ئارژەن ئاری - حەز
‎بە دەنگی: #ئەمیر_سیراجەدین
‎مۆسیقا:  Mark Eliyahu - Through Me
‎ئامادەکردنی: ل.هـ.ئـ. #ڕاوێژیسم 

Arjen Arî - Hez

Bi Dengê: Emîr Siracedîn 
Mûzîk: #MarkEliyahu - Through Me
Amadekirin a: #Rawêjîsm



Li hezê digerim bi dilekî mişt hez
Nebînim, bi ser ve nebim jî ez
Ez ê ji dû venegerim…
Li hezê digerim, hezeke wusa:
Safî, sebîl… ne miqabili tiştekî…
û henûn henûn, mîna ya mindalekî:
Dibînim heza berxikê l’ dû makê …
Dinêrim li çivîkê hêlîn li ber helakê!
Ez ê bi ser ve bim, nizanim…
Ya ku zanim; hez nebe, heyat gwîzeke pûç e.
Hez nebe; jiyan goka li ber devê qalûç e:
Eware eware, derbeder
Li ser kevirekî xwelîser, ji qalûç re qûç e!
Li hezê digerim
Di dilê welatekî de li vî diyarî
Min ji welatekî hez kir, hinekî ji j’ vî bajarî
û paşê, dîsa ji welatekî: mîna nanekî çar parî!..
Tavildê welatê ku ev çend min jê hez kir; ji êşa pir, ji giriyê pir, mirinên pir… hezê li şûntaziyekê ew terk kir, û wî jî hez bi gorî Xwe kir bi yek carî!
Li hezê digerim, niha…
Dizanim; dengê xwezayê ye hez
Herikîna avê, guvîna bê, xuşîna spîndarê…
Min xezalek wenda kir li vê pesarê:
Dildarên xakeke nebedî bûn
Di şiveriyên çiyayekî de, vê berêvarê!

Arjen Arî

Arjen Arî - Hez (Bi Dengê: Emîr Siracedîn )

çîroka kûçikên birçî-

bê welat jî mirov dikare bijî
mîna kûçikan
mîna kûçikên bêxwedî jî
dinya welatê min e
mirov dikare bêje
mîna utopîstan
mina kûçikên utopîst
lê dema ku tu di ber kê re derbas bibî
pehîna xwe li te dide
biçî kû, herkes kûçikê xwe berra te bide
him tukes bêxwedîtiya te qebûl neke
him tukes li te xwedî dernekeve Û li seranserî cîhanê
hestiyên berateyeke bêxwedî jî tune be ku tu bikojî
wê demê belkî xwediyek û welatek ji te ra lazim be
ji bo ku tu kûçikyiya xwe bijî!

چیرۆکی سەگە برسییەکان - فەرید خان
لە کورمانجییەوە: ژیار هۆمەر

بەبێ وڵاتیش مرۆڤ دەتوانێت بژیێت
وەک سەگەکان
وەک سەگە بێخاوەنەکانیش
دنیا وڵاتی منە
مرۆڤ دەتوانێت بدوێت
چەشنی یۆتۆپیستەکان
چەشنی سەگە یۆتۆپیستەکان
گەر بە بەردەم ھەرکێیەکدا تێبپەڕیت
پێلەقەت تێ بسرەوێنێت
بچیتە ھەرکوێیەک، هەمووکەسێک سەگەکەیت تێ بەر بدات
سا کەس بێخاوەنییەکەتت پێ ڕەوا نەبینێت
کەسیش خۆی نەکات بە خاوەنت
و لە سەرانسەری جیھاندا
ئێسقانی لاکەتۆپیوێکی بێخاوەنیش نەبێت بیکرۆژیت
ئەوساکە ڕەنگە خاوەنێک و وڵاتێکت پێویست بێت
بۆ ئەوەی بە سەگایەتییەکەت بژییت!

ji Kurmancî bo Soranî: #JiyarHomer 
 Mûzîk: #kayhanKalhor & #ErdalErzincan 
 Xwendin: #EmîrSiracedîn 
Wêne: #Lhowell

Çîroka Kûçikên Birçî - Ferîd Xan (bi dengê Emîr siracedîn)

Emîr Siracedîn - Ebstraktêk Xemgîn

Music: @Mehmud Berazi 
Amadekirin: @RAWEZHISM 

ئەم گەڵایانە کە هەڵدەوەرن
لەتێکن لە جەستەی من،
لە زستانێکی درەنگدا دەپاییزێن.
لێرەدا گەڵا وشەیە!
لە مێشکێکی تەڤلهەڤ
لە زارێکی خوێناوڵەوە؛
لە من / لە ناخ‌ژانمەوە
لەم پلیکانانە قۆپەقۆپ دێتە خوار
تا لە چوارچێوەیەکی سپی تردا
وێڵ بێ بە دوای مانادا!

برینێکی نەپەنی دەمئێشێنێ
دەست دەباتە نێو دەمارەکانم
تێکدەئاڵێم و خوەزییە زیز بووەکانم
بەسەر پێستی ئەم وشانەدا دەڕێشمەوە.
خوەزی ئیرەییەکی ڕەبەنە؛
بە زمان / بە کات
کە نالکێن و ناسەکنن.

مرۆڤ ئێخسیری زمانە
یا زمان ئێخسیری مرۆڤ!؟
واتا ژانێکە دووپاتە!
دەبێ لە زەمانێکی گونجاودا،
زمانێک بدۆزمەوە لە ژێر باری واتا دەرمبێنێ،
تا لە چوارچێوەیەکی ڕەهاتردا ئەزم بۆ شی بکات!

من تابڵۆیەکی بێ ناوم؛
نیگارەیەکی ئەبستراکت،
هەڵواسراو بە ژێر و ژۆرێک،
کە هیچیان تەواوکەری یەکتر نین..
“سۆر” سوور دەخوات و “کر” زمانم دەگەزێ
سنوور د خەریبیا سەرێ من دە دزێن!
سنوور خەتهێلێن بێ واتە،
سنوور خەتهێلێن بێ داوی…
سنوور کۆچێکە نامانا؛ کە منم!

ئەز دبێژم هەر دەمێک بە زمان ناشرۆڤێ!
بە زەبری وشە،
واتاندن و بیچماندی ئەم ژانە
خەسارێکە بەم خەمە!
ئەم خەمە؛
پیتێکی نەبزوێنە لە ژێر زمانێکی بریندار.
ژ خوە “واتە” دۆرپێچاکرنا هەستێ ـیە
خەندقاندنا پەیڤانە د دۆرهێلێن زاگۆنیدە.
ئو واتاندنا ژانێ؛
سینووردارکرنا نەگۆتنێن ڤەشارتی.

نها چاوەڕێن چ ببیسن لە پاییزێکی ڕووت؟
خەمدرەختێکی بێ گەڵا،
لە بێدەنگی زیادتر،
هیچی تری پێ نییە!

سۆرمانجی، سۆرمانج، Sormancî, Mehmûd Berazî

ئەمیر سراجەدین - ئەبستراکتێکی خەمگین

سروودی جوانی - #شارل_بۆدلێر
وەرگێڕانی: #ئەحمەدی_مەلا
لە پەڕتووکی: گوڵی خراپە
خوێندنەوەی: #ئەمیر_سراجەدین
ئامادەکردن و مۆنتاژ: #ڕاوێژیسم

Charles Baudelaire - Sirûdî Ciwanî
Wergeran: Ehmedê Mela
Bi dengê: Emîr Siracedîn
ji pirtûka: the flowers of evil
Montaj û amadekirin:  @RAWEZHISM

Charles Baudelaire - Sirûdî Ciwanî

ciwan haco

من وشەم؛ وێڵ بە دوای مانادا

Emîr Siracedîn

Popular tracks