا الرجال صايمين

حالفين يمين النصر

وحياة صلاح الدين

 

لنصلي فيكي العصر

 

أما اليهود مجانين

ملقوش مكان غير مصر؟

 

إتظبطوا ظبطة تمام

والعلقة كانت موت

وأهو طلعوا بس كلام

واخدينا كان بالصوت

 

وكل يوم حالة وقولة وقوالة

إعلام وكدب وزيف

لما إنتوا رجالة

بنيتوا ليه بارليف؟

هشام الجخ - عبروا الرجال القنال

من كام شهر

خدت قرار مش هاكتب شعر

وإني هذاكر وانجح أفلح

واخد البكاليريوس وأتجوز

وأشتري عفشتي بالتقسيط

ن كام شهر أنا كنت عبيط

 

من كام شهر

زرعت الميه وطرحت فجلة

جاب العجل الفجلة لعجلة

وقالها مهرك

ريحة قهرك

فايحة في نهرك

قالت إوعى تعيش كسلان

بابا نويل بيوزع يويو في حرب إيران

 

شامم ريحة جبنة قديمة

فيلم السهرة مكنش سياسي

كان عباسي

عبدالناصر حب يقلب فينا الروس

ساوى الروس

 

لبرل نفسك

لأجل ما تبقى مثقف زي صاحبنا إياه

عندك ماركس عندك هيجل

عندك حسن البنا وحجي

عندك زحمة

صفي ونقي

 

منحنى عرض النسكافيه واخد إفيه

حاصل ضرب النكسة في حرب أكتوبر في معاهدة ديفد

بيساوي حاصل ضرب النار في التار في العار

مرفوعه لأس اتنين مخاويت

وزي إمرؤ القيس وجلامدة اللي بتنزل من عل

عندينا واد اسمه علي بيطلع الدبابة ويلف بيها في البلد

ومراته دايرة بشعرها تدور عليه

ومتسألوش أنا قصدي إيه

أنا نفسي مش فاهم كلامي

بس الكلام واعر حويط

أنا اللي دون الناس.. عبيط

 

من كام شهر وكنت بحبك

كنت بوضب روحي واحبك لأجل ما أقابلك

كنت في كل حلاتك قابلك

تفرحي قابلك

تزعلي قابلك

تتقلي قابلك

كنتي الأرض وكنت سنابلك

كنتي الحرب وكنت قنابلك

حتي في بعدك وإنتي مسافرة

وبيني وبينك ألف محطة كنت بقابلك

 

عمري يا "نانا" ما قلبي اتنازل

ولا ساب حقة زي ما سابلك

عمره ما ضحى بسهده وسهره

وجاب من عمره زي ما جابلك

 

هذا الوَجَعُ.. بَقَاياكِي

سِحْرٌ تمدَّدَ بَيْنَ ضِلْعَيَّ

وتَوَارَي خَلْفَ ُسلَّمِ مَنْزِلِكِ

تَرَكَ لَكِي رِسَالَةَ كُلِّ صَبَاحٍ وسَافَرْ..

 

يشهد عليكي السلم المستني خطوتنا

شهد عليكي الشبابيك اللي فتحتيها علشاني في نص الليل

وعز البرد يشهد عليكي محل الهدايا اللي ع الناصية

وكشك الورد

 

تشهد عليكي هدومك اللي قولتلك ما تلبسيهاش

تشهد عليكي إمتحاناتي اللي علشانك مدخلتهاش

تشهد عليكي ودني هوستن جورج مايكل

عم شوقي بتاع الفطير كيف يصير الحال كده

م الإبتدا أنا اللي غلطانلك

وأنا اللي محقوقلك

وأنا اللي دون الناس عشقتك

كنت عايش جوه صدرك حلم دافي

كنت بنسى الناس وأجيلك يوم معادك ياكش حافي

كنت أبسط من بسيط

واكتشفت إني ف هواكي

كنت دون الناس.. عبيط

هشام الجخ - قصيدة سكرانة

إتدلّعي واتبغدَدِي واتفاخري واتباهي

قولي لكل الناس .. ده عشقني والله

لِـمِّي العيال حواليا زِفُّـوني

ظاظوا عليّا وحَدِّفُوني طوب

ما انا اللي سِبْت عنيكي لَفُّوني

وانا اللي استاهل كل يوم مركوب

 

فاتدلعي واتبغددي واتفاخري واتباهي

آدي ضَحِيَّة كمان فِدا رِمشك الساهي

موت الضحايا جَزَايَـا ما انا اللي وَدِّيـتِـك

و لْـحَدْ حَدْ ما وَدِّتُـوش ولا حَدْ وَدِّيـتـك

و قلعت كل سنيني على خَصْرِك

ضَفَّرْت شَعْرِك عشّ جُوَّايا

بايَـعْت حُكمِك وابتديت عصرِك

ووقَفْت ورا عرشِك ومَسَكْت هـوَّاية

 

موت الضحايا جَزَايَـا وكُلَّها ضحايا

مين اللي قال الحب آخره عَمَار

الحب آخره نهاية في رحَاية

القسوة طاحنة والحجر دوَّار

 

فاتدلعي واتبغددي واتفاخري واتباهي

واستنكري من عزتي واستهتري بـجاهي

خَلِّيني مضرب مَثَل من بعد هيبة و وزن

كُبَّي المرار في العسل واملي الفرح بالحزن

 

يعني انتي أولهم ولا انتي اول همّ

ولّا انتي اول سهم إتْسَنْ لي واتسمّ

لو تكشفي ضهري تلقي السهام علامات

وانا زي زرع ف هوا وَطَّى حِيِـي وعَلا مات

 

موت العلالي شرف بس اسمها موتة

مش عدل تبقي ف ترف وانا باطفح الكوتة

ما يا إمَّا نَقْسَمْهُم وَخْزَة قصاد وخزة

يا إمَّا لا مواخذة توتة يا حدوتة

 

وابقِي اكدبي براحتِك واتدلعي براحتِك

طعم الهزيمة جِزَا للي يزور ساحتِك

وانا قلبي يا ما غلب.. مش عيب يبات مغلوب

اهو برضه فِدْتينا وكَفَّـرنا بيكي ذنوب

ولَـحَسْـنا من شَهْدِك وشرِبْـنا من رِيقِك

وسْكِرْنا من كاسِك وكَسَرْنا إبريقِك

وطْعِمْنَا من حُسْنِك وشْبِعنا بِـبَـريقِك

 

ومْشِينا في طَريقِك ورجِعْنا مَـلْـوِ اليَدّ

جَرْحِي قُصَاد جَرْحِك ولا حد ظالم حد

 

ولا انتي فاكرانا رجالة خيبانه

نبكي على النسوان ونْسِحّ في بكانا

كنتي اسألي نانا

اللي اسمها نانا

يا دوب زِعِلْنا يومين واهي دنيا لاهْيَانا

 

ما تكدبيش ع الناس.. الناس دي عارفاني

قلبي خشب لو غطس بِيْقِب من تاني

فماتحرجيش روحِك وتقولي ده عشقني

بدال ما صاحباتك يقولك آدي دقني

 

حِبِّي على قَدِّك واحكي على قدك

وان جت سيرتنا ف يوم ابقي الزَمِي حَدِّك

 

تتدلعي ماشي .. تتبغددي ماشي

وتقولي حبني موت برضه ما يـجراشي

بس انتي من جوا فاهمة ان زمنك مات

وبقيتي زي اميرة قلبها شحات

 

لِفِّي على صحابي .. سِبِّـيني في غيابي

قولي ان عمرك يوم ما وقفتي على بابي

لا كَوِيتي قمصاني و لا جِيتِي زُرتيني

و لا تعرفي مكاني و لا تعرفي تـجيني

 

واني يا دوب واحد دايب ف دباديبك

عامل كما عَيِّل شابط في جلاليبك

وانتي يا عيني أُف زهقانة مني خلاص

عملتي زار بالدُّف وسُقْتِي كل الناس

وانا برضه لازِقلك

معلش حظك كدة ربك ورازِقلِـك

 

روحي يا شاطرة هناك انضمي للالبوم

انا كل عشرتي بيكي 22 يوم

عملتي نفسك حكاية

ومحبة فيَّـاضة ومَخَدَّة بَكِّاية

وسهر وسُهْد وويل وبكا و غنا و مواويل

في 22 ليل

 

على أي حال شكرا وشكرا

ثم شكرا للقصيدة

قَلَّما تأتيني امرأةٌ بأفكارٍ جديدة

هشام الجخ - 24 شارع الحجاز

وضعوا على وجهي مساحيقَ النساءْ
الآنَ اكتبْ ما تشاءْ
كن شاعرا .. كن كاتبا
كن ماجنا.. كن ما تشاءْ
الآنَ أنتَ مُهَيَّأٌ كي تصعدَ الزفْراتُ منكَ الى السماءْ
ما دمتَ في زيِّ النساءْ
فاصرخْ وناهِضْ ما تشاءْ
وارعِدْ وهدِّدْ مَنْ تشاءْ
وسَنَرْتَضِي منكَ الضجيجَ ونرتضي منك السُّبابَ
لأن هذا ما نشاء..
 
واتمدَّدوا في أرضي
ما تقولي يا أرضي
مين شَيَّلِك بالطين ؟
مين حَبَّلِك غيري ؟
طب كنت انا ف "حطين" ؟
ولا كان صلاح غيري ؟؟
 
رافض أقولك يا وطن شعر وقصايد
رافض أصوغك يا وطن سطرين أدب
ما بَقِتْش قادر ع الأدب
يا بلادى يا (رحبه)
هى يا دوب سحبه فوقى و بزياده
بقى هما رجاله
و احنا اللى حبة نتى عليهم العاده
 
خمسين سنة !!! ( القصيدة كُتبت عام 1998 )
عُقبال يوبيلك الماسي
وابقى "هشام" صهيون
يبقوا اليهود ناسي
ولما حتجوز ويجيني صهيوني
راح اجَوِّزُه بنتي
ما انا خوفي لآدِّيها لعربي يسرِّحها !!
ما غارش على بلده .. حيغير على بنتي!!
 
السادةُ العربُ الموقرُ جمعُهم
الامةُ العربيةُ عروسٌ أنتم لم تصونوها عروسْ
هجَّ الجرادُ إليها .. فهربتم
واختبأتم في المساجدِ والكنائسِ
قاتلتموهم بالصلاةِ .. وبالبخورِ
وبالدعاءِ رُكَّعا وجُلُوسْ
عجبا لِهَا تلكَ الطقوسْ
لا جُرمَ عليكِ فلسطينُ
لا وزر على امرأةٍ تزني
ما دامَ الزوجُ الأصلُ ديوثْ
 
يا سادةَ حكامِ الامةِ الغفلةُ ليستْ للحكامْ
علَّمَنِي ( أكتوبرُ ) درسا كيفَ يكونُ هناك سلامْ
أولادي بَصَقُوا في وجهي .. كتبوا لي في الغرفةِ سطرا
إنْ ماتَ الابُّ فِدا وطنٍ .. ما أحلى عيشَ الايتامْ
يا وطني لا يمكنُ أبدا أن يرحلَ عربيٌ مِنَّا للغربِ بدونِ استعلامْ
فلماذا تفتحُ أبوابا وتُنَكِّسُ رأسا وظهورا
وتُسَلِّمُ بِكْرَ عروبتِنا  كي ترفعَ ساقيها سَفْحا
وتصفقُ للذَّكَرِ الأقوى وتَكَلُّ من التصفيقِ تنامْ
سبحانَ إرادةِ (أُنكِل سام)
 
وطني
يا وطنَ الموبوئين ووطنَ المهزومين
ووطنَ الحبَّاكين ووطنَ النَّفْطِيِّين ووطنَ الـ ..........
 
أنا والشعرُ مهزومانِ .. منفِيَّانِ .. مُعتَقَلان فيك
إذا ما استنجدَتْكَ القُدْسُ مَنْ سيغيثْ
يا وطني شكِّلْني رجلا
صنِّفْني عندَكَ في بَنْدٍ لا يحملُ تاءَ التأنيثْ
إن دبَّ الخوفُ بأطرافِكَ قَطِّعْ أطرافَكَ يا وطني فالمرضُ خبيثْ
 
كيف اقولِّك بحبِّك
وانا اللي فعلا بحبك بس مش طايق
تبقي انتي ويّايا ف سفينة حبنا الطارح ورق اخضر
وريحة البحر الوحيدة اللي تدوّخ رِقِتِك
تنزل عنيكي من الكسوف
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا
من فرحته يخطف طراطيف الجونلّة
بضحكة هالّلة محمّلة براكين وشوق
ومخطّية كل الشقوق ويادوب افوق
القى السفينة بتمشي بينا تهزنا والقاني مش سايق
فارجع كما الأول.. نفسي اقولك بحبك بس مش طايق
 
الأربع اللي فات صِحْيِت حيطان البيت م الفجر صَحِّتْني
كان القمر كسلان والصبح معرفنيش
عيِّل ماليه الطيش بجري على ميعادك
وانا جاي في قلبي حكاوي
ولما تمشي بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك كما شلال
وكوم حبال دَلُّوني وعَلّوني
لِسَّاني شَعري اسود ودراعي قادر يشِيلك
بس العِلَل في الوطن هما اللي علُّوني
 
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بيروت رقصت في قلبي
لَقِتْني مش طايق
 
تمثالُ "سليمانَ" سيزحفُ ويجرُّ الجُندَ الى الاقصى
والنملُ العربيُّ مُطيعٌ عجبا لِغُزَاة لا تُعصَى
لن يُصْرَمَ شعبُكَ يا وطني فرجالُكَ كالفِيَلَة بطْشا
وذكورُ الفيلةِ لا تُخصَى
قاتلْهم يا نخلَ الوادي
قاتلْهم يا رملَ الوادي
إن قطعوا نخلَكَ يا وادي
ستظلُّ رمالُكَ لا تُحْصَى
 
سامحيني يا وحدِك بستسمحك وحدِك
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
 
خايف عليكي من القصايد تدهنك أسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر جوا البيوت عسكر
فوق اللسان عسكر بين الضلوع عسكر
طب كيف اقولّك بحبك وضلوعي مُحتلّة
إنتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
 
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب

هشام الجخ - آخر ما حرف في التوراة

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

حكاية هذه القصيدة النادرة إن شاعر صديق لهشام الجخ كتب قصيدة سماها " إختلاف 2 " رداً على قصيدة الجخ " إختلاف " https://soundcloud.com/algakh/e5tlaf ينتقده فيها ويتهمه بإنه السبب في فشل العلاقة التي يتحدث عنها في القصيدة ، فرد عليه الجخ بهذه القصيدة



 

باعته وجرت ورا زيف

وسابتله نار جوه

مَسّكِته في إيده سيف

إختار يموت هو

 

يَا حَبِيْبِي هَذِه الْغُلامّة إِن تَخْتَلِف

فَهُو إِخْتِلَافَك لَا إِخْتِلَافِي

أَنْت مِن أَحْبَبْتُهَا

وَنَسِيْت أَن مَسَافَة بَيْن الْجَنُوب وَبَيْنَهَا

 

يَا صَاحِبَي أَنْت الْإِلَه

لَكِنَّهَا أَبَت أَن تِعَصَاك فِيك

فعْصَتك فِيّ

فَهُو إِخْتِلَافُك لَا إِخْتِلَافِي

 

والفرق ما بيني وبينك بإختصار

إني واحد حب ستين ألف واحدة

وإنت ستين ألف واحد حبوا واحدة

 

الإختلاف اللي ما بينا مش أسامي

مش في نانا أو فلانه

الإختلاف اللي ما بينا في الديانه

في إتجاه القبلة من وضع السجود

إني في غرامي فرس

و إنت في غرامك قعود

 

الإختلاف اللي ما بيني وبينك

إني لو حبيت بخلي البت نعل

ألبسه وأبدأ طوافي

وإنت حبك زي بغل

شال حبيبته فوق كتافه وعدى بيها السكه حافي

 

يبقى لما نختلف تعترف

إن إختلافك عمره ما كان إختلافي

هشام الجخ - إختلاف 3

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

مالك..
متغير حالك 
وتقيله الخطوه 
وسكه مقطوعه
مآلمني احساسي 
انك موجوعه
انا راسي مرفوعه
والشكوى ممنوعة
وحلمي ماله حدود
مالك
ايه اللي بيجرى لنا
مظلومه بينا 
مسموعه الأنه
اسمك علمنا
مهما اتألمنا
باب الامل موجود
ليه كل ما نلمح فجرك ..يحجبه الماضي
هيهات يحوش الشمس سحاب صيف فاضي
هيهات قبول السما لدم عالفاضي
عشت حياتي احلم 
باللي يليق بيكي
واللي يعليكي
وازاي افديكي
حتى اللي ماتوا 
لو رجعت حياته
هايموت تاني فيكي
يموت ليكي
بس مش بيكي
بس يرضيكي
كان امله انتي
كان نفسه يشوفك حلوه
ويكتب لك غنوه 
يتغزل فيكي 
ساكته ليه ؟!
قولي آه
قولي ﻷ
قولي حسك مااتخنق
قولي دربنا ماافترق
قولي حلمنا مااتسرق
ماتسيبينيش تايه وحدي
قولي مين قساكي 
ومين اللي معايا 
ومين ضدي 
قولي مين غيرك لي
وليكي مين بعدي

قولي | ياسر المناوهلي | سبتمبر 2013

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

لمشاهدة فيديو كليب القصيدة 
https://www.youtube.com/watch?v=0tBh4Brj3Hs
منطقي 
كلمات : هشام الجخ 
إنشاد : مصطفى عاطف 
موسيقى : هشام خرما

هشام الجخ وهشام خرما ومصطفى عاطف #منطقي
Hishamalgakh &Hisham Kharma & Mostafa Atef  #Manteqy

Follow us / تابعنا على

Hisham algakh - هشام الجخ
www.algakh.com
FB: https://Facebook.com/Hisham.Gakh
Youtube: https://Youtube.com/HishamElGakh
Soundcloud: https://Soundcloud.com/algakh
Instagram: http://Instagram.com/algakh

Hisham Kharma - هشام خرما
- Website: http://www.HishamKharma.com
- FB: https://Facebook.com/hishamkharma
- Soundcloud: https://Soundcloud.com/HishamKharma
- Instagram: http://Instagram.com/HishamKharma
- Youtube: https://Youtube.com/HishamKharma

Mostafa Atef - مصطفى عاطف : 
- FB: https://Facebook.com/MostafaAtef.MA
- Twitter: https://Twitter.com/MostafaAtef
- Instagram: http://Instagram.com/MostafaAtef
- SoundCloud: https://Soundcloud.com/Mostafa_mam593

Ashoub Movies
Website: http://AshoubMovies.com

كلمات القصيدة

منطقي لما يبقى يتيم وأمي ويبقى سيد العالمين
منطقي الحُسَّاد هتكتر والعدا والكارهين
واللى هيقولك ده شاعر
واللى هيقولك دا ساحر
واللى هيقولك دا كافر
واللى يكتب واللى يرسم
واللى يكدب واللى يشتم
منطقى
هى غيره .. زى غيرة الوليد بن المغيره
مش كان هيسلم؟! بس حاجه فى نفسه حَكِّتْ
كبره خلَّى نفسه شَكِّتْ
أصل داء الكبر ده أكبر خطر
بس يعنى الجَنَّه تِعْمَرْ وحدها؟!
حَبَّه فى الجنه ونعيمها وحَبَّه فى سقر .. منطقي

(chorus)
كل القلوب إلى الحبيب تميل .. ومعي بذلك شاهد ودليل
أما الدليل إذا ذكرت محمداً صارت دموع العاشقين تسيل

ومنطقي لما يبقوا المسلمين حالهم كدا تطلع ضوافر للعِدا
مادمت مش زارع بإيدك غلتك
و الجوع قرص على معدتك .. فا ذَلِّتَك
مادمت متشتت وتايه فى الكلام
فين الودان اللى هتسمع شكوتك؟!
ومنين يجيلك وش تحمق ولَّا تغضب
ولَّا ترفع كلمتك؟!
هما مش قاصدين يهينوا المصطفى بحبة صور
هما عارفين إن سَيِّدنا النبي سيد البشر
هما قاصدينك وقاصدينِّى وقاصدين كل جيلنا
و طول ما بِنْكَسِّلْ ونتفرَّق وبندارى الحقايق
لسه ياما راح يجيلنا

(chorus)
كل القلوب إلى الحبيب تميل .. ومعي بذلك شاهد ودليل
أما الدليل إذا ذكرت محمداً صارت دموع العاشقين تسيل

لو كانوا حضروه كانوا عرفوا يرسموه
كانوا هيسموه بعدله وبسماحته وبهدوءه
كانوا شافوا إن الصحابه بتلحق الميه اللى نازله من وضوه
لو كانوا لحقوه كانوا عرفوا يرسموه
إحنا ما رسمناش نبينا فى العيون
إحنا فهمناهم إن الدين بتاعنا لا فيه علوم ولا فيه عمل
ولا فيه أدب ولا فيه فنون
اتلهينا باحنا كنا و احنا كنا
و نمنا فى اللى راح يكون
بس احنا فوقنا بجد أسفينلك وراجعينلك 
شعبك نشيط عامل وصافي وتقي
زيك يا سيدنا المصطفى يابو قلب طاهر نقى
أما اللى واكلاهم غيرتهم فا ده منطقى

(chorus)
فمبلغ العلم فيه أنه بشراً وأنه خير خلق الله كلهم
فانسب إلى ذاته ما شئت من شرف وأنسب إلى قدره ما شئت من عظم
مولاي صلى وسلم دائما أبدا على حبيبك خير الخلق كلهم

هشام الجخ - مصطفى عاطف - هشام خرما #منطقي

وحّد إلهك ..

واترمي كنَفه وجنابه ..

واشكره ..

وامّا تيجي تشكره .. أشكره ..

إنه علّم حد فينا يعلّمك .. إزاي بقلبك تذكره .. وتشكره ..

وحّد إلهك ..

واترمي في كنفه وجنابه ..

ما تفارقش ف يوم عَتابه ..

واسعى سعيك .. احبي حبيك ..

وامشي مشيك .. واجري جريك ..

مهما تقلت المعاصي .. اوعى تيأس ..

ربنا مش زيّه زيّك .. ربنا بس اللي ما بيقفلش بابه ..

فاحتمي ف كنفه وجنابه ..

واحفظ السكة اللي ترجع منها ليه ..

إن عصيت .. وأكيد حتعصى .. استحي وارجع ناديه ..

اللي دخلوا الجنة يا ابني مش ملايكة .. اللي دخلوا الجنة كانوا زي ابوك .. شنقوا من كتر المعاصي .. بس تابوا ..

وانت حظك .. ان ربك رحمته سبقت عذابه ..

فاترمي ف كنفه وجنابه …..
عينك على امك ..

مهما كان حجم انشغالك ..

اوعى تكبر وانت مش واخد بالك ..

اوعى تعرج .. ولا تتقل ودنها ومتاخدش بالك ..

اوعى يلهيك عنها حالك ..

عايز امّا اموت ..

يفضل لي كف وعين وصوت ..

وكتف تتسند عليه متكلفتة ..

ونفس يدفي فرشها ف برد الشتا ..

وقلب مطمن بإني مشيت وسبتها لك ..

فاوعى يلهيك عنها حالك..

طول حياتها .. شيلها في عنيك وف وريدك ..

حج بيتها كل يوم .. بيتها ريدك ..

في المدافن وانتو جايين حابقى في العين اللي جنبك ..

حابقى شايفك ..

عايز اشوفك وانت بتنزلها بيدك ..

وانت صاين لحمها لحد الممات ..

سيبها تتباهى بآخر لمسة منك لما تنزل وسط باقي الأمهات ..

حتقول ده ولدي .. صلب ابوه ..

جبته للشيلة الأخيرة .. وسبته لاخواته البنات ..

أوعى تطلع واد جبان ..

اجري خلف الموت يخافك ..

موت فدا البلد اللي ربت لك كتافك ..

اوعى تنكر خيرها زي الخوانين ..

الطماعين اللحاسين الكدابين ..

اوعى لينسوك يا ولدي انت مين ..

وابن مين ..

اوعى ماتفرقش بين العفيانين والورمانين ..

اقرا من كتب الشمال ..

واقرا من كتب اليمين ..

اقرا لصحاب البلاط ..

واقرا أدب المسجونين ..

شوف حكومات السياط ..

واقرا سيرة الراشدين ..

أوعى لينسوك يا ولدي .. مصر مين ..

أوعى تركن للكلام اللي يوماتي بنسمعه م الرغايين ..

مصر خوفو .. مصر خفرع .. الحضارة .. السنين ..

لا يا ولدي .. مصر انت .. مصر شغل وناس بتعرق ..

مصر جيش من غيره نغرق ..

مصر حواليها العِدا متربصين ..

اوعى تنضم لعشيرة البياعين ..

حتى لو تهموك يا ولدي زي ابوك وقالوا كافر ..

قل لهم أنا ديني ربي .. وبعد منه .. مصر دين ..

آخر وصية ..

لما تكبر حتلاقينا في التاريخ ..

باب صغير .. حيداروه .. مكتوب عليه (شباب ثاير) ..

مش بعيدة يعلموكم في المدارس وقتها إن اسمها نكسة يناير ..

قل لجيلك .. إنها ماكانتش نكسة ..

واننا جيل البداية وانتو دوركم جاي لسة ..

وافرد كتافك واحكي عن جيلي بفتوة ..

عايز الناس لما تسمع نبرتك في الميكروفون يقولوا (هو) ..

اللي خلف لسة عايش ..

لسة صوته ونبرته فيها الوجع ..

لسة واقف ضد ظلم الجبارين .. وقفة جدع ..

آخر وصية ..

سبت لك ورثك براح .. تسقي كرمه يزيد ويكرم ..

سبت لك ستر وجناح .. عقل يفهم .. قلب يرحم ..

سبت لك حب الغلابة .. ناس كتيرة .. جيش عرمرم ..

وان جم يقايضوك بالفلوس .. ويقعدوك وسط الكبار .. ويسكتوك ..

قل لهم أنا زي ابويا ..

لا عمره كَلّ فضلة موايد .. ولا عمره رمرم ..

سبت لك حب الغلابة .. أغلى من كل الدهب .. واكتر .. وأعظم.

جديد : هشام الجخ - حمزة

لكلمات وفيديو القصيدة : http://www.algakh.com/albums/4295-2/
تابعوا هويس الشعر العربي هشام الجخ على :
لكلمات القصائد والحصريات والأخبار .. على الموقع الرسمي
www.algakh.com
وصفحة الفيس بوك الرسمية
https://www.facebook.com/Hisham.Gakh
وللاستماع للقصائد صوت فقط
https://soundcloud.com/algakh
وعلى الانيستجرام
https://instagram.com/algakh
وعلى جوجل بلاس
https://plus.google.com/+hishamelgakh/
وعلى تويتر
https://twitter.com/Hishamalgakh

Follow Hisham Algakh on :
For poem words and news ... on the official website
www.algakh.com
and the official facebook page:
https://www.facebook.com/Hisham.Gakh
and listen to poems on soundcloud:
https://soundcloud.com/algakh
and follow al gakh on instagram:
https://instagram.com/algakh
and google plus:
https://plus.google.com/+hishamelgakh/
and on Twitter :
https://twitter.com/Hishamalgakh


جديد : هشام الجخ - خمسة الصبح

رااائعة تميم البرغوثي في مدح مصر
أتحداك هتسمعها أكثر من مرة

يا شعب مصر-تميم البرغوثي

اللي زيّك
اللي زيّك مالوش لا يحب ولا يتحب
تشوف الميّة تروِي الناس وشغلانتك يا دوبك صَب
تتفرّج على الفاتارين ما تلمسهاش
وتوزّع شقاك على ناس ماتعرفهاش
ومتخيّل بإن حبيبك الغالي خلاص حَبَّك
وتقضِي ليالي مستنّي تَمَن تَعَبَك
وكل اللي اشترى منك أخد ببلاش
فتتفرج على الفاتارين ما تلمسهاش
....
تفهم ايه انت ف أصول العشق والعشاق؟
العشق حافر فرس طالق جناح في سباق
مشوار خشن ما يعديهوش غير فحل
والحلوة باصة لك بس المراد مش سهل
يا تشمّر الدراعات وتجيب حبيبتك غصب
يا تطاطي راسك وتسيبها للخلّاق
....
اللي زيك مالوش لا يحب ولا يتحب
يعيش الدنيا عدل وكب .. رزع ودب .. رفع وقلب
حتخلص مهما راح تخلص في الآخر حتطلع كلب
كل الناس حتبقى ملايكة وتشيل انت بس الذنب
اللي زيك خلصوا قبل النور ما يطلع ماتشافوش
ماتلونوش ماتجملوش
وقفوا ع السلم لا طالوا الصفحة بيضة
ولا طالوا يختاروا اللي يرسمهم وشوش
اللي زيك عاشوا ع الهامش رتوش
....
يا سمرا فستانك عبّا الهوا وكيّل
ناصب طواحيني خانّي الهوا وميّل
طب قولي ناقصك إيه وجرّبي عزمي
والله ان دراعي فلت تتبرّا مني امي
فاكرة زمان قلت لك
الصبح حابقى ملك
ومنا ما وصلت لك 
كان النهار ليّل
....
اللي زيك
 هم الكتير اللي بيشيلوا الملك في المهرجان
ما بيبانوش من كترهم وسط الزحام والهيلمان
وانت ماشي وفاكر الناس بتشاور لك 
والناس عنيها ع الملك والصولجان
اللي زيك يترمي في الملاحات
ينفجر تحت المحاجر
يتجلد ويموت ويحفر في الرمال
والخديوي ييجي ع الجاهز ويفتتح القنال
اللي زيك غششوا الناس الإجابة وهم سقطوا في الامتحان
اللي زيك هو أراجوز الموالد 
وهو أضحوكة الزمان

Hisham algakh هشام الجخ - اللي زيك

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

الشاعر هشام الجخ 
قصيده متزعليش

هشام الجخ - متزعليش.

سرى جدا الى البحر من حفله الأسكندريه الشاعر هشام الجخ 
21 رمضان -
9 أغسطس 
2012

سرى جدا الى البحر- حفله إسكندريه 2012

الشاعر هشام الجخ - قصيده إيزيس

إيزيس بالموسيقى

إنطردى الآن من الجدول مع الموسيقى

قصيده التأشيرة مع الموسيقى

هشام الجخ التأشيرة مع موسيقى

إنشاد قصيدة قد كفاني علم ربي للإمام الحداد بصوت كلاً من الباحث و الداعية الإسلامي معز مسعود و الفنان حمزة نمرة , من حلقة برنامج على القهوة للإعلامي أحمد يونس و التي أذيعت ليلة عيد الأضحى المبارك لعام 2012 على محطة راديو نجوم FM

كلمات: الإمام الحداد الحضرمي
لحن: معز مسعود
أداء: معز مسعود - حمزة نمرة
جيتار: حمزة نمرة - معز مسعود

لتحميل الأنشودة برجاء زيارة الرابط التالي:
http://www.mediafire.com/?d8ozbsc11h2dg6m

لمشاهدة الكليب:
http://youtu.be/RLQD-oAiLpI
--------------- 

قد كفاني علم ربي من سؤالي واختياري
فدعائي وابتهالي شاهد لي بافتقاري
فلهذا السر ادعو في يساري وعساري
انا عبد صار فخري ضمن فقري واضطراري
قد كفاني علم ربي من سؤالي واختياري
***
يا إلهي ومليكي انت تعلم كيف حالي 
وبما قد حل قلبي من هموم واشتغال
فتداركني بلطف منك يا مولى الموالي
يا كريم الوجه غثني قبل ان يفنى اصطباري
قد كفاني علم ربي من سؤالي واختياري
***
يا سريع الغوث غوثا منك يدركني سريعا
يهزم العسر ويأتي بالذي نرجو جميعا
يا قريبا يا مجيبا يا عليما يا سميعا
قد تحققت بعجزي وخضوعي وانكساري
قد كفاني علم ربي من سؤالي واختياري
***
لم ازل بالباب واقف فارحمن ربي وقوفي
وبوادي الفضل عاكف فأدم ربي عكوفي
ولحسن الظن ألازم فهو خلي وحليفي
وأنيسي وجليسي طول ليلي ونهاري
قد كفاني علم ربي من سؤالي واختياري
***
حاجة في النفس يا رب فاقضها يا خير قاضِ
وارح سري وقلبي من لظاها والشواظ
في سرور وحبور واذا ما كنت راضِ
فالهنا والبسط حالي وشعاري ودثاري
قد كفاني علم ربي من سؤالي واختياري

قد كفاني علم ربي - معز مسعود و حمزة نمرة

سوريا الجميلة و كلنا سورى
للمنشد د/ محمد الصنهاوى

الهوى سورى || للرائع محمد الصنهاوى


مين فينا عارفك يا رب و مين فينا لأ
مين اللى فينا لو قال بحبك قالها بحق
واحد بدقن بيقول حلال و يقول حرام
وللا فواعلى أرزقى شادد الحزام
وللا خمورجى استسمحك قبل أما نام
وللا عيل لسه معرفش الكلام
وللا حاطلع انا اللى عارفك
انا اللى تايه ف الزحام


تايه في الزحام ,, مصطفى ابراهيم

بجداتنا سرٌ عجيبٌ كأنه حجاب إلهي و حِرزٌ مُحرّزُ
يحيرني اطمئنانهن كأنما لديهن حل اللغز و الدهر يُلغزُ
ترى امرأةً في كفها و جبينها من الشعر و التاريخ نصٌ مُرمزُ
تتالى عليها الحاكمون كأنهم هم الخرز المنظوم والعمر مِخرَزُ
و يشرح ميزان القوى كل حاكم لها منذ آلاف السنين فيعجز
تهد اعتبارات السياسة كلها إذا ذهبت تحت القنابل تخبزُ
و قد وضعت حكامها في مناخلٍ و قامت تنقي ما تشاء و تفرزُ
و في قولها عند الخصام فصاحةٌ أدق من العقد الفريد و أوجزُ
لها دولةٌ في باحة البيت؛ شعبها دخانٌ و جيرانٌ و بُنٌّ مُركّزُ
تجمّع أشتات الضيوف لأنها ترى الناس كنزًا من كرامٍ فتكنزُ
و تبصرها في زحمة الجسر وحدها على اللّطف من رب السما تتعكزُ
و جندية من روسيا و رفاقها إذا ما رأوها أوجسوا و تحرّزوا
يظنون تحت الثوب منها عساكرًا بأفتك أنواع السلاح ستبرزُ
فسلّم على جيش الدفاع فإنه يُهدده شالٌ و ثوبٌ مُطرّزُ

بشالٍ و ثوبٍ تمر على الجسرِ
مبروكة الصدر و الخصرِ
لا بدّ يؤلمها حين تُحشر في الشِعرِ
مقعدها في القصيدة مثل مقاعد حافلة الجسر غير مريحْ
فمعنى الأمومة والأرض و الوطنية أصغر منها
و إغداق شاعرها بالرموز عليها و ذكر الأساطير أمر قبيحْ
أنا لن أشبه وجهك بالنحت في الصخرِ
أو جود كفيّك بالحقل و النهرِ
أو بنساءِ آشور و بابل أو ظبية البرِّ
لا في الطبيعةِ أنتِ و لا في الخيالِ
تعاريج كفّك مخطوطةٌ كُتبت كالوصيّةِ
فهي وثيقة ملكيّة للبلاد و تاريخ أنسابنا العربيّةِ
أنت براءة هذه الجبال الخصيبة من تهمة الحجريّةِ
يا جدّة التين و البرتقال
كأنك أنتِ اخترعت الجبال
أقول اخترعتِ الجبال اختراعًا و لم تتشكل بمر العصور
و لكن دعوت فجاءت تباعًا كأن الجبال كلام يدور
كلام نطقت به أولاً
ثم صار صداه جبالاً
صدىً من صدى، تتكرر أقواسها في المدى
ليس تعيى البلاد بإنشادها
و كأن الجبال اليك و منك أحاديثُ تُروى بإسنادها

و يا جدّة التينِ و الزعترين المجففِ و الأخضرِ الجبليّ
و يا جدّة الحربِ والهجرتين، سلامٌ على طِبِّك المنزليّ
إذا أنت دلّكت بالزيت صدر الزمان، كما تفعلين مع الطفل حين يُحمّ
سلامٌ عليك، تُغنين صوت العتابا، فتستأنسين الألم
و تصحُّ الليالي بإنشادها
و دوماً تُصرّين أنك لا تُكملين القصص
فإن النهاية عندك معدومةٌ و العدم
وأنت نقلت الحديقة حين ارتحلت إلى شُرفةٍ في المخيمِ
شتلة صبرٍ و ريحانةً
فالعشيرةُ لاجئةٌ في الخِيم
والحديقةُ لاجئةٌ في الأُصص
ثم بالملجئين بنيت بيوتاً يُؤهل فيها بقصّادها
و فيك ركانةُ قاضيةٍ، و فصاحةُ دارسةٍ للحقوق
و في اللهجة القُروية، أعشق تصغيرك الوقت، حين تُسمينه بالوُقيت
كأنّ الزمان صغيرٌ تُربّينهُ
و إذا ما تهدده عارضٌ ما، ستحمينهُ
و هو غولٌ، و لكن طبعك لا يرتضي أن في الأرض شيئاً يُسمّى العقوق
و يا جدتي أنتِ طيبةٌ، غير أنك لستِ ملاكاً
و فيكِ من الخُبث شيءٌ مليح
كذبت على الحاكم العسكريّ
و زوّرت في سن طفلك كي يدخلوه صغيراً إلى صفّه المدرسيّ
و تُعطين بعض القريبات من عنب الدار ما يشتهين
ويعلمن أنك لست تحبينهن كما تعلمين
وقد يبتسمن فتبتسمين
و عندك خُبثُ الطيور تحاول أن تتفادى الحبال
و لكنّ خُبثك خبثٌ بريءٌ على أيّ حال
جمعت الصفات بأضدادها

تمرّ على الجسر
تحمل ما لا يُطاق من الأمر
هَمّ البلاد؟ نعم
و كذلك زيتاً لأحفادها
و صُنوفاً من الجُبنِ و المَريَمِيَّةِ
أو قُل صُنوفاً من الحِكمةِ الأبديّةِ
مخبوزةً في الطوابينِ
مفروشةً كالبساتينِ
مقطوفةً من على شجر التينِ
أو كُتب الشعرِ و النثرِ و الدِّينِ
رأساً إلى قاع زُوّادِها
و ما كنت أدري لماذا تُصمم دوماً على حمل كل صنوف الثمار التي خلق الله في زحمة الجسر
حتّى رأيتُ مجنّدةً عندها تسعتان من العمرِ
وهي تفتّشها
وتُفتّح كل حقائبها
ثم تفرُشُها
لأرى بلداً كاملاً فوق مِنضدة الفحص يُنشر مثل العلم

فقل للعساكر في الجسر يا أمةً من غبار الأمم
و يا من تهينون أهل الكرامة للعنصرية أو للسأم
إلى أن تكون لكم جدّةٌ مِثلَنا
إلى أن يدور الزمان و أن تحمِلوا حِملنا
إلى أن تروا أن قتل سِوانا لكم لا يُحِلّ لكم قتلنا
إلى أن يكون لكم مثلُ هذا
تنحّوا
و خلّوا الطريق لجداتنا أن تَمُرَّ
لتجعلكم قصّةً
مثل كل من احتلّنا
هكذا ببراءة حجيّةٍ
لا بقصدٍ و لا نيّةٍ
و بعفويّةٍ
و هي تصنع شاياً لنا

تميم البرغوثي - جداتنا

هشام الجخ - قصيدة إختلاف

فـلانٌ يقـولُ .. في حـقـكَ قـولْ
فـلانٌ يقـولْ ..
الـرجـُلُ محـبْ ..
الـرجـل ضَحـوك ..
رقيـقُ القـلبْ
رقيقٌ إلى حـد البـلاهـة ..
خـفيفُ الروح ..
ومعقـدٌ كـ متـاهـة
شـفيـفٌ كـ عطـرٍ يـفـوح
في عـينِـه شيٌ يـلوح
شيءٌ كــ لمعـه ..
نصـفُ بسمـه .. نصفُ دمـعه
ظـلالُ عـتمـه تراقـصُ شمـعـه
فـَرِحْ ..
كـ قطعـةُ سُكـَرٍ
تذوبُ عـلى كـلِ ثَـغـر
و يَسـكَـرْ وحـَده إذا ما جُـرحْ

فـلانٌ يقـول ..
الـرجـلُ طـيب
طيب كـ أحمـق
أحمـق كـ طـفل
طـفلٌ كـ طـُعـم
و الطـُعـمُ يـؤكـل

فـلانٌ يقـولُ .. في حـقـكَ قـولْ
فـلانٌ يـقولْ
الـرجـلُ ينـسـى
ينـسى كـ امـرأة
امـرأة كـ الزمـن
زمـنٌ كـ دولابِ التعـذيب
دواليب التـعذيب .. تـقتـُل

فـلانٌ يقـولْ ..
الـرجـل كـ الوطـن
وطـنٌ كـ الطـلل
طـللٌ كـ عينـّي أمـل
أمـلٌ كـرَحـمِ الـشَجـن
شجـنٌ كـجـذور الشـجـر
و الجِـذْرُ من أرضِـهِ .. لا يُعـزل

فـلانٌ يقـول 
هو لا يعـرفـك
هو يُـشبـهـُك
فـلانٌ ..أنتَ ..
أنت .. فلان
كلاكمـا انـســان

‫فلان .. اسلام حجي‬‎

رسالة قوية من الشاعر هشام الجخ للإخوان ومرسي من مكتبة الاسكندرية 8 مايو 2013

هشام الجخ - أنا إخوان

قصائد شعر عربية عامية مصرية تعبر عن واقعنا السياسي والإجتماعي في مصر

تميم البرغوثي - قالولي بتحب مصر؟ قلت مش عارف

تميم البرغوثي - يا مصر هانت وبانت


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh


 
انطردي الآنَ من الجدولْ
 
 
موتي فالكلُّ هنا ماتوا
وأنا اعتدتُ حياتي أَرْمَلْ
 
واعتدتَ الهَجرَ بلا سببٍ
وبرغمِ الحيرةِ لم أسألْ
 
وظلَلْتُ أسجِّلُ أسماءً
وأسطِّرُ خاناتِ الجدولْ
 
ضُنِّي إحساسَكِ ما شئتِ
فأنا مَلِكٌ لا أتوسَّلْ
 
لا أبكي لفراقِ حبيبٍ
أو أترجَّى أو أتذلَّلْ
 
رقةُ شِعري قَوْلٌ إفكٌ
فَفُؤادي مِن صَخْرٍ جَنْدَلْ
 
علَّقتُ نساءً في سَقْفِي
وجلسْتُ فخورا أتأمَّلْ
 
وغزوتُ عُيوناً لا تُغْزَى
غافلتُ رموشاً لا تَغْفَلْ
 
و زَرَعْتُ النُّسوةَ في أرضٍ
لا آخرَ فيها أَوْ أَوَّلْ
 
ديكتاتوريا إن أُعْطِي
ديكتاتوريا إن أَبْـخَلْ
 
 
فانطردي الآن من الجدول
 
 
غِيبِي فَلَكَمْ قَبْلَكِ غابوا
لا شيءَ يَـجِيءُ وَ لا يَرْحَلْ
 
ما الوردُ إذنْ لَوْ لَمْ يَذْبُلْ ؟؟
ما الشمسُ إذنْ لو لم تَأْفُلْ ؟؟
 
لا تَنْتَظِرِينِي نَسْنَاساً
أَقْبَلُ يَوْمَاً أن أتَسَلْسَلْ
 
وَ يَـجِيءَ الناسُ إلى قَفَصِي
لِيَـرَوْا عُشَّاقاً تَتَـحَوَّلْ
 
تتقافزُ كالقِرَدةِ عِشْقَاً
وَ تَـمُوتُ هَيَاماً وَ تُوَلْوِلْ
 
لُمِّي أشياءَكِ و ارتَـحِلِي
بَحثاً عن آخرَ قَدْ يَقْبَلْ
 
أمَّـــايَا .. فلا ثَمَنٌ عِنْدَكِ
تَقْبَلُهُ يدايَ لِتَتَكَبَّلْ
 
إن كان غرامُكِ لِي نَبْعَاً
فَنِسَاءُ الدنيا لي مَنْهَلْ
 
وَ الجدولُ مُكْتَظٌّ جِدَّاً
بِكَثِيرٍ مِثْلِكِ بَلْ أجمَلْ
 
 
فانطردي الآن من الجدول
 
 
غِيبِي وَ تَمَادَيْ في جَهْلٍ
فأنا لا أعشقُ مَنْ يَجْهَلْ
 
إني بَحَّارٌ تَرْفُضُنِي
كُلُّ الشُطْآنِ فَأَتَنَقَّلْ
 
اِعتدتُ السفرَ على مَضَضٍ
وَ قَضَيْتُ حياتي أَتَجَوَّلْ
 
أرتشفُ بلاداً ونساءً
فَهُنـا عَسَلٌ وهُنا حَنْظَلْ
 
وهنا عشت كلص نذل
وَ هُنَا كُنْتُ نَبِيَّاً يُرْسَلْ
 
و هنا ذَبَحُوا شِعري عَمْدا
وهنا شعري صارَ يُرَتَّلْ
 
وأنا والغُربةُ ما زِلْنَا
نبحثُ عن وطنٍ لِنُظَلَّلْ
 
صادقتُ الغُربةَ في الغربةِ
وقضيتُ سنيناً أَتَعَلَّلْ
 
بَرَّرْتُ جميعَ حماقاتي
وَ ظَنَنْتُ بأني أتَجَمَّلْ
 
اليومَ أُزِيلُ عباءاتي
وَ أُكَشِّفُ عن وجهي الأَوْحَلْ
 
مَلِّي عينيكِ بِلاَ خَجَلٍ
فأنا الـمَوحولُ ولا أخجلْ
 
أَغْرَتْنِي أحلامُ الصِّبْيَةِ
فَعَدَوْتُ إلى حُلْمِي الأمْثَلْ
 
وَ بدأتُ السفرَ بلا زادٍ
وظننتُ بأني أتعجَّلْ
 
وَ نسيتُ اللهَ.. فأَهْمَلَنِي
مَنْ ينسَى اللهَ وَ لا يُهْمَلْ ؟
 
حُمِّلْتُ بأثقالِ الدُّنيا
أهربُ مِنْ ثِقْلٍ للأثقَلْ
 
و التفَّتْ طُرُقِي مِنْ حَوْلِي
واختلطَ الأَقْصَرُ بالأَطْوَلْ
 
واخْتَلَطَتْ أحْرُفُ لافِتَتِي
فَوَقَفْتُ مَكَاني كالأخْطَلْ
 
لَمْ أُسْطِعْ أن أُكْمِلَ سَيْرِي
فجلستُ وحيداً أَتَسَوَّلْ
 
وَ بَنَيْتُ مَزَاراً وَ مَبِيتاً
لا يَصْلُحُ إلاَّ لَلثُّمَّلْ
 
وَ قضيتُ حياةً واهِنَةً
لا تَسْوَى في نَظَرِي خَرْدَلْ
 
فَعَلامَ تُرِيدِينَ بُكَائِي ؟
وَ أنا ذو قلبٍ مُسْتَعْمَلْ
 
أَبْلاَهُ الماضي لم يَتْرُكْ
شيئاً لِبَلاءِ الـمُستقبَلْ
 
لا تَتَّهِمِينِي في عِشقِي
فأنا أعشقُ حتَّى أُنْحَلْ
 
والجملُ وإن يعطشْ يصبِرْ
وَ كَفِعْلِ الجَّمَلِ أنا أفعَلْ
 
أَهْلِكْتُ شَبابي وسنيني
فَرَمَتْ بِي في صفِّ الكُهَّلْ
 
وَ وقفتُ بعيداً لأشاهدَ
قصةَ عُمرِي وهِيَ تُمَثَّلْ
 
رفعوا خنجرَهم ودموعي
لم تجعلْ أحداً يَتَمَهَّلْ
 
والتهبَ المسرحُ تصفيقاً
وأنا أُطْعَنُ وأنا أُقْتَلْ
 
فَعَلامَ تظنينَ بِأنِّي
آتٍ مِحْرابَكِ أتَبَتَّلْ ؟؟
 
دَوْرُكِ في الـمَشْهَدِ فَرْعِيٌّ
بِوُجُودِكِ أو دُونَكِ يَكْمَلْ
 
وَكِلانا مكتوفُ الأيدي
وَ سِتارُ المسرحِ لا يُسْدَلْ
 
والـحُكْمُ الصادِرُ في أمرِي
حُكْمٌ فَصْلٌ لا يَتَأَجَّلْ
 
فدعيني في موتي وَحْدِي
فأنا والغُربةُ لا نُفْصَلْ
 
ما دامَ الوطنُ بلا شيءٍ
فالموتُ على شيءٍ أفضلْ
 
 
فانطردي الآن من الجدول


هشام الجخ - إنطردي الآن من الجدول

الأكونت الرسمي والتسجيلات الأصلية لقصائد وأشعار هويس الشعر العربي هشام الجخ 