طبعًا غريب ان اول حلقه تكون هي *تتر النهايه* بس اصلهم كانوا دايمًا بيقولوا كل نهايه هي بدايه جديده وو … مش مهم ، مش  مهم هما مين وقالوا ايه 
ما علينا ..
كل حاجه ف الدنيا مهما كانت مسيرها لنهايه اليوم الممل ال بنكون متكدرين فيه ع المكتب ف الشغل ومستنيين نمشي هيخلص ، وبعده الأسبوع  ال برضو هيخلص ، واخيرًا الشهر ال بنعمل عليه ميمز قاااد كده ده كمان هيخلص .. والمرتب ينزل 

حتى الوقت الحلو مع اهلنا وصحابنا وحبايبنا وال بنكون مبسوطين فيه وعايزين الوقت  ميمشيش  والثانيه تبقى ساعه واليوم يبقى شهر .. ده كمان مسيره يخلص ومش ده المهم .. 

المهم، 

هو ازاي نعيش دلوقتي … اللحظه دي نحبها ونكون ممتنين ل حلاوتها ال بتصبرنا ع الدنيا وصعوبتها ال بتعلمنا حاجه جديده عن نفسنا وعن العالم ..

اصله النهايه كده كده جايه ودي الحاجه الوحيده ال لازم نكون متأكدين أنها هتحصل ..
النهايه مش شئ سئ ولا البطل الشرير ف الفيلم والروايه ..  النهايه دي ، بتيجي عشان تقولنا كفايه كده .. 
ساعات عشان تفوقنا ، وساعات عشان تعلمنا درس وساعات عشان نرتاح وأوقات عشان تكون فعلًا بدايه .. بدايه جديده
بدايه لإيه مش مهم ، بس عشان ترتاح سميها  حتى بدايه لما بعد النهايه 🤍

.

المزيكا والاغنيه " شمس" ل لوكا والبطيخ

https://open.spotify.com/track/5otZtBarRKp8UzuddarcV9?si=dXR70D9qSAiCKUxDwvGQ9Q

تتر النهايه.

أشتاتا - ثريا حلمي

I wish I had words, man.
I wish I had words

أشتاتا - ثريا حلمي

Amr Khaled Shaboon