قصيدة احمد سماعين (كاملة) عبد الرحمن الأبنودى(MP3_128K).mp3

للقصيدة كاملة والفيديو 
http://www.algakh.com/albums/%D8%B7%D8%A8%D8%B9%D8%A7-%D9%85%D8%A7%D8%B5%D9%84%D9%8A%D8%AA%D8%B4-%D8%A7%D9%84%D8%B9%D8%B4%D8%A7/

جديد : هشام الجخ - طبعا ماصليتش العشا

احمد فؤاد نجم والشيخ امام  عم  السيد

قصيدة البت باتعة للشاعر أمين الديب في حواره مع منى الشاذلي برنامج العاشرة مساءا

البت باتعة - للشاعر أمين الديب

عبد الرحمن الأبنودي ؛ العمه يامنه ... حاله

مختارات الأبنودي 1 -  قصيدة سوق العصر

مختارات الأبنودي 1 -  قصيدة يامنه

**أنت عايز نتاجر في المخدرات 
- وهي دي مخدرات ؟
**لأ !.. لكن ...
- لكن إيه يا أبوصلاح .. ده احنا هنثبت للدنيا كلها نظريتك لوهمية الكيف وهنحمي الناس من اضرار المخدرات وهنادي للمجتع خدمة قومية جليلة !
**جليلة !!!
- طبعا !
**بتسمي النصب والغش جليلة يا معدوم الأخلاق 
- احنا لا بنصب ولا بنغش
**أُمّال بتسميه إيه ده ؟؟؟
- تعجبني ! تعالى بقى نشوف ده اسمه إيه بموضوعية .. من غير انفعلات ولا تشنجات ... هنبحث الموضوع بإسلوب علمي و نناقشه  بالمنطق ونحلله ..
**نحلله ؟؟!!!!!
- طبعا ! عشان نحله 
**الموضوع ده مرفوض من اساسه ملهوش عندي حل ولا تحليل 
-الخلطة دي بتضر الناس لو تعاطوها ؟
**لأ 
- حلو .. يعني لا ضرر منها ولا ضرار 
**أيوه .. بس ده نصب وغش 
-لأ .. الغش هو التحايل على اعطاء صفة الجودة لشيء غير جيد .. احنا هنا بقى بنعمل العكس 
**العكس!!
- طبعا .. احنا هنا بـنعطي الناس شيء غير ضار في صورة الشيء الضار اللي هم متعودين عليه وفي نفس الوقت بنحميهم من الضرر !
**وبنسرق فلوسهم ..
- لأ .. بانخد تمن علاجهم ..وحماية صحتهم من اضرار المخدرات بالظبط يا اخي زي ماالدكتور بيخد تمن الفوزيتة 
**عايز تبيع كيلو الحنة بألف جينة وتقولي تمن الفوزيته يا حرامي !
-طبعا !! ..مااحنا منقدرش نبيع بأقل من كده عشان الزبون يثق فالصنف ويقبل عليه .. احنا مقيدين بأسعار السوق العالمية يا دكتور .. الله !!! 

فيلم الكيف - الداهلكة

يامنة - عبد الرحمن الأبنودي

جمال بخيت - قصيدة - دين أبوهم إسمه إيه

الشتا مش ليك
الشتا للي اتلفوا ببطاطين لابسين لكاليك
شايفين الدنيا قزاز في قزاز
المطرة ما توجعش اللي يشوفها من البرواز
المطرة رصاص لو جت في عنيك 
المطرة ف عينهم هم رذاذ
بس ما تتغرّش بالمكشوف
لِف من الناحية التانية تشوف
حتلاقي الواحد لابس صوف زي الحلّوف
ويقول لك ضهري ورجليا وداء الغضروف
واحنا اللي شقينا ف عز البرد جسمنا فاق
ماهو زي ما كان الدفا أرزاق
العفا أرزاق
واهي دنيا مقسمها الخلاق
ناس تدّارَى من المطرة وناس
واقفة بتتفرج في الشبابيك
الشتا مش ليك
.......
الشتا لو ما لقيش الحضن بيبقى مرار
بتحب الشتا على إيه يا حزين؟
وانت حيطانك من قش وطين
ولا عندك خل ولا عندك جار؟
ولا عندك حد يقيد في وقيد ولا حد يقوم يحمي لك نار
بتحب الشتا على إيه يا حمار؟
ده انت بتدارى في قولة آه 
وف كام ذكرى وتليفون مركون مش راضي يرن
خليك زي اللامؤاخذة ليلاتي تتوب والصبح تحن
بتحب الشتا؟ ياخي حبك جِن
شتا أيه اللي بيتحب ف وسط الفقر ووسط صوابع إيد سقعانة
المطرة عقارب بتقرّص في كعوب الناس الحفيانة
الشتا مش ليك .. الشتا للناس الدفيانة
أما احنا الشتا بيجيلنا هموم؟
حتجيب من فين حضن يدفيك وتجيب من فين للقلب هدوم؟
ماتقولش كلام مدهون بكلام
البرد بيفرش على أسفلت الفقرا زكام
ويولع شمع في أوضة النوم للبيه
لما انت فقير .. بتحب الشتا على إيه؟
على رعشة جسمك وإديك اللي في جيب مقطوع
برد الفقر وبرد الغِنَى مش نفس النوع
ياك فاكر نفسك (كاظم الساهر) بتصور بقميص مبلول؟
المطرة سيول بتهد بيوت مالهاش أساسات
والله انا شفت بعيني الموت حكايات حكايات
فيه بيوت مسقوفة بجذعين نخل ودروة هيش
سبحان الله
بيجيها البرد يوماتي بموت 
وقادرة تعيش
......
كل الذكريات الصعبة كانت في الشتا
أول ميعاد .. ساعة الفراق .. آخر لقا
كأنه فصل مخلوق للشقا
فصل الوجع والذكريات .. فصل الدموع
فصل حرمان.. فصل جوع
أي ذكرى بتوجعك حتلاقي فيها من الشتا
يا إما مطرة .. يا إما برد
يا إما ليل طولان ساعاته تمد مد
يا إما قلب في الطريق مادد إيديه يشحت محبة أي حد
الشتا من دون فصول كل السنة
بيسكت الطير في السما 
ولا تلقى عشاق في السكك ولا تلقى ورد
لونه غيم وصوته رعد
الشتا عتمة تدوس ع الناس ومش عاتقة
حتى الفواكه في الشتا حادقة
حتى القمر بيختفي ويخبي إحساسه
سيب الشتا لناسه
أحنا مش ناقصين وجع
الشتا بيدفي بس المعشوقين 
ويغفّل وشوشنا ويرسم التجاعيد
اللي بيحبوا الشتا ماشيين ورا الوهم السعيد
وانت حتى الوهم مش عايز يصاحبك 
إيه اللي جابك في القصيدة من أساسه
مش قلت لك سيب الشتا لناسه
.......
يا شتا
أحلى ما فيك لمة القصعة ولسعة القالوح في النار
وأمر ما فيك الانتظار
كان ممكن امدح فيك لو كنت خليتها
طلعت لي لسانك مع كل لسعة برد 
وكل لحظة وجع
وبنت حبيتها
خلاص يا عم الشتا ما تزقش الأبواب
الشاب شعره شاب
وماعدش يقعد بالحمالات في البيت
فاكرني ولا نسيت؟
أنا اللي كنت زمان بفتح قميص الخلا صدر ودراع مكشوف
أديني لابس صوف
بتدارَى م المطرة 
وباقفل الشبابيك
الشتا مش ليك

البت باتعة - للشاعر أمين الديب

Amr Abdel-hafeez