‫مشروع ليلى - تاكسي‬

‫مشروع ليلى - على بابو‬

▶ ‫مشروع ليلى - للوطن‬

مشروع ليلى - ألبوم رقّصوك
Mashrou' Leila - Ra2souk 2013

03. Mashrou' Leila - Ala Babo / مشروع ليلى - على بابه

ناصردين الطفّار - ناي 
انتاج موسيقي : جواد نوفل "مونما
مشاركة صوتية "مقدمّة الأخبار" دانا مهاجر
تصميم الصورة : محمد السعودي



حققت قواتنا الباسلة انجازاً نوعياً جديداً في مستعمرة حمص ، حيث تمّ القضاء على الطفلة ناي ، بعد معركة شرسة امتدّت حتّى صباح اليوم الجمعة .. مزيد من التفاصيل من ساحة المعركة مع مراسلنا المأجور تضليل اعلامي ، تضليل ... تضليل

بحمص خلقت ناي من الطفولة ارهابية
منّا طفلة زغيرة هاي مندسّة قطريّة
مش عم تبكي لأ بدها قوّة دولية لتعلّما الحكي يعني الكذب
- بالمختصر -
مش سوريّة ناي هويّتها مزوّرة
بوها اسرائيلي مسقط راسا انقرة
اللهاية اللي بتمها مغطّسة ببترول
يوم الخلقت ورتّوها بالعراق حقول
صح شكلا بنت لكن هيي مخرّب
هيي و عم تدبدب للقاعدة بتقرّب
زغيرة بعدا يعني الله مدري شوّي
و مع هيك يخي تأكّد انّو ناي طائفيّة ..

اعزائنا المستمعين نعتذر عن عدم الدقّة في ما ورد في المقطع الأوّل فهو يندرج في اطار غسيل الدماغ الذي يمارسه اعلامنا العربيّ دوماً لتحويل الضحيّة الى وحش كاسر .. ناصردين ، الهواء لك .

بحمص خلقت ناي من الطفولة يتّموها
قتلو أبوها جنود شكّوا انّو حرّ
اني حرّة اوّل كلمة ناي نطقتها
كتبتها عكرتونة هيلكوبتر حرقتها
لعبتها سمّتها حطّين
و فستانا بعلم فلسطين
قتل خوها الأسد قتل اختا التكفير
و راحت ناي بين جرين حريّة و تحرير
حلمت تكبر و تصير محامية لامعة
طحن حلما جنازير دبابة ممانعة
كل الدني يخي اتفقّت عناي
كلّو نهش لحما دمّا ارخص من الماي
توحّد سيف الحاكم و الكافر عرقبتها
خبّت ثورتها بالقصير دفنتها

كان هذا كلّ شيء حتّى الساعة..نشكر لكم حسن المتابعة و الى اللقاء

Naserdayn L Touffar - Nay (PROD. MUNMA)

اوم فسر لك كيف بعيش .......................
بنذل لفرن مناقيش بالوطن
 بس لانى لابس ريش
 بكل كف باكل تلطيش بالوطن
 روح اتشكى للبوليس
 عن السرقه عن التهميش
 روح يا وطن
 ما بيسمع بلا بخشيش
 مشغول ببيع الحشيش للوطن
 بيحكوك عن سويسرا الشرق...................
 ما بظن جنيف عاصمة الحرق
 ليدواليب  بالطرقات 
وعطلانين الطرقات
 واللى رسموا الدستور
 بيرجعوا من الغبور
 بتشوفن على ملصقات
 عم بيعملوا شيعارات

مشروع ليلى - قوم فسرلك كيف بعيش - للوطن2

Photo by: Caroline Tabet

تحت
أيام بترك حالي تحت
بعرف كيف بطلع عقلي بس ما بكون ارتحت
تحت فتحت للضباب باب للجليد سرداب
مش اكتئاب قفز مظلي وفوق راسي كتاب
سميها التهاب دوري لغدة الروح
لما عدة الصلاة إنك تعدد جروح
بكتب عالحيط: انتبه، إن الأشياء أقرب مما تبدو في المرآة
رماديات شفق، حساسيات عبق، تجليات ورق
قلب زحط عالمعدة من كتر ما العصب خفق
حفر بالعضم نفق واصل جلدي بالفراغ رائد فضاء
بالكون الداخلي معلق برسن براق إسراء
إصرار عالإبصار جفن جبين ومسمار
تجميع أثر نواة بعد مسار إنشطار
سالب وموجب وللفصل إعصار
فجر طاقة بعدها النشاط صار بخار

يا صاحب الألوان اتركني بالرمادي هادي
من رمادي بادي سكة اشتعال الإعتيادي

تسكين أول حرف كالمغاربة
تكوين هامش بعد عن قوالبي
قواربي احرقها مرحلياً، فيه صمت تحت المي والقاع مش مبين
والسطح بدم مزين بدون هدف معين
سيان بين ريان وغيان
وشتان بين الهدوء ببالي والروحاني الإنعزالي
قالت إلهة الصمت الحب بصوت خلخالي
عالرنة ياللي بتبقى رغم الصمت اتكالي
بالعتمة بتبقى هالة
من برا أي حالة برجع بتعرف عحالي
والدولة والعيلة والمجتمع والدين
كانوا عصدري قاعدين قبل ما تشرحه سورة
تركت المؤسسات قبل ما يخترق سورها السما
يبتلع وهمها الحلم ومن زماني انحرم
مش سحر شرم برم
بل توجيه أعصاب: ياللي بتعمله بيعملك، ياللي بتملكه بيملكك
وكل جزء منك بيتمسى بيتسمم
بين صفاتي بتسلل وبتعلم اتحمل
ضغط الظروف المحيطة بدرع الحياة البسيطة
لحد ما يتجلى: فكرة بتستاهل كلمة، كلمة بتستاهل عقل
فيه راب أفكار وفيه راب جمل
ما برش أمل عجرح ما اندمل
فتش عالدوا، بعصر الهوا وبرده ألف مقصورة قبل ما انكوى
مندس بلون باطون تما انشاف بعيون
ايام بشبه ركام غزة حتى قوم
لا شؤم بوم ولا هلوسات هدهد
لا لهفة كلب ولا قوقعات قنفد
كل الروس الحمرا هيدي بكرا بترجع تبرد
فمش رح ينفع تركض
بلش من قبل، أسس من تحت
تحت، أيام بترك حالي تحت

يا صاحب الألون اتركني بالرمادي هادي
من رمادي بادي سكة اشتعال الاعتيادي
.....

تسفيه مش ترفيه
تسخيف وتتفيه، يا بيطفيك يا بتطفيه
لو تعرف بس حشيشك شو بينحط فيه وسألت مين المستفيد
مينا استشهد بماسبيرو، سم ممنوع المس فيه بس فيق
بغطي إعلان البيرة بشوف المش بصفي
وبصفيه، كونه أراؤه بتصفي محصورة بالبار والإفطار
وبحرض شعبي المؤمن هو اللي عليه بيكفي
يا ريت تجيبه ليلى، بركي بتقرالي كفي، عوجها
هي مجرد قجة حولها حية ملتفة
تنبؤات لتغفي، 
ولو بكرا مكتوب ما بدي ياه عرفي
إغراق بالمشهد والحرق ما بيدفي
تشتيت للمخ ورا التشبيك متخفي
تشتيت نضالك، تقطيع أوصالك
متل قطاع وضفة
ترويض شهواتك فاخترعولك عفة
تتشوفي الكون من قفة
وتقفي معاني القصيدة
شعرك كله تصيري تقفي
عوزن مألوف، هيدا عوزنا المعروف
حفل اغتصاب بزفة
والأعمى داير دفة 
والدواجن مصتفة، والكاس عميدور كل دجاجة تاخد شفة
حتى ما يصيهم هلق لما نوصل عالحفة
وانت حامل سطح مراية ونازل عم تحف فيه
في موقف فوق مجازر شاغر يالله قرب صف فيه
طيب والجريح؟ ادعيله الله بيشفيه
وشفلي العريفي كام عار فيه؟
مش عاجبك طب شرفي
ناقشي وما تحرفي
اللي بقوله أنا حر فيه 
وعرفي كل يوم من أهدافي عالواقع جيب غرفة
فما تحطني بدرفة تمني تلاقي صرفة
والسؤال المطروح ما تضطر تقر فيه
هروب كاسة شاي من رشة قرفة




الراس و مونما - تحت/شاي بيقرفيه

Their lies - my break down……

من موقع مذنب بحكي معك كوني جبتك الأناني أني طمعت إسمع كلمة يبي بتم بيكاغي
هيدا البيت مو لإلنا فما تبقى فيه
بوك العتّال خرّيج ما تخجل فيه
بمدرستك اصحى توقف عالنشيد الوطني المسروق بعصن و غنّي بطل الريف
أوّل قبض جيب كتاب التاني فرد يبي، أتخن منطق قدّام دكّة فرد غبي
إصحى تصدق البقلّك العدوّ بس إسرائيل منّا دولة بكلّ واحد إسرائيل
إذا الظالم إبن عمّك كون للغريب سند كوني بشوف حالي فيك إنت ناصر
جيب مال يبي بس حتى تصرفه، تعرّف عالغني يبي بس حتى تسرقه
إصحى تعطي ضهرك للي خلق بتمو الدهب بالكيماوي علفو و إنت نضيف إبن الأرض ضل
و البيشوف بعين وحدة شوفه بالخمسين و اللي بيرفع صوته عليك خرسه ليوم الدين
إبن الدولة إبن كلب لحتى يثبت العكس
كل مظلومة أمك أختك مو بس بالهوية العرض .. يبي

أمك ما عملتك بس قبلك عملت بوك تعلم منها تشوف بلا عيون تعلم كيف بكلمة فيك تهد السور كيف بشعرة تتهدى وتطوف كيف الخوف تعوف كيف تخلي الصفر الوف
مين قال يبي اول مرة ووين كان؟
قبل ما تصير عنا هون بوك مين كان؟
كل حزب مقبرة للفكر لا تنتسب
كل نايب مدعسة للإجر لا تنتخب
و الفينيقي اصله لما تشوفه قلّه أصلي محمد درة فصلي خالد أكر جدي احمد قصير
خاطر متل ابن خاطر يبي عمرك قصير
كل ما يقسى الدرب دخّن و طير
يبي

لا تمسح صبابيط حى توصل، قص اجرين
ابن العين ما في عنده بس عينتين، اتنين
بين الأمر والنصيحة نقي
اشتغل حتى تربح لا يشنقك معاش شهري
يا بتكون تور من اولتك يا بتنطح عبكير هون اسطبل بقر يبي ما في كبير
تعلم تكره اللي بيكرهك، اللي عل يمين بيضربك
ضيعو بين كفوف اليسار واليمين
يبي .


الأغنية صدرت ضمن ميكستايب "كلاسلكي"، إنتاج أخوك الوتر
2015 - ناصردين الطفّار

يبي - بو ناصر الطفّار - موسيقى وتر

خير الشغب . ناصردين الطفّار و السيّدر درويش
إنتاج : Hello Psychaleppo
تسجيل  الرّاس - 2015
Artwork :Hello Psychaleppo

كلمات "خير الشغب" :

لا تنوشل أو تفتكر خبرية موت الملك كذب
مشّي الزجل لنحتفل نترقوَص عنشيد الحزب
بكي من فرح، كلبك سرح، نام بفلا مات الذئب
صار فيك تقول مات أخي، الناضل عالدرب و ما ضلّ
فيك تبادر تنتخي، الضالل للأبد ما ضلّ
فيك تلبّق ألوانك صار فيك تفرجينا سنانك
فيك تقول أني إلى أني معي أني مني فدا صرماية حدا
بطّلت الكلمة تربطا، فيك الجزمة ترفضا
فيك تقول أني مع أني ضدّ و يلعن كلّ شي و كل حدا
ناطر هالتراك من سنين، دروبش و ناصر دين، عموسيقى مريضة نزفّ الخبر لحلب و حمص و العين

ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد
ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد مدد مدد مدد.

خير الشغب - بو ناصر الطفّار و الدرويش Prod. Hello Psychaleppo

أولاً سنة حلوة يا جميل 
ثانياً الليل حيكون طويل
قول لإمك ما تخاف الملهي علي بُعد رصاص
ثالثاً إلبس الأسود و إنزل 
عالماً بس تتلُچ فوق التلال
بيصيروا الصٌبيان رچال مغاوير بعاصمة الليل 
علمونا علي الملعب نلعب عصابات 
شوب شوب قوّصوك شوب شوب قوّصوك شوب شوب قوّصوك
كِنّا سوا عم نتسلّى وينك أختفيت 
شوب شوب قوّصوك شوب شوب قوّصوك شوب شوب قوّصوك
رابعاً ما تحكي مع نسوان علشان ما نسهر علي الجثّمان
هون الست بس مقياس لكرامته قدام الناس
غالباً في طبنجة بچيابه علشان الصبي إبن بيّه
وهون ما حدا بينطال أدونيس ضحيّة الأدغال


Mashrou' Leila - Maghawir / مشروع ليلى - مغاوير

Mashrou' Leila - Falyakon مشروع ليلي - فليكن

Mashrou' Leila - Bent Elkhandaq مشروع ليلي - بنت الخندق

Prod. El Rass

حم 2017

"يا راحلاً وجميل الصبر يتبعه 
هل من سبيل إلى لقياك يتفق" 

قد ما فيه اشباح بالذاكرة ضاقت حارة الاحياء
قد ما داق القلب فراق بقضي وقتي عم اشتاق
 ولا وجه بنساه ورا فكرة بُعد بنساق باستاء
بيقرص بطني بهرب عبستان سري
حامل مفاتيحه عابس ليه؟
حبيبك عار دماغك تلافيفه 
حابس ليه خيالك بكوابيسه؟
ما بجرب انساه، لا
بفتحله قلبي أبد والقلب عيلة مفرطعة بتلتم لضيوفها
بتتعالى عظروفها
صلة الرحم ونواميسه
سأله الشاعر شو معيار الشوق
قال بريختر بنقيسه
لما بعيدك يزلزل قريبك

هيدا عتابي عحالي مانه عتابي عحدا
هني قالوا لا تقرب وانا مصمم آخذها
هيدا عتابي عحالي مانه عتابي عحدا
هني قالوا لا تقرب ماني تابع لحدا

فعملت متل اليابان عمرت بنايات علاقة
بتتمايل ما بتنهدّ بهزة
احمي السكان من الشوق 
وامنع الخوف يدفعني للهجران 
ومن كتر تقل الحب يرجعني عالعزلة
صرت استبدل وحدتي بعشرة الاشباح
كله حروب الجسم فبنسلم عالارواح
رحنا اخترعنا كلمات واقع معناها مش متاح
فبنحب الرايح رايح تنحافظ عالمفتاح للخيال
بعرف لمين حنيني
أسماء ترددات رنيني
لا مش مؤسسة الحب ديني يعني الملقى ما بيكفيني
محبتكم عهد والفرقة ما بتعفيني

الراس - أشتاق

مشروع ليلي—معاليك

بدي انفي يكون اصغر من انفك
بدي وجهي يكون احلى من وجهك
بدي قلبي يكون اقسى ولساني يكون ارقى
بدي تيابي تكون احلى وجسمي يكون اقسى

بدي كون الطف منّك انضف منّك اظرف منّك 
بدي بكل شي كون احسن منّك
بدي كتبي تكون اصعب وفكري يكون افهم
بدي آخر كلمه بالحديث
قول اني منيح

Mashrou' Leila - Falyakon مشروع ليلي - فليكن

Amr Ashraf Edriess

Recent comments

RA

RA

RA

شَمْس

Related tracks