حـظَــك كـــــــده

 

 

 

 

مكتوب عليكى تحبى واحد قلبه صدى

لا الفرحه تقدر تنعشه ولا حزن يقدر يرعشه

ولا نكته حتى تفرفشه ولا حتى خضّه

مع ان قلبك من دهب

مكتوب عليكى تحبى واحد قلبه فضه

حظك كده

 

كل البنات اللى فى حياتى قبلك

أستنونى نمت وغدروا بيا

عِدِّى جوابات الغرام اللى فى دولابى

شوفى كام مره اتغابيت وفتحت بابى

مره بيضه ومره سمره

دى طويله ودى تخينه

وأردنيه ومغربيه وفى الروسيه

وفى العجوزة ..وفى الصبيه

وفى النهايه الكل بردك غدروا بيا

أحتمال العجز فيا

 

المهم انى خلاص ما بقتش قادر أحب تانى

جسمى نحس من السهر والانتظار ومن الاغانى

 

انتى أجمل واحده حبتنى فى حياتى

رقه الكلمه فى شفايفك

الخيال اللى محاوطنى

ومحاصرنى وانتى غايبه كأنى شايفك

العيون المعجزات اللى بخاف أرفع عينيه

يغضب المولى عليه

والله ما أنا عارفلى خوف

أنا ببقى خايف ربّى ولا ببقى خايفك

 

إنتى بِكْر كل

حاجه فيكى بِكْر

الشوارع والمدرج والأمانى

جوه منك لسه بِكْر

أما أنا جيش مالحريم استهلكونى

يا ما رقدوا و يا ما لعبوا ويا ما سكنوا

فيه إيجار وفيه اللى ملك وفيه خدتنى وضع يد

صبحت حكر

وانتى بكر

طب هاينفع؟

 

عارف أنها مش خطيئتك

إنى عيشتى معقده

بس اعمل ايه

حظك كده

 

هشام الجخ - حظك كده

هشام ألجخ متصدقيش.mp3

هشام الجخ _ طبعا مصلتش العشا

هشام الجخ _ ازيس

هشام الجخ _ ازيس - اجمل قصيدة ممكن تسمعها

ايزيس - هشام الجخ

هشام الجخ - متزعليش

هشام الجخ_هنساك_حزينه جدا جدا 💔

قل اعوذ من الشيطان إن كان بشراً او كان جان ، دا الانسان لاخيه الانسان واحنا واخوات واصحاب وجيران
المرتاح يدي التعبان بيقا مافيش فقر وحرمان 
صحي الحلم ونام في امان احضن قلبك واصبح حر .. اصلع ضايع منه تاريخه منصور يعني على النابتات ، كتر الرقع شاكوش في دماغه وصبح غنوه و برتمات .. مسكو دماغه كشفو عليها قالو صعلوك لكن ابن ذوات 
وطى دماغه للي قراوله قامو كتابوله الابعد مات .. سيبها على الله هيا على الله امال يعني ياواد على مين ، بس انشاالله قولو انشالله تفهم كل البني ادمين ان الدنيا زايله وفانيه وان الله مع الصابرين 
عيشه الزحمه بفول او لحمه مش هتغير اصل الدين

سيبها على الله - حين ميسره - ممدوح مداح

الشاعر هشام الجخ 
قصيده متزعليش

هشام الجخ - متزعليش.

هشام الجخ - ايزيس ♥♥


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

هشام الجخ - أيوة بغير Aywa Ba3'ir - Hisham Al Gakh

الأكونت الرسمي والتسجيلات الأصلية لقصائد وأشعار هويس الشعر العربي هشام الجخ 

هشام الجخ - أيوة بغير Aywa Ba3'ir - Hisham Al Gakh

Algakh