ملوك اللعبه 

الكلمات

من خلف القناع بقولك احذر 
البشر عايشن لمجرد مظهر
بيخدروك بمسكن عشان مصلحتهم 
وقت ما الحاجه دايما بتظهر 

يا تعيش معانا ع نفس الحال
يا اما لوجدك شيء محال 
ازازه بيره ممكن تقلب دماغهم 
ويكونوا في صفك وقت الحاجه 

ساعات بنسوق في الغلط : عشان الظروف محتاجه فلوس :
مانت لو معملتش كدا؛ هتتقلب عليك النفوس 
غلطه واحده في دنيتنا ممكن تخسرك كل شيء
بس المكسب قادر يخليك ع اعلي قمه المستحيل 

يابني الخوف في مجتمعنا مالوش مكان 
زمان قالو عليه انظف انسان 
ضحكو علينا لما قالو خليك في حالك 
لتكون زيهم والناس تقف ضدك وتكرهك 

فتره مجتمعنا اتبنت على الفلوس معاك
فلوس تتكلم معكش يبقي تتكلم ع قدك
دنيتنا زي الدوامه كله بيصارع فيها 
يا تعيش بقلب جامد يا تدفن تحت ترابها 

الناس بتنفذ خطه؛ والضحيه ممكن انت
لو مفكرتش تسمع كلامهم هتكون ميت
هيعملوك كأنك موجود بس في نظرهم شبه احتياطي 
هتكون ارجوز بيرقص ع المسرح عشان للأوامر قاضي 

يا تطير وتفرد جناحك ع الكل يا تعيش راكع وسطهم
هتلاقي الضرب في كل حته لو فكرت تمشي عكسهم 
ياما غيرك حاولو يمشو في طريق مفتوح وسهل 
بس دول تعابين سهلو ليك الموضوع عشان الصيد 

علي صوتك متخفش من اي حد 
هيخافوا منك ويعملوك الف حساب 
الكل هيمد الايد عشان يكون ليه نصيب
دي الحسبه متقسمه بالتساوي قبل الوجود

يابني الخوف في مجتمعنا مالوش مكان 
كان زمان بيقولوا عليه انظف انسان 
ضحكو علينا لما قالو خليك في حالك 
لتكون زيهم والناس تقف ضدك وتكرهك 

قنبله مسيله للدموع رميتها وسطهم 
عشان يكون ليك في الحسبه نصيب 
فتحت ليك باب من ضمن الأبواب 
يا تفهم رسالتي يا تعيش زي الغريق 

بالمختصر المفيد
في ناس كانت عايشه في مستقنع الفقر 
دلوقتي بقت فوق عشان اتجهت مع الطيار 
في ناس مكنتش تسمع عنهم ولو للحظه 
بس فجأه اكتشفت انهم ملوك اللعبه 

عايشن حياتهم والعالم بالنسبالهم لعبت شطرنج 
يا تكون الملك فيها يا تنسحب من الصف 
البقاء للأقوي والخسران مالوش مكان 
عشان وجودك وسطهم معناه انك كسبان 

هسيبك تختار طريقك وتفكر تلعبها صح 
امسك ورقه كوتشينه وخليك زي الديناري 
فكر ازاي تكوش وتلعب عشان توصل صح 
يا تسيبك من كلامي وتعيش مدفون وانت حي

Melok El L3ba - ملوك اللعبه (Amr Ahmed)

Amr Ahmed6