مصطفي ابراهيم

تفرانيل بشكل تاني

الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.

شعر : مصطفى إبراهيم : الصورة قصادك


مين فينا عارفك يا رب و مين فينا لأ
مين اللى فينا لو قال بحبك قالها بحق
واحد بدقن بيقول حلال و يقول حرام
وللا فواعلى أرزقى شادد الحزام
وللا خمورجى استسمحك قبل أما نام
وللا عيل لسه معرفش الكلام
وللا حاطلع انا اللى عارفك
انا اللى تايه ف الزحام


تايه في الزحام ,, مصطفى ابراهيم

البالونه - مصطفى ابراهيم

شهيد الثورة - مصطفى إبراهيم

قالولى زمان - مصطفى ابراهيم

لقد فقدنا كل شيء في الحياه ولم نعد نملك سوي الموسيقي واستنفذنا كل الكلمات يمكن الموسيقي تلهينا شوية عن المشاكل اللي احنا فيها 

تفرانيل بشكل تاني

Amr Invent