polca

Rolo y Los Impecables - Preciso de Usted

Isla Saka.. Arpa Paraguaya...Polka Paraguaya..Musica y show Promociones

Francisco Russo - Ahama Ko Che China (Che la reina)

Polcas, Vol. 1

Che Cambá Resa Yayai

Te invito a visitar https://www.facebook.com/ValorandolaMusicaParaguaya
ANGE  PYHARE

Letra de APARICIO DE LOS RÍOS


 Ange pyhare yvága hovy ryakuã yvoty guýpe

 Rohecha ypy mba’e neporãva mborayhu memby

 Chepy’arory añandu ikyrỹi ajávo ndeypýpe

 Romomorãmi mba’éicha rupípa ãicha ndejuky.

 

 Márõ nde jave che remimbyasýpe oiméne iporãva

 Ha imarangatúva nde reko yvotýpe kuñataĩmi;

 Nahi’ãipa ndéve che retã memby che ã reraháva

 Ne rembe kyrỹi mborayhu ykuágui chemboy’umi.

 

 Pévare ajapo ndéve purahéi ñane avañe’ẽme

 Naimo’ãigui oime ambue ñe’ẽme he’ẽmbochyve;

 Ha ipype ohypýi che rembiay’uhéi ysapy satĩme

 Aropurahéivo ndéve aropojái mborayhupavẽ.

 

 Nahi’ãiko che ku ijaheipy tesaráipe oikóva

 Pévare aju ndéve aropojái che ñe’ẽyvoty;

 Chéko avei ambueichaite aporohayhúva

 Ha ndéve ğuarã che ñe’ã mbytégui péinama ipoty.

 

 Ndoje’oiva’erã pe nde pukavy che resa’ỹikuágui

 Romoñe’ẽhápe nderehe ama’ẽvo ange pyhare;

 Hi’ã roañuã romokunu’ũ ko che jyva ári

 Tove toikuaa mayma ohecháva che vy’apavẽ.

 

 Nde ratypykua eirete yvu he’ẽ paha’ỹva

 Yvága poty hory kangymíva nde resa jajái;

 Ha ne ñemonde ryakuã potĩ hyjuipareíva

 Ndejojaha’ỹva máva nde jave kuña Paraguái.

 


Marco de Brix - Ange pyhare

Te invito a visitar https://www.facebook.com/ValorandolaMusicaParaguaya
CHE ROGA
Oiméva che róga ñu jhovy mbytépe
jhyacuä porängue pe nda iyoyajhai
iñemondejhára ara pyjharepe
morotîva ndeicha jazmín Paraguay.
 
Nicho yvyra migui che abogado róga
tataindy mocöime oyejhesape
jha jhovái perchel pe jhenyjhë che cóga
che año mi upépe ambayty vaecue.
 
Tranquera rovái che róga rocára
omboyegua pava maymaró yvoty
oime cu diamela nardo ty iporáva
guyra mi iparáva jho'úva ysapy.
 
Cuarajhy oyayvývo ca'aguy cupe pe
oga renondépe ayesareco
ajhenói nde réra che cu guy apyte pe
pañuelo apyte pe che mbo yajhe'o.
 
Jha iporä che röga ara pyjhare pe
jhyacuä porängue pe yvoty meme
ake miro iguype rojhecha che képe
nde nga'u la iyára ña mano meve

Los Orrego - Che roga

Te invito a visitar https://www.facebook.com/ValorandolaMusicaParaguaya
1° DE MARZO

Ko che purahéipe hi’ãite amombáy Paraguái porãme
Ha oiméva oikove ñande ru yma tojapysaka
Tambopu diana tohendu oĩva ko ñane retãme
Mba'épa ha'e añatõi jave ko che mbaraka.
 
Péina che tapỹi ambojeguapa cinta tricolórpe
Amomaiteívo primero de marzo ko’ẽju pytã
Che irũ cherovái rombovívami pe Solano López
León intachable ohayhuva’ekue Paraguái retã.
 
Ohuã’iva’ekue mbohapy tetã ñanerundipávo
Lanza ipopekuéra, bayonetaita hatiãirei.
Oñepysãnga Tujutĩme oikévo batalla rekávo
Upépe ohecha mba’épa ovale raza guarani.
 
Ha Solano López kuimba’e añete hetã ohayhúva
Rovy’ava’erã ndéichagua yvy ári oimérõ mokõi
Peina purahéi che py’ambytépe ndéve añonáatúva
1° de marzo ko nde yvy ári este día heñói.
 
¡Viva el Paraguay! Péina asapukái ã Chako ruguápe
Ajapo haĝua López rapekuégui puraheirãmi
Apoi yvytúre oĝuahẽ amo Cerro Corápe.
Sepultura ári oĩhapehína ñande karai.
 
Ha cincuenta y seis año omboty este día iko’ẽvo
Del año setenta ku Cerro Corápe ñorairõhague
Uperõje López henda blanco ári hetã odefendévo
Ijespada ipópe ibandera guýpe al galope osẽ.
 
Ocumpli iley "Vencer o morir" tupi renondépe
Coronel ta’ýra, ijykére osẽ Resquín avei
Kambáre okopi hetã rayhupápe tatatĩ apytépe
Nopensái la vida ome’ẽtaha, noinbyasýi voi.
 
Hi’ãntéva chéve cada oĝuahẽ primero de marzo
Che jurúgui osẽ ñe’ẽ iporãva poravopyre
Japaga haĝua ñande debeha a los veteranos.
Umi ñande ru ñande tricolor defendehare.
 
Tujutĩ, Kurupa’yty,
Estero Bellaco, Ita Yvate
Ytororõ, Cerro Corá
Solano López upépe oime.
.


1º de Marzo, por Ñamandu

Te invito a visitar https://www.facebook.com/ValorandolaMusicaParaguaya

Los Alfonso - Escuela tiempo pe guare - Terere jere - Mita'i churi

Hoy, 22 de agosto es el día del folklore  nacional y, que mejor oportunidad para celebrar este día  con ésta canción de Emiliano R. Fernández,  el cual permite, además de disfrutar la música, poder  sentir el fuego que surge de su letra que toca mi alma de paraguaya porque en ella se exalta el heroísmo de nuestra raza  y pone al Paraguay por encima de cualquier contingencia de una forma tal que me hace vibrar y exclamar un ¡Viva el Paraguay! ¡Vencer o Morir!

13 TUYUTI

Alberto de Luque - Tu cabecita en mi hombro

Guavira poty


Che mbarakami nde pu asyetéva 
reikuaapaitéva che mba'e mbyasy.
Aropurahéita ku che ahayhuetéva 
mombyry opytáva guavira poty.

Caballero pueblo chepepomopêva 
ikatuve'ÿva ndehegui aveve.
Mitã tyre'ÿicha che mbopadeséva 
ahechave'ÿgui ku Zavala kue.

Timbo jero'a tape ári oîva
upépe váicha osê oñembo'y,
che kamba porã ijao humíva,
ryakuã porãitéva guavira poty.

Kóite... kóite... rohechaga'úva, 
al meno ko'ãga oikéma ro'y,
eju che kamba che mbokerairûva 
ani ne ñaña guavira poty.

Anike ere mombyry aimére
péva ja ohoitéma ndouvéi haguã,
ani repena ko yvy apére,
ndaipóri kuña nde rekoviarã.

Che mbarakami asyete nde púva,
emokãna chéve ko che resay,
topi chehegui mba'asy añandúva
ahechaga'úgui guavira poty.


Guavira Poty

ÑANE MITÃRÕ GUARE
 
Ymámipako ñande jaháva’erã kañyhápe
ako taruma’i guýpe ñamopotĩ verapa;
jaguapy ha ñaha’ã Tikichuéla ku vy’ápe
Ñande sýgui ñemihápe asajekue oke aja.
 
Térã jahami jaike yva reka ka’aguýpe
 Jaiko jaipo’o ty’ãime apepu ha guavira;
Nde ao ruguái renyhẽ rerúva’erã torypápe
 Ha che ku mburukujápe nde áva amboyvotypa.
 
Ko’ẽ ha jaikóva’erã mokõive pe kokuerére
Oñokuãro kõinguemícha jajuayhu porã asyete,
Ñanandýpemi jaike ku tape karẽ sa’íre
Ha umi kaysã ruguáre ñahendu guyra ñe’ẽ.
 
Oĩmévaje ako y upa akóinte iporã hekópe
.Jaha hague mbyry’áirõ ka’arukue jajahu
Pe ýpe jajohypýi, jajuapi yvy ku’ípe,
 Ha upégui ku piro’ýpe pytũmbypávo jaju.
 
Ñasãindýrõ pyhare, ñasẽmi pe nde rokáre
Kapi’ipe rovyũme ñande ñañombojaru,
Ha upérõmi ñañandu hakuvy ñane ñe’ãme
Kunu’ũ porã apytépe ikyrỹiva mborayhu.
 
Ko’ágãramo guarã... che képemante rejúva
Che moyrũmívo Florencia ndavy’áigui che añoite
 upégui ku apáy rire che py’a hory asýva
Che mandu’áramo aína ñane mitãrõ guare.


Letra: Crispiniano Martínez González
Música : Demetrio Aguilar

Alberto de Luque y Amambay Cardozo Ocampo - Ñane mitâro guare

Polkenos - Seleccion de polkas

Te invito a visitar https://www.facebook.com/ValorandolaMusicaParaguaya
 KUÑA GUÁPA
Gallokuéra osapukái ko’ẽtĩ oñemboja
epu’ã eñakãkãrãi kuña guápa tahecha
toku’ékena tumby tojuasáke tetyma
typycha tojeroky taiñesperánsa kosina.

Ka’ay tahetyma, tahyjúi ha tahaku
hendaguépe kaferã aje’íma topupu
tokarúke ryguasu, tombo’a, tahyguãtã
y pyahu tojereru, kambuchi torrevosa.

Toîmba tembi’urã tata ári tahaku
hendaguépe ao ky’a heta põrã taijaruru
morõtĩva kamisa taipotĩ tahyakuãvu
ani anga hesa’yju ovyvyha rupi opyta.

Savana kotypegua taipotĩ tapiaite
portiju ladosegua taheve káda ko’ê
koty’ípeke toiko torypápe la karu
pukavýpe tereiko, torrendi che mborayhu.

Kane’õ ladosegua araíre tohopa
osoróva umi che ao pya’ete erremenda
nde deber ka’arugua pohãita ku tererépe
téreho che rendaitépe ha upéi tamerenda.

Oguãhẽvo ka’aru tereho eñempolva
tojajái umi nde resa ha py’ỹĩnte che retũ
kuña guápa nde rekópe virumi reipurukuaáva
ha ko’ẽramo tupaópe ñamenda mba’e haguã.

Letra: Clementino Ocampos
Música: Francisco E Larroza

Guavira Poty

Alicia Galeano

Related tracks