الفيلم الذى احب

احمد راتب 
محمود عبد العزيز
من فيلم البريء

انا بتاع نسوان يا بيه

مشهد من الحلقة 28 لـ إياد نصار و سامي مغاوري من مسلسل موجة حارة
حوار : إسلام أدهم

البلد دي مابقلهاش عزيز - مشهد من مسلسل موجة حارة

حوار يقنع فيه محمود عبد العزيز يحيى الفخراني بانه ينفذ خلطة المخدر المضروبة للاتجار فيها ... اقناااااااع :D

فيلم الكيف - بالمنطق محمود عبد العزيز و يحيى الفخراني

 -    ما انت جريت ورا الرسالة اللي طبت عليك من الكتب
 عملت فيها ابو زيد الهلالي و طيحت ورا العالم بس بسيف ورق
سيف ما ينفعش مع الغيلان اللي روحتلهم راكب فرسه عرجانه
طب كانت ايه النتيجة ؟؟؟؟؟؟
-  انا ما بانامش ما بانامش ... مخي عامل زي خلية النحل 
عقلي فيه الف بركان عايزين ينفجروا و يطلعوا حمم 
حتى كتبي دي ما بالاقيش فيها الاجابة عن الاسئلة اللي بتهاجمني بليل اول ما اختلي بنفسي .
-  كتب !!!! انت لسه ما حرمتش يا ابو العلا ؟؟؟
-  أحرم ! أحرم ليه ؟ ليه ؟ 
الكتب دي كلها غـــلـــط 
" مقدمة ابن خلدون " كلامه عن العمران البشري و أطوار المجتمعات غـــلـــط
لو كان غلط قولي و انا احرقه 
"يوتوبيا توماس مور " حلمه بأرض الفضيلة و الكمال غـــلـــط
قولي و انا احرقه راخر
" النظرات و العبرات " " وحي القلم " " فيض الخاطر " كل دول غـــلـــط 
" الجهورية " " السياسة " الدفاع عن سقراط " " الاخلاق " " المنطق " 
و ده و ده كل المفكرين دول كل دول غلط ! غلط ! غلط !
افلاطون و ارسطو غلط ! 
العقاد و طه حسين و شوبنهاور و فولتير و رسو 
كل دول غـــلـــط كل دول  !! إذا كانوا غلط قولي 
قولي و انا أحرقهم .
-   لا يا ابو العلا الكتب مش غلط  و لا الفكر غلط  دول الصح المؤكد 
بس امتى ؟؟ لما يبقوا عصارة تجربة الانسان 
يعني التجربة الاول و بعدين يبقوا يكتبوا عنها و ينظروها و يحولوها لقانون
احنا اللي غلطانين يا ابو العلا .. غلطانين عشان بناخد قوانين جاهزة و نحاول نفصل تجربتنا عليها 
نبقى بنحبس عقولنا جوا قوالب  قوالب عملوها ناس غيرنا ظروفهم غير ظروفنا و زمانهم غير زماننا
ده اللي انا اقدر اقولهولك يا ابو العلا على اد ما بافهم

*************************************
 
 -    اضحك اضحك كمان ما حدش هيسمعك غيري ع كل حال الحكاية خلصت خلاص
 -   لا ما خلصتش 
 -   لا خلصت 
-   الكتاب بيقول ما خلصتش 
-   كتاب ايه ده ؟
-    دون كيشوت , قريته ؟
-    من زمان قوي .
-    و فهمته ؟
-    انت عايز مني ايه ؟
-   عايز افوقك .
-    يا سيدي انا فوقت خلاص و عرفت غلطتي و مش ناقص حد يفكرني بيها 
-    بس انت لسه ما غلطتش , انت هاتغلط .
-   قصدك ايه ؟
-   ندمك غلط و احساسك بالذنب كمان غلط لكن انت صح 
-   رغم كل اللي اتسببت فيه !
-    تمن بسيط لمحاولة نبيلة  كل اللي حصلك و اللي حصل بسببك ده قدر اصحاب الرسالات , و انت كنت صاحب رسالة رفضت النوم و الكسل و الراحة و قومت عشان تقاوم الشر و تنادي بالعودة للفضيلة و الاخلاق الحميدة .
-    انت .. انت .. انت بتتكلم جد ولا  بتتريق 
-    انا باتكلم جد و جاي النهاردة عشان امنعك انك انت تيأس و ترمي سلاحك و اطلب منك انك تواصل طريقك و تكمل رسالتك , ابو العلا اوعى تفتكر للحظة انك انت فشلت بالعكس انت نجحت و غيرت كل اللي حواليك 
-    و ضيعت جنبهم عشرات كمان 
-    مش غلطتك دي قوة الشر اللي لسه متمكن في نفوس الناس  , الشر اللي حاول يهزمك و يبعدك عن طريقك و قدر يدخلك من نقطة ضعف وحيدة  انت ما خدتش بالك منها ابدا .
-   هي ايه ؟ هي ايه ؟
-   غفلتك عن حقيقة مهمة .... الزمن ده يا ابو العلا مش زمن الفارس الوحيد اللي يقدر بسيفه و رمحه يهزم الاشرار و ينقذ ست الحسن لازم كل فرسان الخير يبقوا  مـــــع  بـــــعــــــض   جماعة يا ابو العلا , هو ده  المفتاح كلمة السر الشعار القديم اللي قال عليه " الكسندر دوماس " في رواية " الفرسان التلاتة " و خلاه قانونهم و شعارهم  ( الكل للواحد و الواحد للكل ) , فاكر يا ابو العلا ؟
-  ايوة فاكره ...
-    طيب فاكرني 
-    انت ... مش ممكن ... انت تشبه .... مصطفى افندي سعفان مدرس التاريخ 
-   اول واحد إداك كتاب تقراه 
-   استاذي ... انا .... ازاي ما عرفتكش ؟ .... ازاي نسيتك ؟
-    عمرك ما نسيتني و لا سيبتني  , لم كتبك ... لم كتبك يا ابو العلا .



الكتب و ابو العلا البشري و الثورة

ياعم ياجمال - توفيق الدقن

- طب مفيش حاجة هترخص ؟
- حاجات كتير هترخص و هتبقي بسعر التراب,
انا و انت و الأستاذ و حضراتكم اجمعين
وسع يا سيدي, وسع يا أخويا, عن اذنك يا مدام,
يا مدام ما بيقفوش بالعرض كده في الأتوبيس وخصوصاً الستات,
الوقوف يا مدام لازم يبقى بالورب
يا سلام عجبتكم الهيافه اوى, - اه - ولو في حاجة جد يبقي بوزكم شبرين, جتكم البلا فيكم وفأشكالكم
يا بتوع معلش يابتوع مسيرها تفرج
دي أزايز القازوزة واقفة مترصصة فى صناديقها ومستريحة عنكم, ولو حد ضغط عليها تفرقع...
يا جُبنا يا اللي صوتكم ما يعلاش إلا في الفارغة,
خليكم فى اللي انتم فيه
ربوا العيال, وروقوا نفسكم ليلة الخميس, ويوم الجمعة اتوضوا وروحوا صلوا, وكفايه عليكم دعا ورا الإمام
جاتكم ستين نيله

وحيد حامد
شريف عرفة

(source: youtube)

عبدالعظيم عبدالحق ـ عادل إمام .. مفيش حاجة هترخص؟! ـ الإرهاب والكباب

مسلسل الدم والنار -ربك رب قلوب

من فيلم الإنسان يعيش مرة واحدة - علي الشريف - عم بكري 
انا خايف علشان مبسوط!!
.. الدنيا ياولدى ليها وشين ابيض واسود ، لما تبقى بيضه قدامك افتكر الاسود علشان تسلم ، ولما تبقى سوده افتكر الابيض علشان تقدر تعيش لبكره.


الإنسان يعيش مرة واحدة - على الشريف - الحالة - عم بكري

اللامبالاة في أقسي صورها - من فيلم الحريف

بسافر بسافر... بهاجر بهاجر .....إمتى حاتلقى المحطة وترسى يا حاير؟.... مر السؤال على مالوش عالسكة اخر... من مصغرى لمكبرى مسافر بأغوى مشاوير الهوى والدنيا... والقطر واخدك فين؟؟.. القطر واخدنى بلا محطة.. واه يا ابا اه يا ابا يابا عليا... لا دار ولا مرسى ولا صبية.. وادينى ماشى فى رحلة الشقا والرزق والترحال كأنى سؤال.. يا هل ترى يا مطرحى الجديد يد القدر بتخبى إيه من بعيد؟؟..كما طفل وأنت العيد بأحن إليك ...قولى وطمنى ...حلاقى رزقى ولقمتى الهنية ولا ..نهايتى فيك


مسافر - من فيلم الزمار كلمات عبدالرحيم منصور واداء رائع لنور الشريف

الشوارع حواديت من فيلم الحريف

مزج لتراكم اصوات العفن حول مصر
الأصوات :-الافلام- ثرثرة فوق النيل , بنتين من مصر, الكيت كات, لعبة الست, هيستيريا
-الاغاني: | احبك حبين: فرقة ابن عربي, ام كلثوم, ريم بنا |, الف ليلة وليلة أم كلثوم
شعر: على طالباب : عن مضاجعة الواقع, أحمد حداد : أوبريت الثورة
موسيقى الخلفية Sukun (Ney)  Huseyin Ozkilic
اصوات "حقيقية" من ميدان التحرير وميادين مصر
شكر للمبدعين الأصليين للأعمال. وشكر خاص على طالباب

01.المزيج العميق_عفن

صباح  الخير يا عم مجاهد , ايه ؟ انت لسه برضه زعلان منى ؟ يا عم مجاهد انت ظالمنى , و رحمه ابويا انت ظالمنى , انت عارف المعلم عطيه كان بيدفع ايجار للقهوه كام كل شهر ؟ خمسه جنيه و ستين قرش وايجار الشقه كان بيروح للميه , والمرتب عملت توكيل لأمى تقبضه كل أول شهر عشان مصروف البيت بتكلمنى عن اايه ؟ عن الحشيش ؟ الحشيش ده هو الذنب الوحيد اللى فى حياتى بعد ما ماتت ام يوسف , مكانش عندى حتى بنى ادم اكلمه انا بكلم الناس حوالين الجوزه , بفضفض بضحك و اغنى فى قعده حلوه لغايه ما اموت بيت ايه اللى انت بنيته مع ابويا طوبه طوبه ؟ كنت فين انت ياعم مجاهدد ؟ قدرت تعمل ايه ؟ لما مرات ابويا خدت الشقه و ادتها لولادها ؟ ها ؟ عملت ايه ؟ الحكايه مش حكايه البيت ياعم مجاهد , المشكله مشكله الناس اللى عايشه و لازم تعيش متظلمنيش يا عم مجاهد , لا مؤاخذه يعنى مغرفه الفول اللى كانت بمليم , بقت بنص ريال , سلام عليكم سامحنى يا عم مجاهد .

يا عم مجاهد انت ظالمنى , و رحمه ابويا انت ظالمنى

أنا مش طالب غير إنسانيتي..
مش عايز أتهان

الإرهاب والكباب - مطالب مواطن

"بعمل ايه أنا بقى وسطيكم! - أحمد حلمى-  "عسل أسود

إننـا ..!! - عادل إمام - فيلم المنسي

محمود حميدة ..انا بخاف  منك  

فيلم بحب السيما "مشهد  .انا بخاف منك "

!! أنا مش كداب هى العقود عندكوا ورق وبس
! حضراتكوا بتاخدوا قرارات بملايين الجنايهات فكل مرة بتمضوا عقد ولا الكلمة بتبقى عقد
العقد مبيعملش الحقيقة العقد بيثبتها بس
كلمة أنا بحبك عقد !!. اللمسة عقد ....النظرة عقد
 ..الوعد بالجواز ده أكبر عقد 

الفيلم الذى احب

Amir Sharmoofer