عمر طاهر - شعر

إبراهيم : لأ! مش محتاج حد يترافع عنى .. ومتشكر قوى للمحكمة اللى إنتدبتك عشان تكمل الصورة المزيفة للعدل وللقانون .. إتفضل يا أستاذ أنا مش لازمنى محامي .. أنا أعرف أدافع عن نفسي كويس .
شكري : خلصت اللى عندك ؟ ، قسمتك بقى إن أنا أترافع عنك .. عجبك مش عجبك حترافع عنك .
إبراهيم : الله !، قلتلك مش محتاج محامي ..إتفضل ! .. ياشاويش حنفى!!.
شكري : أنت يابنى خايف لأكسب القضية؟ من الناحية دي إتطمن حخسرها .. تسعة وتسعين فالمية حخسرها.. وحيحكموا عليك وحيكون حكم قاسي قوي..وللمرة المليون حيقولوا عليا محامي حمار.. نعمل ايه ! قسمتنا كده.. حمار بيترافع عن حمار .
إبراهيم : طب أااا .. لما أنت عارف أنك حتخسرها جاي ليه ؟
شكري : تنفيسه ..تنفيسه ليا ولك .. كلمه حلوه نقولها.. صحافى يلقط مننا لمحه نضيفه.. قاضى تفلت منه كلمة شجاعة .. أهى تنفيسه للكل .. زمن! ..زمن يبرروا فيه إنهم يرموا البمب على دماغ ناس ملهمش دعوة بالحرب خالص وعايزنى أكسبها!؟ .. زمن بتتشوي فيه الناس فالأفران عشان لون جلدها أحمر ولا أصفر ولا عنيها مسبسبه وعايزنى أكسبها!؟ .. زمن بيلموا فيه ولاد الناس سن ستاشر وسبعتاشر سنه ويدفنوهم فالرمل بإسم الحريات الأربعة ! وعايزنى أكسبها!؟.. زمن بيكسبوا فيه خمس تلاف جنية فدقيقة ويغلو على التاني أجرة التروماي وعايزنى أكسبها!؟ .. كل اللى أتمناه أنهم يخففوا عنك الحكم ولو شويه .
أبراهيم : ( على وجه علامة التعجب والذهول )

حكمت المحكمة حضورياً على المتهم إبراهيم عبدالعزيز الشرقاوي فالسجن خمسة عشر عاماً مع الشغل والنفاذ
>>>
سيناريو وحوار : محسن زايد و يوسف شاهين
إخراج: يوسف شاهين 
إنتاج :1979
--------------


وعايزنى أكسبها ؟!! - محمود المليجى و أحمد زكى - من فيلم إسكندرية ليه؟ لـ يوسف شاهين

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

الموسيقى التصويرية لأجمل مشهد فى مسلسل الخواجة عبد القادر

الباب المفتوح فيلم تم أنتاجه عام 1963 عن رواية " الباب المفتوح " لـ لطيفه الزيات ببطولة فاتن حمامه و صالح سليم و أخراج هنري بركات 




الباب المفتوح - حسين و ليلي

قصيدة من قصائد عمر طاهر 

3 AM | Omer Taher |عمر طاهر |3صباحاً

متهيألي اننا هنسيب بعض قريب جدا
علشان كده
رجعت أوضتي النهارده بدري علشان ارتبها..
من ساعة مابدأت علاقتنا
والأوضه غرقانه في الفوضى
حبات الشاي الغرز نشفت في الكوبايه
واخر شفطة نسكافيه اتحجرت في كوبايه تانيه
وبعدين اتشققت زي ارض عطشانه
كتب في كل حته
ماخلصتش منهم ولا واحد
والطفايه لقيتها فين؟
خمني..لقيتها في ايدي...
دش خفيف شال الملح اللي اتحجر حوالين ابتسامتي
ورحت فارد نفسي في سريري
وسبت المزيكا تلف في سقف الأوضه
وأنا حاطط التليفون جنب راس المخده..
مستني مكالمة
تزرعي فيها ألغام مابينا
ألغام تسمح لكل واحد فينا
انه يبعد بثقه
ومن غير أي خوف من عذاب الضمير
ارجوكي.. اتصلي دلوقتي
انا الليلادي باحلم بنوم عميق

الغام | عمر طاهر | Omer Taher | Al Ghaam

عمر طاهر | بطولة مطلقة | Omer Tahe | betola motlaka

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


عمر طاهر | عمارة3 و| Omar Taher | Emara 3W

تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”


― عمر طاهر


عمر طاهر | تخيل | Omar Taher | Tkhayal

ــ يوسف.. عارف وانت صغير كنت لما بتمشى بتدب ع الأرض.. دلوقتى أنت منش عاوز تلمس الأرض.. عاوز تطير ... عرفتك من خطاويك
شوفت اللي حصل؟
ــ فضحت الناس كلها
ــ ليس على الأعمى حرج.. بس بيقولك ان الهرم نزل جري من بيت فتحية والحشيش بيقع من سيالته.. مش خسارة الحشيش اللى وقع ف الأرض ده!.. مش كان أبوك برضه أولى بالترا لم لم ده 
(ضحك هستيري)
ياااااه.. يا سلااام.. وبقيت تعرف تضحك يا يوسف.. والله كبرت يا يوسف ووشك اتنحت
عرفت انى سوقت الفيسبا بتاعة الواد سليمان وفرجت الحتة كلها؟
ــ أه عرفت
ــ عارف يا يوسف.. أنا ساعات بقوم من النوم يا أبني نفسي مقبوض.. حاسس إنى ها تخنق.. ببقى عاوز حاجة واحدة بس.. أسوق موتوسيكل.. وأطير بيه

الكيت كات - الأب والابن (حالة)ـ

"بعمل ايه أنا بقى وسطيكم! - أحمد حلمى-  "عسل أسود

8 حبات ريفو
 
ديوان الصُغرى 7
أشعار بالعامية المصرية
 
:أشعار 
عمر طاهر
 
:موسيقى
يوسف العدل
 
تسجيل:
أسامة كمال
 
تصميم الكوفر:
عاليا عبدالرؤوف
  
الناشر:
أمد
 
عمر طاهر
https://www.facebook.com/OmarTaherLovers
 
يوسف العدل
https://www.facebook.com/youssefaladlofficial/
 
أمد
https://www.facebook.com/amadproductions/

عمر طاهر - 8 حبات ريفو

الراديو
 
ديوان الصُغرى 7
أشعار بالعامية المصرية
 
:أشعار 
عمر طاهر
 
:موسيقى
يوسف العدل
 
تسجيل:
أسامة كمال
 
تصميم الكوفر:
عاليا عبدالرؤوف
 
الناشر:
أمد
 
عمر طاهر
https://www.facebook.com/OmarTaherLovers
 
يوسف العدل
https://www.facebook.com/youssefaladlofficial/
 
أمد
https://www.facebook.com/amadproductions/

عمر طاهر - الراديو

نجف
 
ديوان الصُغرى 7
أشعار بالعامية المصرية
 
:أشعار 
عمر طاهر
 
:موسيقى
يوسف العدل
 
تسجيل:
أسامة كمال
 
تصميم الكوفر:
عاليا عبدالرؤوف
 
الناشر:
أمد
 
عمر طاهر
https://www.facebook.com/OmarTaherLovers
 
يوسف العدل
https://www.facebook.com/youssefaladlofficial/
 
أمد
https://www.facebook.com/amadproductions/

عمر طاهر - نجف

علاء عبدالخالق
 
ديوان الصُغرى 7
أشعار بالعامية المصرية
 
:أشعار 
عمر طاهر
 
:موسيقى
يوسف العدل
 
تسجيل:
أسامة كمال
 
تصميم الكوفر:
عاليا عبدالرؤوف
 
الناشر:
أمد
 
عمر طاهر
https://www.facebook.com/OmarTaherLovers
 
يوسف العدل
https://www.facebook.com/youssefaladlofficial/
 
أمد
https://www.facebook.com/amadproductions/

عمر طاهر - علاء عبدالخالق

البلكونات
 
ديوان الصُغرى 7
أشعار بالعامية المصرية
 
:أشعار 
عمر طاهر
 
:موسيقى
يوسف العدل
 
تسجيل:
أسامة كمال
 
تصميم الكوفر:
عاليا عبدالرؤوف
 
الناشر:
أمد
 
عمر طاهر
https://www.facebook.com/OmarTaherLovers
 
يوسف العدل
https://www.facebook.com/youssefaladlofficial/
 
أمد
https://www.facebook.com/amadproductions/

عمر طاهر - علاء عبدالخالق

Amad

Recent comments

Mohamed Elsayed

khaled abu zaid

khaled abu zaid

Hani Mohmed

Related tracks