اشعار

اميره البيلى 💙

شعر

memo

its my song alone

حياتى

أميره البيلي 💚

اميىة البيلي

اميرة البيلي

كلمات : محمد إبراهيم

آداء : رباب محمد
https://www.facebook.com/roroo.lodaa

انا البنت اللى مرتبطتش
بعيل توتو فـ الجامعه
وقالو دى ماشيه تتنّك
وطالعه فيها بزياده
ولو جه واد يقول حاجه
تقول عيد تانى مش سامعه
ولو تهته عليه تضحك
وفـ الآخر تقول خلصت يا حماده ؟!
وعايشه حياتها مرتاحه
بعيد عن اى اى بعاد
وواثقه فـ نفسها جدا
مبتكلمش اى ولاد
وييجى واد ويتتلكك
ويحجز كرسى جمبيها
ويعمل فيها واد طيب وبرده خجول
وييجى الحيله فـ الآخر
ويطلب منّها الكشكول
وهيا فـ سرّها فاهمه
وتتحجج عشان يمشى
ويجى بعده واد تانى
يقول معجب ومبنامشى
وهيا لا هيا فرفوره .. ولا غاويه
كلام تيمو
دى بنت مخلّصه جدا ومـ الآخر
على قديمه
لا ناقصه واد يقول مشتاق
ويعمل فيها جامد بس
وشايف نفسه سى السيد
ويتحكم فـ فعل ولبس
كإن الواد خلاص يعنى
مفيش منه
وعامل فيها ميت راجل
انا اللى يحبنى لازم يكون عاقل
يجيلى لحد باب البيت
ساعتها هقول يا ميت اهلا
انا موافقه وكمان حبيت
ده دول اصلا عيال فافى وبتجلجل
عشان انا فاهمه مـ الأول
انا البنت اللى مرتبطتش
وقضّت وقتها سينجل

أنا البنت اللي مرتبطتش - محمد إبراهيم - رباب محمد

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

محمد أبراهيم - عشان أعيش

اشترك الان في الحساب بالضغط على زر متابعه 


يمكنك متابعتي على الحسابات الرسمية 
_____________________________
Facebook.com/mo7ammedkhalis
Instagram.com/mo7ammedkhalis
Twitter.com/mo7ammedkhalis
T.me/hodi_dev

عبدالله الهميم & جي فاير من قلبي.m4a


زي مج كاكاو قديم على رف بارد م الرخام 
زي سرب من الحمام فقد الديار 
زي المطر ف ازاز فيميه 
أو زي سهم بينطلق ناحية هدف 
ماعرِفْش هو اللي اتحدف 
ولا بإرادته اختار مابين أحلام بديلة 
زي باندا ،،،
أو أقل قليلا
ابدأ نهاري بضحكتي لله 
واحشد مشاعري كلها للفرح 
أمسك واتبّت ف اللي لسه معاه
واعمل كإني قد شُفيت م الجرح
أختار مابين لبسي اللي يناسبني 
واحط سهواً ف الجيوب ذكرى 
أمي بتغسل كل شيء جوه الجاكت 
عشرين جنيه مادفعتهاش ولا خدت بالي منها 
وَصلْ الايجار ، كارت شحن قديم خدشته ومارميتوش 
لكنها ،،،
بتنسى دايماً إنها 
تغسل ريحتها م القماش 
لو هي كانت دوّرت ، كانت هتلقى ف الجيوب أغنيتي 
هتلاقي بنت ف جيب قصاد القلب 
طلقة رصاص أثر الفراق المشترك 
بس احتراماً للشَرَك 
كان لازم أمي تسيبها للذكرى 
وتسيب لبكره ذكرى مانسيتهاش
زي باندا ،، 
كل شيء ليها انقرض 
إلا السجاير .. والمرض .. بالبرد والخوف والزحام 
باصحى وانام 
وكإني دوبلير حد تاني بالتمام 
وكإني باصحى عشان انام 
زي باندا بامُر وحدي ف الشوارع
باسمع موسيقى تردني ليها 
واهرب إليها تردني ليا 
كلمت صاحبي الصبح وعزمته 
" صاحبي اللي فاضل ف الحاجات الملح " 
اقسم معاه دخان سجاير ربما 
يعمل سما واعمل مراكب من ورق 
احكيله عن عمر اتسرق 
يشتمني بيا وبالوجع 
" لساك وسخ ، انا كلب أصلا اني جيت .. مانا كنت قاعد باشا مبسوط ف الكافيه ، رديت عليك علشان تنكد ع اللي جابني بشكوتك ؟ اشرب يا زفت ف قهوتك وتعالى نعمل شيء جديد " 
صاحبي اللي فاضل ف الوريد 
ظهر النهاردة ف صورة الدم بكثافة 
ضحك الطبيب وكتبلي حقنة مسكنة 
أنا ليا مين غير الصحاب والأمكنة ؟!
رتب صحابك ع الورق حسب الوجود وقت الألم 
واعمل خطوط تحت اللي فاضل منهم 
تحت اللي لسه بيفهمك ويكلمك 
تحت اللي لما بتنسى هو يفكرك 
تحت اللي غاوي يقدرك 
وان كنت عاجز .. يحضنك ككمنجة قابلت لحنها 
يولع كلامكم جنب حاجة بحبها 
انا كل ما اجي وافُك جسمي واعلقه 
ما قابلش جزء بصدقه الا الكفوف ف الضهر 
الا الضوافر وقت حضن مابعد شوق 
وكإني غيمة ومطرت على فوق 
وكإني باندا كل شيء ليها انقرض ولا زلت عايش لجل اكون عبره 
بما اني خبره ف أغنيات فيروز 
ولإني جداً أو لإني يجوز 
ولإني فعلاً م الفراق ادمنت 
أنا خُنت نفسي لما كنت اتخَنْت 
وحرقت بنزين رحلتي على ايه ؟
واحدة ف يناير ماشية ف الشارع 
خليتني ليه بصتلها 
ركبت ناس مركبتي ليه ؟ 
الكل عامل نفسه نوح ورماني وحدي للطوفان 
طيب عبيط صدقتهم من امتى كان الموج ضمان ؟؟
هو انتوا مين ؟
ومليتوا ليه كل الصور لما انتوا هتبيعوا ببلاش 
الكادر صادق ناحيتي والغلطة جاية من الفلاش 
هو انتوا مين ؟؟ وانا ليه حزين على ترككم ؟؟
انا ليه لقيتني باحبكم 
أو ليه لقيتكم م الاساس !
أنا باندا تعبت م الخسارة المفرطة 
بدلّت كل الراحلين بأغاني كانت زيهم 
القهوة فن اللاشفاء من حُب خلق كرهتهم
والروج بتاع البنت لساه ع الجاكت 
غنيت وصوتي ف المدى لاصوت :
خماره جسمك ضحكتك بيره 
يا اللي انتي ذكرى صغيّرة كبيرة 
مريّت عليكي كرسي مش مليان 
وشربت فنجانك يا ست الأوليا
كان السحاب القطن ممزوج بالنزيف 
سمّوه غروب وطاوعتهم ف التسمية 
وانا من ساعتها اتنين ف واحد باشربك 
باستغربك ...
ولقيتني باندا مهددة بالانقراض 
على افتراض انك بجد على افتراض 
وعلى افتراض اني بجد 
مابقيتش بتفائل بحد 
مابقيتش بتقرّب لحد 
عايش مجرد تكملة لشريط قديم 
مستني باندا ف عصر ما 
تؤمن بتوزيع الحياة 
وتكون كمثلي مهددة بالانقراض 
نقسم سوا الفنجان ف دهشة من البشر
دبّين ف عالم خالي الا من حجر 
وساعتها يمكن تبتسم فيروز 
والقهوة تبقى قهوتين بالوقت 
أنا كنت باندا بس صرت تمام 
أو هابقى باندا بس مش دلوقت .

باندا

عمرو حسن - جوابي الأخير

بلاش تمثيل عشان صياعتى و فشلى من غيرهم مكنش يجوز تحبينى

عمرو حسن وحشتيني

Walaa Jundi - Kol da Kan Leh | ولاء الجندى - كل دا كان ليه

Follow me : www.facebook.com/masriano07

مقطع من اغنية الموسيقار محمد عبد الوهاب - كل دا كان ليه 

قالي كام كلمة
يشبهو النسمة 
في ليالي الصيف 
سابني و ف قلبي 
شوق بيلعب بى 
و في خيالي طيف 
غاب عني بقالو يومين 
ما اعرفش وحشني ليه احترت ...

ولاء الجندى - غاب عنى بقاله يومين


مابتحبكش 
بتتعب ليه وتزرع أرض مش أرضك 
وليه سهران 
وليه قلقان ومش نايم
وليه قاعد وليه قايم تجيب ف سيرتها ومشاعرك تسيل ع الارض ! 
مابتحبكش والله
وكل اللي اتعمل بينكم حكاية وقت مش اكتر 
كلامك كله كان عادي 
ووردك مرمي ف الشارع من الشباك 
بتضحكلك وتبقى معاك 
وتحلفلك تكون وياك
وبعد ماتمشي بتسيبك تاريخ مهجور 
حكيت وياها عن نفسك فتاجرِت بيك 
واديها ياسيدي بتعايرك باسرارك وبعياطك قصاد منها 
تجيب سيرتك واخبارك وتسبكها بدموع عينها 
ولا صانت كلام بيبنكم 
ولا قدرت تراعي حتى حلفانها 
ياراجل ده انت علشانها 
بقيت واحد ماتشبهلكش
مابتحبكش
بتبني ف ايه ؟
بتنكر ليه كلام واضح كضي الشمس 
بقالك قد ايه مشتاق 
لواحده كان لقاها فراق 
وكنت معاها طفل كبير 
حكيت للكل عنها بدون ماتتكلم 
وكنت تشوفها فتسلم 
وكنت تشم بارفانها فتعرف دارها ومكانها 
وتعرف كل الوانها بلمسة ايد 
ادي العيل ف وصف العيد 
لا نفع الشاي ولا الحكايات 
ولا الاحلام ولا البدايات 
ولا الحواديت ولا السلامات
ولا الحرُمات
ولا حتى الكلام بينكم
ف اول لحظة تختلفوا تهين ضلك 
وتشتم فيك 
وتدعي عليك 
ولا بتقول ده كان طيب وكان فيه بيننا ضحك دموع 
ولا بتقول ده صان وجعي ولا حافظ على المجموع 
مسافة ما الكلام بيموت بتنسى كل شيء له أصل
وتترك للمشاع سيرتك 
بتعمل ايه ؟؟ 
ياخي والله عيب فعلاً 
عشان امك ياخي حتى 
عشان حلمك 
عشان لو شفت ف مرايه انعكاس صورتك ماتتعرِّش وماتوطيش 
يادنيا رخيصه مابتديش 
لواحد حد يستاهله 
يشوف الشخص لما يعيش 
نتيجة موقفه وجهله 
نصيبك وانتي من أهله 
هموم الناس مابتضحكش
مابتحبكش
شكلك زفت 
اديك وعرفت
ف ايه ردك ؟
كفايه خيابه من حدك 
كفايه سنين بتتسرسب عشان ولا شيء 
مافيش ف الدنيا حد يبيع وهو بريء 
مقامك وسط كل الناس مقام عالي 
ووزنك في عيون اهلك دهب غالي 
وروحك نجمه بتلالي وقلبك ناي 
رميت نفسك لقلة قيمة بس ازاي 
طلع خوفك عليها ف عينها ضعف شديد 
وقربت بمشاعرك بس هي بعيد 
خيالها مريض بناس عدّوا 
بتتلذذ ببيع وجعك على الرصفان 
وتيجي انت وبتسامح بأي ضمان
لا والأعجب بتطلع منها غلطان 
وتطلع حد مش شاري 
كإن العرض كان ساري يومين بالظبط 
لا منك غِبت ولا قرّبت 
وادي الأيام بتثبتلك وبالاوراق 
غلط نظري ف نظرك فجأة ع الأشياء 
قعدت كتير عشان تفهم وربك شاء 
تضيع أحلى ما ف عمرك عشان انسانه ماتحسكش 
مابتحبكش صدقني 
مابتحبكش.

شكر : ستديو زين داوود 

مابتحبكش

تانجو عربي

ياعاشقه الورد Sumaya-Baalbaki

Aah Ea Lalale آه يا لالالي

سلطان العماني_الله يوفقك2018

ذلك الوهم السخيف - اميرة البيلي

الغزالة - عمرو حسن

فبدأت روايتي الأولى
انا وقع فؤادي بالغرام 
وأحاول في ليلي أنام 
فبدأت روايتي الأولى 
بالحب عيوني مشغولة 
هل سبق وان عشق احدهم .. صورا
صورا بدموع مجهولة 
فقضيت ليال من هواك 
لازال فؤادي ما ارتوى 
لازلت أراك ولست أرى 
فبماذا سأبدأ يا ترى !
هل سبق وان هام أحدهم ؟.. بحبيب 💔
بحبيب دمه قد جري 
فأجبني بربك انقذني 
تسمعني ولست تكلمني 
ياروحه ما هكذا كنتي 
تشتاقك اروقة البيت 
هل سبق وان شاق احدهم
لملاك غاب ولم يأتي

|| فبدأت روايتي الأولى || محمد غندور ||

عيسى المرزوق | قنابل

إذاً .. مش هنتظر حتي يجيني اليوم وانساكم 💔 أنا عشمي من الدنيا أموت مرتاح بذكراكم ❤✋ عمرو حسن

إمبارح - اميرة البيلي

ميدلي سيد درويش: خايف اقول الي في قلبي، اهو ده اللي صار، زروني _ omar sakr

عصفور طل من الشباك -Shaymaa  Elgbaly

اشتقت لك - أميرة البيلي

إمبارح - أميرة البيلي من حفل ساقية الصاوي

النص دة عني - أميرة البيلي من حفل ساقية الصاوي

بحبك ليه - أميرة البيلي

شيزوفرنيا - أميرة البيلي

محمد إبراهيم - من وحي الهاند فري