Les mots sont tellement beaux que la beauté ne peut y croire, et moi de même. Une beauté accompagnant chacun sur son chemin, à travers le temps, et avec le temps, elle-même se démentant et réalisant qu'elle ne répand qu'un voile de tromperie... déconcertant

Favorite

خلّيني

العازفات

الحكاية اللي ما بتخلصش

مزيج من مقطع "البداية الوحيدة لشيء جديد" نص  مي فتحي، وهندسة صوتية وأداء زينب فرحات
ومقطع"ماكانتش بداية" نص وأداء وهندسة صوتية لـ ستيفن مجدي
تقدروا تسمعوا تراكات أكتر لستيفن من هنا :https://soundcloud.com/steven-magdy/tracks

الحكاية اللي ما بتخلصش

عسلامة يا حمامة يا أم الشعر مشبشب و الراي مدبدب و الضحكة فضيحة و الرقعة صحيحة ...شنحوالك؟ شنحوالك و كيفنّك و ما أحنك وحقارة انت متلّفة الجرّة و كان نحلّ الصّرة نلقى خيط من شعرك متسرسب و مكتّف عشرة ملايين مرابيط والتّهمة حبّك بالسّيف و أنا لاني سارق لاني مجرم و حتّى مالتّحليل نظيف.. أما مدمن، مدمن و مستعرف و نعرف إلي بش نباسي، أما الله غالب راسي صحيح و ما عندي وين يدور الريح. كي تاقف قدامي بالروبة الخضرة، و تجري في دمي كي شرارة حمرة، نبوسك لا حشمة لا جعرة، وشماتة في الشعر المسبسب و الغصة ألي خنقتني. خاطرني كافر بيهم و ممن بيك، و البوسة منك ركعتين لعينيك، أما نمن ألي الحب مش في الكتب، الحب في الشوارع، حب الدنيا في ضلام الليلة، يزعزع و يزلزل و يزرزق، و يلمها شليلة و مليلة. زبل بقطاطسها، مراكز بكلابها، تتلم بقرطاسها، تتبع بسوردي في الحفصية، و المعلم يغني "الشعب يا ليلى يعاتبني"، و ينقز يقطع من سور القصر، ونحفلوها من قرطاج لباب بحر. على حجرك ممدود و نمد العود، تولي إنت ليلى ، و أنا رباني مجنون، و نغطسو للرقبة في العز، أما طز ! منين العز و انتي المشكل و الحل، إنت الحرية و الربطية، في الغناية انتي الضرورة الشعرية. و عسلامة يا حمامة، قلي منين هاربة منك ليك، وانا لا نحبك لا نصبر عليك.

عسّلامة يا حمامة - (A peine j'ouvre les yeux)

JARISTES - BKIT ALIK YA ZMEN بكيت عليك يا زمــان (Official Music Video).mp3

نمّن بيك
ونمّن الي الليل بطولو
يبات يهتري ويحكيلي عليك
كيفاش في اولو تجي
وفي اخرو مشيت
وحبيت نرجعك ونجيك

نمّن الي ماتحلى تبربيشة
كان في جواجيك
وماتحلى الغزرة
كان كي تترشق في عينيك
نمّن الي حتى وانت مكش هوني
لازم نغير عليك

من شنية ؟
مانعرش

من كل شي يفكّرني فيك
من كل باب تسكّر عليّا وعليك
زمن كل صباح
كي فاق وفيّقني سألني عليك

ونمّن إلي توّة لاك عندي
ولاني ليك
وإلي البعد هزني
والوحش هدّني
ونمّن إلي ماني ناسي
الي الرّوح تفنى عليك
والي قد ماحبيت مانكتبش عليك
تشمت فيّا بلومتي
ونلقى خيالك على ورقتي
المبلولة بدموعي الي تفركس فيك
غادي ولا هوني
بين عقاب الضحك
ومرّار الدوني

ونمّن الي وحدي
بش نقعد نعاني في محوني
ونفارع في ايام بيك غرموني

نكذب ...
نكذب وعيني صحيحة
كان قتلك لكلام مش عليك
الله يهديني ويقدّرني عليك
على خاطرني مزلت نمّن بيك
ونحب ... نجيك ... ونورّيك
إلي شي ما نسّاني فيك

وباقي ندعيلك
وندعي عليك
بغزرة من شفرك
ترجّعني مرشوق في جواجيك

بوقت تعدّى وتعب
وهو يستنّى فيك
بنفس ما نجّم يتحس
ويتكلّم كان ليك
بتنهيدة بلاحت
بعد ما صاحت
متسميّة عليك

يزّي ... يزّي ... يهديك
والله مانجمت نخطاك ولا ننساك
ولا نحّي كل صنعة تفكّرني فيك

نكرهك ...
نكرهك
ونتشمّت فيك
ونوجعك
ونتوجع اكثر منّك

انا الحضن الي يلمّك
حتى وانت ماسمّك
تي حب يلمّك
واش يهمّك

وساعات ماكسحك
وساعات ماحنّك
وديما ماقواك
وديما مابنّك :
وقت تضحك ... تتبسّم
وأنا عليك نتدكّك
نلبّك ونزيد نغمّك
ومن روحك لروحي نضمّك

يزّي من الكلام الي يكتب
ويزّي مالسكات الي يعطب
يزّي من بالي
الي ياما فيك سرح
وفي كذبة عاش وفرح
ولحقيقة قلب مالجفى تذبح

تي ... يزّي ... الزّح ...

ماعادش في الصدر ليك هواء
وماعادش جهد للشقى
وماعادش عشقة بأختف تتعطى
وماعادش في القرجومة ليك دعاء

يا بلوة
يا هم
يا صفا

كل شي خذيتو
ما عاد عندي مانعطيك
ولا الدنيا نجمت تورّيك

اما والله نمّن بيك
وباقي ندعيلك وندعي عليك

[Amine.G]

نمّن بيك

ما كانش حبْ
سمّيه إلي إتحبْ
سمّيه جريه في الظلمهْ
سمّيه تشعبيطه في حلمهْ
يمكن عجبتني الكلمهْ
يمكن غلطه يمكن نزوهْ
يمكن زاده شهوهْ
يمكن توحشّت الدّمعهْ
انا كيف إنحب ممكن إنهد الكعبهْ
ممكن انفوت عرش الرّب بخطوهْ
ممكن نمشى عل الماءْ
ممكن في وسط النار نترمى
ممكن نرجع سنابل من قلب الرحى
ممكن في كرش الحوت نتنفس هوا
ممكن نولي خيال كي نرمي لعصا
و قدّام عشقتي نتهد و نهدّى
في الحب لا قبلي ولا بعدي
و حد الرب حدّي
ما كانش حبْ
سمّيه إلي تحب

سمّيه هبال وعجب
سمّيه تزيلفة تلب
سمّيه غصرة في الشدة تتعشق وتتحب
ولا ممكن غزول وفوارة عصب
وممكن ندوة مطرة كي تصب
ولا شيخة كاس ولفي كي عليك تكب
ممكن تخلويضة كي راس المجنون
ولا ممكن جاشي فيك مرهون
اشتهيتها ظلمة والضو طافي
حبيتها حلمة ولكنين حافي

سمّيه تعفيسة عالتراب
سمّيه شيب بعد شباب
سمّيه تخرنين شياب

جربت نتنحر
جربت غطسة في بحر
جربت السر
الي في قلبي تحفر
وحبيتك تتكلم وتقلي
حبيتك تنويلي كي تصلي
وتغسل ذنوب الحساد
وترجع الروح مالرماد
وماتحسبنيش واحد مالعباد

يمكن ترويني شربة الماء
وتزيلفني لحفة لهوى
وترتحني جغمة دوى
اما انا مزلت نلوج على غزرتك عالخوى
يمكن توحشت نحبك
ونحج لزنودك ولحجرك
ونتسمى رعشة في صدرك
ممكن توة يطلع النهار
ويفسخ شطر الي صار
يسميه تخلويض وخنار
ويمسح دمعة تزرعت في خدي
ويقهر فرحة في عيني خيالها متعدي
مانجمش نقدك
لا ندك من ندي
في دين الريد نشهد بشفرك
وهاكا حدي
ماكذبتش كي عشقتك
وما حنثت عهدي
وماكانش حب
إلي كلى على عمري وشرب
انت تعرف مايا وين يصب
وسمّيه إلي تحب

[Amine.G] & Saief Ezzine

ما كانش حبْ (Amine.G & سيف الزّين)

علاش ما جيتش ؟.m4a

كنت مخُبّيِتْلِك في القلب تَرْكينة كبيرة 
كُنت نْرى في غزْراتِك كلامْ لِيّ 
ما تْقالِّيش، 
كانت غزْراتِك لِيّا حروف حتى كتابك ما نْقشْهُمش
كنت نِسْتنّى الليل بِش نْصوّرِك أبيض في سماء كحلة، بِش نِجري وْرا حِلمة نْعنّقِك فيها لين نِتِدْفِن فيك 
كُنت نرى فيك أكا النجمة إلِّي حدّ ما وْصِلِلْها أما أنا خْطفتها و خبّيتها عندي 
كُنت نْراك في غناية فرحانة إدّندنلي فيها ، في تسلطينة من تسلطينات أم كلثوم، في معزوفة نِتخيلك تسمع فيها و انت تِكْتِب في نَصّ و لا تْفركِس في فِكرة
كنت نْفس بنين، كُنت شربة ماء نِتِرْوى بيها، كنت هربة من كل حاجة ملزومة عليّ، كنت ساعة في نهاري لازمة و مِشتهِيّة، كنت ريحة لاهي في بلاد السّند و لا في الهند، كنت نْراك كان لِيّ و نِتخيلك فِيّ
كنت عندي ثْنِيّة، نِمشيلْها و أنا مْغمّضة عِنيّ
كنت كيف قصيدة نثرية مُش الكُلّها قوافي أما تِتحفظ بسهولة و تِتحبّ، تِتِكتب في الحيوط و تِتغنى
كنت اللمعة إلِّي في عِينيّ، كنت القصيدة إلِّي تحكي عليّ، كنت الحكاية المِتخُبِيّة نخاف نحكي عليها تموت و تِمشي كيف ما ألف حكاية سِبقِتها
كنت مْعاك كي الغِشّيرة، بتفاهتي و تْقرعيشي ساعات، بكل حاجة باهْية و خايبة فِيّ، ببساطة تفكيري، بمحبتي الكبيرة المِعْمية، بكلامي إلِّي مُش محسوب، بقلب كبير كان نلقى راني لوّحتو في شطر الثنية 
كنت أنا الشيطان و نرى فيك الملائكة إلِّي فِيّ، كنت كي اللمعة إلي في عِينيّ 
كنت كل شي فِيّ، الفرحة و البكية، الضحكة و الدّمعة المْخُبية، كنت هدية و مُش كي كُلّ هدية
كنت القُوّة إلِّي فِيّ، كنت ضُعفي إلِّي تْشوفو من غير ما أنا نْحِبّ نْورّيه، كنت 
كنت نرى فيك النار إلِّي حتى كان في جهنم نِشتهيها، نِدّاوى بيها 
كنت نِتخيل في روحي في كلامِك، و نِتصوّر إلِّي وِجهي حاضر و موجود في كل كِلْمة تِكتِبْها، كُنت و كُنت و كُنت.. 
و اليوم ترْكينْتِك في قلبي صْغارِت، تْعِدْمِت و انت قْتلْتها و عينيك طلْعو يشوفوا غيري، و كلامِك طْلع مُش لِيّ و ما طْلعْتِش موجودة فيه، اليوم قلبي إلِّي حبِّك حْلِف إبدِّل الثنية و انت ما عادْش ثنِيّتو، اليوم كلامِك ما يعنيش حاجة، اليوم حكايتنا ما تعنيش حاجة، و انت ما تعنيش حاجة و أنا نْحِبّ نعني حاجة لروحي من غيرك انت.
_زينب الحامي

كُنت...

أحيّت منّك كي تلبس الtalon
والjupe لقصيرة مع الcollant
العين تتشهّى ... لا لا تعشق pardon
وأنا مبلي بيك de toute façon

انت إلي تتغرم وماتحكيش
كيف قلبي إلي يدق ومايورّيش
كيف روحي الي تتنفّس وتحب تعيش

شوية عليك محلاك
وانت تتبختر عاملة بلعاني
بش نقعد مبلي بيك ومانبراش
ونزيد نهزّك ونحطّك
تي إي ... مانحياش !

تي كيفاش ؟
تحبني نحيا بلا بيك
وانا النفس نسرقو من رواريك
ادبغ الكاس بحمّيرك اش عليك
واحقرني ... واعمل مافيبالكش
بالك ننساك ونرجع نجيك ...

تي انت دوزة لهبال
وكمالة غناية jacques brel

"Ne me quitte pas"
يا سخطة يا صفى
يا كمالة نفس وهوى
تي ايجا لهنا ...

نقرّيك ...
الي تكتب وماتقالش
نورّيك ...
إلي حلمت بيه وماتعاشش
نغطّيك ...
من برد Paris
تي أنطق ... vas y
بش نقعد ديما ... ravi
إلي قابلتك تلوج في taxi

وأنا إلي شيّعتك
تي أنا إلي شبّعتك
بغزرة
لاهي محبّة
ولا هي معزّة

غزرة
ماحبّتش تتربّى
كي شافتك
ويدين ترعش كي وردة حمرة مدّتلك
وعينين قبل ماتشوفك حفظتك
علاش تمشي وعلاش تجي

وعلاش عليك حكيت ومزلت نحكي
وعلاش خلّيتك تمشي
وخليت روحي تبكي

منّك ... وعليك
وكان يرجع الوقت بالتوالي
لا نسيبك لا نسلم فيك ..

C'est bon
وفات التخلويضة
ونجم نحّيلك الtalon
ومانستحقش نقلّك
تعرفني نحبّك absolument

[Amine.G]

نحبك Absolument

وينك ؟
وين مشيت ؟
وينك ؟
نخاف وحدي كي يطول الوقت
وانت لا جيت لا طلّيت

وينك ؟
تي يزّي ايجا
هيا نهبلو
نشنعو نهبلو
نصنعو طيرة وبرشة هيجة

وينك ؟
نحب نحسّك في كلمة
في همسة
في حاجة صغيرة
في حويجة
وممكن في تربيجة
تي خليها ترهويجة

وينك ؟
ايجا هنا
ايجا نكتبو بتبسيمتك شبعة حكايات
ومن ضحتك نلحنو برشة غناء

وينك ؟
راك نوارة الحياة في صحاري الفناء
راك بالشفاء بعد شربة الماء
وبين كفوفك عمري تسقى

وينك ؟
بفرططويك
بخطيفتك
ليلي بعد ظلامو ضوا

وينك ؟
بروبتك إلي تغطي شونك
ايجا نحب نشوفك
ماعندوش كلمة قلبي
بلّي حاولتو ماحب يخونك

تي وينك ؟
نحب نقولب لحمك في لحمي :
نوليو ساق وحدة
صدر واحد
نفس واحد
وذن وحدة تسمع
شفة وحدة
منها نعضّك
وتاكلني وفيها نبوسك

وينك ؟
يا منامة معلقة في السماء
يلّي عاملة بعمايلك
ومستفعلة فيا
مدوختني
ومعلقتني فيك بين هوا وفضاء

وينك ؟
يا شيخة بعد غصّة لبكاء
يا راحة بعد وجيعة تتهدى
يا سكات تسكّرو تسلطينة لغناء

وينك ؟
بش نعريلك كرشك وزنودك
ونكتبلك بعرقي فوقهم كلام
يلبّك ويرويك ومش لازم يتقرى

وينك ؟
يلّي خلقت ال"ح' وال'ب'
وسحرتهم
وبيهم سمّيت الحب
خرافة فيها عشت بين كلام أوراقي
وفي رمشة عين كاينو هب من حبار بلومتي
وجاء لهنا ونوا

تي شي ... ما بدى
وشي ... ما وفى

وينك ؟
يلّي حتّى في قبري
نكتبلك اسمك على كفني
إلي فيه مت وبيك حيا

وينك ؟
يلّي بكلمة منّي تشعل
وبالشيخة تقتلني

يلّي بنيتك في سقف جاشي ڨمره تتدلّل
ومعاها تدلّلني
وكي ما نمسّكش
حياتي تغزّلني

وينك ؟
يا هلال عيدي
يا دواء وجعي
وراحة تنهيدي

وينك يا للاّ ؟
وينك يا فلّة ؟
وينك يا روحي ؟
وينك يا ريدي ؟

وينك ؟ ووين تخبيت ؟
وينك ؟ وكيفاش جيت ؟

وكيفاش دخلت من باب دنيتي لمسلسل وتعديت ؟

وينك في صباحي ؟
راهو هجرك
ودمّار خيالك الغايب
وجفاك ذَبَّاحِي

وينك في لِيلِي ؟
في حضني
كي نسمع قلبك
يصلّي بش يدعيلي

وينك ؟
وشنيّة جنسك ؟
حتى وإنت بعيدة خطفتني
تي حسّيتك من غير ما نمسك

وينك ؟
حتى في غيابك
وسكات خطواتك
معز صوتك ومبن حسّك

تي وينك ؟
مقواك ... ومحلى زينك

[Amine.G]

وينك ؟

Interpretation of tunisian folk song from the region of Jbeniana.
 تراث من منطقة جبنيانة التونسية/مسقط رأس لبنى نعمان

كِبّ الفولارة يا البيّة 
كِبّ الفولارة عالغالي خرج منها دارَه  يا البيّة
كان عندي مْنين و يا البيّة 
ندفع مَهرك مَليونين يا البيّة
حَلْيَكْ و جبينك يا البيّة 
زادتهم تذبيلة عينك يا البيّة
حليك و خْراسِك 
مَكتوبك هزِّك من ناسِك يا البيّة 
لاش ما قولْتِيلِي  يا البيّة 
مشيتي معاه و خَليتيني يا البيّة 
كِبّ الفولارة يا البيّة 
عَالغالي خرج منها داره يا البيّة

Album inconnu (29/10/2017 21:24:12)

Kib Elfoulara - كب الفولارة

Composition : Nejla Belhaj
Paroles : Skander Guetari 
Arrangement: Coy Lurker
Mixage: Franck PASQUOTTI

Nejla Belhaj - Mnema

Mehdy Khmili - قلقت و إلا تخنقت ؟ -〚Live Session〛

نعتذر على البحّة في صوتي و على رداءة التّسجيل، كان تحبّو، النّصّ موجود هوني: 
https://www.facebook.com/notes/shams-radhouani-abdi/%D9%86%D8%AD%D8%A8%D9%91%D9%83/10151224064041359

صفحة كلام شارع: 
https://www.facebook.com/KlemChere3?fref=ts

نحبّك

Writtend & Performed By: Mehdy Khmili ©البورجوازي الفقير
Music: Isolation (on soundcloud) 
♥♥ Follow Me on ♥♥
Instagram: https://www.instagram.com/mehdykhmili/
Facebook: https://www.facebook.com/Mehdykhmili/

وينك ؟

Amine Gallah

Recent comments

Ikhrazen Khadija

Anis Elouni

Nouha Marai

maher

Related tracks